Lady M

營業中

休息中

放假行街，當然要食下午茶。在Tony Wong 及 Lady M 猶豫了一段時間，最後選擇了來自New York的女神，因為肥仔愛女神。Lady M當然要食，選了原味及玫瑰味。選原味，因為是我一直愛吃的。 選玫瑰味，是因為沒有試過。原味，入口很香，口感很滑，充滿幸福感，要慢慢品嚐，不想停下。玫瑰味，蛋糕表層有一層粉紅色啫喱，花味很香，入口比原味略酸，但花味絶無蓋過千層蛋糕本身的味道，但我最愛的還是原味千層。Lady M千層蛋糕絶對是件藝術品，從切面可以看到層層分明，品嚐前一定要慢慢欣賞！配上，食完清甜解膩。為了一件女神製造的千層蛋糕，等上半小時，絶對值得！抵玩指數2+/3

LADY M 可以為係OL糕點之中的殿堂, 第一價錢, 第二味道, 由第二味道講起, 個人比例喜歡伯爵茶千層蛋糕, 未食之前睇下佢一層CREAM 一層PANCAKE, 每一層既平均同細緻就知道係心機之作,講到味道, 伯爵茶配上法式既鮮忌廉, 兩者產生的和諧, 再加上忌廉既香滑口感完完全全表現法式糕點的細膩~ (坊間都有D餅店嘗試抄LADY M, 一係俾好多CREAM推高個CAKE,一係個PANCAKE好乾, 點都學唔到一半)所以講返價錢~ 俾貴少少可以品嘗到哩個級數既蛋糕係價得架~

第一次來Lady M，好彩唔使等，這間分店有兩邊的，一邊是堂食，一邊是外賣的，有三款蛋糕還未售完，有海鹽焦糖千層蛋糕，玫瑰花味千層蛋糕，仲有紅苺味蛋糕！！本來我們坐另外一邊，後尾先知原來收銀那裏是堂食，就搬過去坐，仕應還拿了每人一杯水給我們，很細心。海鹽焦糖蛋糕，賣相很吸引，千層蛋糕有二十二層咁多，蛋糕面有一層焦糖，忌廉同朱古力粒，然後一層未古力的薄蛋皮，一層忌廉，好好味，好香濃，唔係好甜，感覺唔漏，口感豐富同有層次。玫瑰花味相對比較清淡，好清新的感覺，蛋糕面上還要有玫瑰花粒，這款清清地，也是很好味的！這個是紅苺味蛋糕，軟軟綿綿好soft，也不是好甜，幾香，唔算好甜的。朋友還要外賣了兩隻，一件原味，一件綠茶，蛋味好香，綠茶味也好濃好香好味。店子小小但有好多仕應，至少8個，好誇張！！

Lady M Lay M Lady M喺沙田開咗咁耐都冇朝拜過，今日係星期日都只係見到竟然只係得四個人排隊，就嗱嗱聲排隊，試一下坐喺商場嘅正中間堂食，加嘆個咖啡。本身見到有焦糖海鹽嘅沙田獨家，都好想試吓，但係又掛住原味同抹茶，所以最後都係下次先試焦糖海鹽。堂食個感覺好似啲蛋糕好食好多，啲cream又唔會太凍，好滑真心好食。個咖啡就真係好普通，下次都係去返Starbucks。服務態度方面都算唔錯，好在冇等位等到天荒地老，但坐喺度食食吓發現，原來有成四五個staff都好似冇乜嘢做企曬係到

自從Lady M進駐沙田新城市廣場後，間唔中我都會坐低食蛋糕或者買外賣。返完通宵更後，疲憊而肚餓嘅我腦中突然浮現著Lady M 嘅蛋糕，所以即刻過去再幫襯喇！排隊5分鐘左右後已經可以落order，見到咁多款蛋糕，令我流哂口水🤤，全部都想食。今次我揀咗朱古力綠茶棋盤蛋糕。喺開放式嘅餐廳中坐下，看著人來人往，有種「流連小小餐店裡望大時代過去」嘅感覺。5分鐘後，蛋糕就送到喇！蛋糕賣相已經極之吸引，綠油油得反光嘅表面，內裡蘊藏著濃郁嘅綠茶香味，加上朱古力嘅配搭，味道層次十分豐富。而且一層層嘅口感十分細緻，帶給我多重享受。一件60幾蚊嘅蛋糕，雖然價錢唔平，但偶然獎勵自己，未嘗唔係一件好事啦！😝

間唔中經過呢間餅店，今次終於有機會一親芳澤！當時只有呢四款蛋糕，見有位就堂食！排隊買嘢另加兩位花茶，埋單差不多五百，哇⋯⋯比美洒店high tea!店員透露蛋糕自取，冇論堂食或外賣都不會提供碟子，叉亦係膠叉，有點滴汗中！兩杯茶話會稍後送上，等了一陣，才用兩個紙杯送上，但話呢個區域屬於公共空間，下次要自己拎，想講嘅係落單時已經指住會坐邊面，點鬼知又再分咩區！好啦，見佢d cake 咁火紅，除左綠茶味較為可取，其餘講真唔值咁嘅價錢，四個字：一次就夠！

早幾日收工經過 Lady M, 就買幾件 cake 返屋企同家人慶祝復活節, 今次買咗玫瑰千層蛋糕同海鹽焦糖千層蛋糕各兩件, 已經 $300, 其實可以夠食ㄧ餐晚餐, 所以 d 蛋糕都唔平, 人ㄧ世物ㄧ世, 試過就算。先試咗玫瑰千層, 件 cake 有好清新嘅玫瑰花味, 面頭層啫喱稍為甜咗 d, 加埋玫瑰花瓣有少少苦澀味, 感覺都幾特別。至於件海鹽焦糖千層蛋糕, ㄧ聽個名就已經知道件 cake 會係又鹹又甜, 當然唔會好鹹果種, 又有焦糖嘅香味, 加上本身 Lady M 出名嘅千層, 簡直係絕配

平時經過成日排長龍，可能今日係閒日，又夜晚9點幾終於無咩人，決定買兩件當甜品試下。千層係確實有層次，唔會一插支匙落去就爛哂，但焦糖真係太甜，反而抹茶幾好，苦苦地的茶味中和左啲甜品，不過真係太貴，試過就算。

同朋友食個生日tea大約兩點幾三點，門口已經有幾個人排隊！好彩都唔算太多人，大約十五分鐘就有位啦d蛋糕好似全部都好好味選擇困難呀！最後揀咗玫瑰千層蛋糕，同埋海鹽焦糖千層蛋糕個人鐘意玫瑰多d🌹賣相靚之餘又唔會太甜。焦糖就點都有d甜得濟，但都合理嘅！每件$75 野飲就叫咗citrus chamomile tea 同埋蝶豆花乳酸梳打。杯梳打係紫色架好靚！飲落好refreshing !

初二一家人去沙田行商場，行之前諗住坐底食個下午茶先。行過幾間cafe都無位，就決定快手睇完野跟手買個外賣返屋企食。一早決定好買依間外賣，所以一行完街就落去排隊。落到去以為幾好彩無咩人排隊，點知原來係中伏嘅開始😤一路排隊已經諗定要六件cake，仲有佢個法式香蕉千層酥同玫瑰千層蛋糕。一到我時第一時間講左要幾多件同埋兩件心水選擇。之後一路揀一路問個落單職員我叫左幾多件，依個職員一路報我仲差幾多件。叫叫下已經俾後面個港女一個心口撞開我想睇個menu，我心諗駛唔駛咁急呀？結果側住身叫左一輪個職員終於話夠，咁梗係快手埋單。埋單之後另一個男職員都俾我睇一次，數齊6件即閃！返到屋企開來食時先發覺佢無俾件玫瑰千層蛋糕，嗰一刻都諗住好少事，只係俾錯件蛋糕。食完執野拎張單一睇，原來個職員係有打到件玫瑰千層嘅，反而無左我最後叫嘅抹茶朱古力棋盤蛋糕！翻來覆去諗件一輪，真心覺得件事唔係唔小心咁簡單！成件事如果係佢打多左件，我反而覺得佢係唔小心，數錯左......但係佢無打到第七件，即係佢知道報錯數所以打少返一件！成件事只係差幾蚊，但係個員工嘅操守令我對間公司真心失望......

去完車公廟拜神就梗係去埋沙田行下先啦 都猶豫緊去邊間坐底既時候 竟然見到平時大排長龍既lady M無人排仲要有位 咁梗係即刻坐低左先啦〰️玫瑰千層蛋糕〰️第一眼見到嘅時候已經覺得呢個蛋糕好靚啦 佢係玫瑰啫喱上鋪左幾片玫瑰花瓣 感覺好似一個藝術品多個一件cake 真係有啲唔捨得食佢架 不過最終都係忍唔住呀😂一啖食落去已經感受到好大陣玫瑰花嘅香味 每一層班戟皮都好薄好薄 中間再夾住又軟又滑既cream 雖然係好多cream但係完全冇膩嘅感覺 而且唔會太甜 食完之後成個口都係花香嘅味 好fresh 呀〰️海鹽焦糖千層蛋糕〰️朱古力班戟同白色既cream 顏色形成左強烈既對比 更加容易睇得出呢二十層既班戟都真係好薄 面層既焦糖漿當中有海鹽所以甜得來又帶啲咸味 令到整個蛋糕唔會太甜 感覺特別

今日大年初一當然訓到自然醒啦! 醒左後我地就食完蘿蔔糕就出去行大運. 由於要去親戚屋企拜年既關係我地就朝住新界方向出發. 去到新城市我地當然要去lady m 食件cake 嘆杯啡啦! Lady M 中的至愛一定會係Earl Grey. 但冇左而我地又去到沙田, 所以就一試沙田店特有的salty caramel,好可惜已經賣晒😱😱所以我投身去我既第二至愛Rose Petal. 清新既花香再加上淡淡的甜唔會好俗, 完全係用高雅脫俗去形容! 再加埋Mocha 同Cappuccino, 令到我地既年初一大放異采!

上次去尖沙咀店，光排隊就用了三十分鐘，還在想如果要再排隊的話，應該是不會再光顧這間了，畢竟試過一次，雖然還算不錯，但沒有令人驚艷到要再排這麽久的時間。想不到時隔不久，經過沙田店竟然完全不用排隊，可能因為當時是午飯時間，所以只有幾檯客人。這麽難得的機會，當然要好好把握，蛋糕當午餐也沒有不可吧之前一直就聽說原味千層蛋糕是最好吃、最熱門的，但上次因為看到限定的玫瑰味，所以只好放棄原味了。這次一試，發現原味果然名不虛傳，細滑的Cream配上帶點煙韌的班戟皮，令人一食愛上！！兩者的味道互相補足，吃到的是正正宗宗千層蛋糕的味道。總結：相比上次的玫瑰味，原味絕對更勝一籌，沒有人工添加的味道，只是簡簡單單、清清淡淡的蛋味更令人回味無窮。

一直覺得平凡普通不夠好，所以今日就嚟體驗一下貴婦嘅生活。一杯熱朱古力上面加左幾片棉花糖，睇落好似一朵花咁，賣相好精緻，一定吸引到唔少少女。熱朱古力嘅朱古力味都算係幾濃郁，唔會話太甜，味道啱啱好。但係一定要趁熱將棉花糖同朱古力攪勻，如果唔係棉花糖最後就溶唔到㗎啦。原味千層蛋糕都唔錯，每一層都好薄，但係蛋香味有好濃郁， GAP喺中間嘅忌廉好細滑，個人來講都幾鍾意呢件蛋糕，但係要成＄80.1件，覺得性價比有啲低。

去食之前一星期 睇到介紹LADY M 出左隻新焦糖千層蛋糕 已經急不及待去試 點知 一出到去 售罄 -.- 3點幾就冇哂 所以呢日點都要早D去食 1點去排隊 等左半個鍾有得食啦第一次去沙田去呢間食 位置一般 好多人行黎行去 環境不就不錯 坐位算多 分開左兩邊海鹽焦糖千層蛋糕 - 面果層焦糖 再配上CREAM 呢個味道　真係好好食　不過真好係好甜　食幾啖就要飲水中和下　但總算試到　會再食士多啤梨海綿蛋糕睇落覺得冇咩特別　但係食落好好食　蛋糕好鬆軟　夾住士多啤梨果肉　好好食