LE-TA-SU 一人一鍋

營業中

休息中

預先係Gulu拎飛 一落到去就食得☺️ 限時75分鐘🙂‍↕️ 我叫嘅係200g豚肉片火鍋 加$9蚊有我至愛壽喜燒湯底🥘 另外烏冬要再加$6蚊❣️ 其他配料要各樣額外加錢‼️首次送黎嘅係蔬菜盆🥬🥬 有南瓜蘿白冬菇 同各式菜類 個排陣真係幾靚幾岩打卡🤩 豚肉片後上 而200g嘅份量都幾多幾足夠 如果係女士一個人食 一定夠飽🤰🏻 另外我個餐有雞蛋送埋🥚場內坐位都舒服 但就比較嘈吵 2人用餐通常要搭埋其他人枱😗 服務人員都有耐心幫忙加湯之類 加埋Soda drink埋單一個人around $$$130左右💰💲💸💸 如果有竹輪或者丸類送埋會更好🤣🤣嗯 總結 天氣凍凍地 過下口癮係唔錯嘅😗😗

🐮東京過江龍一人一鍋位於沙田新城市中心，長期都有人排緊隊🤣 小熊貓今日唔趕時間，所以想一探究竟受歡迎原因～餐廳提供多款湯底味道及肉類套餐選擇～ 由於一人一鍋嘅關係，每個人都可以根據自己喜好同食量去嗌😋唔使再擔心邊個食唔食得辣同食唔食呢款肉🤣🐮 壽喜燒肩胛肉套餐150g $98小熊貓就叫咗個最穩陣嘅壽喜燒味道☺️ 佢嘅牛肉一睇已經覺得好靚，肉同油脂均勻，顏色鮮艷，食落口好新鮮好重牛味👍🏼 另外套餐包有新鮮生蛋，野菜盛合，白飯同涼拌芝麻菠菜～ 小熊貓覺得呢個價錢性價比高，同埋都夠飽💛 溫馨提示：呢間餐廳真係好多人排隊，小熊貓就算一個人食都等咗一個小時～ 所以如果要快食或者趕時間嘅你就要認真考慮吓

而家哩個情況之下，黎呢間食野，係要預多啲時間去籌備，例如喺網上面攞定籌，又預啲時間去到餐廳附近行下去等候，咁我終於第三次就食到(頭果2次係現場冇籌，或者係網上攞咗又沒有及時到店)。食物質素係唔錯，醬汁嗰啲都好好，我都食得好順心和舒適，對於網上有好多負評，我就覺得，如果我真係接受唔倒要等咁耐，咁係可以唔去食，同埋正正常常我一小時之內已經食完個餐，又唔需要同鋪頭去爭持去到盡75分鐘先至走，所以對於我黎講，呢度食野就唔喺好大問題，感覺亦都OK(我都係住喺區內貪近近地)。

如果要等幾粒鐘係完全唔值得你去食嘅(5點半等到9點先有，而且五人改三人先有得食)，🙄🙄🙄服務就真係麻麻，唔會自動俾水你飲，仲有一定要記住冇得俾你打包，食唔晒一係掉咗佢一係夾硬食咗佢，同啲服務員一樣串，浪費食物係可恥的🥲🥲🥲🥲，所以你下次去食預咗食唔晒就要自帶飯盒啦！味道同正常日式火鍋冇乜分別，想要驚喜係冇嘅，劝你都係珍惜時間，去第度食啦！或者你早四粒鐘網上排隊就應該好好多🫣🫣🫣

呢間唔可以話好好食，係勝在平，呢個價錢食物質素算可以接受。但店員服務態度就不能接受！😡我地11:45去到話75分鐘食用時間，但我地坐低叫野食，等咗15分鐘先有野食到，已經足足浪費咗我15分鐘。一到13:00正，係真係13:00正就企係我後面，態度好差仲要好大聲咁講：「夠鐘啦喎！要走啦！比多5分鐘你地，你地好走！」聽到真係嬲😡😡😡😡正常如果一個店員有禮貌咁講：「唔好意思，用餐時間到啦，麻煩你地離開」咁起碼都態度好啲。佢地送餐時間已經浪費咗15分鐘，但店員卻無視呢件事，直接用呢個惡劣嘅語氣趕我地走，感到十分失望😢經過今次，我地決定唔再黎呢間餐廳食！唔想比錢買難受😔希望餐廳注意下呢類事件😢

LE-TA-SU 一人一鍋 二訪LE-TA-SU 一人一鍋 東京過 江龍一人火鍋店今次試左藥膳麻辣湯 係重慶麻辣味 但係相對mild少少 味道香濃唔會太辣 淥牛一流!美國特選安格斯牛肩胛肉肉質較硬 油花較少 選擇LE-TA-SU套餐較好 有牛豬牛舌今次冇左黑毛和牛前胸肉(50g)優惠 轉左做扇貝買一送一 $28兩隻 都ok!

‼️東 京 過 江 龍 一 人 火 鍋 店‼️·① ［ 壽 喜 燒 肩 胛 肉 套 餐 // 牛 五 花 套 餐 ]| 最便$68起˙˚ʚ(꒪ˊ꒳ˋ꒪)ɞ˚˙好推介大家試下！不過都比較多人排可以選擇大細湯底分別選了「 壽 喜 燒 」 和 「 胡 麻 擔 擔 湯 」全部肉類也很惹味！加埋菜盤、烏冬，性價比的確是比較高的一餐！｜𓋪8.5/10•LE-TA-SU 一人一鍋 (沙田)沙田沙田正街18-19號新城市廣場一期1樓105號舖L

源自東京嘅一人火鍋店終於開到嚟香港😝原本係日本都無聽過/試過呢間😅但呢排人氣大熱大排長龍，睇網上食評又好似唔錯喎🤔總括嚟講食物質素唔錯，性價比高👍🏻值得再去嘅😋好彩用The Gulu app可以拎定飛，個晚7pm 就截龍，好誇張呢😰🙈1. 壽喜燒肩胛肉套餐 （$122/250g)作為壽喜燒粉絲，一睇個menu就決定要呢個套餐啦🥰美國特選安格斯牛肩胛肉雖然肉質較硬，口感油花較少，但充滿牛味🤩同甜甜壽喜燒湯底好夾👍🏻點埋生蛋汁會滑好多😋野菜盛盒每種蔬菜都好新鮮，栗子南瓜超甜🤗

沙田新城市最近新開咗一間源自日本東京、主打一人一鍋嘅火鍋店，抱住期待專程去試。不過整體體驗只屬一般。試咗壽喜燒肩胛肉套餐，250g 份量算多，肉質正常偏薄，食量大嘅可以挑戰350g。追加咗九州產和牛肩胛 50g，但結果只係得兩片肉，而且望落同本身壽喜燒肩胛肉套餐既美國特選安格斯牛肩胛肉差唔多，質素令人失望，和牛嘅油香幾乎感受唔到，唔建議選購。店內有五款湯底選擇，但如果其他套餐想要招牌壽喜燒湯底，需額外加收 $9。可惜壽喜燒湯底味道偏淡，淥牛肉時完全唔能突出肉味，去到湯剩得好少時，壽喜燒嘅味道先稍為濃啲，但已經太遲，整體體驗大打折扣。套餐附送一盆本地農場蔬菜，質素屬正常範圍，冇太多驚喜。以呢個價錢嚟講，整體餐點份量足夠，食物質素可以。

星期六既夜晚5點用手機App 拎位，已經要等70幾個😱差不多8點先入座。手機點餐，用餐時間係75分鐘😚😋壽喜燒肩胛肉套餐350g （$148+$6）係人氣之選No.2，肉量好夠，肉質唔錯👍🏻冇雪味😙而且都好淋配埋日本生雞蛋🥚無得輸😙壽喜燒湯底好夠味，好濃郁☺️我叫左葛粉（+$6）索哂啲汁勁入味😚仲有仲有野菜盛合🍴其中心內美蘿蔔真係唔係到都食到架😋如果有多幾舊就好啦😝大食既我再加多左個飯就岩岩好啦🤪滿足🥳漏左一樣野未講，就係佢個辣椒油都很不錯，好香好夠辣🥰❤️整體黎講，一定會再嚟試下其他肉🐖🐂同埋其他湯底😊舔舔脷指數👉🏻8😋/10😋滿分 值得一試😋

第一次成功幫襯，一直都想試，但放工去到6點幾已經截咗龍，無票攞，無得食！所以今日（星期日）下午5點攞票，晚上8點有得食✌️，足足等咗3個鐘！整體肉類都好味道，但蔬菜就少少失色，南瓜、紅蘿蔔、紅心蘿蔔都好食嘅，但生菜有少少苦味，小旺菜有少少啡色紋（唔夠新鮮），而可加配嘅食物唔多，我地加買扇貝買一送一，即係$28兩隻，扇貝肉好薄，睇落似一開二。但欣賞職員主動幫客人加湯，70分鐘用餐時間，職員已經主動加湯3次，服務非常好，下次得閒又唔趕時間，可以再排😅。

最近沙田二期有唔少新餐廳進駐 不乏過江龍今次去左最底層 日本一人一鍋1730 無咩人排隊 所以諗住行下先再拎飛點知就傻仔左 1800 返到去已經排左好多籌起碼到7點2先有得食入到去坐低 都算幾闊落 幾舒服蔬菜籃有2款 , 1款係固定 另1款係加錢但有3款時蔬係唔同而主菜有4-5 款 烏冬同飯都跟餐固定左價位$80-120湯底有4款豚肉牛肉幾款肉質都好嫩 無雪藏味 顏色鮮艷 而且份量唔算少蘋果山楂💛整體餐廳唔差 上餐速度快 味道唔錯 可以再試

沙田一人一鍋餐廳性價比非常高（比起新城市廣場內其他餐廳），連服務費100蚊就可以食到一餐好好嘅bino！值得推薦！餐廳主打個人火鍋，每位客人都有自己嘅鍋，可以自由選擇喜歡嘅湯底，不過壽喜燒湯底比較鹹+甜，唔建議揀呢款，但其他都好好（昆布，極和出汁）餐廳環境明亮舒適，座位設計寬敞，有籃比你擺書包/袋（呢樣野好好）早d去就唔洗排隊，都幾多人幾旺下終於有個似樣d嘅餐廳😂🥲，你地可以睇下我之前po過嘅餐廳，真係差到不得了😅😅😅

今日同大家分享一間專為一人設計嘅火鍋店，呢間店唔單止唔使搵人陪食，仲可以隨心所欲選擇自己鐘意嘅食材！環境舒適，座位間隔分明，俾人一種寧靜悠閒嘅感覺，非常適合一個人慢慢享受，依家位置就係沙田新城市廣場。店內提供多款湯底選擇，我試咗招牌嘅「麻辣湯底」，味道香濃又唔會過辣，非常開胃。另外，選擇食材方面亦都多樣化，有好多唔同嘅肉俾你選擇。呢間一人火鍋店無論喺服務、環境同食物質素上都俾我好好嘅體驗。唔使擔心冇人陪，一個人都可以享受到獨處嘅樂趣。下次想食火鍋但又唔想湊夠人數，可以嚟試下呢度，保證唔會令你失望！

見呢間一人火鍋新開，就去試吓…我地12:30分拿了飛要等10張枱，但眼見門口冇乜2人在等，相信好多人撳完飛就走咗。佢11:30開，食75分鐘，應該12:40分就會有一批人走。過佐十分鐘，真係d人開始走。但由於門口叫位要收錢，每十分鐘先叫到一張枱，因為佢要去收錢，啲人陸續走，所以佢就不停咁收錢，完全唔叫位。再等咗20分鐘見到都有成六七張枱，我哋就出邊不停咁等，佢就喺度不停咁收錢。叫位個真係好唔掂。明明過咗飛嗰啲返黎補飛，叫一張枱就俾佢入，唔係幾公平，唔係應該過咗幾多張，要等返幾多張先叫返補飛個d？已經叫飛叫得慢，仲要俾咗嗰啲尖返入嚟，最後我哋等咗45分鐘，以後見要掛多過5張都唔會再食。講返食物，我哋叫咗一個普通餐同一個特選壽喜燒餐，份量是足的，普通個牛舌都好爽，但+$3個燒豆腐唔好食，而個壽喜燒味道亦OK，份量足同食材都夠新鮮，啲肉見到佢喺櫃檯即刻切，所以啲質素都保持到。食完之後，我地都覺得100g份量就夠飽，唔需要叫到200同250g, 因為普通個餐係有100/200g, 而得特選壽喜燒上一個份量係250 g，我地叫佐200g同250g覺得太飽，其實有d食唔哂。總括而言，食物質素OK