La Bouteille (Old) (已結業)

我幫襯過法式鵝肝專門店的私房菜一次﹐都係$310﹐有頭盤有鵝肝有主菜有甜品﹐價錢以私房菜黎講我覺得尚算合理。(想請問下面的朋友有否$200左右有鵝肝的法式私房菜選擇可提供﹖)先講環境﹐的確不算高級﹐當然亦無高級法國餐廳的浪漫情懷。但我個人認為﹐都算坐得舒適自然﹐起碼環境這方面跟其它西式私房菜相比﹐並無特別差的感覺。貌似岑建芬的老闆都好有耐性講解當晚菜式選擇﹐當時我問左兩個有關菜式的問題﹐老闆都詳細回答。只是另一位東南亞籍女侍應就略為COOL左少少﹐但亦絕對可以接受。食物方面﹐頭盤是不過不失﹐但餐前的WELCOME DRINK同芝士餅乾就幾出色。煎鵝肝雖則份量並唔係多﹐但水準頗高﹐而且菜單最仲有主菜﹐我反而覺得鵝肝的份量不宜太多﹐而我當晚所食到的﹐我覺得係剛剛好。主菜方面我自己要的係烤羊肩﹐做得算唔錯﹐肉汁多﹐份量亦足﹐唯一要彈的相信只是肉質較老。但羊肩本來就唔係一隻羊當中最靚的部位﹐味道做得好﹐已是合格。相反太太所要的主菜煙鴨胸就太過"老實"。所以﹐我會同意主菜水準並唔係TOPCLASS﹐但係如果話鵝肝份量太少我就會懷疑是否要求太高?甜品方面﹐我首先想講﹐我食過幾個地方有水準的Crem

食家C有無搞錯﹖無得頂﹖﹖﹖成餐飯只得一塊鵝肝﹐3個course加甜品冇飲品要$310但連街邊小餐廳水準都不如仲話無得頂﹖新年前已經預訂2月12日晚飯4位﹐打算大拆鵝肝做晚餐﹐點知同樣叫“法國鵝肝專門店”﹐晚飯其實只是上樓私房菜﹐仲係名不副實﹐餐廳環境完全是office改裝﹐十張台有幾款椅湊雜埋一齊﹐仲係好似酒樓頂手唔要掉出來果D﹐嚇死人﹗地板單薄又cheap... 第一個感覺已經好似去左飯堂﹗第一道菜蝦螺冷盤﹐D蝦又霉又鹹﹐似長州鹹蝦。個湯是菜蓉cream湯﹐又稀又無cream味﹗最好係鵝肝﹐煎得脆﹐但細塊。main course要加錢先有rib eye, OK。鴨胸似吉之島雪藏煙鴨胸﹐無味﹗燜牛尾好似花園餐廳個晚餐﹐最離譜係個羊肩寬條麵﹐鹹到喊﹗應該係羊肉勁唔新鮮﹐所有要咁鹹﹗我真係食到一粒粒鹽﹗甜品要了雪芭﹐太甜。creme brulee 竟然係已經凍晒既﹗﹗﹗連個焦糖都又厚又硬﹗對唔住唔知個咖啡得唔得﹐因為個餐唔包﹗非常失望﹐更有呃錢之嫌。。。激氣﹗

昨晚終於試了我想試好耐既鵝肝專門店私房菜, 嘩, 好掂呀!!! $310 包括starter 係海鮮拼盤, 有French Shrimp, Belon & 有個柚子mousse, 好別緻, 生蠔好甜, 其餘兩款都係熟的, 估唔到細細隻既French Shrimp 有咁多蝦子, 好夠味: ) 跟住黎個西洋菜湯, 一人分量少少地, 好fresh, 配埋一件烘過的法國煙肉麵包片, 好香~接住當然唔少得鵝肝, 入口即溶, 真係無咩好講, 一人份量實在唔夠喉, additional 要加$100, 不過要留後, 所以唔敢加... main course 我和朋友點了鴨腿和牛尾, 真係無得頂, 鴨腿既做法好得, 真係可以做到皮香肉滑, 唔需要咩sauce, 焗完既鴨腿仲可以好嫩同好juicy, 真係值得一試!!! 牛尾之餘又唔會做到碎晒無口感, 配埋濃味既汁, 好似食緊牛根咁, 真係做得唔錯!! 老闆話鴨腿要用好多心機整的, 而牛尾係去埋骨的, 用料真係好好, 雖然碟上無乜材料用o黎decorate, 但真係真材實料呢: )甜品點了warm chocolate & papaya crumbl