林昌記 (已結業)

平時由紅磡站行去尖東必經一條天橋，行天橋嘅時候總會見到右手面有間賣魚蛋嘅「林昌記」。原味、香辣、咖哩魚蛋都係$10/7粒，$20/16粒。小妹我最鐘意食原味白魚蛋，「林昌記」係即叫即炸架！睇住佢炸完瀝乾水，保證新鮮！😏唔洗驚食到隔夜魚蛋😂。食落脆口又乾身，入口富彈性，魚香十足，咬落去絕對唔係坊間個d魚肉粉糊，只靠調味惡補、無誠意嘅魚蛋，最重要嘅係佢地自家製嘅辣椒醬、辣椒油超正，唔係好辣，但入口幾香幾惹味！嗜辣嘅foodie不可錯過！…查看更多

咖喱魚蛋🍡（大份）$20好彈牙！唔會成口粉好味！😋嚟到尖東點可以唔試呀！一是回味依家睇返啲相，都好想去食呀！…查看更多

之前係葵芳食過難食的“林昌記”魚蛋，就俾朋友話「好食唔食，走去葵芳食。要食就應該去尖沙咀食」。所以都想去試下朋友話的正宗“林昌記”係點。前排經過，還裝修中。今日經過，已經開返。當然要試試，但怕再次中伏，唯有叫一份細原味魚蛋試試。不用一分鐘，原味魚蛋出場。魚蛋表面有油光，終於不是葵芳的水煮魚蛋。應該係正宗的油浸魚蛋再去油。食落有爽口，有魚味，再加點香辣醬，十分配合。香辣醬俾葵芳食到的香，和多一點辣。但對於我這個辣愛好，只係微辣，不過真的有辣椒香味，不錯。食完後，發覺個和以前有分別。原來改左名。現在係叫“林昌記（藍哥）”。不是過去的“林昌記”。但唔知點解openrice還沒有更正，奇怪…查看更多

林昌記魚蛋係企業良心既代表d魚蛋粒粒真材實料魚肉製成某日經過紅磡 醒起以前讀poly朋友帶我黎食既掃街好物-魚蛋位置有隱蔽 大家要係天橋個入口入去呀由於自家製所以d魚蛋冇雪藏過魚味特別鮮甜 特別爽口彈牙特別推薦呢個黃金蛋 再自己加辣油上去魚蛋出面層炸衣唔會好厚個底舖左吸油紙 好貼心強烈推薦埋香辣魚蛋d辣椒醬好香好味呢到d魚蛋比起出面既麵粉魚蛋質量好太多啦 好食勁多食完呢間 令我唔想再食出面既魚蛋老闆加油 支持你地呀…查看更多

香辣魚蛋(大)$20仲記得兩年前食過既林昌記魚蛋係好爽口彈牙，再配合自加製既辣油，真係出面既街邊檔冇得比。但係呢排經過去食，就變得唔再彈牙，反而係「林」得濟 魚蛋既質素的確係大失所望，反而辣油加返分，可以維持到水準。…查看更多