J.S. FOODIES (又一城)

營業中

休息中

今日同我既好朋友v小姐去慶祝生日 終於可以抽時間見下食個飯傾吓計(◐‿◑)就揀咗以前返學嗰陣成日去嘅地方食lunch 仲特登打電話去諗住訂位點知要攞飛🥺原來真係好多人排隊 我哋2:30去到攞飛前面都仲有五張飛要等ಥ_ಥ- - - - - - - - - - - - - - - - - - - - - - - -🦀松葉蟹肉忌廉意粉 $198 (5/5分)推介必食✨上網見到大家都推介咁梗係要叫一個試吓啦😏大概等咗10分鐘左右就有得食 哇！估唔到上面有一”pat”蟹膏 即刻忍唔住要試咗先 好鮮甜😍唔會覺得好腥臭個d 仲有好多蟹籽係面 撈勻黎食 真係啖啖蟹肉既鮮味(≧▽≦)蟹”蟹膏 蟹籽 蟹肉” 雖然剩係得兩條蟹肉 入面係啖啖🦀肉 意粉比較軟身 d忌廉汁加埋意粉 真係好CREAMY(˶‾᷄ ⁻̫ ‾᷅˵)份量都算好多 如果有機會一定要食多次 我哋兩個食到個碟勁乾淨煙肉蛋漢堡配薯條 $139(3/5分)個漢堡包真係好大好大 雖然餐廳員工已經幫我哋切開咗一半 不過都仲係唔可以一啖咬落去 要分開咬 入面超厚嘅牛肉 係手打架 咬落去真係好彈牙 唔會覺得好乾冇汁 入面都會有好多肉汁😋🤤不過我就覺得有啲普通

今天午餐，去了又一城一間休閒餐廳獨自吃午餐。點了黑松露忌廉意粉，原本沒有抱多大的期望，因為這款菜式很多的餐廳也有類似。但上碟時，看到份量已經十足，而且在意粉上放了一大舊黑松露醬，香味撲鼻！而且周邊的忌廉汁及菇類亦頗多，賣相已經很不錯。當吃時，麵條軟硬適中，菇類及忌廉汁也十分足夠，黑松露醬更濃郁可口，吃完整碟午餐，已經十分飽肚，很滿足。此外，他們的冰茶也不錯，可以選擇甜度及冰的多少。相信會再次來到進食。

松葉蟹忌廉意粉($198)有crab meat蟹肉、crab roe蟹籽、crab paste蟹膏，未食已經聞到好香，將啲蟹籽蟹膏撈勻d忌廉汁，食落每一啖意粉都好香，好creamy，好濃嘅蟹味，松葉蟹連殼上碟，好鮮甜，好好食！原味班戟（$99）好有空氣感，夠鬆軟！食落好似棉花糖咁柔軟，蛋味好香(呢個好重要！)，加埋啲cream好好味，唔會好漏，甜度適中！最鍾意食原味，唔鍾意加其他配料，呢個班戟無令我失望！Cold Cappuccino ($36)甜度適中，咖啡濃香，好飲過其他coffee shop既咖啡！除咗排隊嘅人比較多，需要等嘅時間長d之外，坐既位置同食枱都夠寬闊，好多食物種類選擇，一定會再encore

係又一城食完Lunch順便係度食個甜品。見到有個tiramisu pancake幾特別就試試。Pancake煙煙韌韌，蛋糕體濕潤，唔乾，好中意個口感同質感搭配雪糕同cream，甜度合適，食落無負擔。pancake份量好足，兩個人食完Lunch再Share一個都有少少「濟」，咁係好事定壞事？見到有個限定開心果pancake好似都幾特別，下次有機會再試下。哩度既Lunch好似都幾多選擇，可以考慮Lunch，甜品直落

We shared 2 pasta and 2 pancakes between four girls, and it was the perfect portion. Creamy pasta with crab meat, crab roe and crab paste😋 The portion was generous with quite a lot of crab meat! For the second pasta, we ordered the shrimp tempura shrimp 🍤 pasta with creamy sea urchin sauce. Unfortunately, this dish was a bit of a disappointment.. The sea urchin was mixed into the cream sauce, but the sauce didn’t have the unique sweetness from sea urchin(maybe because the sea urchin wasn’t parti

放假黎個Girls’ Talk💙.📍J.S. Foodies.🍝松葉蟹忌廉意粉($198) - 好吸引!!一碟有齊蟹肉、蟹膏同蟹籽😍仲要份量唔少~啖啖creamy意粉有勁多蟹肉!勁正!🥞Black Tiramisu Pancake($129) - 好濃朱古力味嘅pancake~有啲似brownie😍😍仲要微暖嫁!配上濃厚mascarpone cheese仲有雲尼拿雪糕~💯🍵Green Tea Latte ($36) - 朋友點嘅飲品~感覺好rich綠茶味😂朋友話趁熱飲係好飲啲~☕️Mint Latte ($36) - 係久違了嘅味道啊🥰自從為左結婚而減肥...由返工會幾乎每朝一杯到變左飲齋啡🤣確實意志力好重要!!再飲返mint latte都仲係覺得好出色好正😆

每次來到又一城都見到好多人排呢間餐廳， 今日見到沒有人排隊決定一試，但是都等左5分鐘，如果lunch time 有限時應該食不到。雖然呢間餐廳係pancake出名， 但是lunch 正餐食pancake 有點搞笑， 所以點左經典漢堡。包好香， 但是肉有d 乾薯條一流，好脆好香，茄汁份量岩岩好lemonade 好新鮮好好飲整體來講不錯,  漢堡亦比其他附近的餐廳好， 只是價錢有d貴環境因為在賣衫的鋪頭內, 加上人好多都幾嘈店員收銀時沒有什麼反應，有點奇怪

平時都好少寫食評，今次真係不吐不快！中午和老公請假拍下拖，唸住搵間坐得舒舒服服嘅餐廳relax下，見依間平時勁多人排隊，今日竟然唔洗點排，咪唸住試吓囉！本來已同老公被安排坐咗一個較靜嘅角落位置，但正想點餐時，有位身材比較大隻嘅職員問我哋可唔可以幫忙調一調位，因為有個四人家庭想坐得近d。咁我哋都無托手踭好合作調位，點知佢安排我哋坐係水bar旁，食具收納站前嘅位置。雖然食物質素尚算OK，但整餐飯都不停有員工係身邊行來行去不特止，仲要啲餐具同碗碟碰撞聲勁吵耳，想同老公傾下計都有困難，於是快快食完就埋單走人。離開前，我好有禮貌咁同果位大隻職員講，個位置對食客都幾騷擾，完全無怪責成份，只係想比少少意見，睇吓公司日後設計位置時注意一下。點知個大隻職員即刻板起塊面，語氣極差咁話：「小姐，我都無辦法咕喎！」之後就無理我，轉頭做其他嘢。總結：如果我係食緊大排檔，我一定唔會出依個post。講真依間餐廳價錢唔算平，食物質素都可接受，但一個無禮貌嘅員工，令我對依間餐廳大打折扣，必定無下次。

呢日黎到又一城食午餐✨黑松露忌廉意粉份量非常足夠，我覺得可以兩個女仔一齊share都夠，仲有一大舊黑松露係面頭，好抵食👍🏻✨經典漢堡呢個係男朋友叫嘅，入面用上和牛，男朋友話好好食😋，我就試左個薯條，好脆好香口。其實呢間餐廳嘅pancake都好出名，可惜實在太飽啦！唯有下次再黎試🤣

雖然仍是疫情期間，但都要間中出動，去滿足下心中的為食鬼，最容易可以有滿足感就是食甜點，今日選擇食pancake。這家餐廳有意粉，有pancake,餐牌相片好吸引，選了奇蹟開心果雜莓pancake, pancake果然香軟滑， 最特別pancake面有棉花糖, 將 雜莓汁 淋上，棉花糖就會融化了，很有儀式感，值得一讚就是 ，開心果醬竟然有真正開心果味道 。又order 了另一款焦糖pancake， 這款是朋友推介,雖然 不是我的至愛厚pancake， 但係真係一試難忘, 焦糖香脆甜， pancake不是一般的，而是有韌度彈性口感， 也很難形容這個口感。 這家餐廳的pancake 值得一試， 是我至愛之一👍👍👍

下午茶時間，排隊至少半小時，收銀員安排坐位，幫手落單，其間，友人對沖咖啡的奶有疑問，他都能一一解答。好早前試過同一集團Flippers的梳乎厘班戟，太失望，唔夠膽再試。今次選擇了法式焦糖班戟，傳統班戟伴有細細粒香脆焦糖，出乎意外地有驚喜，朋友都讚好味。酸忌廉黑松露薯條，簡單配搭，熱辣辣出爐，忍唔住食完一條又一條。黑松露忌廉意粉，忌廉調較得恰到好處，整個意粉味道也是不錯的。飲品好多忌廉，味道正常，符合預期。收銀員後來又有禮貌地提醒我們用膳時間完結，值得一讚。

今日去City探朋友，lunch見個面 唔咁頹係canteen啦，約左係white zone鬆一鬆，City人一定明啦呢間J.S. foodies都幾eyecatching, 佢旁邊係boutique, 另一邊就係cafe咁樣，啲deco都幾有心思都多人黎，一邊傾計一邊等，都差唔多30分鐘先有得入~~點左一份main share呢款pasta個碟大大，都幾得意，見到啲三文魚子已經心花怒放 睇佢細細碟，但都夠我地食，佢個sauce都幾重味，食多幾啖都真係幾咸xD 魚子卜卜卜，開心。入黎前都係比佢嘅pancake賣相吸引到，點可以放過 hmmm呢份焦糖布丁pancake上到枱，感覺冇想像咁靚，哈，不過唔緊要，都係味道緊要啲..我地覺得就不過不失，或者下次試souffle會開心啲，口感會特別啲~~

✨之前已經試左Flipper's既梳乎厘班戟,今次我就試呢間屬同一集團既[𝐉.𝐒 𝐅𝐨𝐨𝐝𝐢𝐞𝐬],佢地呢間鋪除左有供應Flipper's既梳乎厘之外,佢地主打仲有美式班戟、漢堡同一啲主食,選擇比我予期多...‼️.💬士多啤梨藍莓香蕉班戟 $119依款係Flipper's既熱賣款,之前係Flipper’s唔敢試怕士多啤梨酸,所以今次就試一試佢...😝！整體黎講,味道跟Flipper‘s鋪食無咩唔同,士多啤梨🍓唔算酸可接受,蛋香一樣好香濃,好鬆軟,祇係今次依個班戟入面比較濕潤,唯一要講既係啲cream少左dd,如果可以多番少少就更好😝..💬芝士漢堡 $109漢堡都係佢地既主打,係用美國頂級安格斯牛肩肉手打製作,但係覺得比予期有少少失望,可能覺得漢堡牛肉唔夠juicy,又或者唔啱我口味,整體黎講,味道一般般🙈....📍 J.S. FOODIES (又一城) (九龍塘)九龍塘達之路80號又一城LG2樓30號舖i.t blue block📍 J.S. FOODIES (海港城) (尖沙咀)尖沙咀廣東道3-27號海港城港威商場2樓2608-2609號舖..

介乎晚餐時間 但又唔太餓唔想食咁多～（限時90分鐘）朋友話想食甜品 咁就睇吓OP有啲咩揀⋯見到呢一間都好似唔錯！就揀咗呢一間揀咗呢一個「士多啤梨藍莓香蕉班戟」同埋「黑松露意粉」～我就加一杯芒果熱情果沙冰士多啤梨藍莓香蕉班戟🍓士多啤梨味嘅呢個唔錯 鬆軟～奶味濃郁 👍🏼士多啤梨藍莓食落咗亦都OK 唔算太酸黑松露意粉嘩 一嚟到黑松露意粉 出奇地大以為食唔晒 最尾都食得曬（前題就係我哋兩個都唔太肚餓）黑松露味道濃郁～意粉質地啱啱好！食得多都唔會覺得好漏超伏嘅芒果熱情果沙冰我杯芒果沙冰不得了！建議唔好揀！呢一杯超級無敵難飲😞😞超級假🥲其他嘢食其實都好想試、例：黑松露薯條⋯但無奈太飽 見到其他Pancake個樣都好似好吸引 下次可能經過都會再食👍🏼👍🏼

又一等位等好耐嘅餐廳 可能我去親都係星期六加上lunchtime今次等左半個鐘 限食90分鐘叫左明太子海膽意粉 黑松露薯條 同 brownies pancake 本身諗住甜品之後先叫 但因為得90分鐘 所以一次過叫 結果一次過上晒 最後食pancake已經凍 pancake唔算太出色 有麻糬感覺 但brownies太甜 薯條普通唔算好好食 個黑松露醬係幾香 反而意粉有驚喜 最好食係個意粉 但唔知係佢有warm碟 定意粉預先整好成碟一齊warm 個碟黎到係熱到燙手