JUICY Fresh Juice Bar (好景商業中心) (已結業)

店鋪：JUICY Fresh Juice Bar (旺角)地址：旺角花園街2-16號好景商業中心地下23號舖JUICY Fresh Juice Bar @juicyhk 呢間No.1韓國人氣果汁過江龍8月7號喺旺角全新開張，去到8月14號仲做緊全線買一送一優惠，醫護亦有八折優惠😍快啲同好友摯愛一齊嘆番杯100%純天然新鮮鮮製果汁飲品🍹佢哋所有飲品都喺每日新鮮即叫即整，用嘅都喺純天然無添加果汁，跟足韓國嘅配方去整。佢哋提供唔同款式嘅飲品：果汁、奶昔、乳酪、熱果汁、咖啡、香茶/拿鐵☕️，咖啡豆亦喺嚟自韓國🇰🇷，仲有小食炸雞同薯條🍟因為做緊買一送一嘅關係，去嗰日咁啱賣晒乳酪，所以就叫咗兩杯奶昔：XL藍莓奶昔($36)同XL草莓香蕉奶昔($46)，藍莓奶昔比較稀，比較似Smoothies口感，藍莓嘅鮮甜非常突出🫐；草莓香蕉奶昔比較稠，因為加咗原條香蕉🍌，口感似Milkshake，以香蕉嘅甜香夾雜住士多啤梨嘅清新同粉紅顏色🍓，飲落一啲都唔溜，果然喺真材實料👍

今次去咗試試 No.1 韓國人氣果汁過江龍因為旺角新店開張 全線有買一送一優惠（07/08 - 14/08）.⭐️草莓乳酪$46（大）呢杯飲落感覺勁清新 絕對唔重糖漿味底層有一大杯少甜原味乳酪表面有大量鮮草莓汁 顏色鮮艷 飲到唔少草莓籽.⭐️藍莓奶昔$36（大）同樣鮮果加牛奶打成既奶昔 味道天然 唔算好甜.整體半價後超級抵飲見到佢哋每杯落咗唔少生果除此之外佢哋仲有其他小食例如炸雞 薯條 配飲品一流（餐牌睇圖）值得去試試果汁

【JUICY Fresh Juice Bar 🤤】呢排天氣好熱 前幾日同朋友行旺角 經過呢個新開嘅飲品店 一於試下先*藍莓奶昔 $36幾好飲 飲到啖啖藍莓🫐味 不過有d甜*草莓香蕉奶昔 $46好濃郁嘅香蕉🍌味道 配埋士多啤梨一流 下次會再試！📍地址：旺角花園街2-16號好景商業中心地下23號舖 (港鐵油麻地站A2出口 步行約5分鐘）最後 呢到仲有mirror同collar嘅應援 鍾意嘅朋友唔好錯過🤣

見第一日開張就試下，店鋪主要係賣鮮果汁奶昔，亦都見有啲小食，不過炸嘢多，所以唔太吸引。就咁睇價錢都較貴，不過新開張有輪盤玩，可以拎到現金券或者買一送一等優惠，就變咗勁抵。一杯果汁大概三至四十蚊，買一送一就變咗十零蚊杯.士多啤梨香蕉奶昔 - 清甜，唔會好重糖水味，食到士多啤梨果肉，香蕉味亦都突出。奶同生果嘅比例算做得唔錯，飲落都幾解渴。.橙汁 - 通常是最普通嘅嘢都會大概知道質素如何，鮮橙汁都幾fresh，果肉唔算太多，但唔會好甜，夏天飲好解渴。