La Postre (形點) (已結業)

之前食過午餐同晚餐都覺得ok食物還滿意一般不用等檯太久算係方便之選訂檯話係慶祝生日餐廳confirm booking 時問我甜品生日牌寫咩名去到明明有好多吉檯佢要我搭檯食完主菜我問係唔係有甜品佢話晚餐無跟甜品咁你又問我個牌寫咩名🤔講完一輪又唔主動俾甜品餐牌問係咪有餐茶都好似一頭霧水咁可能侍應經驗較淺但我無諗過我食生日飯你安排我搭檯而且週圍都係吉檯最後連叫甜品嘅心情都冷卻了過咗一個無甜品嘅生日希望日後服務可以改善

終於有少少時間寫番食評，真係唔寫唔得!!朋友慶祝我生日，佢地話見到元朗yoho 有呢間西班牙餐廳，啲環境同食物都唔錯，於是就預先book 左三位，嚐試新野間餐廳位處喜茶下一層電梯，一落電梯右手邊就係，開揚清新。菜式方面，我樣樣都想試，但有幾款好似特別出色，因為我地得三個人，都簡左一陣牛油果蟹肉沙律一個字集合左我最鍾意食既牛油果同蟹肉，仲有少少菜做底，仲食到蟹膏味，little salty蔬菜墨西哥玉米片呢一餐最愛，Tapas 本身就比較硬身，呢個食落去好野味、juicy，有少少辣，就算凍左都好好食雞肉烘餅脆皮、多汁，雞肉味道有少少似M 記個雞腿包西班牙海鮮飯海鮮幾新鮮，飯係多汁帶辣，最令我驚喜既竟然係果兩朵「花」，其實係ham 黎，入口好豐富既喊香味，久久未散！P.S. 朋友話係Openrice 訂座，呢個菜式減$100，原價$298既話就未必點了！蟹膏意粉嗯，相對好喊，蟹膏要趁熱食，如果唔係會好腥，個人覺得唔配蟹膏都得值得Encore, 黑毛豬同龍蝦意粉等我呀

數月前和好姊妹去過尖沙咀分店，裝修和食物均令人喜出望外，一直希望帶著我的他到訪。早前發現家附近的Apple Green舖位變成了La Postre，不用等到出尖沙咀才吃到了。裝修貫徹歐式英倫風格，樓底很高，空間感十足。餐具與花花外圍很相配呢龍蝦燉飯的龍蝦擺法令人食指大動，把龍蝦肉混合龍蝦膏一起吃，鮮味倍增，飯以龍蝦湯煮成，非常入味，也有粒粒小帶子。芝士煎蟹餅需時烤焗，下單時店員已表明會比主菜後上。小食份量比想像中大，3-4人分享較適合，蟹餅以蟹肉、菇和大量雞蛋製成，質感厚實有蛋香，底部的蛋邊卜卜脆，木魚加入咸香感。鮮雜果麻糬窩夫賣相一如以往的誘人，無花果、黑莓、奇異果、士多啤梨和芒果均非常甜美，麻糬份量不少，配蜜糖同吃，是令人飽足的甜品。不過窩夫的牛油香味比尖沙咀店弱，甜度也較高，若可再調較一下會更好。最後以鮮草莓蜜桃果汁綠茶和荔枝Mojito作結，這裡的飲品$68一杯，並不便宜，不過果味天然又濃郁，不會過甜，是一個美好的終結。門外有餅櫃，我對左邊的玫瑰伯爵茶慕絲幾有興趣的。餐廳服務非常好，適時加水，吃甜品時店員會為我們清理乾淨檯面，也會換碟和提供濕紙巾。

YOHO 開左甘耐黎左甘多次, 都未黎過依間西餐廳每次經過都會聞到香噴噴既Waffle,今日忍唔住好想試下入面坐位十分闊落，環境清靜朋友聚會或者情侶都合適我地揀左好耐，終於決定散叫青檸香辣凍蜆 ($108)凍食清新鮮甜，配上青檸十分開胃再加上辣汁其實辣味並唔濃烈龍蝦燉飯($298)原條龍蝦，肉質札實，啖啖肉的感覺金黃色的燉飯，米不會太軟或太硬口感適中抹茶麻糬窩夫($108)窩夫上有個個大大的抹茶味雪糕，窩夫內亦都內有乾坤咬落去原來內涵係抹茶味的麻糬，好有咬口

好姊妹生日，當然要食好西，壽星女選擇La Postre。中午時段不限時，幾姊妹可以輕輕鬆鬆傾計，無需急趕地食飯👍👍Set Lunch包括：湯/沙律（2選1）＋主菜＋小甜品叫了兩個Set Lunch，先來兩碗沙律。沙律菜、蕃茄仔好新鮮，麵包粒好脆口主菜之一：豚肉菠菜意式介子餛飩好creamy，豚肉只有幾片，餛飩就有十隻八隻，份量細，偏甜主菜之二：虎蝦牛肝菌意粉只有三隻蝦，伴有少少菇，味道較淡，價錢貴😣小甜品是一口餅，伴有香蕉片、藍莓、士多啤梨，味道一般🙁大力推介：西班牙海鮮飯（2人份）份量足夠四人食，好足料，帶少少辣，好正👍👍鮮雜果麻糬窩夫：好surprise，竟然有Happy Birthday 牌及蠟燭，可能訂位時有提及慶祝生日😁職員更會用即影即有相機拍照，放在生日卡中，可以留為紀念😍疑問：如果沒有點窩夫，有沒有這個服務？🤔填問卷每枱可免費獲贈焦糖燉蛋1份，燉蛋超級嫩滑，有時間可以填一填意見😀

近排決定試吓唔同國家嘅菜式，擴闊自己係飲食方面嘅領域，唔想食嚟食去都係中式、日式或美式/意式的西餐。上次就喺元朗呢個商場試左葡國菜，今次就試下呢個商場的西班牙餐廳 La postre。環境好好，落地玻璃可以睇到出面。而家日照長，六點天色仲好光。靚靚餐具 西班牙海鮮飯（二人份量）個飯煮得好好食呀，食落去有甜甜的蕃茄味，仲有獨特的香料，有特色！除左照片見到的海鮮（蝦、青口、蜆），仲有西班牙香腸，飯裏面又有好多洋蔥、紅黃椒、拌飯好好食。飲品則是宇治抹茶紅豆，味道okay。近鏡再回味一下仲叫咗呢個小食，蜜瓜西班牙黑毛豬（24 個月）。有四大片黑毛豬。黑毛豬無 parma ham 咁鹹，個蜜瓜好新鮮，好好味。成個配搭好好食完主菜梗係食埋甜品啦。我哋叫咗一個鮮雜果麻糬窩夫。雜果有好多款，有奇異果、士多啤梨、黑莓、蜜桃、橙、無花果，好豐富。中間就係雲呢嗱雪糕。整體來講唔錯，不過又未至於驚艷。總括來講，今餐都幾滿意，我下次要食西班牙菜，我都會揀呢間（可能其他分店），因為餐牌上仲有好多其他菜式想試但今次未試到啊。

呢一間西班牙餐廳好多區都有分店，之前吃過幾間，味道好好。今日約了朋友到元朗食晚餐，所以決定再推介朋友一齊吃。呢間裝修都好精緻，以綠色為主色，餐廳光鮮、乾淨。坐入去令人感覺好舒服。看過餐牌後，先點了兩杯飲品。一杯是士多啤梨mojito，味道不錯，帶有士多啤梨香味，冰冰涼涼，爽呀。朋友點了一杯青檸、桃沙冰。賣相十分靚，成座冰山出現在眼前。而且仲鋪有青檸、桃的生果。味道酸酸甜甜、果味香濃，好開胃，岩曬夏日享用。我們點了餐廳的經典菜式之一的芝士蟹肉蛋餅。熱熱的。芝士跟蛋十分配合，味道很好。好惹味，仲有好多蟹肉，買起來鮮鮮甜甜。整個菜式都係即製的，所以熱辣辣，特別惹味。上方仲有木魚碎。正餐點了一份西班牙海鮮炒飯，份量好大，足以兩人食用。上面鋪上了滿滿不同的海鮮，有大蝦、青口、蜆。十分爽口彈牙，每款海鮮都好好味。另外我最欣賞是那個炒飯，因為味道一流，又惹味。吃完正餐再點了一個甜品這裡的窩夫是好好吃的，每次來都一定要吃。今次點了抹茶麻薯窩夫。配上了抹茶麻薯，感覺好特別，好Q彈，麻薯夾在窩夫中間，吃起來口感好正。外脆內QQ，十分滋味。仲有雪糕、紅豆、吉士等等配料可自行配搭。十分滋味。

星期一又是要獎勵下自己的時候，今晚又來yoho mall 的la postre，吃西班牙菜。因為地點方便，環境都幾舒服。今晚叫了蜜瓜黑毛豬（24個月大），啤酒海鮮火鍋，鮮雜果麻糬窩夫。蜜瓜黑毛豬（24個月大），清甜的蜜瓜多汁，配上黑毛豬，黑毛豬大大片，蜜瓜中和了它的鹹味，剛剛好。啤酒海鮮火鍋，第一次試，有驚喜，要了不辣的蕃茄忌廉清湯，海鮮豐富，新鮮鮮甜,帶子和蝦都很大，加上湯底的蕃茄，清新，不會搶了海鮮的鮮甜味。鮮雜果麻糬窩夫，一向愛好甜品的我，麻糬更是我喜愛的，水果種類豐富，熱辣辣的窩夫配上麻糬，外脆內煙韌，配上新鮮水果，完美的句號。

放咗工，約咗個舊同學喺形點揾野食，行行下發現咗間叫 La Postre嘅西餐廳，原來係食西班牙菜嘅，平時好少食西班牙菜，所以決定試一試。首先叫咗頭盤蜜瓜黑毛豬，塊黑毛豬好大塊，好香，蜜瓜已經切好咗一粒粒，連埋黑毛豬一齊食，好match叫咗兩杯mojitoBlueberry Mango MojitoLychee Mojito西班牙海鮮炒飯，好大碗，好足料，好多海鮮，炒得幾香，兩個人食都夠哂飽最後當然唔少得甜品，好酒無花果芝士蛋糕

相識很久好朋友，今天約中午在元朗西鐵形點相聚一下。於是選擇了「La Postre」食西班牙菜😍。來到餐廳門口，擺放甜品櫃的甜品，太吸引啦！🥰🥰進入店內，感覺優雅舒適，座位擺設空間也闊落，也設置很多卡位聊天之選也是個好地方👍👍《芝士煎蟹餅》＄168送上來熱騰騰的，餅上放了很多木魚片，餡料有芝士、蛋、煙肉、蘑菇、蟹鉗焗製而成。濃郁芝士味道，蟹肉結實，口感豐富，很香口😋😋《西班牙海鮮炒飯》＄298豐富食材，有青口、蜆肉、大蝦，西班牙風乾火腿，急不及待品嚐，吃落飯軟硬度剛剛好，大蝦爽口，越食越開胃😋😋《雜果麻薯窩夫》＄138花形窩夫放滿了很多新鮮雜果，有桃、士多啤梨、藍梅、奇異果、橙、嗓子等等，配合雪糕球，急不及待品嚐😍窩夫相當厚重，吃落外脆內𥚃鬆軟，配合不同生果加上少許蜜糖一起吃，不太甜，味道一流😋😋《蜂蜜柚子Mojito》＄68這杯啱晒朋友口味，滋潤一下，柚子味道清新😆《鮮雜果Mojito》＄78色彩繽紛，果肉厚實，味道很清涼感覺😊很開心啊！相聚時光食完一餐西班牙菜🥰

一早就知道呢間餐廳的窩夫好出名, 所以決心試下.叫左個黑毛豬芝士麻糬窩夫配沙律, 當叫餐時, WAITER 好奇怪咁問我要湯定沙律, 我心諗餐唔係已經講明沙律了嗎, 但我都照答佢要沙律, 飲咖啡, 沙律同咖啡好快就到, 蜜瓜好甜, 沙律都好大碗食完了沙律好耐, 差唔多30分鐘, 但窩夫仲未嚟, WAITER話窩夫係要即叫即整, 但等了40分鐘仲未到, 眼見其他遲入的客人都有得食, 忍唔住再問多次WAITER, 誰不知見到WAITER 同水吧講左聲, 但又冇再覆我, 最後從遠處聞到窩夫味, 應該係留左單, 窩夫熱熱地, 麻糬甜甜, 配上咸咸地的黑毛豬加芝士, 好好味, 味道好夾原來餐係再有好多沙律, 當然 沙律都係好好味, 配上瞉麥, 增加飽肚感總括: 1. 食物好味, 但待應溝通不足, 如果落單時佢同我講前菜係可以配沙律, 咁我一定會揀湯.2. 留單唔緊要, 但唔好我追第一次時話我知要時間整, 其實係冇查到, 到追第二次時, 因為怕, 所以唔覆我話係留單.

呢間位於形點一期的la postre，裝修好靚，餐廳氣氛好像不錯，便去試試。呢間餐廳有好多種類的食品，小食就點了芝士煎蟹餅，賣相非常吸引。入面是煎蛋加上蟹肉，蛋味很濃郁。然後到了重頭戲的主食，點了龍蝦燉飯，是二人份量的。呢個龍蝦好足料，好大隻龍蝦，而龍蝦好新鮮好香。燉飯入面也有海鮮，而飯也燉得十分入味，充滿著龍蝦味，好好味。呢個是必食推介。食完龍蝦燉飯已經好飽，但仲想食甜品，就點了什果麻薯窩夫，窩夫好鬆軟，配上雪糕太滿足。

芝士焗爙啡菇原本一定實好食，但入面嘅餡料你都令到佢好一般，而且價錢比較貴囉，細細份～焗牛油果又係餡料同牛油果個味道唔夾！牛扒係幾香牛味嘅...不過可惜乾左啲囉...有d 鞋同埋佢比嘅鹽係比較少囉，咁啲牛肉係要拈d鹽先可以釣味西班牙海鮮燉飯呢個西班牙海鮮飯嘅做法唔算正宗，但係個味道係OK嘅，有少少香辣味，而海鮮都真係不過不失啦，唔係太鮮又唔算囉呢個貴得唔值，蟹鉗焗蛋呢個真係可以唔需要叫！雖然蛋係好食嘅...但要比百幾蚊一碟嘅話其實真係好唔抵囉蒜香炒意粉配Parma ham, 個意粉係幾al dente 嗰啲算有彈性，而味道都唔差嘅...但係都係百幾蚊一碟其實真係好唔抵呢個甜品賣相唔錯，味道都幾OK 嘅！佢個酥皮就係現成買返嚟嗰質素，唔係自己差個種，但雪糕就好一般嘅...似係牛奶公司貨色

今日形點行街，加上出面落雨，於是響商場搵好野食！見到有呢間食西班牙菜，幾特別，於是入去試。環境舒適，坐得舒服！餐具、擺設都很講究！我地叫左個青檸香辣凍蜆：少少辣，少少凍，加幾滴青檸汁落去，好開胃，d蜆無沙之餘，仲好肥美！再叫左個西班牙海鮮炒飯，份量好足，有唔同新鮮嘅海鮮鋪在面上，買相已經攞滿分，青口肉味鮮美，d飯一d都唔乾身，口感唔錯。炒飯的味道剛好，不會吃幾口就膩了，可能有燈籠椒的關係，有少少辣。呢到野飲選擇都幾多，亦有酒精飲品。我地叫左一杯士多啤梨莫希托，一杯藍莓芒果莫希托，有少少氣，有水果嘅香味，消暑一流👍食埋個甜品先至夠完滿，所以叫左個鮮雜果麻糬窩夫，呢個窩夫足足等左15分鐘，（建議大家可以提早order)原來係即叫即整的，上面有唔同新鮮嘅水果，加埋雲尼拿雪糕一齊食，個味道好夾好yummy！每一件窩夫都係❤️型，好有心思！只能講香港真是個美食天堂，唔使長途跋涉，就可以食到如此有特色嘅西班牙菜！

yoho 原來有一間西班牙餐廳在地下，一直常常去看戲，也不知道地下有這餐廳。餐廳情調很不錯，綠色欄杆，配上粉色絲花在旁。服務員安排我們到卡位，今日和舊同事慶生，估不到對方安排餐廳這麼漂亮。餐具很漂亮就是感到很浪漫。好想下次和老公去吃，很適合情侶。餐牌菜式除了基本常見:西班牙豬手，地中海海鮮炒飯，有未聽過啤酒海鮮鍋?無花果黑醋章魚沙律? 青檸辣凍蜆……甜品有驚喜，可能就港人喜歡:無花果芝士蛋糕，麻糬窩夫……我們最後選了3個菜，主菜:龍蝦燉飯$298(2人份)嘩，比想像中吸引，要打卡除了中間波士頓龍蝦，意大利飯很軟糯，而且很多海鮮粒，有帶子，有尤魚，有魚肉，蜆肉，櫻花蝦。另外我們選了小食，芝士蟹餅……嚇一嚇很大份6隻蟹鉗，有點像蛋餅，芝士味不錯，中間有磨菇，上面木魚絲很生動，這小食感到西日料理。第3樣是甜品我們很想吃綠茶麻糬窩夫甜品是西餐中很重要尾升，綠茶麻糬粒很有雪糕蛋糕感覺，茶味很濃，很適合我不喜太甜。另外自己配上紅豆，吉士，綠茶雪糕，綠茶味忌廉，糖漿。發現我們2人食不完，最後我們剩下不少，外帶回家不浪費!咖啡方面很不錯，很滑。