Ivy Restaurant & Bar

今日同dadi泥呢間到食lunch 星期一至五都有lunch set $38起 包餐湯+包+野飲之前學生好似仲有免加一 唔知而家仲係唔係? 但係今日星期六就冇 唔緊要 我地睇完menu就點野食dadi叫佐個芝士漢堡包 $58漢堡入面果塊牛肉勁厚 又juicy 加上又有幾多粗薯條 好似fish&chips咁既粗到 好正我就叫佐個辣蕃茄汁尖通粉 $48粉量多 起碼我食唔哂 同埋蕃茄汁應該係自家整 好好食 少少辣好開胃 尖通粉又夠lum 唔會太硬:)然後點佐個cake of daily - 朱古力千層糕 堂食$16 外賣$11件蛋糕上檯好似酒店級咁款 蛋糕好軟 唔會雪到硬哂 又有個scoop既vanilla ice-cream好似朱古力brownie熱食咁既食法 正環境好好 有落地玻璃有電視有洗手間 望出去條街好舒服 會有下次埋單計埋加一$134 老豆碌卡俾6蚊貼士 總數$140 每人$70我覺得d意粉好食過意粉屋整果d 誠意之作 值得嘉許! …查看更多

本身要送份禮物到大角咀朋友處及請他吃晚飯,開頭兩個人無乜意見,朋友又話去打邊爐,我極力反對,我一星期打足五晚,食到厭,最後行過一間西餐廳叫IVY , 於是入去試吓.首先係湯,我們UPGRADE 咗要蘑菇湯(本身ORDER DINNER SET 要另加廿蚊), 我可以話呢個湯係我人生以來最好飲的一個湯,既 CREMEY又多蘑菇粒,"堅" 好飲.主菜我要石燒咖哩,朋友則嗌咗紅酒燜豬手,先講咖哩,一個字"勁" ,佢地用的石燒鍋仲大過平時食可韓國石頭飯的SIZE,熱烘烘的,又夠料. 至於紅酒豬手亦比正常的大及厚身,出來的口感非常OK,唔會太稔OR太硬.:食完之後,已經飽突肚,再無空間試佢地D 自家甜品,下次一定要再來試吓D牛扒補充多句,食厭咗火鍋的朋友,絕對要試試石燒咖哩…查看更多

小妹第一次分享食評…多多包涵日前跟朋友响奧海城睇完戲，跟住咪行去大角咀嗰邊吔嘢，行到君匯港隧道底，見到有間話食法國餐的餐廳，見到啲set好似幾吸引，雖然價錢都成兩百一個套餐，但見朋友生日，就豪一次。個侍應仔招呼入去坐后，就有一個矮細的經理嚟問食乜，我哋話點set，但佢好似聽唔到咁，專推介啲咩石頭燒，不停話︰「石頭燒係我吔強項，大份過尖沙咀嗰間…好抵食！」（嘩！佢啲石頭燒都唔平，專sell我食啲貴嘢。）講足成十五分鐘，最終我同朋友話食set夠，都各自點了個日本豚肉和西冷牛扒餐，嗰矮經理好似唔多高興，黑晒面，仲口嗡嗡，聽見佢話我哋唔識食。當時我同朋友見佢咁，都開始頂佢唔順，咩態度呀！？幫襯仲要被佢話…於是我哋即刻叫佢唔洗落單，唔食啦…馬上拎袋走。嗰經理追住出嚟門口話我哋玩嘢…仲講粗口送我哋…呢間咩餐廳呀…就算好食都唔會幫襯……查看更多

“懶”呢個字嘅代價到底有幾大呢? 相信師傅心中有數喇, 皆因師傅就係懶, 所以有成幾個月冇寫食評, 亦因為懶所以大部份食評都忘記得八八九九, 更加因為懶而遺失埋幾篇接近完成嘅食評; 為免重蹈憂徹, 師傅痛定思痛定決定勤力d, 閒話休題, 即刻寫番篇新鮮滾熱辣嘅食評先!昨天晚上, 師傅約左好友車匙姐姐食飯, 但由於兩個人都唔知食咩好, 又唔知喺邊區食好, 於是師傅諗左一陣就決定去車匙姐姐浦開嗰區搵野食! 兩兜友喺條街度行左一陣, 而美食嘅選擇開始漸多, 車匙姐姐亦感覺到花多眼亂兼心大心細, 最後師傅做左一個決定就係揀左呢開餐廳, 而最主要原因係師傅自己未試過!入到餐廳, 食客唔算多, 氣氛亦算舒服, 幸好唔會感覺到好似淨係比情侶去嘅餐廳咁, 如果唔係都幾樣衰! 侍應帶位入座, 安排左窗口位, 但礙於師傅覺得窗口位嘅位置不太好, 皆因窗口位置貼街, 街外望入食店一覽無遺, 清晰可見; 所以師傅為免食相嘅醜態暴光, 還是轉去較入嘅位置穩陣d!坐底當然睇下有咩好食同有咩想食啦, 車匙姐姐亦毫不怠慢揀左意式蕃茄芝士薄餅, 而師傅左睇右睇, 最後揀左芝士焗肉醬薯皮, 但覺得份量太少, 還是加多個意粉保險d, 於是揀左龍蝦蕃茄汁海鮮意粉; 最後當然唔少開番枝紅酒黎點綴一下啦!一邊飲紅酒, 一邊吹下水; 再一邊聽音樂, 同一邊等食物! 嗰種無拘無束嘅感覺真舒服, 師傅直頭忘記左都市人嗰重壓力! 一瞬間最先登場嘅食物就係龍蝦蕃茄汁海鮮意粉, 先講下個意粉, 意粉份量並唔算特多, 但意粉就煮得並唔太腍, 又唔會太硬, 入口嗰刻非常有咬口, 連師傅唔太鍾意食太硬嘅食物亦覺得不錯, 車匙姐姐對意粉更加讚不絕啦; 而蕃茄汁亦酸酸地幾開胃, 加上汁裡湧出陣陣龍蝦香味, 非常醒胃; 但龍蝦肉稍為實左少少, 冇個汁咁香, 不過都收貨, 而放面仲有三隻青口, 師傅並無試到, 但見車匙姐姐食得津津有味, 相信亦不太差!意粉都未食完, 芝士焗肉醬薯皮又登場, 一碟有四件嘅薯皮, 賣相不賴, 師傅當然毫不客氣先吃一口, 發覺肉醬係好香好好味, 相信係牛肉本身幾靚之固, 可以講非一般的肉醬; 而薯皮就香香脆脆, 但入口又唔會太乾身, 更加冇成口粉嗰種感覺, 好正; 但唯一差少少就係芝士味唔夠, 所以食唔到有芝士味, 不過亦算係一道水準不錯嘅菜式! 最後壓軸嘅係意式蕃茄芝士薄餅, 意式蕃茄芝士薄餅係一個九寸到嘅薄批! 先講批底, 批底係薄但未算最薄, 更加唔算好脆口, 帶少少韌, 批底黎講唔算太出色; 但餡料就值得一讚, 食開意式蕃茄芝士薄餅嘅都知呢款薄餅冇咩料, 所以蕃茄就變得好重要, 而呢度嘅蕃茄係好新鮮, 皆因個薄餅焗完出黎蕃茄依舊唔乾, 仲好多汁加上味道鮮甜, 好清新好好味, 正因如此亦為批底挽回不少分數; 而芝士亦唔算濃烈, 反而咁樣冇搶到蕃茄應有嘅鮮甜, 都算不錯! 總括黎講呢間食店嘅食物質素尚佳, 環境亦舒服, 服務態度殷勤有禮, 而價錢絕對相宜, 如果唔計之紅酒, 埋單每人唔使一舊水, 著實非常抵食! 呢間食店佢作為師傅復出嘅首選, 一d都冇揀錯; 如果呢間食店能夠有個靚女侍應, 相信會錦上添花! 坦白講呢間食店絕對值得一試, 所以有機會一定會再黎, 而笑臉亦值得一比!後記: 寫完呢篇食評後再睇番前兩位食家所寫嘅野, 師傅覺得又唔係好似嗰兩位講得咁差, 不過大家所食嘅野唔同, 真係好難比較! 希望兩位食家唔好咁勞氣啦! …查看更多

先講之前的食評,看後大致上同意,Food質素頗對辨,Rissoto 尤其OK,但上星期知道Manager轉了,收番 cockage,但 Dont expect they have enough glasses, they would offer you STRAIGHT water glasses for wine tasting!!!! and alleged they have given you a discount on the cockage fee of 30 dollars!Cockage= open the wine in a professional way + provision of standard reasonable glass They are not satisfying both requirements and charged customer 30 dollars!!再講食物,試過有客人問可否加Bread ( those bread is with the set and each person will get a small piece under current management system), Manager replied " Maybe you finished those on table first! What is the cost of a piece of bread ?I wonder they know how to run a restaurant.....Food: to be honest, not much change in quality Fair for western meal. Not much surpise but dont expect very special things. Dont ever try those oyster, maybe you can go in and see how many oysters were consumed and you can be aware of the freshness of their oyster or cherry stone............Most important thing about oyster and cherry stone is by the end freshness.Dessert is disappointing, we tried chocolate 軟心cake, hard like a stone and those chocolate they use is without any coco flavour....…查看更多

日前同朋友食飯，行到大角咀見到間西餐廳，當時晚上七點許八時，都係食晚飯時間，見裏面無乜人都心諗麻麻哋。當時見佢菜單，一個餐要$168，即話連加一都成二舊，响呢區都算貴，但朋友話唔洗排隊，不如試一次。有個侍應就咁帶我哋入去，佢不斷介紹啲牛扒，見佢咁落力，就試一次。我和朋友分別叫了一個安格斯牛扒餐和鱸魚餐，其實分量都幾少，只啱女仔分量。因為當日無帶相機，未能拍照。先講我塊扒，味道一般，又多肥膏，於是咪向個經理反映，但佢叫極都唔認，卒之行到嚟，佢只話︰「有咩問題？牛扒係咁喎…我覺得無問題，唔肥吖。」同佢講都多餘。至於我朋友舊魚，佢都話無乜味…但見經理咁反應…都費事講…驚餘下食品會中口水招。食完主菜…再等個甜品…等足半小時都未嚟（其實現場都只得我一枱）…我又催下嗰經理…佢坐住無嘢做都懶得理我…結果甜品未到…我和朋友都受夠氣…立即埋單走人…都成四舊水…真係貼錢買難受咁質素的食物和態度…今時今日都仲存在…以后都咪洗旨意我幫襯…抵佢無人幫襯…查看更多

本人住在九龍區,工作地點是在旺角區,所以大多數外出搵食都是在旺角,太子,尖沙咀等,真的很少到大角咀,因一向大角咀在我心目中,都是一個舊區,大多數舊區都是比較多普通茶餐廳,除了金船長比較有點名氣之外,還沒有聽過其他了.今晚,為了就我工作地點及就朋友的居住地方,所以便選擇大角咀. 朋友給我選擇大角咀任何一間餐廳,於是我便上openrice找一找,便看見這間Ivy Restaurant & Bar 環境很有特色,於是便選擇了這間餐廳.今天,我先到Ivy Restaurant & Bar . 還未到餐廳前,我便懷疑自己有沒有迷路,為什麼在openrice相片看,餐廳格局很像很前衛,為什麼我經過的,9成都是舊樓,舊商鋪及舊餐廳,行到埃華街的尾部,才見到這間Ivy Restaurant & Bar ,之後再過的便是新樓宇. 新樓宇和舊矮樓, 新式食店和舊茶餐廳,真的成了一個大對比.講了這麼多大角咀,都要講講餐廳及食品的質數.這晚我來到這餐廳已經是晚飯的黃金時間-7:30. 但餐廳只有我及另一枱,所以起初職員也很用心地service我們. 我和朋友也很快地揀選了兩碟主菜.1) 澳洲西冷扒Stone Grill - $98我和我的朋友也一致覺得,牛真的很靚. 肉質嫩滑,記得我起初燒的時候有點驚,所以時常燒耐了點變成"痴鍋",但幸好這個西冷牛扒真的不錯,肉質依然鮮嫩,不錯.2) 香煎帶子什菌茄汁意粉 - $68這一碟意粉真的充滿了茄汁味,而且帶子也算大件,味道真的不錯,可惜份量真的少了一點,所以我和朋友也很快地把整碟意粉吃完了.整體上餐廳的環境,食物質素及服務也不錯,只可惜食物及飲品的份量也太了. 連Hoegaarden都沒有大杯,只有小杯裝,anyway,整體算是不錯.…查看更多

My wife and I went to Ivy for dinner once, and find the place acceptable.Last week, another week and my family came here for a joint families gathering. We have 4 kids and 5 adults. We ordered sphagetti carbonara, and two pizzas for 4 kids. They all enjoyed the sphagetti and the pizzas and asked to come the next day. The adults ordered sirloin steak, pumpkin risotto sets, a snack platter and another dish, forget what it is now, and 2 pints of stella artois. The sets came with soup and drinks. The bread was good. It was warm when it was served.The sirloin was good. We asked for medium rare and it came in medium rare, still juicy and tender in the middle. The risotto was also delicious and creamy. The platter is a bit disappointed. It consists of fried chicken bones, bufflo wings and fried squid. A bit too oily, unfortunately, and the size is a bit small. We ended up paying $680. I think for the quality of the food, the price is reasonable.The service was in general good and courteous. The 4 kids were making the tables a mess but the waiters were relatively tolerance to their naughty conducts.…查看更多

前排同家人到呢間restaurant食dinner, 因為係正屋企樓下點了是日推介餐牌ge意大利飯, 海鮮意粉,另外一個唔記得左... (無餐跟, 淨係一碟好細分量ge 飯/意粉)個意大利飯又咸又硬, 食得好辛苦....:(阿媽食ge海鮮意粉, d青口臭ge, 搞到佢即時嘔返出來...仲有個waitor問非所答, 一句講曬: 價錢貴, 食物差, 服務差, 奉勸大家唔好去p.s. 個晚返到屋企, 我同阿媽反胃左成晚, erk返出黎個d意大利飯汁味令我好想嘔.......…查看更多

試過兩日lunch set, 都試過一晚family gathering dinner :)feel so good and relaxing lunch :- 南瓜蝦球意大利飯夠哂creamy又夠多- 牛柳絲三色椒蒜汁意大利粉略縑d pasta太硬同好似冇咩味dinner :- 唔記得咩烤羊架- +$20 following with a tirimisu 這個超級推介 ! by the way, 餐飲杯凍朱古力好好飲 : D份量都幾大 因為次次我都食唔哂 要打包 職員態度好好 ^ v ^…查看更多

我男朋友book了晚餐....試一試.......叫左兩個set......一個m9牛臀肉餐,一個招牌芝士漢堡.....個忌廉湯幾好味......但係...個牛扒...............叫左6成.......但係好熟.........仲要個底好似貼哂火屎甘....."窿"到.....真係唔好食.......:(太差了......個漢堡包...好似有d凍......麻麻地.....有少少失望.....d 侍應好似聽唔到我男朋友講野...叫左2杯檸茶.黎左得1杯.....:(真係麻麻地了~~~~~地方都唔錯既~~但係d水準真係要改善下~…查看更多

前幾日同同事食完, 正煩緊父親節去邊到食!因為唔想茶樓&酒樓&中菜, 諗到頭都爆!最後又返抄呢間感覺良好西餐! 今日去無再食扒 (因為真係要減肥), 叫左碟 "三文魚天使麵" (其實都好肥 ), 初初碟野到有d後悔, 因為隻碟好大, 碟麵好少!! 但食落原來隻碟都好深, 食極都有, 味道都好入味!! 所以忍唔住再係呢到讚呢間餐廳! 但唯一美中不足係佢裝" olivia oil"瓶好油 (唔該抹下啦!!!! )!! 食物味道同價錢算超值 (無9折我都會再返撻), 但環境就一般, 如果唔好開住部電視仲好!!!!!希望可以keep住d質素啦!!!!…查看更多

尋晚同同事慶祝, 睇到呢到有9折同埋環境都好似幾好咪試!竟然有驚喜, 4人埋單HKD 500有找, D排味道都幾好但有D OVERCOOK!我最鍾意食件扒旁邊蒜頭, 好香好好味! (但會好口臭) 最可惜無機會試佢甜品 (太飽啦)!!!! …查看更多

今天是我的生日,本來想食日本野,但冇哂位,問朋友,話大角咀有d餐廳都唔錯,咁就去左大角咀;本來想去金船長,但full哂,剛經過見到呢間野,所以就入左去try下. 座底,待應介紹話今天推介食大蝦餐,d蝦好新鮮,(其實都唔知點解唔介紹手扒,因為呢度好似扒的種類好多,心想,d蝦會唔會是賣唔去個d,因為個時是8點30分啦)但見他介紹得咁有誠意,就試下囉女友就話唔想8點後食咁多野,所以叫左個辣蕃茄汁牛柳粒尖通粉 我地是兩個人互試大家d野食先飲磨菇湯伴黑松露油($35), 超正,唔知點解好香tonguetongue 皇牌龍蝦湯($45) - 好似味道重左dd...sad 香煎大蝦伴香賓忌廉汁$168 - 估唔到d蝦真係好得喎,蝦好鮮甜,之前諗是賣剩好似衰左ddtongue 辣蕃茄汁牛柳粒尖通粉$68 - 味道ok,但再辣d會好d.bowl 總結:呢區黎講算係咁,聽待應講,呢度d扒是好好食的,同我見menu個漢堡好似好大個,我下次會再黎…查看更多

時常經過呢間餐廳, 今日終於入去試試下午茶!A至O十五款好多選擇白汁鶢絲長通粉 ($35)招牌芝士漢堡 ($48)白汁通粉好入味, 一啲都唔"溜"芝士漢堡塊排好香, 粗薯條和黑醋沙律伴碟簡直perfect:)可能附近有啲比較新嘅樓, 都有幾枱外國人幫襯. 服務同環境都唔錯…查看更多