影片
朋友介紹我食呢一間雪糕，本來諗住去試雪糕，點知老闆好熱情，不停叫我地試曲奇餅，最後忍唔住買咗一罐細的＄80有六種味嘅曲奇餅個鐵罐包裝好精美，食完仲可以循環再用。曲奇俾你落咗口味包括earl grey，果仁，綠茶，朱古力，芝麻……等。拎到返屋企嘅時候，媽咪一試就讚不絕口，佢話唔單只係鬆化咁簡單，係真材實料嘅感覺，要用足料嘅牛油，仲要係心機，先會做到嘅。好友home made 嘅感覺。個人好鍾意earl grey 口味，因為食完之後有after taste，個口入邊仲有陣陣嘅茶味。推介俾青衣嘅朋友。
繼續閱讀
住喺青衣多年，都唔察覺有呢一間咁充滿人情味嘅小店。有一日，同事試過之後，返到公司同我地大力推介，所以令我好想一試。佢嘅位置一啲都唔顯眼，喺美景花園最角落頭嘅一間鋪頭，不過遠處你都見到佢有一個好大嘅立體雪糕燈箱擺喺門口，所以唔會認錯門口嘅黑板上面掛上彩色嘅彩色吊燈，非常吸引。入邊地方唔大，有兩張座椅，白色嘅牆上貼滿左唔同嘅甜品照片。前方有一個蛋糕櫃，蛋糕整齊咁樣排列在櫃入邊，可能係接近關門嘅時間，所以款式剩下不多。店員好細心咁樣介紹各式蛋糕，最欣賞佢哋嘅蛋糕有低糖嘅選擇，雖然都係好甜，都會令你致肥，但係低糖總會令你食得安心。件裝蛋糕以獨立包裝，感覺好衛生，賣相不錯。正在猶豫之際，店員推介一個咖啡朱古力低糖蛋糕，可能係就快關門嘅關係，以特惠價賣給我。作為一個消費者，老闆話特價賣俾你，雙眼立即發光，又聽到係低糖嘅關係，即刻立即要咗最後一個蛋糕。返到屋企試食一下，已隔了一晚，咖啡味係非常香濃，忌廉唔算特別香滑，但也不俗，海綿蛋糕底口感尚算不錯，綿密軟熟，朱古力嘅部份不算太甜。整體感覺不俗，蛋糕的大小適中，好適合二人份量，或小家庭淺嘗一口甜品。順帶一提老闆好熱情，仲送咗一杯雪糕俾我試味，不過個人覺得軟雪糕尚有進步空間，朱古力味都幾香濃，但唔夠滑啊
繼續閱讀