LeeLaksa

營業中

休息中

吾值，尤其是星期六日要3點至有下午茶哩間都系系媒體報導介紹，跟住睇埋open rice,覺得都值得去試下午茶(下午茶差不多午餐的八折)，但星期日去到，先發覺星期六日要3點後至有，但既然一場來到，咪都試下。味道(2分)海南雞飯($88)2分—用最好味的勇記做標準，哩間最多2分— 擺盤吾吸引— 就算部分雞腿肉意吾滑同🈚雞味。— 雞油飯亦食吾出香味。— lemon grass orange tea 就好似一杯糖水巴東牛肉($85)2分— 牛肉質感都可以，但個醬汁吾夠香辣，但都可以有三分— 但杯馬來拉茶真系飲茶拉茶以來覺得比較差，無茶香味，吾夠濃，得個甜字，最後拉低個餐分數。環境幾舒服，遊客同外國人都有，但吾嘈。waiter 們都比較忙，吾知道系咪咁影響到脾氣態度都吾多友善同急。

今日同皮姐去完文武廟 落咗樓下食下午茶呢度環境以木系裝飾為主 成個感覺好舒服喺港島區食嘢價錢嚟講算平呢 仲包嘢飲添店員嘅服務態度好 而食物質素性價比都高-Tea Set-Singapore Laksa ($62)新加坡喇沙 ($62)賣相好邪惡 對中意食嘢嘅我嚟講份量好足喇沙嘅湯底濃郁且鮮味 係我接受到嘅辣度配料好豐富 有切片嘅魚蛋蝦肉蛋同洋蔥片仲有豆卜吸收咗湯底嘅精華 食落口感一流-Hainanese Chicken w/ Rice ($68)海南雞飯 ($68)係我嘅最愛啊 單睇賣相就已經流晒口水啦泰式海南雞同埋油飯 簡直係完美嘅配搭啊配上海南雞嘅三色醬 黑豉油薑蓉同辣椒醬每塊雞肉都好嫩滑 如果可以無骨就加分呢-Baked Scallion Cakes w/ Curry Sauce ($52)烤馬來蔥餅 配 咖哩 ($52)有兩塊大大嘅蔥餅 食落有香蔥味 口感好酥脆而咖哩嘅椰香味濃郁 夾埋一齊食 簡直係絕配-Grilled Pork Neck ($65)參峇醬燒豬頸肉 ($65)份量估唔到比想像中多 正呀賣相好吸睛 咬落爽口又多汁真係好食 食到停唔到口啊喂配埋參峇醬汁 真係好惹味哇

上環新加坡菜之喇沙好推介🫶1. 新加坡喇沙 $82淨係望到個賣相已經覺得幾靚仔 食落都幾香椰味 相對唔算太辣 唔食得太辣嘅朋友仔都食到 如果想再辣啲 可以自行再加辣醬 而個麵又好索湯 咬落又幾煙韌 幾特別 餸方面又有好多 有魚蛋 魚片 蝦 豆卜 蛋 通菜 芽菜等等 十分豐富 2. 李派海南雞飯 $88海南雞份量都唔少 食落雞件又幾滑嫩 唔乾唔嚡 雞皮厚身啲 所以雞味同雞油香都出啲 油飯正常 3. 斑蘭咖央多士 $28個麵包烘到好香脆 薄身又扁身啲 所以食落中間個咖央醬同牛油會出啲 仲有四件 都幾抵食4. 美綠恐龍 $32十分濃郁嘅朱古力美綠味 飲落都幾smooth 唔錯5. 香茅青檸蜜 $28十分清新 refreshing📍 LeeLaksa 上環皇后大道中302號地舖

外國人都食的上環地道新加坡風味喇沙，晚市坐無虛席‼️‼️- 新加坡喇沙 🍜🐟🦐 一碗喇沙上枱，香味已經撲鼻而來～🥰椰奶同喇沙醬嘅香氣濃郁，湯底好creamy，辣度啱啱好，唔會太嗆，但每一啖都係滿滿嘅香料味～🌶️湯底仲帶有啲鮮蝦同魚片嘅鮮甜味，簡直係一口暖胃一口滋味！🦐米線煮到啱啱好，滑溜又掛湯，配料豐富，仲有魚蛋、豆卜同半隻流心蛋- 炒通菜（馬拉盞）🥬🌶️ 炒通菜係一個簡單但唔容易炒得好嘅菜式，呢度炒得火候啱啱好，通菜鮮嫩翠綠，冇一啲焗水味～💚馬拉盞嘅香味濃郁，帶少少微辣，勁惹味！✨鹹香味啱啱好，唔會搶走通菜本身嘅清甜～🥢呢個真係好送飯😋- 斑蘭咖央多士 🍞🥥🍃 呢個係甜品迷一定要試嘅！💚多士烘到金黃酥脆，外脆內軟，夾住滿滿嘅咖央醬，香甜又唔膩～🥰咖央嘅椰香味勁突出，仲有少少斑蘭嘅清香，甜得啱啱好，食完有種幸福嘅感覺～💛- 燒牛柳柚子沙律 🥗🍊🥩 牛柳燒到外層香口，內裡軟嫩，肉質鮮嫩到不得了～✨配埋柚子嘅微酸果香，好清新，完全唔會覺得膩！🍊仲有啲花生碎同酸甜醬，口感層次豐富得嚟又健康，一個字，清爽！📍地點：LeeLaksa (上環)上環皇后大道中302號地舖

餐廳主打新加坡菜式。門面都幾sharp，幾吸引。下午茶時段幾抵食！新加坡喇沙$62喇沙就係純米線底，配好大隻蝦，仲有好多豆卜、魚蛋、魚片、溏心蛋。湯底亦惹味十足椰汁味香 creamy👍半熟蛋配咖央多士$48多士烘得好香，厚厚咖央醬同牛油，呢個配搭比例好好味！星洲香辣炒飯$76係香辣咖哩炒飯，炒飯有雞肉、蝦肉、豬肉鬆，香料惹味，仲有兩條雞肉串燒。蕃茄青瓜解辣解膩。下午茶包野飲，飲品都好正！有南洋咖啡/馬來拉茶/桔仔話梅冰/香茅青檸梳打/椰青等等。馬來拉茶好飲！推介！

真係好喜歡這間餐廳的下午茶套餐，假日要三點後才有，所以待到三點才來吃。每款套餐都有飲品，加$20有椰青。另外，他們的怡保芽菜非常大碟爽脆，也是我的最愛。我們分別點了三個下午茶套餐：巴東牛肉配米飯柔嫩的牛肉在香料濃郁的椰奶醬汁中慢燉，香氣四溢，每一口都充滿東南亞特有的辛香與溫潤。伴碟的花生、小魚乾和青瓜爽脆。新加坡喇沙 濃郁的椰奶咖哩湯底完美平衡辛辣與鮮甜，搭配滑嫩米粉與彈牙蝦仁，還有新加坡魚丸魚條、豆卜和雞蛋，非常滋味。大蝦青木瓜沙律 爽脆的青木瓜絲與鮮甜大蝦碰撞，佐以酸辣甜的醬汁，口感層次豐富，清新又開胃。

好友約我去位於上環皇后大道中302號地舖的 LeeLaksa 食下午茶餐，環境舒適，坐得舒服。我和好友都點左個 海南雞飯 $68，另外點左個 大蝦青木瓜沙津 $68，牛油果五色米紙卷（素） $56，飲品係椰青 $20（跟餐），凍桔仔話梅水（跟餐）。海南雞飯賣相吸引，雞肉嫩滑好味；大蝦青木瓜沙津份量不少，兩隻開邊大蝦的蝦肉結實彈牙，沙律醬有少少辣，幾惹味；牛油果五色米紙卷共有6卷，配芒果醬，好好味；桔仔話梅水好清爽好飲；新鮮椰青好鮮甜。

之前上環返工時已經成日食呢間午餐，每次最難忘其實係佢杯馬來拉茶，但其實佢既食物都係好食同時高性價比，而今次第一次試晚飯味道依然都很不錯值得推薦比大家。———————————————🌟 燒牛柳柚子沙律 ($118)呢個沙律非常出色，先講燒牛柳燒得非常香而且熟成度岩岩好，牛柳本身味道都好味肉身仲好腍，完全唔會食到有筋。面頭仲淋左d酸酸辣辣既醬汁，非常好味。至於柚子份量都多，柚子亦都好新鮮同夠多汁，作為開胃菜一流。🌟 馬拉盞炒通菜 ($72)炒通菜炒得夠鑊氣，啲馬拉盞味道香濃之餘，又唔會過鹹，份量仲超足。🌟 馬來炒貴刁 ($128)呢碟貴刁簡直係馬來風味既代表作！炒得香口乾身，材料十足，包括蝦、魷魚、臘腸、蛋等等，每一啖都滿足感爆棚。🌟 馬來拉茶 ($28)如題拉茶真係必試，茶奶比例勁好，入口滑得黎唔會太甜，而且個馬拉茶果種獨有香味非常出。我個人係有叫少甜的，少甜味道岩岩好推薦大家都叫少甜。🌟 熱情果芒果沙冰 ($36)水果控必試～酸酸甜甜既口感，芒果同熱情果味都夠曬濃，值得推薦👍🏻

心思思又想食海南雞飯😚朋友介紹我黎上環嘅LeeLaksa🤓李派海南雞飯拼白胡椒肉骨茶雞皮位爽，中間有少少啫喱😋特別係啲雞髀都幾滑❣️油飯香噴噴，好味到食晒成碗😆配埋一碗白胡椒湯底嘅肉骨😇裏邊仲有啲大蒜，天氣凍凍地，飲落夠晒暖胃😌裏面嘅排骨軟骨位勁軟腍，可以成嚿吞🤩李派海南雞飯拼喇沙另外朋友叫嘅雞飯配咗喇沙😛呢度嘅喇沙偏奶白色，所以聞到好香椰奶味💓裏便仲有隻蝦仁🍤好索湯嘅豆卜同雞蛋🍳半熟蛋配咖央多士呢個咖央多士超好味🤤多士薄脆，中間夾住牛油同埋咖央😍點上半熟蛋加醬油，成件事夠晒邪惡😈

地道東南亞風情🇸🇬國民海南雞飯🫶🏻每當心思思想食星馬料理時，我都會嚟到上環區的「LeeLaksa」，店內環境舒適闊落，有多款正宗地道且性價比高嘅食物選擇😋🍞半熟蛋配咖央多士多士烘到脆脆地，中間夾上一塊厚厚的牛油，然後塗上滿滿的咖央醬，咖央醬濃香幼滑，整體上口味甜甜地👍🏻半熟蛋配上甜豉油，可以用黎點多士或撈飯食都得！🍜檳城和牛蝦麵摻摻以粗身的黃麵與幼身的米粉一齊做麵底，口感豐富，加上蝦、和牛片、牛丸、豆卜和糖心蛋等豐富食材，湯底有紅蔥頭碎和洋蔥絲，微辣又惹味，食完超級滿足🤩🐥海南雞飯拼新加坡喇沙米線一個餐滿足到選擇困難嘅我，同時試到兩款口味👍🏻雞肉無骨嫩滑爽口，配上鮮香粒粒分明的油飯，仲有香港人鍾情的再三色醬（黑豉油、薑蓉及辣醬），簡直係完美嘅配搭！喇沙米線帶出另一種風味🎖️湯底是濃郁的椰香味，米線吸收了湯底的精華，吃起來好順滑；配料加入左蝦肉、魚丸、魚片、豆卜等，面層放了炸蒜、洋蔥和香草，大大提升了香味和口感🍹飲品套餐配埋飲品：南洋咖啡、青檸紅茶

今晚過到黎上環搵野食，行過見到呢個新加坡菜話過黎試試，因為我本身好鍾意食海南雞飯😳新加坡喇沙🥢：份量係超大，個大碗係裝滿曬配料同麵，入面有魚旦、蝦、豆卜、魚片頭、糖心蛋等材料😝喇沙湯係超濃郁，啖啖都食到椰香味，必食之選🤩海南雞飯 🐓配白胡椒肉骨茶：海南雞肉質滑嫩，有雞味🤩油飯粒粒分明，好香！白胡椒肉骨茶胡椒味都好重，冬天飲落去好暖胃！斑斕咖吔多士：呢個超有驚喜，好脆，而且係熱辣辣即整🤩咖吔加埋牛油香味十足🤩

位於上環皇後大道中嘅LeeLaksa出名食新加坡菜， 今日就同朋友過嚟試下。李派海南雞飯拼白胡椒肉骨茶 $118你個套餐可以一次過試曬兩種新加坡出名嘅美食。 海南雞處理得好好每嚿雞都好嫩滑，即使係雞胸肉都完全唔鞋， 配上雞油飯香而不油膩。 另外仲配上新加坡白胡椒肉骨茶，冬天飲暖笠笠好暖胃，必點之選。新加坡喇沙 $82喇沙湯底充氣濃香椰奶味，不過麵條對於我口味出就有啲過淋，不過每條麵條給滿湯汁每一啖都好滿足。馬拉盞炒通菜 $72炒菜份量好足， 馬拉盞好惹味， 建議一上枱即撈勻， 因為好多足料嘅汁會喺菜下面，撈勻食每一條都可以更入味。🥢LeeLaksa 🌏上環皇后大道中302號地舖

LeeLaksa上環皇后大道中302號地舖經開上環，老友推介地道新加坡菜，食材新鮮，環境舒適，果然無介紹錯。😽新加坡喇沙香濃湯底，沒有味精，香辣不油膩，可以直接飲用。面層放了炸蒜、洋蔥和香草提升層次。新鮮配料有大蝦、魚丸、魚片、豆卜、通菜和雞蛋。吃到中段，可加青檸汁和秘製辣醬，湯粉爽口彈牙，吸收了湯底的精華，大滿足！😻海南雞飯雞肉新鮮嫩滑，肉汁豐富，醃製得恰到好處，連雞皮都食埋。油飯夠香夠煙韌，吃到中段可以加薑蓉、酸辣醬和香甜醬油，效果更佳，餐湯鹹度適中，推薦！🤤串燒拼盤雞肉新鮮，口感煙韌，醃得夠入味，大蝦爽口彈牙，塗上辣醬，開胃惹味，配菜有、青瓜、車厘茄和洋蔥，好味道！😍香茅橙茶鮮香茅和鮮橙，又香又甜，茶膽香濃，飲完好舒暢。😁香茅青檸荔枝梳打新鮮薄荷葉好fresh，果味香濃，甜度適中，冰底夠凍，好爽！😚椰青鮮甜的椰青汁，即叫即開，連椰青肉都食埋。😋LeeLaksa 環境舒適，食材新鮮高質，侍應服務態度好，還會再來。😎🤘🏻

好耐無食新加坡菜今次黎到上環見到門口招牌話食喇沙就決定入去試試餐廳座位寬敞 空間感十足坐得好舒服我地叫左2個主菜同2杯野飲聽老闆講佢地既肉骨茶同喇沙都好出名李派海南雞飯拼白胡椒肉骨茶海南雞好嫩滑 入口勁易咬油飯都好香 令人一啖接一啖配埋白胡椒肉骨茶唔算太重味唔洗怕成口都係胡椒味但又有好多料 飲完都好飽新加坡喇沙碗喇沙超大碗 仲要好多餸有蝦、魚蛋、魚片、蝦乾、芽菜、豆卜、乾蔥上枱已經聞到好香椰香配埋喇沙既微微辣味成個配搭都好夾加上調味調得好好唔會過鹹 唔似其他餐廳邊食邊飲水好啱香港人既口味熱馬來拉茶拉茶好順滑好好飲而且唔會好甜貼近港式奶茶但又不失南洋風味值得再飲多杯！椰青見到餐廳既誠意 椰青蓋開得好靚仲會留番面頭既椰肉比你 味道清新可口 舖頭值得一讚係啲服務態度所有人都彬彬有禮 好客至上！值得再回訪！

：今日收工自己一個食飯，就諗住慰勞下自己食餐豐富少少既😂通常馬拉菜食嚟食去都係果間出名嘅，見到呢邊都有間馬拉菜就過嚟試吓🤣估唔到又幾有驚喜😗🍞斑蘭咖吔多士 $28去食新加坡菜一定會叫既～每塊多士夾上厚厚的牛油同咖吔真係非常之邪惡呢～呢到唔同既係多士選用了麥多士而唔係普通既白多士個人就比較愛呢款😍同埋佢個牛油好香好creamy配上咖吔絕對有畫龍點睛效果最重要一點係佢唔會好甜😆👅老街鴨絲咖喱摻摻 $82呢個咖喱混合少許喇沙質地會比較杰身，同重椰香味口感相對比較creamy ～會帶出輕微嘅辣度吧鴨肉份量都頗多啖啖肉得黎而且好香😆同埋麵類會混合了油麵同米粉口感增倍，都幾得意🤤🌕馬來拉茶 $26口感順滑，帶出本身風味我則點了走甜唔知本身甜度如何～不過有得走甜少甜就岩哂唔同甜度既朋友仔😉🐇LeeLaksa (上環)上環皇后大道中302號地舖.營業時間：11:30-22:00