KOZI ISLAND

營業中

休息中

食物種類多，仲係即叫即整🔥食咗個漢堡包味道真係好唔錯🍔咖啡都沖得好好味☕️性價比十足，值得一試！店舖裝修好有特色，適合去打卡影相📸非常推介去長洲嘅幫襯好想再返去食呀

趁五一假期入長洲小島行吓，行到東灣路見到OpenRice推介呢一間咖啡店，但係又見到下邊嘅評論。因為咖啡店都喺附近，抱住忐忑嘅心情去落單，店員都很熱情友善，沒有傳說中的呼喝客人和態度差，只不過假期忙碌要客人聽住店員叫嘅號碼取單。等待咖啡既同時旁邊還有小店可以行下，有耳環頸鏈等等既可愛飾物，仲有可以即時買個沙灘袋用下，喺沙灘拍照。不錯咖啡係偏Nutty帶一點酒香，飲住咖啡行落去沙灘，望住海景，簡直係一流嘅假期。

本身見佢靚靚哋行過就入去睇吓然後坐低飲杯咖啡，點知貼錢買難受。咖啡同7–11水準差唔多冇乜特別，如果真係好頸渴，又冇咩要求嘅話，但係飲水都OK嘅。不過個年輕嘅女店員態度非常差，我完全同意其他人留低嘅食評，個店員會呼喝客人，如果唔想攞杯咖啡比客人其實俾錢嗰時可以講，唔需要呼喝客人。Bad customer service. drink okay but bad coffee experience. Would not recommend going here.

店員會呼喝客人，其中一名年輕女店員服務態度極差，毫無尊重，不似做服務行業。如不想提供送餐服務請提早說明，無須呼喝客人。另外，食物價錢也並非物超所值，不會再光顧。

今日入長洲經過呢間舖頭，叫咗兩個漢堡包，一個係牛肉漢堡，一個係軟殼蟹漢堡，兩個漢堡都係即叫即製，牛肉食得出係用咗好多醃料同香料，仲有煙肉同埋芝士，好好味。軟殼蟹漢堡個軟殼蟹係即刻炸好脆，我個仔成個食晒，兩款漢堡都配有薯條，價錢唔算好貴，味道都好食，值得一試。另外我哋都有叫咗杯士多啤梨果茶，飲落都有淡淡士多啤梨味，味道都唔錯。另外有位姨姨好貼心咁樣安排啲叫咗嘢食嘅人坐喺有枱面嘅位置，等佢哋方便食嘅，非常之好。