影片
港鐵尖沙咀/尖東站 B1 出口, 步行約8分鐘
繼續閱讀
電話號碼
98312176
開飯介紹
香港首間清真韓國菜餐廳，座落於尖沙咀金巴利道，選用清真方式屠宰肉品及清真食品，供應多款韓式小食、粉麵、湯、熱盤。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
-
網上訂座服務暫停
收工後同老公想去食啲嘢先返屋企，經過門口見到唔係連鎖經營就入去試吓，點知⋯⋯⋯⋯餐廳員工主要由外籍人士打理，雖然呢個唔算係重點，睇完餐牌之後決定叫兩碗麵試吓。由於天氣熱老公話要食水冷麵，咁咪即管嗌嚟試吓啦，而我自己就揀咗人蔘雞。大概10分鐘過後水冷麵先到，麵質係非常之腍嗰種，湯底亦冇乜味，食上去只係一碗普通嘅麵。跟住人蔘雞都嚟埋，一嚟到嘅時候真係大家都呆咗😱，首先隻雞🐔唔係完全完整嘅一只，係全部散晒連雞嘅形狀都睇唔到，感覺就似預制食品打開翻熱嗰隻。味道更加唔使講，入邊嘅嘢全部都係腍啤啤溶溶爛爛，冇牙都食到嗰隻。呼籲各位唔好好似我咁比門面簡單嘅裝修而吸引入去，反而旁邊嘅連鎖式餐廳一定會好食過佢。總結埋單大概二百幾蚊，應該返屋企煮公仔麵🍜仲開心。
繼續閱讀
嗰日心血來潮，諗住去食韓國🇰🇷嘢，點知就中大伏🫠記憶中金巴利街有幾間韓國嘢食過都唔錯，諗住同老公去食，但我哋食飯嘅時間已經差唔多四五點，好多韓國餐廳已經落咗場，見呢間仲有開睇吓個Menu，個印度籍嘅侍應就向我哋招手，點知係惡夢嘅開始🥲由於都係第一次幫襯，我都好小心，淨係叫咗三碟餸。但我哋第一碟食嘅係全宇宙最難食嘅韓式小菜。試幻想一下，韓式小菜係冇可能難食㗎，但佢真係好難食，啲芽菜係冇味㗎！😫😫😫然後上個蛋捲，個presentation Hea到我懷疑佢有冇心做飲食，完全冇誠意，仲疑似發咗霉。似係喺韓國街買返嚟嘅蛋捲返叮再返叮。然後個冷麵，個湯係冇味㗎 ！我食啲冷麵係有啲好似梅子嘅酸味㗎嘛😤😤😤😤認真，我煮都好食過佢。我份人都好公道，個炸雞係OK嘅。埋單三百幾蚊，有種我唔知食咗啲乜嘅感覺。我將我經歷寫出嚟，唔係要投訴討回公道，純粹係想警世，希望唔好有人好似我咁再中伏🙏🏽🙏🏽🙏🏽
繼續閱讀
星期五晚成條街啲餐廳都full唔想等見到間kimchi有幾個位入咗去食真係唔係講笑好難食，叫咗個石鍋拌飯 一個年糕 一個炸雞石鍋拌飯連埋個飯都係凍夏天都唔使咁過分啦年糕就成碟黐埋一舊炸雞硬過石頭嬲到完全冇影相食咗兩啖就走咗成間鋪嘅客人都係南亞人員工都係見到老闆入嚟都係南亞人其實唔係韓國人，又唔識煮韓國嘢真係唔明點解要開韓國餐廳？好地地做返穆斯林餐廳咪算😅😅😅上到Openrice先見到原來咁多負評希望加埋我呢篇食評 可以令到大家唔好中伏
繼續閱讀
一坐低，侍應就即刻行過嚟問：「食咩呀？」搞到我哋連餐牌都未睇清楚，成個氣氛好似趕客咁。但最嬲係叫埋單，叫咗好幾次都冇人理1. 海鮮煎餅 - $168**厚到冇朋友，完全唔脆，食落係淋，又多粉，好似係食緊塊海綿咁。呢個價錢嚟講，真係唔值。2. 牛肉紫菜卷食落去冇乜特別，好普通，完全冇「韓味」。如果你話係平時便利店買嘅紫菜卷，我都信。呢個真係食完都唔記得有咩味。3. 拉麵年糕呢個真係最離譜。所謂嘅拉麵，其實同港式公仔麵冇分別，冇彈性，冇口感。至於年糕，數量少唔緊要，仲要好硬，好似未煮透咁。呢間餐廳無論係食物定係服務都係一個大災難。食物唔好食，價錢偏高，仲話咩韓式，根本同韓國兩回事。服務仲差，叫埋單嗌到喉嚨都乾。仲有，杯水入面都有油！係咪杯洗唔乾淨？大家千祈唔好中伏！
繼續閱讀
行過韓國街想去個間又要等位求其入咗一間食叫咗三樣嘢食牛肉拌飯正常味道疏菜薄餅都係正常味道韓式炸雞就係酥炸感唔係真正韓式炸雞咁脆又係普普通通好在夠熱夠新鮮唔叫難食但真心一般
繼續閱讀