La Serre

營業中

休息中

之前經過觀塘海濱見到有間玻璃屋餐廳，今次咁啱約班friend出嚟飲下嘢，吹下水就揀咗呢度chill chill佢。🍻呢度啲酒款都幾多，今日三個人叫咗三杯cocktailBlue Hawaii 🟦Hoi Bun Sunrise🟧Mixed Berries Mojito 🟥，三個小食，一個nachos🌮，一個pardon pepper🫑,一個garlic shrimp🍤。咁就傾咗三個鐘。今日天氣熱，所以就坐室內有冷氣舒服D，其實佢哋D戶外位仲正，可以一邊望住觀塘個海濱，睇吓人放狗跑步，一邊就食下嘢吹下水咁

今日放假，終於可以同朋友去下觀塘海濱長廊放鬆下。 沿途見到一個貨櫃箱見佢有落地玻璃，就行過去睇吓。 原來係一間西餐廳，行到有啲攰同餓，就即刻坐低叫個下午茶餐嘆吓，看下海景，順便食吓嘢。 炸甜番薯條用番薯整嘅薯條，比較少餐廳有得叫。 佢同平時出面食到嘅薯條外型唔同，切到比較長同幼細。份量好多好足料，炸到外脆內軟。再配埋茄汁醬，簡直係Perfect match。香辣棒棒雞炸到外殼金黃鬆脆，再加埋調左味少少辣嘅雞肉。有雞肉食之餘，亦都有香脆嘅口感。雞肉亦很嫩滑。香腸拼盤炸過嘅香腸、呈金黃色外皮吹口肉質鮮嫩好友湧茗仲有幾款香腸嘅味道，唔會食嚴陣味鮮榨果汁（新推出）店主推介新產品，羽衣甘藍+菠蘿汁+蕃石榴+蘋果。 最新鮮嘅配搭，防癌降肝火，清熱解毒。 啱晒而家我哋食完炸嘢後降火飲用。特濃咖啡份量太少。奶泡上面沒有拉花，有點失望。 希望可以改進。

A laidback place right by the Kwun Tong promenade which provides both indoor and outdoor dining area. There is a selection of breakfast/brunch food to choose from which is perfect for a cozy weekend afternoon. The outdoor area is pet-friendly so do bring along your doges to this place! However, do bear in mind that the promenade area does not allow dogs to enter. Poached eggs with smoked salmon and avocadoA typical breakfast dish with two poached eggs and a huge sourdough to pair with smoked sal

今日同朋友嘅狗狗一齊去Dog friendly Cafe ！我同朋友都好開心，因為難得可以帶埋狗狗一齊去食😍其實係香港真係好少有Dog Friendly 既Cafe 架，所以搵到一間真係好開心！我哋一去到餐廳，餐廳請咗我哋嘅狗仔食小零食，有雞肉同埋蠔干，狗仔食得好開心～我哋都好開心我哋同狗仔坐喺室外～ 室內就唔係狗仔範圍～所以冇帶狗狗嘅人士都可以坐喺室內～ 我哋叫咗一個全日早餐同埋一個芝士pancake～ 飲品叫咗冷壓果汁，朋友叫咗橙汁，我就叫左好特別既羽衣甘藍西柚汁，飲落似奇異果汁嘅味道～ 芝士pancake真係好特別！佢仲配埋兩塊好大嘅煙燻豬扒～個煙燻豬扒真係好好味！大大件！配埋太陽蛋真係好好味全日早餐有好多嘢食～ 有超大件煙燻豬扒，薯餅，炒蛋，腸仔，大啡菇，漢堡扒同埋煙肉！仲有好多沙律菜～ 食完真係好飽肚！

難得放假冇野做，帶左偽韓仔去觀塘海濱玩！呢到環境好靚，仲有啲餐廳，我地撚左呢間La Serre❤️呢到好多all day breakfast 選擇，放假黎嘆返個下午真係好適合🤩Portobello Mushroom Hash Browns w/ Cheddar Cheese Tomato & Avocado大啡菇好多汁，超大隻，同蕃茄、芝士、牛油果層層疊，好似食burger 咁😆 呢到既brunch，擺盤好靚，仲有幾朵食用花點綴，細細聲話你知，食用花好好味架🤩LaSerre BreaklastPortobello Mushroom, Bacon, Sausaee, Gammon Ham, Scramble Egg爸爸就叫左呢個，分量超勁，爸爸晏起身，冇食早餐黎，都食唔晒，塊金門火腿勁大勁厚，仲有炒蛋、薯餅，好彩有偽韓仔幫手食Linguine w/ Shrimp in Tomato Sauce呢個主要偽偽韓仔食既，味道好好，蝦亦好大仔好鮮味，偽韓仔自己同婆婆share，婆婆都話正！水果茶 & Americano飲品我地叫左一茶一啡，佢地兩婆孫就飲水果茶，婆婆話係無糖既👍🏻👍🏻飲晒都唔會有罪

行過幾次海濱公園時都有留意到呢間餐廳La Serre，趁今日同朋友去觀塘買嘢，就約埋朋友去試一試。餐廳以玻璃屋設計，分室外同室外用餐區，裝飾非常有情調相，並佈置咗好多特色公仔及飾物，非常吸精並好有氣氛。甜蕃薯條 $68用蕃薯整嘅薯條，比平時啲薯修切得長及簿身，份量好足，炸得香脆內軟，配茄汁食，好新鮮既嘗試，唔錯！炸牛肋條$98牛肋條切厚粒，外面包住粉漿油炸，上枱熱辣辣，牛肋條好淋並有少少辣味，加上本身調味變得好惹味。炸尤魚$98啲粉漿好簿，所以魷魚圈炸到外皮好脆，調味方面加咗好多香料，所以咬落啖啖肉之餘仲好香，如配啤酒真系一流。同朋友點咗凍Latte及橙汁，望住外面海景，邊飲嘢邊食小食，感覺好好。

Good Morning由一個豐富美味的早餐開始。試問有什麼比在海邊喝着咖啡，吹着海風，吃着美味的早餐更悠閑呢。La Serre是一家海邊的小店，落地的大玻璃加上戶外用餐位置，看起來太寫意了吧！餐廳還掛上不少吊燈，相信晚上在這裏小酌兩杯更有情調～-🎈La Serre Breakfast ($148)想不到吃什麼的話點一份招牌早餐就對了，成年人不做選擇全部都要吃！有常見的炒蛋、蕃茄、薯餅、煙肉等。不過最吸引眼球的，必定是金門火腿！煎香後油脂感爆發，味道不會太鹹。-🎈Smoked Salmon Eggs Benedict ($148)早餐的輕盈之選，不過食材同樣豐富！煙三文魚加上新鮮牛油果，不會出錯的配搭。Benedict必備的流心蛋火候亦控制得剛好。加上Sourdough及咖啡，weekend morning的正確打開方式👍-🎈總括而言環境真的超級休閒，作為Pet Friendly的餐廳有提供戶外位置。週末來到看到不少狗狗在外面陪主人吃早餐！整體來說食物質素不錯，加上無敵大海景性價比頗高。

估唔到人生第一次寫食評 係貢獻俾呢間餐廳無論食過幾多好食或者唔好食嘅餐廳都從來冇諗過要寫食評，但呢間真係要寫下首先食物選擇已經較少，而且一啲好簡單嘅食材 都話冇貨...... 好喇好辛苦先 叫咗啲嘢食， 同埋先發現佢唔係冇呢個食材，佢係想焗你食 母親節餐朋友唔好彩地叫咗左母親節餐， 佢話當中既海鮮好難食， 海鮮其實已經好難整得唔好食.......其他食物都真係非常一般，最慘全部都要等非常超級耐， 而間餐廳其實唔係好多人餐廳外圍環境唔錯 但入面其實真係非常一般 ，唔值呢個價錢最慘所有staff 嘅態度都非常差, 又懶, 落咗單冇落單 做錯事，第一時間就係懶客人....唉， 又難食 又一肚氣 價錢唔平但份量少食完都唔飽

疫情期間想揾一間有悠悠閒閒，想有個慢活生活下食個午餐，自然會想揾一間坐得舒服又有環境嘅地方食嘢😌呢次揀咗旁邊有海感覺安靜舒適地點，食嘢有賣相地方。是日點咗個芝士蘑菇暗烈賣相的確唔錯，仲有沙律菜伴碟，先講吓個蛋，唔會太油，但剪得太乾身，唔好食，芝士唔平均分布唔咸但冇咩芝士味🤔蘑菇唔係切片，半圓形一粒粒，整體唔好食😌安格斯芝士牛肉竹炭漢堡牛肉扒一層薄薄的😆肉肉結實而且好乾好乾😝反而個竹炭包唔錯👍🏻少少脆，正常情況下重點都會係牛肉，但好似錯重點🤣個餐叫咗一杯凍咖啡係自己加奶同糖漿嗰種，完全冇咖啡味道，如果喜歡咖啡朋友不建議飲🤭總結:環境唔錯可以打卡影相有悠閒感，坐就唔係太舒適，食物就🤷🏻‍♀️

印象中經常觀塘海濱成日都經過依間餐廳今次終於有機會試下今日見walk-in都仲有空位，而且室外係狗仔都可以入餐牌選擇都唔算多，叫左main course會送包同餐湯。前菜先叫左水牛芝士蕃茄牛油果沙律，水牛芝士蕃茄牛油果加埋個醬都好好食，唯獨啲菜有啲硬主菜叫左蕃茄醬大蝦,帶子意大利飯，同我想像有少少出入，可能因為加左我唔鍾意食既酸瓜 小食方面，真係大推薯條同雞翼薯條非M記啲cheapcheap薯條，要唔要茄汁都好好食而辣味雞翼都唔係pizza hxx個種，係米線陣加麻辣粒粒個種，辣味還好(可能小朋友未必岩)，但個麻味好正So far，餐廳環境幾好，而且服務態度都好好，侍應執碗好快手

首先服務態度吾好 茶餐廳都吾會咁既態度呢一間餐廳價錢吾係低一個餐大約$130 - $200到但係個餐湯黎到可以係凍既自己喺屋企開嘅盒裝粟米濃湯都好飲過佢之後個日式木魚汁蜆肉意粉見到都真係呆左同烚意粉係冇乜分別啲蜆肉仲要有沙食完真係唔知自己食緊乜 另外個burger 都真係好一般喂 個質素可唔可以好返少少對返住個價錢M記個包都好食過佢 除咗個環境 呢度d野食係恐怖冇乜幾可會寫食評呢間唔寫真係搞唔掂好多餐廳好過佢食完好嬲😡

#HKFH西式介紹La Serre (觀塘)地址：觀塘海濱道90號地下1號舖.1.Carbonara（$138）Carbonara係我最愛嘅意粉去親食西餐都會叫嚟食而呢間我好滿意😋😋夠creamy而且配料好夾仲可以望住海旁食🌊夠晒寫意😂推薦指數 👍🏻👍🏻👍🏻👍🏻👍🏻人均消費: $100港幣以上.此Page主要紀錄在香港吃的食物🍽任何類型及國家的食物都會嘗試😋如果有好介紹也歡迎留言/ DM🤩也歡迎其他地方的美食介紹🤤.#熊小館 #cafemed #新都城 #西式 #hkfoodie #吃貨日常 #hkeat #hkig #hkfood #hkgirl #美食 #美食打卡 #foodstagram #foodblogger #foodlover

係觀塘海濱行行吓，見到呢間La Serre可以望住個境咁食嘢，感覺已經好Chill😎如果愛芝士既朋友，必食芝士拼盤，一次過食晒3款芝士🧀最緊要係有我最愛嘅藍芝士😍安格斯牛肉芝士竹炭漢堡包🍔配牛油果🥑份量十足，要分開幾層食🤣安格斯牛肉同芝士味道濃郁，搭配埋牛油果啱啱好👍🏻烤美國頂級肉眼扒8安士一嚟到我都嚇親，塊扒大過我塊面，手掌咁厚，肉汁鮮嫩😋本身想試埋生蠔🦪好可惜咁岩賣晒😔有機會下次要再嚟食

疫情嚴峻下,不如放輕鬆小小去食個好DD嘅lunch吧原來店舖係喺海濱公園外圍,周圍環境都好放假feel ,最衰而家冇咗晚市,如果唔係放工行過嚟happy hour 下都唔錯lunch set都有6個main選擇,跟餐湯或者沙律,主菜加咖啡或茶見天氣涼涼地就飲個餐湯,同事就叫咗個沙律,餐湯味道偏淡,其實係可以叫冇乜味仲有餐包跟,麥嘅餐包外脆內軟我地3個人都叫咗西冷5成,有薯角同埋沙律菜伴碟,雖塊扒都叫juice 唔硬, 不過薯角就硬小小唔夠熟咁同事叫嘅沙律餐飲咖啡

2022.01.30 tea time (brunch)疫情再度活躍，又冇出街食，但今天天氣實在太好，要出外走走，但未食晏，諗到觀塘海濱附近應該有啲餐廳有室外坐位，到咗，果然有！兩點幾，仲有brunch，望埋入去，仲有個好位，唔迫兼空氣流通，一於係度食😁好易揀，一個蘑菇芝士奄列，一個大啡菇、薯餅、車打芝士牛油果、蕃茄。 好快有得食，兩個都配有沙律菜，幾好，夠新鮮😊👍🏼 個奄列樣就麻麻地，但好味😋 我個呢，估唔到係咁樣，漢堡包feel出場，靚😍👍🏼，好味，牛油果又靚 😋餐飲要熱咖啡，當然要後上，最怕食完晒，杯咖啡凍晒😛 唔錯喎，又唔經杯，好多時餐飲熱咖啡都又酸又苦澀。呢杯唔會，太好了😌今餐食得好滿足！好味又坐得舒服，個女服務員又有禮貌，讚👍🏼