La Postre (形點) (已結業)

同天氣先生一齊平日放假，睇到openrice 訂座有9折，見未食過就食下喇～平時經過門面都覺得幾靚，坐到入面望上天花板、環境都好有特色好優雅古典feel✨Lunch Menu 黎講都算多選擇，幾吸引既~不過清酒煙肉帶子意粉麻麻，雖然都有好多配料，但味道太淡無特式。反而南瓜蟹鉗忌廉飯就唔錯，creamy又入味，蟹鉗都好細心地拆左少少殼，好易就食到肉，加分加分😊等緊主食時，仲發生左個小插曲⋯⋯我同天氣先生傾傾下計一個唔覺意整跌左杯檸檬茶，成張枱都濕晒🙈兩位職員即刻衝過黎幫手，冷靜協助我地搬去隔離張枱，佢地夾手夾腳重覆抹左幾次，好快清潔好晒，完全無黑我地面！仲再沖番杯檸檬茶俾我地！！實在太好了👏🏻👏🏻 我地會小心d😂😂🙈🙈🙈

自從食過銅鑼灣嗰間之後，一想chill下都會想食La Postre，今日就去咗元朗嗰間食。.Dinner set有湯、餐包、主菜同飲品，主菜有意粉、黑毛豬扒、牛扒等等，我嗌咗：.西班牙黑毛豬扒配黑松露雜菌 Dinner set $248Ibérico Pork Chop (8oz) with Truffle Mushroom黑毛豬扒有驚喜，食過好多間餐廳嘅黑毛豬扒都會好靭好揩好難咬，但呢間煮得幾好，厚切得嚟唔韌，唔稱得上滑但唔揩先，醬汁鹹鹹地，抵食又開胃，可惜黑松露雜菌平平無奇，似沙律醬，同塊扒唔係幾夾，令人失望，建議最好扒同雜菌分開食。

我想先講第一次黎 望落去間餐廳幾靚 上網睇野食又好似幾好 先諗住過黎食飯 點知餐廳經理態度差到一個點 唔係我同老爺奶奶黎 我肯定拍台走左 先講食物 因為我本身冇諗住打食評 所以係食左一半食打 呢個菠菜雲吞 皮乾到硬 菠菜就係得面個4 5條 個雲吞入面擺粒芝士 好垃圾 仲衰過我係超市買返屋企整呢個橙汁意粉 食完真係好慘 第一 一擺落台 個經理話要搞混 佢企我隔離 我搞緊 佢竟然想搶我支叉同我搞 好似我大陸黎唔識用叉定唔識食意粉 如果你係態度好 一黎就幫我整 唔係叫我整 我整整下想搶黎整 呢個意粉個橙汁好似果汁溝出黎 又結結地 古古怪怪 又唔想點 好地獄廚神同埋我雖然係同屋企人黎食 其實疫情用公筷都好正常 佢地係冇諗住比多幾枝叉我地 問佢佢唔想比咁款 我同小朋友黎 佢比左小朋友餐具我 但好搞笑 我餵緊我女食 佢冇神神收走佢對餐具 但係張台好幾隻碟食完唔收 點解我話態度差 我地一坐低 我女望到有個膠模係椅上面 佢篤左一下 小朋友好奇好正常 佢竟然好惡咁同我女講 你整爛我搵差人拉你家 你唔好亂咁店 其實好多人都會善意去講 同埋係講警察叔叔 佢係真心小佢第二我女食食下落左地行去坐對面既嫲嫲 佢又

好少入元朗，所以都係揀番黎西鐵站附近食因有小朋友同行，見坐得舒服就入左去下午茶時間，人流唔算多Tea set menu 都算幾多選擇但因為同行朋友有人未食lunch我地就叫左意粉同甜品share Menu寫左好多蛋糕，但原來都係要睇出面蛋糕櫃有咩先可以點，仲要切件蛋糕都唔多3款甜品都好甜，食左2/3放棄左🤦🏻‍♀️意粉同薯條正正常常個醬整得唔錯

環境超靚，好少女星空feel 佢個tea set 好靚❤️同媽咪丫妹傾吓偈，食件cake 真係幾舒適佢啲飲品食物好花花好靚地方闊落坐得舒服😌 我都建議大家下午茶可以嚟呢度食下chill 下 放底都市煩囂

西班牙海鮮炒飯，伴碟美，食物不錯，只是鹹了一點豬臀肉，此店之美食。入口嫩滑，美味。芝士蟹肉龍蝦汁意粉，Yummy 👍前菜，沙津。雖然少但整二抔果汁，就清淡了一點。😀

友人想食西餐，但又想要有點新意，便與她一同來試。龍蝦西班牙凍湯未試過飲凍湯，在餐牌見到頗有興趣便點一份試。店員奉上時，湯碗內放有龍蝦肉及蔬菜蓉，然後店員會將凍湯倒入湯碗內，拌勻後試下，確是很涼的湯，顏色由橙轉緑。因為有蔬菜蓉，口感幾豐富，每啖都可咀嚼，不知是否因為溫度的關係，覺得龍蝦味不太濃，但很有新鮮感!西班牙海鮮炒飯(二人份量)海鮮排列整齊，大蝦新鮮，薄肉腸是偏鹹，與炒飯一起配合非常好味，炒飯辣味似泡菜但不太濃，又開胃又滋味，大蝦的心型祝福真讓人開懷!西班牙蟹肉焗薯皮如果食西餐沒有薯仔好像未夠完美，所以點了焗薯皮。軟綿綿的蟹肉與少許的薯蓉及配料混合，加上薯皮少許香脆，口感不錯，味道清淡。黑毛豬扒配黑松露雜菌沙律菜新鮮，已拌有沙律醬，是跟餐的細份沙律。黑毛豬扒有陣陣香味，豬扒非常腍身入味，油份適中好味。無花果脆批食欲不錯，再點一客甜品試下，甜品製作須時，來到的一刻賣相真美! 先吃無花果脆批，非常薄和脆，比想像中還要薄和脆!無花果甜度適中，加上雪糕也不太甜，很享受這脆批，很快就清碟了!大部份菜式都色彩繽紛，甜品果然有質素，食完還是依依不捨很想再點，要好好計劃一下下次怎樣滿足甜品控了!

#蜆肉意粉 ⭐️⭐️⭐️今日仲諗緊食咩好，打開#openrice 見佢訂枱有#9折 就決定去呢間西班牙餐廳食#lunch 。⭕️#lunchset 都幾多選擇，有跟湯同野飲⭕️有#chefspecial 日日都會有驚喜架⭕️訂枱有9折即係免左加一，抵食⭕️份量大，意粉多，大食人士岩晒唔怕唔夠食⭕️環境寧靜舒適，適合傾計同休息❗️個人覺得個意粉味道偏向中式❗️如果能夠用大蜆就更好喇總括來說，餐廳環境舒適值得去。

下午茶時段行經yohomall，睇咗好幾間餐廳既野食都百幾蚊起跳，點知見到呢間La Postre既下午茶餐都幾抵，兩個人最後$128就埋到單😚▫️牛肉竹炭漢堡配香草薯條終於食到黑炭漢堡🤣，個包皮好脆▫️煙鴨胸蘆筍番茄飯健康💕

一間好有驚喜嘅西班牙🇪🇸菜餐廳，香港都有幾間分店，今晚去試一試元朗呢間，菜色選擇都唔少，前菜小吃、甜品、主菜，總揀到啱自己嘅款式。員工絕對殷切招待，服務優質，食得開心又滿足😋———————————————————————————🥢女皇荔枝麻糬窩夫💬生果新鮮多款搭配，荔枝麻糬味道夠特別.🥢無花果脆批💬新鮮無花果配脆批效果很有新鮮感，是店員推介.🥢西班牙油條🥨💬肉桂味嘅西班牙🇪🇸油炸鬼，夠正宗，香脆可口.🥢芝士煎蟹餅🦀💬6隻蟹鉗絕對足料，但煎蛋餅有點實欠缺口感.🥢西班牙炒飯🥘💬好豐富嘅海鮮飯🦐🐚，蝦、青口、蜆、蠟腸，炒飯底味十足.🥢青檸香辣凍蜆💬蜜糖加青檸汁配蜆肉竟然係超乎想像咁突出，餐廳推薦首選👍🏻.其他菜式：🥢沙嗲雞肉薄餅🍕🥢黑毛豬煙肉欖油意粉🍝🥢海膽忌廉汁意大利飯🍚

📍La Postre今日經過形點去咗呢間食西班牙菜嘅餐廳，佢嘅下午茶價錢實惠，而且份量十足。最緊要嘅係佢嘅味道唔會太咸。飲品方面叫咗呢一杯雜果Mojito，分量十足👍🏻而且會主動問需唔需要少冰少甜，啱晒健康一族嘅香港人

上個月同班姊妹食飯，就㨂左元朗的yoho mall裏面的餐廳食飯，呢間餐廳的食俱同裝橫都幾精緻，而且係食西班牙菜，我們係食set lunch，我們就點鴨胸肉燴飯，白汁蝦意粉，牛扒同西班牙火腿waffle，份量剛剛好，味道好豐富，充滿西班牙的味道，值得一讚係荔枝玫瑰花茶真係好美味

生日飯來到1月份都仲係食緊哈哈哈！再次多謝好朋友愛戴！上環有間上樓西班牙菜，價錢合理，食品種類有驚喜！先來個番茄蟹肉湯，好creamy但不算膩，值得嘗試！青檸香辣凍蜆。溫馨提示：有一點點辛辣，但有了青檸加持，即刻fresh曬。蒜蓉包配鮮蝦。橄欖油比較overloaded。蒜蓉包略硬（可能我地食得太慢緣故）好似分開食比較好味哦！朋友推薦蟹鉗蛋餅，一拉出黎其實粘住蟹鉗的蟹肉好少，蛋餅重飽腹感，兩個女仔好容易滯。好啦，當佢前一晚問我想食Vanilla定係抹茶我就知道準備左甜品，不過女人都係有時候要扮蠢，唔好破壞人地專門為您準備既驚喜嘛哈哈！麻糬窩夫係La Postre既特色，不過咬落只有小部分係有麻糬，但賣相不俗，多謝您先！兩個女人食飯過後又要奮戰了。多謝您百忙中抽空同我慶祝兩個月前既生日，簡單一餐飯其實已經可以好開心。食飯其實真係一種修養，開唔開心都要食飯，自己食，定係同朋友食，都好唔同，希望大家都會珍惜每頓飯的意義。

依間餐廳🍴第一次食，環境成日經過都覺得好靚，今次同友人食個午餐預祝生日🎂啲lunch set都幾特別，份量岩岩好叫左3款，一個係蝦嘅意大利🇮🇹飯，我唔食得蝦，但友人都話唔錯，另外兩款分別係豬配薯條🍟同埋煙三文魚麻糬窩夫🧇我覺得麻糬窩夫🧇好有咬口，令我好深印象係咸點黎，覺得幾特別配埋沙律🥗菜之後都有送甜品，但唔係好記得係乜東東較甜，入面有粒小型蕃薯🍠仔，食落口感都幾得意下次希望有機會試晚餐

網上評語又不錯，食物在網上睇幾靚，昨晚西班牙海鮮飯做特價，原價$298，優惠價$198，裝修不錯，坐位舒服「西班牙海鮮飯」味道不錯，但較為乾了點，飯上放了櫻花蝦，有口感「海鮮湯」不夠濃、但也香滑「芝士蟹肉餅」太乾，太少芝士，所以食不出有芝士味道「香蒜啤酒煮蠔配多士」蠔是新鮮，但蒜太多，蓋了蠔的鮮味