KT Music Cafe (已結業)

已經好耐冇聽過 live music喇，啱啱上星期六，有個玩開band 嘅朋友叫我去一間音樂餐廳食飯，就冇諗太多嘢，跟佢地一齊去食飯。間餐廳唔係好大又唔係好細，坐二、三十人左右，環境都算舒服嘅，個band 台都佈置得唔錯，唔係嗰種Rock & Roll 好爆嗰啲，而係走斯文路線。有琴、鼓、結他、Bass, 基本上都齊晒。音響質素方面，唔算好靚，但亦唔覺好嘈或好「拆」，整體聽落都算舒服。樂手基本上係 one man band, 但食飯時候就夠哂嘞，太多樂手可能over 咗。食物質素方面，整體幾好，有幾個晚餐選擇，有湯、蒜蓉多士、沙律、主菜、餐飲，都係百幾蚊，都算抵食。我叫咗個羊架，都幾香口。至於服務方面，見佢地唔算多人，但都幾好服務，幾親切。聽啲員工講，啲客可以唱埋歌，不另收費。本來都想唱下，但嗰日咁啱喉嚨痛（不是肺炎😅）唯有下次先挑戰唱拉闊如果夾啱朋友嘅時間，我就一定會再去，亦响度同大家推介下😁

呢間Music cafe 都幾得意，有啲似以前嗰啲酒廊，有個琴手或結他手自彈自唱，玩拉闊音樂。如果客人有興趣唱返首歌，亦可以同侍應講，上台獻唱，或者同樂手Jam 歌。我地夾開band 就特別有feel 嘅，因為香港玩拉闊嘅餐廳已經唔多，仲要可以比客 free jam 就更加難搵，呢樣都算係佢地一大賣點。👍晚餐menu 嘅嘢都大路嘅，有意粉、牛扒、羊架，都係西餐嘢，質素唔會特別好，但亦唔係差。價錢就平均百幾蚊一個餐，唔算貴，因為搵樂手現場演奏嘅成本都唔少，但令到間cafe 嘅氣氛同格調高幾班，食起上嚟就好feel 好多。同女友來撐枱腳就啱哂😛有一樣唔好嘅係得一部客𨋢，繁忙時間起碼要等三、四輪先入到𨋢 😕不過，後來聽個侍應講，可以行前少少去搭貨𨋢，因為有兩部大貨𨋢，可以一次過載好多人，所以唔使等太耐。呢樣就要等下次先試到，但我一定會再嚟嘅，亦會推介比其他朋友😎

呢排肺炎疫情嚴重，本來都唔係好想出街，更冇打算响外面食飯，不過昨晚要去觀塘買嘢，所以就响附近逛咗一陣。行下行下聽到有人唱歌，我以為附近有人唱緊K, 行去望下，原來係一間music cafe, 見到個男仔彈結他唱歌，即時令我諗起台灣嗰啲音樂餐廳⋯好有嗰種feel。🥰🥰我自己好鍾意去呢種有人唱住歌嘅餐廳，一邊食嘢飲嘢，一邊聽下歌，好relax 好舒服。於是忍唔住行咗入去，同個員工傾咗幾句，知道原來新開冇耐，環境都幾舒服，又乾淨，結果都決定坐低食個晚餐聽下歌，舒緩一下呢排好掩悶嘅心情。😚餐牌上選擇唔算多，有七丶八個晚餐，平均百幾蚊，最貴嗰個$188，記得好似係肉眼扒。牛，我唔係好啱。但警喜見到有個鵝肝，都係百幾蚊，好抵食喎。雖然驚食唔飽，但個侍應話有跟餐飽，又有跟薯蓉，咁就唔諗咁多，一於叫鵝肝。😋佢地上菜都幾有節奏，先上沙律菜，食到咁上下就上餐湯同餐飽，之後就上主菜。最初真係以為件鵝肝會好細件，但出乎意料成隻手掌咁大塊，而且煎得幾香口，真係幾好食。👍👍👍可能而家出外食飯嘅人少咗好多，又或者可能係新開嘅餐廳，所以唔多人，眼見十幾人，唔夠二十人，對我嚟講，仲好，因為太多人就會嘈，影響聽歌嘅 fe

話說今日行開觀塘果頭…喺 openrice 搵下有冇音樂餐廳聽下歌食飯…搵到喺駱駝漆大廈裏面既一間餐廳…門口已經有不少 band 既貼紙…入到去裏面非常寬敞……吾似其他民歌餐廳……呢度有哂成 set 鼓 keyboard 比樂手唱歌夾 band...問番老闆……原來呢度久吾久有 open mic session…百幾蚊又食又唱…幾過癮呀……不過果晚我就太怕羞…驚走音樣衰…去到食方面… 呢間主打西餐廳… 有羊架牛扒…也有意粉等等……牛扒方面油脂分怖不錯…食起上黎吾會太痴牙…只可惜太肚餓食完冇影相…飲品方面不過不失…都係一般野飲……如果有特色/創意飲品…分分鐘可以吸多 d 客…起碼多樣賣點總括而言, 地點算係 OK..喺地鐵站附近…有哂成套 band 器材之外…只需百幾蚊就食到野同唱歌都不錯~~如果有特色飲品/甜品會更好~~

鍾意現場音樂嘅朋友，一定要嚟試吓。一邊聽住音樂，一邊食晚餐，都幾有氣氛、情調。如果有歌想聽，仲可以點歌。當然，始終唔係CD Player, 樂手未必一定演奏到，但都盡量滿足。食物方面都算多元化，有意粉、天使麵、牛扒、羊架、鴨胸、鵝肝等，都可滿足大部份人口味。價錢唔算好貴，百鬆啲，最貴嘅安格斯肉眼扒都唔過二百蚊，（自己買一塊都隨時百幾蚊）其實幾抵食。至於質素，不能同扒房相比，但亦不過不失。有時出菜會幾耐，不過，有樂手現場演奏，聽住歌等，就唔係好覺耐。服務方面，整體幾好，serve 嘅人唔多，但都係好有禮貌，識得待客之道。有時更會同客傾下音樂嘅嘢，所以叫Music Cafe 。總結係值得推介比朋友，尤其係喜歡音樂嘅朋友。

真係垃圾到冇朋友，我哋一行3人，叫左肉眼扒，天使麵，豬扒。先唔講野食。我哋8:00去到，8:15落單，9:30 先有主菜，餓到暈。湯：南瓜味的水，佢見我冇飲到，佢試個搵個份比我，之後個碗叫好d，但都好難飲沙律：還可以餐包： 就不錯天使麵：又少又油，話黑松露天使麵，冇黑松露味，$128價錢，$60茶餐廳節素肉眼扒：我地叫5成來7成，牛扒簿到紙跟白飯，還要冇汁，$188價錢 $70茶餐廳節素，份量又少我哋叫左3杯野飲，凍奶茶，凍檸茶，凍檸水，都要15分鐘以上先出到，唔知以為，冇曬，重新整過。奶茶：我好似飲奶水檸檬茶： 冇菜味檸水： 冇咩特別我哋覺得太垃圾，連豬扒個果餐都末出，都要叫佢取消，馬上結脹，還要$316，真是一肚氣，垃圾到冇朋友。還説下次來比折扣我哋，咁垃圾餐廳下次一定唔會來。如果唔係因為有live band 都唔試這間。賣相又差，味道又差，份量又少，又等咁耐，重要收咁貴。我連拍照都唔想，系中伏到冇朋友。我都好少系Openrice bad comments. 但真是真是太差。最後我哋最後去同層餐廳食嘢。

每晚都有樂手現塲演奏，表演不同的樂曲，情調満分。興之所致，仲可以同樂手jam 歌，鍾意聽現場音樂嘅朋友，一定不能錯過。另外，環境舒適，慢活式邊聽音樂邊食飯，享受一流，最緊要係一個晚餐都係百幾蚊，真係物超所值。