Ivy Restaurant & Bar (已結業)

大角咀近年已儼然成為一個新興的美食區，單是一條埃華街就已有十數間食肆了。最常去吃的當然是"四條魚"的魚湯米線及車品品的蝦籽白粥及八喜撈最近在街頭發現了一所較高檔的西餐廳，格局比一向大熱的金船長來得高級些。這類餐廳究竟在大角咀的舊區有沒有市場 ? 實在值得令人商傕....當然的一點是，若果食物質素是有的話，正所謂"有麝自然香"，自然不乏知音人也....跟太座找一天去證實一下。專程挑了一個weekday去光顧，看見人雖然不算多，但也不至於門堪羅雀的。坐多一陣子，客人也陸陸續續的來到。可見中高檔的西餐，在這兒仍是行得通的....對當夜的chef recommendation很有興趣，先來一份炭燒M4和牛臀肉扒，再另加太座的美國極黑豬扒。是夜就放開懷抱，做一隻切頭切尾的食肉獸吧太太很想喝熱湯，叫了一客很typical的蕃茄湯。試了一口，味挺濃且頗杰身，吃落還覺有點起"沙"的texture，是出乎意料的出色伴吃的麵包雖然沒有很特別的款式，但勝在烘得熱騰騰，邊位是夠脆及flaky。用來醮湯吃，是最佳的配搭湯及麵包這樣的"基本嘢"做得不錯，料不到主菜的水準就差得遠了那份和牛肉扒的肉質是全然不夠嫩，儘

Lunch time 成日經過, 這間由開業至今都沒什麼人的, 今天十二點三左右, 餐廳內一個客人也沒有, 都有點擔心, 但個同事話要試吓, 便硬著頭皮去試一試吧! Set lunch 叫了個照燒汁芝士焗鰻魚飯, 48蚊免加一先來餐湯, 好咸, 再等了五分鐘, 來了碟意粉, 跟侍應說來錯了, 再等了十分鐘左右, 其間又詢問過侍應一次, 他說焗緊, 真的有點期待呢....一碟滿帶芝士香氣的焗飯 唔知大家有冇食過大家樂和大快活的日式大碗飯呢? 味道相若, 但飯較硬, 有三小塊芝士在鰻魚上面, 芝士還沒有完全溶掉。雖然個碗好熱, 但d飯和鰻魚並不熱, 令人費解 當附近"意味"的set lunch只是由28蚊起, 椰林閣的set lunch也是$30左右, 我想不到這餐廳還有什麼存在價值! (至少在午市而言)p.s. 可能午市要將貨就價啦, 晚市會好一點也說不定......

有日個 Friend 話有間新野係大角咀, 好另類不如去試吓! 即刻上網望吓, 好壞都有, 於是親身去睇吓乜料.去到大角咀, 都要真係用 D 神至揾到! 心惗, 係噤既位開檔噤既野, 老闆都算勇氣可嘉, 應該有兩度散手至係. (有 D 期望)入到去, D 位擺得好密, 同門口感覺唔一樣, 或者個場成日有function, 所以有條長櫈.待仔招呼無乜, 呢點同 SOHO 有 D 唔同, (或者個厨真係好掂, 唔使靠樓面)坐低之後, 因為待仔無乜表情, 十問九唔應噤, 所以自己同個 Friend 睇MENU. 叫咗個SET試吓, 加 D 散叫, (反正嚟試菜)先嚟沙律, 又係樓面, 個菜好係掉落嚟噤! 我同個FRIEND都嚇咗一跳! 不過個沙律都似樣, 蟹肉算OK. 噤就有返D信心.之後上湯, 蠔湯. 上時個待應見我想伸手接, 竟然怒睥我!! 好似我殺咗佢老豆一樣!? 而且個湯上時已經聞到鯹. 雖然温度都仲OK, 不過就好鹹! 而且隻蠔好韌. 於是就只有用麵包點嚟食, 不過都係食咗半碗, 實在太鹹!!根本食唔到鮮味! (呢時開始有D失望, 不過仲有主菜, 希望會有驚喜)到牛排. 我係要5成

本身同朋友約在旺角食晚飯,點知無人話事食乜,咁啱我晏晝上網又見到有間西餐廳在大角咀開咗,於是便膽粗粗搭的士去試吓(5個人搭唔駛跳錶),一坐低,覺得呢度D裝修都幾靚同幾落本,好有中環SOHO FEEL . 當晚我哋叫咗幾款菜(有D係SET.有D 散叫). 先講個湯, 蘑菇湯,我敢講係我人生之中最好味,VERY CREAMY , (我諗個廚師應該都幾有料) 跟住係小食,炸蠔&雞翼,講真雞翼不過不失,但係個炸蠔就真係無得彈,雖然係炸,D蠔肉好新鮮又嫩口........正主菜叫咗牛柳,有牛味,最緊要係夠"霖". 另一個係叫"茄容劍魚",味道好特別,酸酸哋,十分開胃,之後仲嗌咗個帶子天使面同意大利飯,我覺得佢哋整出D 味都幾意大利FEEL , 同我係意大利旅行食嘅味有D相似.......好味道最緊要係埋單每人$150 有找,咁嘅價錢有咁嘅環境同食物質素,超值這間餐廳啱哂我呢D九龍人,以後都唔駛專登過海去中環食D又貴又普通的SOHO餐廳

之前見佢開業就特登黎試,雖然價錢好似係呢區黎講係略貴,但係最令我不喜歡的係佢的份量,食物來說不算差,不過份量真的少得可憐,之前黎食佢的set dinner,有湯,有前菜,前菜係一個蟹肉沙律,份量十分少,得半隻手掌般大,但後來,連主菜,石在燒的份量也一樣少,我叫了羊鞍,只有三少塊,朋友要了魚,得一塊,我相信冇人係會食完覺得飽,雖然佢的食物質素還不錯,但份量實在少得可憐,所以我不打算會再幫襯了,以同樣價錢,也可以在同區食不錯的東西了,至少,不會吃不飽。

搬左黎大角咀住,因為比呢度既食店吸引,而呢間 ivy 可以話係由佢裝修開始睇到佢開舖,因為日日都經過佢舖頭,終於上星期同朋友黎左呢間試食七點幾間餐廳無咩人,可能俾個餐牌既價錢嚇怕左想黎試既人,因為就咁睇都幾貴下 (對比大角咀其他好食又出名既舖頭),扒類平均一個套餐要 $150 左右,我地比較細食所以大部份叫左天使麵同意大利飯,無試佢既石頭燒,首先黎既菜湯,第一個感覺係好淺色,飲落都好清下,無咩味,跟住主菜既天使麵就到,隻碟好大但係份量比較小,男仔應該唔夠飽,d 味普普通通,同茶餐廳既無咩大分別,再黎意大利飯都係份量較小,同埋 d 飯好硬身,雖然我地都知意大利飯本身應該係硬硬地,但係佢係硬到食唔落口,我朋友容易胃痛,所以叫 d waiter 問下廚房可唔可以煮淋 d,點知 d waiter 完全唔識,因為請返黎既大部份好後生,無咩禮貌可言,仲話個廚師講意大利飯係咁硬,唔肯拎去換.......咁都無辦法架啦,唯有放棄個意大利飯,之後後面果檯人既石頭燒上檯,我地聽到 d 支支喳喳聲,跟住有好多煙,我地都知領野,果然走果陣件衫同 d 頭髮勁大陣燒野食味..... orz提議佢想石頭燒多人食既話

I love the stone BBQ , it is just HK$1?? for the whole set of dinner , in other restaurant this cost 500-600 , it wroth going to this area to try it.Besides, the soup is great . very good taste , have SOHO feeling , but the bread is a bit hard. Those meet is high quality, I think they sell in low price is because location. Eat these quality of food with this price , Worth

可能人客不多的關係，感覺店內環境算舒適，同時段沒有人食stone grill，所以沒有其他人所講的油煙味？是夜三人試了紐西蘭肉眼扒、紐西蘭牛柳(不肯定)及芒果蟹肉意大利飯，加$20轉set。餐飽是蒜蓉包，好硬餐湯是忌廉薯蓉湯，都幾好味。我吃的是意大利飯，唔清楚正唔正宗，只係覺得幾好食。另外切咗肉眼扒及牛柳各一塊，覺得佢用料應該唔錯，幾好肉味。價錢唔算好貴，附近都有若干咁上下價錢的餐廳，質素都相若。都認同佢有進步空間，可以參考吓附近有間成人好多人等位的，其實唔係咁好食，但整三幾樣「招牌菜」，咁就出咗名。

和朋友一起去試這一間新開張的高檔餐廳，但食物和環境令人十分失望食物方面：牛扒冰冷無牛味，叫五成熟但變七成熟。那份凱撒沙律的味道與一般餐廳或酒店的極之不同，感覺不好吃。環境方面：因有石頭燒及欠缺良好的抽風系統，成間餐廳的煙很臭，令衣服都有陣臭味。那扇所謂開放式的門令坐於附近用餐的人感覺好煩，服務員經常搬碗碟於那扉門進出，污染室內環境衛生，有時寒風直吹客人希望有所改善！

睇住佢地幾個靚仔開舖。一直無乜客。次次去睇下個Menu 都改價錢改discount改計法。但其實差唔多。大概要$150 pp上星期四行過，surpise！坐左8成。睇下Menu 原來加左D70~80既菜色。星期五，終於同老婆試下！睇睇Menu，本來想order羊排($128+$20轉set)，但老婆話試D平D既野先！Ok，試試先！Order！！1) 牛肝菌意大利腸意大利飯 +$20轉set (湯 & Drink)2) 煙三文魚pizza湯-係南瓜湯，唔錯！味濃稀"傑"適中。我地得1個湯，個waiter幫我地分2個碗上，夠細心。法飽配有oliva oil + 黑醋。可惜法飽中平。牛肝菌意大利腸意大利飯，GOOD！意大利飯唔太油。軟硬適中。只係咸左DD。煙三文魚pizza就失色左D。個pizza底唔夠簿，硬左，食餅甘。D toping 料OK。個oliva果太多，好搶味，怪怪地！無味精。唔會口乾瞓唔倒，有進步空間！可以再去！order 我既羊排。

記十一月下旬試新店看完食友的靚相食評後，也忍不住開完會後飛身試試大角咀的西餐廳。埃華街其實有唔少傳奇食肆，就如車品品、魚魚魚魚同力奇，這間Ivy卻是惟一的西餐廳。閒日的午市，客人不多，套餐夾雜港式元素，在同街一系列港式老牌店競爭下，要站穩陣腳也要讓步，最後簡單地要了三十八元的墨魚丸茄汁長通粉。樓底不高位置亦談不上闊落，幸好來的都是寫字樓斯文客，煩人公務後終可享半刻寧靜。店員服務很好，斟水及介紹菜式方面交足功課，說回食物本身，先來烘暖的餐包，與鹹牛油是很好拍檔。餐湯是羅宋湯，將大量洋蔥、番茄、紅蘿蔔、牛肉共冶一鍋，時間夠加上薯仔作用，湯底濃稠夾集雜菜甜美，比起附近西餐廳用金寶來得有誠意。主菜墨魚丸茄汁長通粉，連自己也會煮的家常菜，通粉煮得軟韌，甜中帶酸的茄汁也是自家煮的，汁收得幾好，用上芽蔥苗作點綴，師傅應該有點來頭，雖然港式了一點，仍吃得很滿意，因為用的是意國泊來長通粉，一份堅持是值得欣賞的，當然若換上肉醬汁的話會吃得更開心。埋單約四十元，經濟抵食，走前跟主理人傾了兩句，笑言這區做正宗西餐不易，靠午市捱舖租，晚市才是他真正的發揮，有興趣試試他的蝦與海鮮熬汁做的意粉，應該比石燒Steak

之前訂位問定12/3去仲有8折,去到居然話星期一o岩o岩轉menu,所以冇.....已經開始慶慶地(因為個waitress 10/10下),叫個經理o黎,成5分鐘先埋枱,嬲到我丫,但佢最後都比番8折我...算!!!!!湯: 龍蝦湯一般,冇咩驚喜;青豆薯湯,我唔鐘意青豆..no comment小食: 洋蔥圈-ok;雞亦球-可以不試主菜: 石燒羊-唔記得幾錢,但有得玩,又有4大件好好食,抵.(不過d油勁彈)石燒和牛(hkd398)-係好味,不過4舊水就唔係太值,而且自己燒難handlepizza-一般8折後4個人hkd745係抵,不過唔係十分outstanding....但如果貪得意玩石燒,呢度都算抵

因為老豆關係，認識到這區可是唯一的soho式西餐廳。先端上的法飽，雖不是自家製，但熱烘烘外脆內軟。頭盤是龍蝦湯及煎鵝肝：龍蝦湯-味鮮濃、蝦肉也不少，還覺得帶點點干邑味道；湯底不是濃稠香滑，這個較為稀身一點。煎鵝肝伴黑醋汁-煎得熟了點，不夠皮脆心軟，沒有香脆入口溶化口感，勝在沒有根；淋上煮濃的黑醋汁減了滯膩感。第一道主菜要了意大利飯及意粉：牛肝菌意大利腸risotto-芳香的牛肝菌及芝士味特別濃厚的帕爾瑪，還有意大利腸的鹹香，其實三種獨特的食材混合了後，味道非常之好，可借意大利飯煮得腍身。Carbonara-個人覺得傳統的是配spaghetti比fettucine較好，故將闊麵轉了。到上枱時原來不是食慣的芝士、蛋汁、creamy的Carbonara。似是煙肉炒意粉，其實味道不差，不過不可抱著是Carbonara的心態來食，這種作法真是配闊麵較為適合。第二道主菜要了推介的燒物，有廚師燒及客人自家燒的Ivy stone兩款選擇，我們兩款也一試。燒牛柳-要medium rare，都是一貫的毛病，就是燒得較熟，牛柳肉質尚算新鮮，不過缺少肉味。全靠燒汁夠惹味，可補肉味不足。羊扒-這個是自家燒的，侍

尋日去左君匯港探朋友, 到晚飯時間都唔知食咩好,因為附近除左去奧海城食之外都好似無咩好食, 點知我朋友就提議去佢屋企對面一間新開既餐廳食.咁我地就一行4人出發, 一到步坐低就第一時間睇下meun有咩食,我自己就叫左個stone grill食 (係澳洲和牛), 因為我自己最鍾意食牛扒,今次仲要係和牛, 正!!!!Order等左十分鐘就到, 一放低就已經感受到"舊"石既熱力,同埋塊和牛份量十足, 及塊和牛不經醃製, 所以食個時要落少少鹽一齊燒,燒到佢六七成熟就食........好好味呀。