K-POT 部隊鍋 (已結業)

去完韓國旅行,仲好掛住韓國既野食添,發現旺角哩間新開既韓國部隊鍋,即約埋家姐同男友一齊食。👩👨👧好彩一早book定檯,唔洗等就入得,設計簡約,檯與檯間距離舒適,唔覺逼,坐得舒服,一班人聚會都唔錯~坐低就叫咗個部隊湯鍋,跟住就出去揀自己鐘意既材料同配料,材料擺放整齊乾淨,估唔到除咗汽水任飲外,仲有花茶可自己沖泡,岩我哩d唔太中意飲凍野既人,花茶味道獨特,好飲,係香港好少飲到哩隻味~原來韓國部隊鍋係咁得意,可以加芝士同泡菜入湯內,好特別,仲出奇地match,好味,加韓國公仔面一流😊另外平時唔多鐘意食魷魚既我,鐘意咗食,好鮮好好味,魷魚好彈牙喔~同部隊鍋湯好夾,正^^ 👍不得不提乳酪雪糕,出去買一杯都要$30,仲要哩個乳酪雪糕甜度岩岩好,可自由配搭糖或糖漿,雖然好飽,但食完熱騰騰既鍋,再食返個凍冰冰既乳酪,無得輸,不知不覺食咗2杯,仲想再食,但俾男朋友阻止😫

尋日同個朋友經過旺角, 見到新開左一間韓式部隊鍋, 有新野緊去試下喇...間嘢唔係好大，但裝修都好簡約舒服同闊落，啲waiter 和waitess都幾nice，傾傾下先發現原來waitress係韓國人,識講中文同英文...佢其實同牛涮鍋有啲相似, 都係任食, 氣水, 花茶任飲, 乳酪雪糕任食....因為佢呢度話 自制部隊鍋, 所以我點左部隊湯底...我點左佢美國特級牛肉放題 $178/位, 仲有雞腿肉,梅豚肉,韓國好興既豬腩卷本人覺得佢啲牛肉肥瘦適中,即使淥耐左都唔會韌, 豬腩卷一啲都唔肥膩, 而且仲都幾爽口..湯底好似係泡菜湯底,所以有少少酸酸辣辣, 配埋佢個韓式公仔麵, 芝士, 茄汁豆... 超正...本人對公仔麵可以說係麻麻地, 但真係值得一試...我覺得佢個湯底同個麵和芝士真係絶配... 麵質煙煙韌韌,索晒啲湯汁,仲有溶左既芝士痴住啲麵...(佢呢隻公仔麵係無味精包架, 唔知係咪專食部隊鍋用既呢..)