La Postre (形點) (已結業)

今日放工往元朗晚膳，La Postre位於形點一期，主推西班牙菜，餐廳地方闊落，裝修清雅舒適。小食點了蜜瓜黑毛豬，薄切黑老豬咸香味美，夾著清甜蜜瓜，口感甚佳。主菜西班牙海鲜炒飯，排列整齊，份量豐富，青口大隻鲜甜，炒飯鋪滿蝦，蜆和香腸，賣相吸引，飯質軟滑充滿海鮮清香，口感豐富。以雜果麻糬窩夫作為甜品，呈花形排列為賣點，軟熟窩夫內含香滑麻糬，窩夫上鋪著芒果，無花果，黑莓等鲜果，再加上香滑雲呢嗱雪糕，美味可口嘅甜品。再來一杯冰凍清甜嘅雜莓沙冰，解渴怡神，確是一頓形點又美味嘅晚餐。

早已試過CWB店，當時覺得海鮮水準好好，見YOHO都有間（其實經過過好多次，每次見到佢d蛋糕都覺得好靚），就決定同友人去食個lunch。揭餐牌見到有個啤酒火鍋，好多海鮮好吸引，就叫左個忌廉蕃茄湯底既啤酒火鍋。個火鍋煲係一個茶壺形狀，好特別，店員仲端上左兩個小玻璃杯俾我地最後裝湯飲。呷一啖湯，好creamy，加入啤酒，香味撲鼻。海鮮有鮮蝦、螺、蟹腳、蜆同帶子，每款都挺新鮮，值得一提係佢個蒜蓉醬超好食，點海鮮食好邪惡。芝士煎蟹餅 - 好足料，焗出黎熱辣辣，可惜是蛋有點overcooked，同如果裏面既芝士放得平均d會好d。綠茶麻糬窩夫 （FULL) - 賣相好吸引，配料都好有誠意，有綠茶蛋糕、綠茶moussy、紅豆、吉士、楓糖漿同綠茶雪糕。欣賞佢抹茶既味道好濃，唔會太甜，尤其是綠茶雪糕，最後帶甘，好想食多球。而窩夫釀入麻糬，口感煙煙韌韌，但個人都係比較喜歡脆身巴窩夫。餐廳環境好靚，我坐卡位覺得幾舒服，食物質素都ok。

下午茶諗唔到食乜，行過見到呢間新餐廳未食過，而且餐點又幾特別，就試一試先👅係餐牌吸引住我既特色餐點就係呢個喇，泡菜雞絲窩夫配羽衣甘藍沙律🥗😍估唔到一間西餐餐廳會有泡菜同窩夫既mix and match，重點係食落又幾夾喎，泡菜雞絲連辣辣地，夾埋個窩夫既感覺幾特別👍🏻成功既fusion菜😋😋而羽衣甘藍都好新鮮，夾埋黑醋汁超fresh👍🏻👍🏻

X田超市 最後一日優惠 小妹同肥仔用盡晒啲力去瘋狂搏殺後發現超級肚餓😂 好彩Yoho有好多野食選擇🤤話明大戰完，搵個地方醫肚當然要好味得黎又可以舒服坐，有位放戰利品之餘要唔逼夾，最好就唔太嘈仲可以同戰友傾下戰後心得啦👻哈哈最後我地揀左裝修充滿歐式風格嘅LaPostre食西班牙菜🇪🇸🇪🇸🇪🇸🇪🇸🇪🇸望住個餐牌有幾樣野都想食， 但為免眼闊肚窄；最後我地就揀左呢幾樣～～～～去相～～～～1） 青檸香辣凍蜆 $108凍蜆配上青檸汁同辣椒絲，感覺很清新又開胃！忍唔住一食再食🤤！而且粒粒有肉，唔會得個殼👍🏻至於辣度，對於 “譚x米線” 食三小辣至四小辣嘅我黎講,開頭食落唔算辣, 食到八隻至十隻蜆左右就開始要飲嘢解辣😂 2）西班牙海鮮飯$298西班牙海鮮飯一上枱勁香，唔怪得之啦，原來除左海鮮外仲有櫻花蝦乾 青檸 洋蔥 三色椒 紫椰菜 等等😍 飯底夠熱，香口，飯粒硬度ok;海鮮方面，蝦唔算細，蝦肉實淨， 蜆無沙，青口肉滑唔鞋👍🏻色香味俱全，份量都唔少，值得推介！ ❤️❤️❤️3）鮮雜果麻糬窩夫 full$138到上甜品時職員好細心好好人 幫我地清晒枱先上甜品🥰（需知呢樣野係非必然的，值得加分😘）影相打卡都靚啲

西班牙海鮮飯是本名必叫的菜式，已經食第四次，也試了不同款色的西班牙海鮮飯！試過吃有原味的，有墨汁的，也有紫糯米的。每次吃也覺得海鮮好吃，飯香濃郁！必屬佳品。而下午茶的價錢更是很抵的！跟餐+$15就可選擇飲特飲。簡直是開心大眾價錢（加一不跟特飲，也是$100蚊樓下），便可享用美味野食的享受。但意粉就有點硬了點，同我吃飯的人覺好是爽口感，大家也可試一試呀！然而部份服務生常常也忘記客人的要求，如要餐碟、暖水等，很快便忘掉，要追兩次才會跟進。

今午與朋友下午茶，朋友點了士多啤梨咖啡，我點了雜果水果茶和百爵茶慕斯蛋糕。我的水果茶到了，甜到爆，而且不是水果茶包，而是用濃縮橙汁，幾乎是沒有加水開稀的程度，我自己加了一杯水都仍然很甜，杯水果茶真的越飲越大杯，飲極都有。蛋糕過了20分鐘，追單才出現，但整個蛋糕又是超甜，飲完極甜的手水果茶都可以覺得甜，就明白應該有多甜了。朋友的咖啡向侍應催了三次（是個新入職戴眼鏡妹妹），第三次妹甚至只望我們一眼，就垂下頭扮看不到，等了45分鐘，再向另一個侍應追，又是沒反應，結果50分鐘時我們放棄了。走時侍應只跟我們say sorry, 我好好奇這餐廳的水吧是不是不可催的？

今次係第三次嚟食 之前試過呢度嘅意粉set lunch 份量唔少 包晒前菜 餐湯 main course同飲品 都好抵食。今次黎就試吓個甜點 話就話甜點 但其實又唔係完全係🤔叫左個煙三文魚香辣麻糬窩夫配青瓜沙律。一聽就覺得個名好怪 但出奇地所有嘢都幾match 食到停唔到口 窩夫入面滿滿嘅麻糬 加啖辣辣嘅煙三文魚 口感好正👏🏻 食埋啲沙律 都夠晒飽肚睇返先知原來間餐廳啲窩夫好出名 下次再試試其他先

最衰 無影相點左兩個意大利飯一個南瓜 一個菇初以為會好肥 好多芝士唔好食但出來效果唔肥又唔油份量適中 食完夠飽雖然價錢中上但好值得👏🏻👏🏻👏🏻👏🏻👏🏻個水果茶幾好飲tim好好味架 👏🏻👏🏻👏🏻👏🏻

520特別日子同媽咪黎食，當作母親節特別款待媽咪用餐。特別日子，那麼就選擇特別餐廳。在Yo Ho的範圍內就選擇這間餐廳。set餐唔包野飲，但可以+15元轉特別野飲。酒精飲品都有提供，選擇左呢最貴的一杯。鮮雜果mojito主食叫左z005三文魚，z010黑毛豬。認真有魚有豬，三文魚個人認為屬於水果系列的健康菜單，可以清爽形容，都比較符合胃口。主食加少少錢可以再點一份細型沙律，士多啤梨不夠甜呢，用餐前食佢都夠開胃。重頭戲好似係呢個賣點黑毛豬黑松露，本身食肉獸就已經準備開餐了，陪襯芝士薯條，搭配入口松脆夠味道。特別的日子同媽咪簡單午餐就這樣解決喇。

餐廳位於形點一期地下，裝修時尚有格調，主打西班牙菜式。青檸香辣凍蜆 - 蜆肉鮮甜肥美，加上清新酸辣的香檸汁就更添滋味。西班牙海鮮炒飯 - 飯面舖滿大蝦、蜆、青口、櫻花蝦及西班牙肉腸，炒飯充滿海鮮的鮮味；飯內加有爽口的三色椒粒，紫椰菜、青瓜等多種配料，味道及口感俱佳。雜果麻糬窩夫 - 窩夫軟熟蛋味香濃，加上雲呢拿雪糕、香滑麻薯、無花果、藍莓、黑莓、芒果等多種新鮮生果，豐富又好食。士多啤梨朱古力咖啡 - 香滑朱古力咖啡中帶點士多啤梨的酸甜味。宇治抹茶紅豆 - 香滑的宇治抹茶和香甜的紅豆從來都是最佳拍檔。

朋友仔嘅生日，提早book定枱來到呢間！點解book呢度嘅原因係呢度唔限時，可以任坐唔嬲！一行7人叫左好多嘢食喔！服務又幾好，不斷幫我地添水！野食到喇芝士帶子仔菠菜意大利餛飩 ($138)西班牙海鮮墨汁飯 ($298)西班牙豬手 ($388)芝士煎蟹餅 ($168)黑毛豬煙肉欖油意粉 ($98)除左黑毛豬煙肉欖油意粉好啲外，佢啲主菜又貴又唔抵食，啲配搭怪怪地，芝士煎蟹餅仲成堆粉，好失望！甜品還好，同佢慶祝生日有即影即有相同生日卡，都叫特別，加返少少分啦！鮮雜果麻糬窩夫 ($138)呢個Crème brûlée係登記會員免費送，呢個好香好滑，不過係無得賣架！

睇完avengers4想食下宵夜，咁啱經過呢間餐廳，個侍應話夜晚9-10pm有宵夜餐，其實就等同下午茶餐，見到細細份，又未食過西班牙🇪🇸菜就試下啦～本身想試佢個二人starry night set，全部都細細件、一口，有甜有鹹點，但可惜馬卡龍同漢堡既材料都賣曬🥺咁就叫main+drink set啦～我叫左一個cake set，朋友叫左個三色雞noodle，我個個cake㨂左玫瑰🌹伯爵茶味，顏色好少女、味道都好有玫瑰同茶味，唔會死甜，幾好😋個noodle比想像中出色，個雞好嫩，三色椒又甜，面軟硬適中👍👍下次有機會會試下主食/甜品，好似都好出名😚🤩🤤

一直都好想試西班牙菜，所以就嚟咗元朗yoho 的La Postre 試一試。當然同一位朋友一齊去，我地係叫左一個頭盤，一個主菜，一個甜品，同二杯野飲。首先，頭盤係一個青檸凍蜆，份量都不少，剛剛夠二人食用。這味菜清新酸甜，帶出左蜆既鮮甜味。而主菜是西班牙海鮮燉飯，份量都係夠二人分享，而且海鮮有蝦，青口，蜆，都算豐富，飯底是用三色椒炒，口感豐富。而甜品是抹茶麻薯窩夫，有一球抹茶雪糕，不會好甜，而且配試抹茶醬，紅豆等等，用料豐富。而飲品我們叫了一杯水果茶，味道似水果波子汽水，另一杯是柚子梳打，好清新。

同姐妹約聚餐，想搵間靚裝修又坐得舒服既餐廳，就黎左la postre。我地叫左傳統西班牙餐廳會有既Gambas配蒜蓉包，橄欖油蘸包食，只有香酥味美，毫無油膩。前菜我地仲叫左青檸煮蜆，係冷盤，非常清新，咸度剛好，唔腥。另外仲有個驚喜，就係蜜瓜黑毛豬，無諗過蜜瓜居然同火腿咁夾，咸甜融合，好清爽。我地主菜叫左兩個二人西班牙海鮮飯，一個係墨汁飯，一個係原味。海鮮料多，個人覺得墨汁飯更勝一籌，飯入面有牛油香，加左少少甜味，好好食。後來大家差唔多食飽，各自叫左幾杯野飲，朋友叫既水果茶好香好飲，我個杯咖啡既水準都唔錯，好過好多香港cafe。總而言之，真係好滿意既一餐。

今次係朋友升職請食飯，諗住去間好少少的餐廳坐下，又順便聚下舊傾下計咁之前都食過一次lunch，覺特抵食之外都幾好味，所以諗住試下佢夜晚係咪都係咁好～我地一行八人，坐左張長枱，一坐長枱就好唔方便傾計😂😂😂但冇辦法，我地十習慣要便傳話筒，由東傳到去西，最緊要坐得舒服😌不過唔知係咪公假，啲侍應忙定點啦，啲態度真係麻麻地，黑住面落單，又唔係好耐煩咁我地叫左兩個西班牙炒飯，其中一個係墨汁的，我地唔記得影相又唔記得個名🤦🏼‍♀️但呢個我地全部食完都話好好食，推介！不過唔知點解兩個飯食食下都有昆蟲飛落來，都幾驚，好彩當時食到尾聲，另一個侍應行過都好主動幫我地換其他都不過不失，另一推介係飲品，我叫左個熱既水果茶，因為唔係好舒服唔飲凍野，原來以為普通一杯送上來，但送來時都幾驚喜！入面多水果得來都好飲！可以試下我地total叫左2個前菜，4-5個主菜都飽，埋單就二千蚊有找不過覺得都係上次lunch既感覺食得開心d～melon唔夠甜，ham咸左d