Kebabchi (金巴利大廈) (已結業)

一講起土耳其美食相信都會聯想起土耳其烤卷😍最近閨蜜係尖沙咀發覺左呢間「KEBABCHI」於是就急不及待地拉埋我一齊去啦🙈.「KEBABACHI」係一間的的骰骰嘅小店小店以長方型面積一分為二左邊係開放式廚房，右邊係餐桌坐位吾多，但吾會覺得擠迫全店大約可坐到五枱客.餐單嘅編排簡單易明，有中英對照添🤣 分三大類，雞肉，牛肉同羊肉每種肉類都有四個SET，包埋餐湯或飲品價錢都只係$68-$78之間而且免加一，非常抵食👍.🔸轉轉燒雞肉卡巴卷 $68係開放廚房可以見到雞肉串係一個轉轉爐上不斷咁轉轉轉KEEP住雞肉嘅溫度💕雞肉用秘製香料醃好，所以呈紅肉色餅皮係即叫即烤除左烤雞肉仲有大量嘅生菜，洋蔥絲同沙律醬卷埋一齊食生菜新鮮爽脆，雞肉肉質鮮嫩啖啖都係獨特嘅焦香味同濃郁嘅醬料香真係超正🥰套餐可揀汽水或餐湯架😎.🔸轉轉燒牛肉卡巴卷$72做法同雞肉卷一樣但就換左係燒牛肉份量都好足，有成兩大片！牛味濃郁，一D都吾韌入口嫩滑又多汁中意食牛嘅人一定吾好放過佢呀😈呢款就揀左餐湯，即係青豆湯🙈以青豆打成嘅青豆湯濃稠度較高好似食緊薯仔湯咁😍.大合照😍.白色醬味道似沙律醬，紅色醬就好辣🙈

公司附近又多左間正嘢食～❤️今次係土耳其風味既ᴋᴇʙᴀʙ自問都有食過1,2次呢啲轉轉燒卷但都係ᴛᴀᴋᴇ ᴀᴡᴀʏ既 真真正正坐低食～呢間小店仲要係土耳其人開架‼️.點左2個sᴇᴛ餐 愛食羊既我二話不說就點左個羊肉卷有餐湯 係正宗土耳其🇹🇷既香草湯 都幾特別 不辣的店主仲好好咁送左份薯條俾我地食～食住等。.一路食轉轉燒卷 可以加自己中意既醬汁上去～我不停加帶點辣既沙律醬汁 好惹味本身勁中意羊既騷味🤭所以我個羊卷很可以羊肉同菜都好多 勁好食🤤卷物好大份 食完好飽.朋友要左牛x雞卷 佢話好juicy 同樣好足料一啲都唔乾身 而且用錫紙包住食好方便又唔會整烏糟隻手👍🏻.店主同員工既服務好好～外國人果然熱情點💙

今次美食哥倫布去到尖沙咀發現新大陸！哇！開業促銷優惠！梗係要過去望望！有4款野做緊優惠！睇返餐牌價，應該每款係平咗$10蚊！- 旋轉烤牛肉沙拉 $58- 旋轉烤雞肉沙拉 $48- 旋轉烤雞肉卷 $38- 旋轉烤牛肉卷 $48就試下佢個旋轉烤牛肉沙拉先！成份野都幾豐富！一邊係一片片烤牛肉，一邊係一埋沙律菜！有紅蘿蔔、紫椰菜、酸瓜、生菜絲、蕃茄同洋蔥等等⋯烤牛肉切成薄薄一片片，同沙律都可以自己再加啲醬汁食，會惹味同濕潤好多！飲品我揀咗汽水，其實以為係平時飲開嗰啲可樂，但佢俾咗衣樽我。應該都係汽水嚟嘅，不過未飲過依隻味，有少少似雜果味，有汽甜甜地，都幾得意。另外佢仲介紹咗個甜品，開心果酥！係土耳奇嘅甜品嚟！由酥皮組成，有開心果夾心，食落都幾甜，黏黏地口，特別得黎又幾香幾好食！

早幾個月去希臘既時候經常食Kebab,隔左一段日子冇食好懷念啊！今日專登同朋友黎到尖沙咀呢間土耳其菜店食Kebab。呢間店入面都充滿土耳其風情，掛上左好多土耳其既特色燈。睇下餐牌，見到主要係分左豬牛羊呢三種肉類，另外亦都有沙律同埋甜品。我地分別點左兩個套餐share食。其中一個係beef doner kebab wrap。呢個牛肉卷入面包左燒牛肉、菜同埋啲醬汁，好惹味。另外，我地仲叫左份Lamb Kebab Chip & Salad，羊肉份量好多。套餐仲有埋餐湯或者汽水啊！

行過見到有間新開嘅土耳奇餐廳，門口貼住開業促銷，最平$38就有交易！直接入去試下，食個Lunch！一入門口就係廚房，見到有成大串烤肉喺到！格離仲炒緊啲雞粒同炸緊薯條！真係好香！肉類主要有3款: 雞、牛、羊之後可以揀配肉卷、沙律、飯、薯條套餐仲會有埋湯或飲品因為鍾意食羊肉，所以貴少少都照揀，揀咗轉轉燒羊肉卷餐～有碗雞湯同薯條跟埋～雞湯好特別，喺出面無試過，有啲好似薯蓉嘅微粒喺入面，同有啲香葉味羊肉卷都幾大條，一開二有兩份，入面有生菜，蕃茄，羊肉同薯條。佢會另外有兩款醬汁俾你自己加。橙橙地嗰隻會辣啲，白色就有啲似配忌廉同沙律醬咁，用嚟點薯條都好好食！另外加咗份開心果酥！係土耳奇好出名嘅甜品！兩層甜甜嘅酥皮，夾住一層開心果碎，上層甜到適中，下層相對較甜，佢會另外灑啲開心果碎上去，中和返啲甜度，又香又好食！