Kozy Okonomi-yaki Teppan-yaki

營業中

休息中

Kozy 最正係開到兩點，簡直係 OT 完放鬆下既好去處（香港人大家都做過黎生💀）佢哋既海鮮唔貴而且質素都好好， flexible 可以幫你按人頭調節返啲海鮮數量，nice~ 好欣賞隻蝦唔只啲肉食得🍤 佢哋連個蝦殼都會壓做脆脆比你，有心思～鹿兒島黑豬腩扒，牛胸腹肉都勁有水準！連伴碟既薯蓉同隻蛋都配合得好好，食得好滿足～除咗大阪燒之外，奄列炒麵（加芝士！🧀）都係必食之選～由兩位日本師傅主理，但店員都識中文可以放心落單無難度，坐 bar 檯會開心好多～book 位既時候記得要預留～ (p.s. 喺網上見到好多 review 話啲樓面既服務好有問題，慶幸光顧當日無咁既情況～希望啲問題只係個別事件)

📍#銅鑼灣 #鐵板燒 呢間鐵板燒真心有質素 經濟實惠！有日本師父喺你面前燒！地點方便，喺銅鑼灣SOGO附近！（但原先去錯左永光中心😂）👅：🌟🌟🌟🌟🌟好食！好多款式選擇，牛肉海鮮大阪燒炒麵奄列etc!!! 💺：🌟🌟🌟坐bar枱對住塊鐵板有啲熱，唔坐bar枱有啲密！但我都會揀bar枱，睇住師父煮先有食鐵板燒feel!😂💸：🌟🌟🌟🌟🌟 每人飲左兩杯酒人款消費先～$350！酒水都好平！highball / 提子加燒酎都係$40咋！#foodie #hongkong #hkig #hkiger #hkigers #foodiehk #hongkongfoodie #foodlover #foodporn #foodig #hkeat #hongkonger #feedme #teppanyaki #cbayfood

話說朋友話依間鐵板燒唔錯， 於是就一齊去啦，叫完野食，我諗住拎枝水放係檯，執下袋，個極無禮貌既長髮女侍應衝埋嚟話你唔可以係度飲水！我話我岩岩放係檯面咋喎，佢話如果你要飲，要比錢，因為佢呢度有水買係唔可以飲帶黎既水！老實講我梅酒都叫左兩杯，而且我冇打算飲水樽入面既水丫！已經勁嬲因為佢態度好x差！條氣唔順，比我見到格離檯家人有兩個700ml 既水樽，我就叫個女侍應黎，我話點解佢地就可以放檯面可以飲？個女侍應話因為佢既水係冇牌子，我真係笑咗喇，佢話佢冇權管人地，即係有牌子既水就唔可以，用水樽既水就可以？我話咁我搣左招紙囉！咁未冇問題囉？佢話我地睇個樽，出面買既就唔得，我係屋企斟架喎d水！佢勁串話你冇其他嘢啦麻，我要招呼客人，咁叫你經理黎囉，佢話冇經理我地呢度！經理黎仲好笑話因為好多西客都偷偷地飲，佢地同事上過好多次勸告都唔聽，我話咁其他客唔係我，你作為服務行業將其他客人既唔愉快經歷投放係我身上面，你覺得咁樣對我公平咩？當然最後都係廢up, 因為講完都係冇用！但大家真係冇必要貼紙受氣，又唔係特別好食，野食又慢，又淡！

朋友長期介紹呢間係銅鑼灣嘅Teppan-yaki, 經網上訂座提早5分鐘到, 店員就示意要門外等, 過咗十分鐘好奇問下仲要等幾耐, 然後反問我地做乜唔入去, 未食先體驗打折扣, 好彩食物質素真係好好燒羊奶芝士 - 見到黑板有就試試佢, 外層非常香脆, 加埋蜜糖中和鹹味, 非常好食牛胸腹肉 - 非常濃郁牛味, 肉質軟腍好juicy, 加埋蛋黃汁更滑白子 - 都係限定時令菜式, 表面帶少少焦香內裡軟綿creamy, 惹味冇魚腥鹽燒牛腸 / 牛舌 - 不得不讚師傅對火候同調味既掌握, 呢碟牛腸唔會過鹹唔會韌, 體現到功力日式奄列炒麵 - 加咗魷魚更加有咬口, 蛋香包實炒麵, 加埋醬汁食到停唔到口豚肉大阪燒 - 鬆軟有厚度, 夾雜蛋香麵粉香, 非常高質都只係68蚊, 難怪每枱必叫 要鬧既仲有啤酒杯洗得唔乾淨🙈係仲有好多空枱, 店員不停有意冇意催我地交枱, 夾起最後一舊就立即收碟, 入座同餐牌都冇提過2小時用餐, 服務體驗呢部分好扣分, 浪費師傅用心烹飪既成果

呢間嘢係咪完全冇人管理？定係reception係老闆每次打電話過去，好似爭佢錢咁，我知道120分鐘食飯時間，但係唔使講幾次囉Reception條女人串過碼頭咕喱以為自己係澳牛？係咪平時壓力大要發洩喺啲客人身上？其實銅鑼灣仲有好多選擇，唔係要俾錢買難受食飯，仲要睇你面口，雖然唔係顧客大晒，但係都唔使咁串呢間嘢一世Blacklist服務差到咁真係會令好多人卻步就係因為服務態度差，浪費晒日本師傅嘅心機 ！

超抵食鐵板，性價比超高，每人埋單$200-$300！！佢設有bar table同普通table，當日我地坐普通檯～呢間餐廳好好食，但好可惜上菜速度好慢，最誇張係有次相隔左約30分鐘先有野食。好彩果日係同朋友食，可以一路傾偈計一路等，果日我地由8點半食到12點😓如果唔係啲野好食可能一早走左.蝦(HK$98)👍🏻大推！隻蝦完全冇浪費到，佢連蝦殼煎到脆卜卜，蝦肉有肉汁又香口。最令人驚喜都係佢蝦殼都食得，真係好正！.芝士蛋奄列(HK$48)超抵食拉絲蛋奄列，啖啖都係芝士，個蛋係小小半熟狀態，好creamy.豬肉薄燒(HK$58)麵粉漿口感較黏，有啲似台灣蚵仔煎果種口感，加埋煎到脆脆嘅豬肉薄燒，食落好多層次，好食.A4和牛柳 (HK$290)👍🏻必點！A4和牛柳嘅肉質淋又多汁，煎到岩岩好好粉嫩，火喉岩岩好。牛柳底下有麵包，最驚喜係食完之後師傅會幫你用呢塊面包整芝士多士，加埋已經吸收左牛肉汁，食落超野味！.米/蕃薯雪糕 (HK$38)👍🏻好鐘意呢個雪糕😍師傅會將麻糬同蕃薯會煎一煎，煎到外層脆卜卜，再放落雪糕到，食緊果陣係冷熱交替咁，大推！！！

之前一路去開，去開嘅都知訂bar枱，而家佢哋轉左做喺link度book. 照落bar table book 2星期後同媽咪食生日飯，諗住（早2星期book)一定有啦，仲要佢條link見到日日都book到唔full。終於我哋早十分鐘去到，佢同事指我哋去table，我同佢講我訂咗bar枱, 佢同我講:「下，on request 咋喎！」我話以前可以打電話嚟book，request bar枱就有，而家得link先book到，request 都冇咁我要點先有？跟住佢細細聲話其實今晚老細俾咗bar枱佢啲朋友所以唔會安排到俾你，咁我問佢可唔可以陣間又轉返俾我，佢就話唔得。其實去開到知佢嗰個同事不嬲寸，之後我哋想離開佢亦都冇留或者有意去安撫下我哋，。總結：平時呢間餐廳樓面嘅同事原本就冇服務可言（食完準時會叫你走，訂枱唔可以多個四個坐吧枱呢啲都算），今次直頭趕客，講真，有錢千其唔好喺度食，背脊骨落！！

幾年無食風味水準仍然保持住🔥👍🏻日本人主理鐵板燒性價比超級高❗️❗️❗️❗️❗️✨芝士蛋奄列$48超抵食拉絲蛋奄列🧀芝士味香濃✨牛舌 $68厚身牛舌嚼口十足，自家醬汁，建議蘸少少好了 少鹹🤣✨聖子 $98 (一隻）聖子超新鮮🤩燒嗰陣仲見到郁緊🤣蒜味突出好食🤤✨豚肉大阪燒$68必嗌！平得黎好食😋椰菜絲夠細幼同粉漿合二為一，豬腩片煎到脆卜卜，味道不錯唔會太鹹✨麻糬/蕃薯雪糕麻糬同蕃薯會煎一煎，兩者都煎到外層脆卜卜先放落雪糕，係冷熱交替和質感變化既甜品😋好食

銅鑼灣啱飲酒傾偈嘅地方，主打鐵板燒小食，每款小食份量唔多，但係酒嘅種類就好多。牛柳粒牛味濃郁，高質之選；大阪燒可以加唔同配料，自己DIY，食落去熱辣辣，日式炒麵奄列幾特別，蛋皮嘅表面包住拉麵。

只有晚市的" Kozy Okonomi-yaki Teppan-yaki "鐵板燒由日本師傅用心烹調🧑‍🍳 店內有Bar枱和Order枱上次光顧已經是六年前了⏳️多年來仍能保持水準 , 除了海鮮Size精緻了之外 ,味道依然👍價錢亦不算進取😊必須預約呀📝多款海鮮和肉類選擇, 還有 ‘’是日推介‘’我們二人組點了👉蝦🦐 蟶子🫔 蠔🦪 帶子🧆 牛舌🐮👅 牛胸腹肉🐮 芝士蛋奄列🧀🍳😋 👍 😋 👍 😋 👍 😋 👍 😋 👍

銅鑼灣的預約困難店，bar枱只有8個位，晚晚坐無虛席。今次一行三人到訪，遲了book枱，只能坐table，但食物質素一樣高，只係上菜速度比bar 枱慢，要有耐性等😅入座後叫杯啤酒，慢慢等上菜，黑板上寫滿廚師推介，價錢相宜，係平民版的日式鐵板燒。首先上菜嘅係海鮮類： 燒蟶子和帶子- 新鮮無沙，正常發輝，簡單配上海鹽，最原始的口味，亦都係最適合的煮法之後係冬季限定的鹽燒白子！大家都知白子係軟滑質地，但呢度可以燒到佢外脆內軟，非常creamy，一啲都唔腥，見到一定要點呀！跟住就到汁燒牛腸，燒牛舌，燒鵝肝，燒牛胸肉。另一樣比較特別的係燒羊奶芝士，日本籍主廚主理因為難度高，香脆外皮，配上蜜糖一齊食，個個食完都話正！最後叫埋香葱大阪燒，飽肚之選，做法傳統不花巧。唯一美中不足係未能叫第二round野食，餐廳有2小時限坐，而坐table上菜速度真係比較慢，當上哂第一round野食已經夠鐘還枱。同行友人話下次要試下坐bar枱，可以同廚師交流，應該會更盡興。

食食食⋯好耐同好多次嚟食都無影相喇今次遇上了時令嘅「白子」不可以放過它，預訂左一人兩份白子🤣🤣🤣「鐵板燒白子 」，其他餐廳有得食都未必整得好食，見我地預留左咁多份，就知好味😋喇！師傳嘅細心，見我地三位，就將個大阪燒開六份，仲記得我地邊個唔食蔥👆🏻愛蔥的我，獨享😏😏睇相都知有幾好味🤤，不用多說了😉想知有幾正🧐，有幾好味🤔試下咪知囉！早啲訂枱呀！好難訂！P.S: 食左咁多年都keep住水準，師傅你係有料

你間餐廳超好生意，我朋友之前食過一次，話大阪燒真係好好食，所以佢一定要再食，我哋晚餐等到十一點鐘先有位。。。而我覺得個大阪燒只係普通貨色。。。有少少失望我哋幾乎將menu上面所有嘅嘢都叫咗，係個感覺好有日本風味，味道就其實好似是但一間日本餐廳都可以做到呢個質數，不過不失，唔算好好食大阪燒，關東煮，同埋燒蠔可以一試，炒麵就正常冇特別但係上菜真係超慢，我哋足足食咗兩個鐘，食到好攰呢間餐廳比較適合鍾意飲酒嘅人

原本我估唔錯的。一直想試，不過經過打電話問訂檯之後，除非我有朋友訂咗叫我去食，我應該都唔會再介紹或者問朋友想唔想試了。星期四23:15左右打，佢地接完之後電話好似收得唔好咁，我講得好大聲都話聽唔清楚，問我介唔介意過5分鐘再打，因為做緊嘢，有啲忙。係嘅，佢地都有講唔好意思。過咗15分鐘我再打，我問佢地得閒未，佢地答我未吖都係有啲忙，同埋線路唔好，佢地一直好大聲喂我，喂喂喂？咁樣，不過今次都有幫我睇有無位訂到嘅（唔係2，3日後的日子）。係，亦都有講唔好意思嘅。佢地講擺去waiting list，同事打俾你有就有，無就無。我訂4個人，如果我等到嗰日都無位嘅話就好好笑。無位我可以去訂其他，就係咁簡單。未至於要排後補。忙，就唔好接電話。好過你地叫客人打返俾你。一係你地留客人電話，你地講轉頭再打俾客人。你地唔記得打返，客人可能會再打。但至少嗰情況唔同咗，唔係一開始就要求客人打返俾你地。無位，客人都未必會就到去你有位嘅日子。如果一定要去食，預咗要訂佢地有位嘅日子，唔係你想去嘅日子。我真係第一次預到咁樣好笑嘅情況。服務2星係我覺得好笑兼，俾面人地有講唔好意思。

喺妹妹生日前席，預早半個月book了呢間專門食鐵板大阪燒嘅Kozy。當時預約都無哂bar檯，要坐去卡位。所以如真係想bar檯可以再早點book。店舖環境細小，不過坐得舒適。從一開始到完哂成個晚餐，感到人手不足，只見有約2個廚師負責燒煮。上菜速度時快時慢，最耐嘅會相隔左約15分鐘先有野食。整體黎講覺得係等候食物時間太長。食物味道方面，無自行額外調味下，普遍食物都偏咸了一點。當中，有覺得好食嘅係聖子、牛舌以及黃豆粉年糕雪糕，牛舌燒得幾淋香而且夠熱。而黃豆粉雲尼拿雪糕被輕燒過暖暖地嘅年糕包圍住，一冷一熱成件事幾夾! 另外，名物大阪燒反而味道非常普通，約90蚊一份。燒蠔上碟即食係暖的並未夠熱，蠔有啲腥味，未知係咪因為蠔嘅關係，最後晚上我地同行有一人肚痛。因為味道好壞參半，覺得味道上及沒有記憶點下，不太值得等待。