Kim’s Spoon Eatery (已結業)

一黎就見飯卷入面有頭飯，同阿姐講仲話睇唔到，我要掂落去拉出黎佢先換俾我！！飯卷邊d飯係硬，牛肉ok ，辣炒年糕得個辣，個味好難食，得杯野係正常但要加$18，總括而言，佢都係food court偏差嘅味道

今日去旺角行街,餓餓地,就去左朗豪坊搵食,行到去food court,見到有韓國野食,所以就去試吓叫左個精選紫菜包飯套餐,好抵食有配菜+紫菜包飯+炸雞+粉絲配汽水成個set 都好好食,好夠飽!!

原條牛筋完全咬唔斷，千祈唔好食泡菜豬肉入面得啲豬肉碎室溫都稱唔上淨係收現金同埋八達通，唔收其他電子支付。雖然呢個價錢唔會預食啲咩好嘢，但係咁大條牛筋真係有啲過分。唔會再去

夜晚行到攰，就決定喺朗豪坊foodcourt食夜晚，貪foodcourt夠快搵到位，無意中見到呢間韓國菜好似幾吸引，而且都算多嘢揀，嗌咗一陣大約10分鐘就可以攞得。 泡菜豬肉豆腐湯飯 $64豬肉份量唔算多，泡菜同豬肉嘅份量大約係3:1，個人幾鍾意呢間嘅泡菜，同埋個湯都幾好飲，唔算太辣，做湯飯一流，飯嘅份量算多，裝滿一碗有突，食完一個餐係夠飽。整體嚟講都係正常韓國菜，foodcourt質素不過不失，勝在夠飽醫到肚～

我都係貪方便都唔求好食，但係你做飲食比啲咁既野人食同請我食屎有咩分別？聞落去成浸嘔奶味，難食到嘔，比錢買難受辣醫炒年糕，你同我食肉絲炒麵就咁喳啲辣醫落去有咩分別？邊忽似炒過？

收工出旺角，因為太肚餓的關係，所以隨便在朗豪坊的food court找了間店吃晚餐，food court的特色是一個字「平」。喜歡美食，也不能天天大魚大肉，平民的食店是恩物。​​泡菜豬肉飯配冰凍的可樂豬肉當然是最普通、低價的豬肉片感覺豬肉比較碎，不太完整泡菜口味正常份量是足夠女士填飽胃口整體都不值票價如果$50我會建議用同等價錢去M記求滿足所以我只求醫肚，不求別的​📍旺角亞皆老街8號朗豪坊L4A樓F3號舖​

做完按摩好肚餓，嚟到朗豪坊food court就揀咗呢間。叫咗泡菜豬肉飯，有一隻蛋。泡菜酸辣好開胃，豬肉就唔算軟嫩，有d硬。份量正常我可能太肚餓都全部食晒😆。另外加$16買凍柚子茶，幾多柚子但唔算大杯。

世上最難食嘅紫菜包飯、啲飯係梅、飯又硬、完全唔係新鮮人手包、0的飯仲有少少變色似係叮叮飯卷、而個炸雞係同m記麥樂雞差不多、而其他鍋物、飯餐就好正常ok的、泡菜豬肉便當的泡菜較細塊有點碎、同汁太多、味道ok、蛋煎得靚。而泡菜豬肉粉絲鍋好味、有韓國粉絲、豬肉係豬骨。個飯卷衰在吾係人手包先搞到甘難食、食落非常不新鮮、吾識包就將個紫菜包飯取消去啦、我真係第一次食紫菜包飯會難食到食吾哂。

疫情咁嚴重，係冇晚市既情況下，係旺角唯有近近地去朗豪坊睇下有咩好食😋。最多選擇就一定係 food court👍🏻，行過見到呢間韓國野真係超級抵食，完全冇諗過用呢個價錢就可以食到😱。今次就叫左一個紫菜飯卷、精選便當、兩份 A+B set 同埋泡菜餃子☺️。炭燒味牛肉紫菜飯卷 $50細食既你都可以淨係叫紫菜飯卷食😚，一份都有十舊。而且每一舊都好足料，完全係餸仲多過飯😆，有炭燒牛肉、紅蘿蔔絲、菠菜、醃蘿蔔同蛋，食入口牛肉味好香🤩！好食到令人一舊接一舊不停咁食😋。炸泡菜餃子 +$12開頭以為會係好常見既餃子形🥟，點知好似粒炸過既小籠包😆。除左外形特別之外，味道就比較普通😅，只係普通有泡菜香而又唔太辣既餃子。精選紫菜飯卷便當 $72呢個便當岩曬極度肚餓既人食🤣，一個便當有齊曬兩份前菜、小食、紫菜飯卷同炒粉絲😋。前菜係辣青瓜同蓮藕，蓮藕味道甜甜地，幾好食，而辣青瓜就同平時出面鋪頭食既一樣，冇咩特別🤔。小食係炸雞配蜜糖芥末醬，呢隻炸雞既炸皮好薄而且比較淋，個人黎講比較鍾意食呢隻炸皮😋，唔會炸到好易吉損口個種🤣。紫菜飯卷都係叫左牛肉味，相比之下叫便當真係抵好多🤩！因為一樣都係有十舊‼️最後仲有個炒粉絲，😚

#旺角 #朗豪坊 #kimsspooneatery 性價比低……#香辣海鮮湯麵 $54 賣相唔吸引，好似自己屋企煮咁，湯底亦都唔濃郁，少少辣一啲都唔香😔 份量都唔多🤷‍♀️味道: 5/10味精: 8/10價錢: 5/10環境: 5/10服務: 5/10#vinainmongkok #vinafood #Koreanfood #koreancuisine #ramen #spicyseafoodramen #foodporn #foodie #hkfoodie #f4follow #f4f #likesforlike #l4l #l4likes

🍱香辣炒年糕配紫菜粉絲卷 $36年糕軟軟糯糯 唔係平時食開比較煙韌嗰種感覺有啲似港式腸粉🤣醬汁包裹著每一條年糕 唔會見到任何一度白！雖然叫香辣但醬汁更加似甜醬 質地濃稠流動性好低甜味最為突出 相反辣味可以話係0另一主角紫菜粉絲卷就有2條雖然無任何醬汁但一啲都唔遜色薄薄嘅炸皮好香脆 入面包著一塊紫菜同埋滿滿嘅粉絲唯獨係兩樣嘢都唔係熱辣辣就扣咗啲分☹️

韓式便當🤍 同朋友係旺角行街唔係好肚餓，就諗住平平哋去朗豪坊 food court食。點知發掘咗個糧尾恩物😋 超豐富飽肚！肉有啲咸，不過都可以接受。雞排好滑。肉牛偏瘦，唔係肥牛黎，所以可能有少少鞋。便當係暖笠笠嘅，唔洗驚pack定涷冰冰。有時自己一個想頹頹哋食都可以試下。係旺角食到$50有找嘅晚餐都算喺咁啦🙈 .牛肉便當 $45照燒雞便當 $45Rating ⭐️: 7/10.Kim’s Spoon Eatery Address: 旺角亞皆老街8號朗豪坊L4A樓F3號舖.

本身對於喺food court嘅食肆都無乜期望，唔期望好食，但佢嘅難食超越我嘅想像。其實叮都唔係最過份，問題係啲飯喺乾到硬，硬到咬唔到，咁就好有問題，咁樣收我50蚊會唔會過份咗少少，唔只飯，入面嘅菜係菜乾嚟，想知間食肆係咪完全無食品監控，整嗰個人自己都食唔落啦。

好難食！個飯卷係叮咖！！！仲要叮乾左！！☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️☹️

Chef’s recommendation $50 (can choose one A and one B. BBQ Beef Rice, Teriyaki Chicken Rice and Kimchi Pork Rice for A and Vermicelli with vegetables and Kimchi & Pork with vermicelli for B) I chose BBQ Beef Rice (醬燒牛肉飯) and Vermicelli with Vegetables (韓式炒粉絲). The beef was mushy, grainy and dry all at once. Strong beef flavor but there is definitely artificial flavoring used. The size of each piece was drastically different, some being huge and others being crumbs. The pieces also don’t balance