Just For Fun (已結業)

今日去觀塘做野 車多人多隱世美食多今次途經 觀塘工業中心見到間漢堡包一於試試佢以新鮮手打 即叫即整做特色 落單後大概15分鐘有得拎今次試左招牌牛堡$52加$15可以簡配薯條或薯格 仲有蕃薯條選擇 跟送罐裝氣水講下個味道 招牌牛堡 食落好味 漢堡算大塊牛肉有少許筋位更有口感 漢堡煎得juicy 一路食一路滴汁 配搭鋪頭自製達do醬 類似千島醬有少少🤏🏻辣味 更惹味 生菜蕃茄酸青瓜基本配置薯條普通 食落香脆有味 正常發揮罐裝飲品 普通可樂總括：性價比高 去觀塘做野會試多次

喺公司附近已經食咗好多次雖然每次都要等10-15分鐘，20分鐘都試過，但每次嘅食物質素都keep到，真心推薦豬柳強，我每次都remind佢哋要荷包蛋，一咬落去果啖強汁真心正！除咗豬柳強，佢哋個牛堡都唔錯，同個汁好夾，牛肉食得出新鮮，有少少筋口感唔錯👍🏻唔似一pat野既感覺。小食方面試過都幾出色，雞翼同魷魚鬚每次都會追加。唯一唔好嘅就係每次都要等，但即叫即整又唔怪得佢哋，推介大家試食，相當唔錯嘅一間手工漢堡店！

食咗最少四五次，每次都係即叫即整，只係15-20分鐘左右，有時好多人叫外賣可能會等多五至10分鐘但係最緊要嘅都係質素有保證，每次個質素都keep到，睇得出兩個店主係好有心機整嘢食。聽講佢個IG page叫人可以多啲落去同佢傾吓計，但係唔知會唔會阻住佢整嘢食仲有好多小食可以揀個人推介番薯條，魷魚鬚，雞中翼特色漢堡包又有多舊魚堡，或者經典牛堡加佢個松露醬同洋蔥好好食個牛係手打，口感唔似得出面機打果d咁，真心推

公司附近新開了一間漢堡小店，門面很細，大概只使take away 的單。見到價錢幾抵就同同事試試，的確有驚喜！我點了牛肉漢堡，包質不是快餐店式又濕扁平的那種，而是挺身、半圓、有點焊過的那種。牛肉厚身，煎成兩邊帶有微焦邊，特別香口，而且肉味香濃，帶有肉汁。配有爽口的生菜和蕃茄，配上芝士和適量的醬汁，口感豐富，好味喎！而加配的薯格，拎到上Office 還是脆的，只是略嫌有點太乾，味道也是挺好的。包有包味、牛肉有牛肉味、薯格有薯仔味，50蚊有找，值得支持啦！⭐️⭐️⭐️⭐️⭐️

經OpenRice 外賣自取有9折，所以抱住試試既心態，真心覺得值得推介要支持下小店取餐時間快捷，包裝十分精美，配菜同漢堡十分夾，牛肉味好香濃仲有啖啖芝士十分惹味

👍🏻經典牛堡 $52牛肉漢堡係每日新鮮手打，厚身好juicy😛！肉感好重，偏多筋，口感有啲似食緊牛肉餅咁比較實肉牛味夠哂濃郁之餘仲有類似孜然嘅味道，幾特別生菜同蕃茄新鮮爽口中和膩度秘製達Do醬其實係千島醬同沙律醬配埋甜甜地嘅烤洋蔥同半溶芝士，好香好好食🤤整體厚身足料，一啖咬唔哂，呢個價錢好抵食！味道：9/10性價比：9/10-👍🏻囿點辣雞堡 $48雞扒連皮煎得好香，雞皮微微焦脆，肉質好嫩滑又厚肉夾住隻煎荷包蛋，一咬肉汁同蛋汁流晒出嚟🤪不過蛋汁會好易滴到周圍都係，最好都係外賣坐低慢慢食好啲辣醬係店主媽咪自製，比想像中辣少少，但又唔會蓋過雞扒嘅味道係帶有辣椒香嘅沙律醬，好惹味好香👍🏻！雞扒本身醃得唔重味，所以沾滿哂醬汁食都唔會太鹹生洋蔥爽脆帶辛辣感，同辣醬好夾麵包皮有烘過，口感鬆軟，食落甜甜地，好香牛油味😌味道：9/10性價比：9/10-👍🏻薯格&飲品 +$15 / 蕃薯條&飲品 +$20兩款都係即叫即炸，好脆口又唔會油淋淋表面無特別調味，薯格可以點茄汁而蕃薯條夠甜，就咁食唔使點醬都得😋味道：8/10性價比：8/10-👍🏻亞古獸麥樂雞 +$16/4隻比起m記個種更外脆內軟，熱辣辣炸得好脆，

官塘工廠區附近有間手打漢堡店，外賣想食個快餐就決定試下。平時黎黎去去都係雞或者牛，今次試新野！豬柳強🐷。🐒豬柳強配蜜糖芥末醬💰$48+$15轉套餐連飲品(蕃薯條+$5)🍔入面有新鮮手打豬肉+蕃茄＋生菜+芝士，配埋蜜糖芥末醬一打開個包裝紙就見到個包好大個，即叫即整勁飽滿，望落去好juicy💦一啖咬落去咬唔哂，勁足料，番茄同生菜都好新鮮🍅🥬🐽特別想講下個豬肉，係真係新鮮每日手打，多肉汁之餘仲勁有肉味，一啲都唔柴，配埋個蜜糖芥末醬😋好match，食哂成個包都唔會好口乾👉🏻轉蕃薯條+$5蕃薯條係蕃薯本人呀🍠炸得好香口勁脆，好味過薯條好多，5蚊必嗌！。🐒水牛城雞翼💰$10@2🐒亞古獸(麥樂雞)💰$16@4另外再追加左兩個小食，亞古獸即係類似麥樂雞，會較大塊同厚肉，配埋佢個自家製蜜糖芥末醬好開胃🍯雞翼熱辣辣又大隻，水牛城就係自家製既醬汁，幾特別，同出面食到嘅唔同。總括嚟講，$50既價錢一個包已經勁高質，加多幾十蚊就食到特別既蕃薯條同埋其他小食❤️小店就係有呢度好，唔會好似大公司咁價錢貴得黎野食水準又差

以50幾蚊一個包嚟講 開頭覺得有d貴 但聽店主講每日手工打肉同自已mix醬汁 就決定試下點知食落都幾唔錯 舊肉雖然有d筋 但食得出新鮮打 有肉汁 唔係防腐肉個d口感 同埋配既醬都幾夾 食過覺得都配得起呢個價錢既加餐$15有野飲同薯條都算合理 食lunch成個餐夠晒飽見老細起d包既名都幾吸引 有興趣下次試埋其他

有日放工經過門口好多人圍住先知開咗間新店於是第2日買嚟做午餐去到現場發現OpenRice落單有折仲有coupon(但落單時忘記咗)就用咗OR落單當你以爲係受歡迎先咁多人其實只係因為佢即叫即整需要等候真正取餐時間在店員按可取後10分鐘才齊大概25分鐘講返食物我地叫左牛堡, 薯條, 魚手指同可樂牛堡重點在牛身上舊合成物食落無咩肉 主要是軟組織包是嘉頓麵包 正常野其他配料都很充足 唔洗再加配都好夠炸野都普普通通(圖片為半份)但因為等整包整得耐薯條已經凍凍地可以考慮再計下時安排煮食次序總結價錢來說 五十蚊有burger真心平可以間中食下過口癮