La Postre (荃灣廣場) (已結業)

黑松露鮮蝦忌廉意粉（$70）一上枱已經聞到好香，賣相亦很好。試試味道如何？忌廉汁濃度剛剛好，唔太稀唔太杰，每條意粉都掛到啲汁，味道夠哂creamy。意粉又煮得好啱我口味（微微偏硬那種口感）。蝦肉彈牙，加上大量雜菇同三色椒，好味。美國牛肉芝士漢堡配黑松露薯條（$70）服務員細心問要唔要廚房一開二，當然好啦，方便食嘛。Burger 就比較普通，味道是可以的，但沒太特別。反而薯條值得一讚，大大份，即炸之餘，條條都外脆內粉，仲有嗰個疑似撈咗黑松露粉嘅他他醬，點薯條又幾夾喎。另外要咗份 Tapas Set（$138），包三款$48嘅小食，但可以加$15/$28升級。炸魷魚配西班牙蒜蓉醬（+$15）即炸，脆口，脆粉有醃過未，但稍稍油咗啲。魷魚正常，彈牙。蒜蓉醬味道不錯。西班牙紅酒蕃茄肉丸（+$15）肉丸有肉味，蕃茄醬勁香濃，混合咗少量青椒、紅椒、香草，層次好豐富，值得一試。（但小心入面有一粒甜辣椒，都幾辣）芝士煎蟹餅（+$28）應該係即叫即焗（大約需時廿分鐘以上），上枱時鐵兜超熱。賣相滿分。焗蛋入面有蟹肉絲、薯仔粒、菇，味道比預期中淡，食唔出芝士味，反而洒係面嘅木魚啲味仲出，感覺比較普通。

留意番，我叫嘅係牛油果三文魚焗飯但係搵雲成個飯都搵唔到半粒牛油果然後我哋叫店員過嚟。係咪送錯咗啊？咩啊係咁個喎！然後，我哋以為係自己睇錯咗Menu，但原來佢真係叫牛油果焗飯。。。這是一次不愉快的用餐體驗…各位食神自己睇路🥲🥲

經常出尖沙咀都有留意到呢間餐廳，但未曾有機會光顧，今年聖誕走咗轉荃灣，抱住一試無妨嘅心態訂咗枱兼付訂金，點知就係惡夢嘅開始…😓當日一行3人order咗佢哋特定嘅Christmas set menu，另外再加咗幾款聖誕版單點菜式，整體上係咩種類嘅食材都有…🍵 首先個黑松露蘑菇湯，係好多菇好足料，但”稀了了”完全唔係西湯應有嘅濃郁口感…🍟 小食炸薯條炸過龍搞到乾晒，條條都硬框框…🥓 前菜係火腿凍肉拼盤，立立雜雜咩都有幾片，但全部都係超市包裝食物拎出嚟咁嘅質素，再加塊好似搭枱咁嘅麵包又乾又硬…🐔 隻燒春雞除咗脾位比較嫩之外，中間雞胸部份係鞋到咬唔到…🥘 招牌西班牙海鮮飯超級酸，啲飯杰到一餅嘢咁，難食到每人食咗一啖之後頂唔順成盤放棄…🦞 波士頓龍蝦配慢煮牛柳，兩樣都Overcook，啲蝦肉黐實晒個殼，搞咗好耐終於起到肉，但咬落好鞋，旁邊放咗隻蝦箝但完全冇開，係咪當伴碟唔諗住俾人食？🥩 舊牛柳終極差，我未食過慢煮可以做到呢種韌度，我咬咗成分鐘都咬唔爛，直接放棄，立即吐出！🍰 聖誕樹頭蛋糕好難食，膠味朱古力，macaron係糖尿級數嘅甜…😩🤢🤮最後我哋同職員反映食物質素實在太差，冇一樣嘢係合格，人

La Postre地址: 荃灣大壩街4-30號荃灣廣場B1樓B109-B110號舖朋友發板試新野，揀左間氣氛唔錯既餐廳， @la_postre 都裝修到好有歐陸風情，非常有氣氛同情調。芝士煎蟹餅 🦀 $168黎到熱辣出爐蟹餅加上超多木魚絲，賣相一流。開頭我以為係用薯餅整，點知切開先知，原來係好似蠔仔焗蛋砵咁㗎。雖然中間個心有芝士拉絲🧀，而且都幾重芝士味，但個人認為味道一般，驚喜不大。西班牙海鮮飯 🥘 $298食西班牙菜點可以唔食海鮮炒飯呢。海鮮飯賣相一流，色澤紅潤，而且有青口、蜆、蝦及臘腸，所以都算幾用足料。本來仲好擔心啲飯會煮到好硬，點知個飯夠濕，一啲都唔乾，而且辣辣地幾惹味添，整體味道都幾好食。#nicefoodie尖沙咀 

尋日（08／12）喺臨時book餐廳同fds預早慶祝birthday, 呢間餐廳職員自動自覺打嚟confirm尋晚食飯時間外，仲會主動問我，需要响甜品上加上我fds名字嗎？我即刻回覆好！ 感覺呢間餐廳職員態度好好，好有親切感！fds揀甜品後同甜品上枱後，佢哋感覺喺“哇”，好靚！謝謝你哋親切嘅安排！

晚上約左朋友係呢一間餐廳用餐，叫了一個二人餐和3個小食。 隔了20分鐘還沒有任何食物出現，追單後發現沒有我們的下單紀錄，要重新再落過但明明只有數枱客人，不知是人手不足還是服務員訓練不足，對菜單不熟識，最後要搵另外一個較高級既同事才弄清楚。而我和朋友一致認為餐廳裝潢幾靚，但食物質素一般，只有意粉係好味，但牛肉和小食就好一般。蟹餅完全無蟹肉味，蛋餅辣粉不均勻， 牛肉亦都無咩味，希望之後會有改善，但短期內不會再嘗試，不值得推介。

早些日子, 風和日麗, 路過此地.略抒感受.佳餚美食,不在於量而在於質.酥炸魷魚,正是其中美食,脆味可口,油而不膩,小吃而開胃. 以"夏日水果茶"作伴, 一邊喝一邊吃, 悠然自樂.主食是一餐的靈魂,冰鮮蝦放久了或者鮮美不足, 完全破壞了一頓晚餐的美麗構圖.

今日小妹放假又同朋友去左荃灣夾公仔, 玩之前就去左附近一間西班牙餐廳嘆番個brunch先!餐廳環境幾大, 座位闊落, 坐得都幾舒服！🌟榛子咖啡🌟桂花荔枝茶荔枝味濃郁帶點桂花香, 估唔到幾match, 可能因為熱飲關係個桂花味更突出🌟餐湯🌟沙律沙律菜清新爽脆, 入面估唔到仲有乳豬, 十分有誠意🌟西班牙蛋餅蛋餅厚厚的, 口感鬆軟, 蛋香四溢🌟青檸香辣凍蜆蜆肉鮮味帶點微酸微辣, 食落幾開胃🌟西班牙炒麵包酥麵包酥細細粒, 食落脆卜卜幾香口🌟鮮三文魚牛油果焗飯上層鋪滿芝士, 拉哂絲非常邪惡, 入口滿滿嘅三文魚同牛油果, 口感相當豐富🌟澳洲肉眼牛扒配燒汁及是日薯菜牛扒口感鮮嫩, 肉汁豐富, 牛味濃郁!🌟12小時慢烤西班牙乳豬腩卷伴焦糖菠蘿豬腩卷外層香脆, 咬落去肉質柔嫩肉汁多, 油脂甘香, 焦糖菠蘿外面有層微脆焦糖, 甜甜酸酸幾解膩

番工咁辛苦 食lunch緊係要揀間好餐廳好好放鬆吓啦難得朋友專登過嚟搵我食晏所以揀咗呢間望落裝修幾靚 氣氛幾舒服嘅西班牙餐廳佢啲lunch set好多選擇 最平計埋加一 70蚊有一個set包埋餐湯/沙律 仲有杯野飲 叫咗一個澳洲肉眼牛扒(medium rare)配燒汁嘅lunch set肉質唔會好鞋都唔會好細塊以呢個價錢來講算OK加$15轉左杯特飲鮮雜果mojito好fresh 有滿滿嘅生果 又唔會太甜另外再嗌左多一個main松葉蟹奶油芝士意粉個賣相超吸引配料都好多 食落去啖啖蟹肉雖然佢係cream pasta 但因為加咗蕃茄汁 所以冇咁膩最吸引嘅梗係裝滿哂成個蟹蓋嘅蟹膏平時蟹膏撈飯就食得多 蟹膏撈pasta一樣咁滋味🤤嚟到西班牙餐廳 點少得要試吓Tapas蟹肉芝士焗牛油果啲芝士好香 配埋熟得啱啱好嘅牛油果 好夾芝士煎蟹餅個蟹餅同我想像中唔係好同食落有少少似西班牙焗蛋 上面鋪滿咗好多木魚絲西班牙紅酒蕃茄肉丸超推薦嗰蕃茄紅酒sauce超入味肉丸都好彈牙

中午黎食個fancy lunch💗香港比較少見西班牙菜，今次黎試下呢間荃灣嘅La Postre✅迷你牛油果蟹肉沙律 $78:健康開胃前菜💚牛油果醬超滑😋本身已經同沙律撈勻嗮唔使自己撈～ .✅西班牙海鮮炒飯（1人份）$168.✅豬腩卷 $68: 幾有脆😛完全食唔出肥肉嘅感覺🤫塊皮勁香脆～ 有分兩個size，呢個細細份夠嗮兩個人食，如果再多啲人可以試下大份😚.👌🏻香煎三文魚、大蝦暖菜沙律 $78.✅無花果脆批 $79:無花果嘅甜品比較少見，見menu有就即試😚結果不負眾望🤩 批皮香口酥脆，無花果同批中間加左層類似吉士嘅醬，增添滑溜感💕配搭超脆焦糖核桃完全將口感昇華🌟.✅西班牙油條 $68:有驚喜！呢款西班牙油條唔係平時食開脆卜卜果種，佢外面個皮係脆但入面係軟心㗎！係兩種唔同風味😛值得一試！

🚶🏻位置：荃灣西A2出，直行就到個商場，落一層電梯就到。環境：呢間已經係第四間分店啦🤩入面好靚好有feel!!! 食物：PS. 每個Lunch Set 都有餐湯&餐包🟠香煎三文魚大蝦暖菜沙律好多料，而且食落係暖口。平時食出面啲沙律覺得真係食緊草，但呢碗有熟菜，仲有西蘭花，整體食落口感好好。入面唔止有三文魚同蝦，仲有吞拿魚。評分： 🌕🌕🌕🌕🌗回頭率：🌕🌕🌕🌕🌖🟠香煎鵝肝牛肝菌意大利飯好香鵝肝味，亦有唔同總類嘅菇喺入面，但食到一半覺得有啲膩，食到最後有啲油。評分： 🌕🌕🌕🌕🌑回頭率：🌕🌕🌕🌑🌑Tapas Set $138：（極推薦大家直接嗌Set，有好多款揀，總會平好多）🟣黑松露薯條 +$0 有蕃茄汁同黑松露醬，不過不失。🟣青檸香辣凍蜆（10隻）+$15好食！食落又酸又有少少辣做吊味，好正！唔食得辣嘅人都食得！評分： 🌕🌕🌕🌕🌗回頭率：🌕🌕🌕🌕🌕🟣芝士煎蟹餅 +$28蟹味唔算特別出，食到中心位有啲乾。評分： 🌕🌕🌕🌑🌑回頭率：🌕🌕🌕🌑🌑🟣豬肉卷 $68❤️❤️❤️❤️❤️我哋嗌咗細份嘅，係即叫即整，所以我哋差唔多食到最低先上。皮脆肉嫩，油脂均勻，肥而不油膩，賣相很精緻。真係大推無誇張，食完到而家仲好

同朋友好耐冇見即刻揀咗間餐廳 去食嘢見到間餐廳座無虛席就知道啲嘢食應該都幾好食我哋即刻坐低啦 環境都真係好衛生而且佢嘅裝修好有特色 最啱同姊妹一齊嚟打卡同埋佢有一個新嘅lunch Menu即刻點幾樣嘢黎試吓前菜有餐湯同沙律選擇呢一個係餐湯佢個蒜蓉包好香 而且配埋餐湯飲啱啱好令到個人暖曬呢個係簡直係大推有10分香濃嘅奶味 而且好香芝士味啱晒啲芝士控 而且佢嘅大蝦好大隻 仲有啲菇互相嘅配合係天衣無縫嘅另外仲有大大塊嘅安格斯牛扒佢既牛扒都幾大塊㗎 估唔到仲有薯餅伴碟到小食部份啦佢所有炸物都係新鮮出爐嘅而且仲有檸檬汁俾我哋吱解油膩嘅感覺真係好正仲有呢個 芝士蛋餅佢嘅木魚花多到好似山咁高 又係必打卡嘅嚟到嘅時候真係好震撼呀最後到飲品部份 呢個係蜂蜜玫瑰茶即刻貴婦既感覺出晒嚟另外仲有杯水果茶又係童年嘅感覺下面仲有好多新鮮嘅水果tim 甜味都啱啱好

晚上到這餐廳用餐, 餐廳環境 可以,但明顯人手不足. 侍應沒有什麼經驗. 食物 味道普通, 不是特別 好吃.我們叫了套餐, 是二人套餐 , 老實說 價錢 不是便宜,但是食物質素平平. 也有些失望. 差不多走的時候, 問 侍應套餐包不包餐飲, 他說不包, 我也覺得奇怪 , 離開後, 看回餐牌才發覺, 原來是侍應搞錯了. 服務質素和態度有待改善.吃過他們尖沙咀的分店 ,這一間食物和服務也有落差.

La Postre品牌在香港已經多年，特別是顏色有少女心，品牌感覺出眾。之前亦都喺尖沙咀店食過甜品，記得好滿足。在荃灣廣場地庫又多間餐廳，其中一間就是這間西班牙菜，同朋友食lunch一於揀呢間。見到佢餐牌仲有優惠，價錢合理，就選擇了以下兩款菜式：套餐方面可以自選沙律或餐湯士多啤梨胡麻沙律/西蘭花忌廉湯，好香濃香煎鵝肝牛肝菌意大利飯$138我超鍾意食！因為鵝肝的大小有拳頭大，是難得見到的size，可以這個價錢吃到這個份量。而且表面煎得香，裏面肥美熱騰騰入口即化，意大利飯方面分量十足，牛肝菌味道突出，配搭鵝肝一流。澳洲肉眼牛扒配燒汁及是日薯菜$110肉眼扒大大片，味道具有鹹香，加上有不同薯菜例如西蘭花、蕃茄、香脆薯餅，款式豐富多元化。+$15升級飲品士多啤梨莫希托/鮮果莫希托建議可以升級飲品，材料十足，例如鮮果莫希托方面裏面有粒粒士多啤梨、藍莓、橙、菠蘿等材料，味道甜香但不會有死甜。抹茶麻薯窩夫$108全個喜歡吃甜品的朋友堅持點甜品，如果食唔晒就打包，因為好難得窩夫裏面竟然有麻薯，口感煙韌有彈性，加上抹茶雪糕、香甜紅豆及糖漿等等，食食吓唔覺唔覺都食晒，味道不會過甜，而且配搭獨特，果然是明星

今日同老公來到荃灣食lunch，餐廳的全新lunch menu滿有驚喜高質又唔貴！🌟香煎鵝肝牛肝菌意大利飯 $138一上碟已經覺雲石碗勁靚，大大件鵝肝配上白汁意大利飯好食到停唔到，幸福的感覺🥰🌟Bbq醬燒西班牙黑毛豬肋骨配是日薯菜 $102大碟到呆左，最後兩個人食唔哂😂 好濃厚bbq味道，醬汁我同老公都大讚！烤蕃茄意外地幾好食😋🌟跟餐有沙律/湯，jo很喜歡南瓜湯好creamy！加$15仲可以轉特色咖啡，正🌟小食：$138 for 31️⃣西班牙紅酒肉丸 +$152️⃣炸魷魚配西班牙蒜蓉醬 +$153️⃣蟹肉芝士焗牛油果 +$28.三款小食都相當不錯，最驚喜係牛油果，面層滿滿芝士，啖啖蟹配搭青瓜牛油果好好食！辣辣地幾惹味但又有種好fresh感覺，好有心思！🧇朱古力布朗尼都窩夫 $78（half)心型窩夫好靚呢，配上朱古力布朗尼、朱古力雪糕和oreo，sweet sweet🥰.整體相當不錯，環境又舒服，食物質素高又唔貴，食個靚靚午餐先繼續番工心情都靚d❤️