K-POT 部隊鍋 (已結業)

次次睇親d韓國美食節目, 見到d人食部隊鍋我都流晒口水知道荃灣開咗間K-pot部隊鍋就拉朋友一齊去食原來它是韓式火鍋, 而非我想像中的部隊鍋.....不過我見佢有部隊湯底選擇就試一試啦呢度同其他好多任食火鍋店一樣, 有幾款不同價錢的套餐選擇, 識食嘅梗係食最貴個plan啦, 因為咩都可以試, 抵到爛!!!而且可以選擇一人一鍋架(不過要先預約), 我當然選擇了部隊鍋湯底, 還包括芝士及茄汁豆附送的泡菜小食都是可以refill的我們叫的是澳洲和牛放題,  除了任食和牛外, 還有很多不同的配菜是自助的, 款式好多而且都好吸引飲品都係任飲架, 而且好多款揀還有一架爆谷車, 超用心的未打邊爐前就食住d熟食先, 呢個韓國泡菜飯真係好好味, 而且仲會有煎蛋, 加強蛋汁, 好美味~有牛柳粒, 日本和牛, 雞肉, 魚肉及澳洲和牛和牛的雪花分佈很平均, 肉質鲜嫩我還自製韓國部隊鍋, 材料很豐富, 拉麵吸收晒湯底精華, 味道跟部隊鍋一樣最後還有乳酪雪糕任食, 食完透心涼

今日去荃灣千色行街，經過見到大大個招牌，見打邊爐任食仲要係韓式，甘就上去食下啦。一開始有八款湯底，我們選擇左牛骨湯。有幾款牛肉。我們選擇左嚴選牛肉放題。一坐下，侍應已經放下韓式前菜，有泡菜，黃蘿白，正。 第一環，牛肉可見雪花肥牛，肥瘦均衡，睇落肉感軟嫩，未食已經流哂口水。有碟梅豚肉跟上，第一次見豚肉起雪花，與牛肉不相上下，賣相十分吸引，仲要有兩款選擇，另一款有d似薄薄的五花腩嘅上半part，依款肉睇落幾特别。仲有四件雞比肉，四件魚聊，八粒牛聊粒，牛聊粒紅白一半半，四種不同種類嘅肉都齊全，好全面牙。湯底到，滾水後立刻急不及待食肥牛，每片薄薄的牛肉一放落水，拖一拖水已經食得。食落真係好滑，好嫩。牛肉味好香濃，一碟牛肉不用半分鐘已經消失左再食個梅豚肉，白色肥嘅部份好爽，一d都唔利口，好食。而另一種雪花豚肉肉感嫩滑，有驚喜。一口氣order食左三碟牛肉，一碟豚肉，感覺好满足。再向岀面行左個圈，每樣每款攞左兩件。韓式部隊有熟的飯團，泡菜青瓜壽司。生的有我最爱嘅豆腐，粟米，芝士丸，仲有我未食過嘅韓式魚蛋，墨汁墨魚丸款式多不勝數。最後果part一定係甜品啦，有薄荷昧蛋糕，士多啤梨味，朱古力味。最特别

九月已經開始有點秋意，天氣一轉涼我就很想吃火鍋了，今次相約朋友們來到荃灣的K-POT 部隊鍋吃放題，是我最愛的韓式部隊鍋，我們都愛吃牛肉，所以點了最貴的澳洲和牛放題。店內放了一架Popcorn車，可以任吃Popcorn!正式開始火鍋前可以先吃前菜小食，有沙律、紫菜包飯。自取火鍋配料區選擇很豐富，有丸類、韓式魚片、韓式豬腸、年糕等等的韓式食材。 部隊鍋不能缺少的牛餐肉、腸仔、餃子等。蔬菜有我最愛的皇帝菜!!生菜、菇類、粉絲及麵食。而飲品方面有果汁、汽水及熱茶。應有盡有的醬料。自取火鍋配料我每款都試一點，全部味道都很不錯。特別是蔬菜，好翠綠又新鮮，我最愛的皇帝菜我狂吃了幾碗。湯底我選了牛骨濃湯鍋，湯底非常香濃，牛骨味道突出好惹味。一人一鍋夠衛生，也可跟友人各自選擇自己口味的湯底，讚!!放題可以任食美國專上牛肉、美國特選牛肉、美國嚴選牛肉、一口牛、梅豚肉、豬腩卷、雞腿肉及深海魚。以上肉類會由店員親自送上，讓肉類保持新鮮。美國專上牛肉雪花均勻好肉質，只要刷幾下就可以食，肉質有彈性好有咬口，好夠鮮味。美國特選牛肉切得薄薄的，脂肪比例適中口感超滑，個人最愛。梅豚肉及豬腩卷肉質也夠新鮮軟滑，味道不錯

Kpot 原來解韓式打邊爐，good Wor , 店内裝修同碗碟都係韓式，好有韓風feel ,我揀咗美國專上牛肉放題，湯底有四種選擇，辛辣湯，抑或蕃茄呢？最後要咗蕃茄湯底，原來豬，牛都分別有兩種，另外有一口牛，魚等等，牛肉都有牛肉味，唔錯，但相比下，D豬就遜色咗, 可以任添架，出面仲擺放咗有丸類，蔬菜，頗特別既豆卜串，我至愛既皇帝菜，對眼都望到飽哂，最特別係有salad bar ，爆谷機，一次過可以滿足哂，任飲都有頗多選擇，汽水，果汁，茶包，至於甜品，除咗有乳酪，雪糕外，仲有精緻的糕點，每件size 都細細，令你可以盡情品嚐唔同既味道, 整體都滿意，唔錯

韓風襲港, 上次我哋成班為食兵團食咗K-pan之後, 今日隊長話帶我哋去食嘅K-pot喎! 實行應吓潮流先.....啦...... 光是食佢個裝修真係正到無得頂, 好鬼in吓喎! 好多後生仔女嚟食, 搞到自已都後生埋一份tim, 哈!.... 光是門口個幾隻迎賓公仔, 就搞到幾隻馬騮唔肯走啦! 部隊成員被安排到坐窗邊位, 唔錯呀, 景觀開揚, 對住德華公園, 仲可以𥄫到自已架車, 正!隊長為小隊員點了一個蕃茄湯底, 我哋就先行一個round, 搜隻吓情報, 繼而把最吸引的食物掃到桌前, 睇嚟都幾多選擇喎! 我諗最開心係食齋嘅隊長夫人啦, 簡直係天賜奇觀, 盡多鮮菜任君選擇! 而d食肉獸隊員都唔弱, 先嚟幾碟肥牛同豚肉, 實行食回票價先!我咪凈係識掃丸子, 但竟然被我發現卡娃E嘅小熊魚餅, cute到忍唔住要帶佢去鍋裡面沖吓涼先! 全場最好味係豆腐, 真係滑過BB仔塊面呀!  d小隊員最愛莫過於食雪糕, 而我呢d為食又怕肥嘅女士, 梗係食乳酪雪榚啦, 正, 仲有焦糖味揀tim! 不過如果配料再多d就perfect la! 本來想試埋佢嘅爆谷同蛋糕仔, 不過真係太飽啦, 隊唔落, 留返下次

今日好朋友約左我去荃灣食飯,朋友就帶左我去食部隊鍋,而依間部隊鍋就係荃灣千色匯正門右邊,"心諗"好在有大大個招牌,唔係都幾難揾!重要行前小小,係右邊富利達中心入,真係有小小難揾,好彩個朋友之前去過識路上到去地方幾大整潔,冷氣夠凍,睇下餐牌先,原來有8個湯底揀,同4個任食套餐選擇湯底方面，我們選擇了部隊鍋湯底,和揀左$248 美國專上牛肉放題 有美國特選牛肉,美國嚴選牛肉,牛腱肉，梅豚肉,豬腩卷，雞腿肉，海魚柳 比一般肉食放題種類多！ 價錢已經包埋湯底，甜品和飲品一坐低侍應便奉上前菜,湯底好香牛味，十分香，通常食邊邊，我會主要食牛肉，因為本身最喜歡食牛肉嘛！牛肉切得如紙般薄，脂肪雖不算多，但因薄切的關係，仍能做到入口即溶的效果。當然薄切也有另一個好處，就是不易飽肚，多吃幾片也無妨呢！無所謂la..橫掂任食,食完又可以再叫good...........餐廳內電視播著輕鬆的韓式mv，等人都等得無咁悶！等待湯底煲滖的時候，出去睇睇有咩食物拎先，出面有個任拎ga食物bar,其實種類都很多，而且有部份都幾特別，而且好多。韓式紫薯年糕,韓式餃子除了肉類，其它食材有好味的韓式年糕彈牙,魚皮，感覺是一條

之前食過一次，今次再食，而且試$298 最貴果個餐，牛骨湯。照舊都係要讚一讚個環境先，清潔又衞生，仲有差不多10部既大電視掛係頭頂，食野之餘又有得聽歌睇mv。先講湯底，呢個牛骨湯好鮮甜，味道比我想像中好，d牛肉味道明顯同上次果個$168餐好唔同，好濃牛肉味，雞同魚柳就一般般，但整體都不錯，保持到水準。

是日朋友Day off，相約與公司相近的韓食...之前在尖沙咀食過部隊鍋，很好吃但單點難免價錢較高昂...為食的我今次就選了任食的部隊鍋....朋友預先book定位，不用等便可入坐，但可能平日的關係，仍有幾枱吉位...我們選了最便宜的套餐，只有牛肉及豚肉任fill...*整齊的餐具*一入坐便有3個前菜送到桌前，醃羅白夠酸夠凍，大豆芽則淡而無味...*牛肉，雖選了最便宜的套餐，脂肪比例數重，但質素好，新鮮而有牛味，重要的是可以refill*豚肉，小妹不太喜歡吃豚肉，只試了1塊，不過不失...*各種不同的配料，前菜則拿了紫菜包飯，很難吃，飯呈糊狀，沒有口感，淡而無味....火鍋配料選擇種類泛多，肉餃，午餐肉很好吃，南瓜很甜這裡亦提供紫薯年糕，本帶著"我不入地獄、誰入地獄"的心態去試試，但它卻給我很大驚喜；年糕口感煙韌，中間有甜甜的紫薯蓉，味道出奇的夾，必試之選但熊仔丸則中了伏，硬而無味，根本就在吃面粉....*我們選的是部隊鍋湯底，一開始是可以的，但後期可以加的是清湯，愈來愈淡，愈來愈口渴，味精很重*吃飽飽，用最後1個位置去裝yohurt，沒有令我失望，酸味十足，配料有十種供選擇，十分滿意

香港地已開左超多火鍋，是次來到品嘗K Pot。朋友請客，當然叫個貴d架啦！不過我都好錫佢，為他荷包著想，叫個中價位248既美國專上牛肉90分鐘放題。選左辛辣湯底湯底，湯底十分香，有少許辣。肉類有美國特選牛肉、一口牛、梅豚肉、豬腩卷、雞腿肉及海魚柳！牛肉及一口牛牛味香濃，無渣，靚貨！除左汽水，更有茶包提供。沖返杯熱茶去除油膩感，正！豆腐入口幼滑，配上辛辣湯底湯底十分棒！蔬菜和菇有很多款，金菇超正，最鍾意食小朋友菇。丸類有幾款，魚糕一定要食，口感柔軟，十分棒。食左超多片！都有沙律及韓式壽司包食。雪糕機有雪糕，乳酪同雪糕乳酪兩溝，仲有配料。雪糕幼滑清甜。

10月即將同友人去韓國玩樂，阿豬真係好興奮。日式火鍋，中式火鍋都已食過好多次，韓式火鍋真係第一次食！由於心情興奮，選左個美國專上牛肉放題，盛惠HK$248.- +10%坐低已有3款前菜，但我覺得大白菜泡菜偏咸，辛辣度不足！湯底足足有8款咁多，食韓國野，當然要選辛辣湯底啦，香味撲鼻，不是很辣。野食全部任拎任食，肉類片得很薄片，每點一次都上幾塊咁。店員見你食完碟肉會自動問你使唔使再添加，服務到位！美國特選肥牛花紋十分靚，落鍋幾秘熟哂，牛味香濃十足。食肉獸，成碗都係肉，hahahaha...一口牛略韌，不知是否烚過龍呢？雞肉彈牙。醬料有很多款，可自行混醬。又成碗肉。豬腩肉片十分香，味又濃，推介！蔬菜菇類有很多款，很新鮮。韓式魚蛋必食，好好味。不過就俾韓國果D薄身。午餐肉超正，十分香。丸類都有好多款，墨魚丸十分彈牙味又濃，like 爆！而且也有韓式壽司，沙律吧，不過食唔到咁多，所以無食到。最後整個泡麵就ok啦！臨走食返杯乳酪，乳酪夠硬身，入口細滑，微甜但酸度不足。不知是否自家製呢？總括黎講，呢度選擇勁多，個人覺得多過牛X，下次可再黎食其他湯底！

呢輪夜收工多數都出街食晚飯, 見老婆等我咁耐, 一於去食佢最鍾意既韓式野. 佢揀番上次食過既部隊鍋, 應該貪佢可以任食, 而且鍾意呢度地方夠闊落, 位又坐得舒服.要左"美國尊上牛肉放題>($248), 多幾款牛可以食.試左"韓式面醬湯鍋",  湯底唔係太辣, 唔會太刺激, 面醬味幾濃, 但唔會太咸.美國特選牛肉, 嚴選牛肉, 兩種牛厚薄適中, 所以淥起上黎好快熟, 牛味好濃, 肉質好嫩多肉汁, 保持水準.梅豚肉, 豬腩片, 兩種豬肉都係厚薄適中, 豬腩片脂肪均勻, 所以食落無咁"渣", 好有豬味, 肉夠嫩, 淥耐左都無老到. 仲有一口牛, 雞腿肉, 海魚柳, 一口牛夠牛味, 雞肉夠嫩, 魚柳無腥味, 淥完肉質仲好滑.其他食物有大量蔬菜, 瓜, 菇類.仲有幾種丸, 韓式年糕, 腸仔.韓式午餐肉, 餃子, 豬皮, 豬大腸, 韓式拉麵.仲有甜品汽水任飲, 打邊爐唔任飲真係唔得.其他配料都好新鮮, 而且見都添得好快, 無左一半已經再填, 唔會比人感覺無野拎, 非常好.

時常吃韓燒未免太Dry，這天與一眾美食部隊去試了同為近期韓風大熱的韓式部隊鍋~位於荃灣的K-Pot，K = Korean，Pot = Hotpot，店名K-Pot的意思就是韓式火鍋。K-Pot佔地寬廣，落地大玻璃窗，加上桌與桌之間留有不少空間，毫無壓迫感。全日提供90分鐘涮涮鍋半自助放題，這天與大部隊左挑右選，最後選了$178的美國特選牛肉放題，包括了美國嚴選牛肉、海魚柳、豬腩卷、梅豚肉及雞腿肉；配搭養生的人蔘雞湯鍋，完全滿足了不吃牛或不吃辣人士的需要~決定好放題套餐便可以去取食了，除了肉類外，延伸得長長的吧檯上放了滿了其他火鍋配料、飯、飲品、沾醬調料、甜品等都可以自行取用，有雪糕乳酪機又有一輛爆谷車，豐富之餘玩味十足！貪吃貪玩的我第一時間來一杯乳酷軟雪糕，多與少自行操控，加上大量朱古力彩針，可任意發揮，好玩又好味，嘻嘻！肉來了！侍應送上美國嚴選牛肉、海魚柳、豬腩卷、梅豚肉、雞腿肉等各式肉類時也會說明是哪一種肉，不然實在目測不能。肉類色澤誘人，看得見的新鮮！除了肉類還可以無限任取長吧檯上的部隊鍋配料，當中也有不少韓國特色食品如豆腐串、紫薯年糕、泡菜餃、粉絲餃等等，也有一般火鍋配料如豆腐

食第2次啦 第1次食$188 第2次食$118 其實都只係分食幾種牛 有無雞，豬，魚咁 當然都係牛最好食 韓國午餐肉都好食 無梅林咁咸 食多幾舊都唔怕 2次都係食部隊煱湯底 話哂招牌麻 應該有保證d 好多醬料你溝 雖然食物唔係太多選擇 但呢個價錢都係合理 可以再食PS 如果唔食豬內臟既朋友要注意 佢有豬腸同豬皮 一落個湯到勁大陣豬味 如果有朋友仔受唔到陣味 咁呢餐佢咩都唔洗食啦

今晚同男朋友係荃灣慶祝生日，想食韓國野，但前日先食完7080，於是今晚就決定試下呢間kpot，我地2個身為荃灣人而又同時鍾意食韓國野ge人居然未試過呢間火鍋，而且仲要係住港島區的同事介紹我食，真係失禮 hehe。價錢又不算太貴，我男朋友話叫158算，但難得黎到，決定食豪d! 我地就揀左248果個餐，多好多款肉食。一坐底，第一時間當然係揀湯底，我地就諗住食部隊鍋湯底，但發覺有一款叫辛辣湯底，我一直以為部隊鍋湯底=辛辣，於是就問下侍應，原來部隊鍋係冇咁辣同小小甜，所以我地2個愛辣之一就決定食辛辣湯底(可能我地食慣左農心)。Order 完湯底之後，當然就係出去掃野食，同其他日式涮涮鍋的格局好似樣，款式都很多，比起牛陣果d款式較多，多左韓式既配料 (餃子﹑魚糕,etc)，要記得食魚糕，配濃湯一齊食，very yummy。等左一陣，鍋就出黎啦，外表好吸引，因為真係好似我平日食辛辣面既顏色，,試飲左一啖，湯夠濃，比平日辛辣面湯底甜小小，我地已經拎左2包辛辣面入黎ready.肉類對比一般任食黎講，質素十分高，特選牛d肉質好嫩，很滑而且不會過多肥位，我諗我男朋友一個都食左3碟，但最令我地意想不到係魚

係荃灣成日都食牛陣同牛涮鍋呢類日式火鍋，今日行行下城市中心，先發現原來呢間kpot 開左咁耐，我地都未試過，聽朋友講，形式同牛陣等差唔多，但差在變在部隊鍋湯底，朋友話食過覺得唔錯，於是我同gf 今晚就去試下。上到去，見到環境都好光鮮整齊，有卡位同時有圓筒chair 果d 位，果然係韓式裝修XD睇餐牌都有唔小湯底揀，Total 有8款。由於我地2個都鍾意食辣，所以就叫左個辛辣湯底。趁湯未黎之前，梗係衝出去拎野食同order 肉類，拎野方式都同牛陣差唔多，但野食款式感覺上多好多，可能多左d 韓底配料，仲要有即食麵拎! 食韓式鍋點可以冇麵。等左一陣鍋就黎啦，嘩，正，好紅呀，即刻飲啖湯試下味，這辛辣味同農心果隻麵既味道有小小唔同，唔似單純用味粉溝出黎，應該用左d韓式辣醫溝，但味道夠濃同非常唔錯。即食麵可惜冇味粉，但唔緊要，我地叫左韓式辛辣湯底，所以唔加味粉都好夠味，而麵質就非常唔錯，夠彈牙，呢隻係牌子ge 麵係韓國都好出名，我同gf 總共食左4包。呢d 韓式餃子﹑魚糕都好正，我第一次係任食既，正到爆。我地叫左個178 ge 餐，有牛肉﹑豚肉﹑雞腿肉﹑魚柳，個人覺得肉類整得質素都唔錯，尤其牛肉，