INN - I’m Not Nothing

營業中

休息中

雖然係工廈入面，但餐廳環境一啲都唔比外面既餐廳差，反而多咗份特別既工業風格，配合埋黑白主題，真係好有格調。八爪魚墨汁意大利飯($158)呢道菜一上桌就見到黑濛濛既墨汁飯，配上新鮮既八爪魚，真係好吸引。飯粒煮得剛剛好，口感煙韌，墨汁味道濃郁但唔會過鹹，帶有淡淡既海洋味。八爪魚煎得適中，咬落去爽口彈牙，配合埋墨汁既濃香，真係一流。肉眼牛扒伴紅酒燒汁($308)呢個牛扒真係叫人流晒口水，牛扒煎得外脆內嫩，切開見到粉嫩嫩既肉質，一睇就知火候掌握得好好。紅酒燒汁濃郁香甜，帶有少少酸味，中和咗牛肉既油膩感。牛扒配埋紅酒燒汁，每一口都充滿層次感，肉汁豐富，口感嫩滑，食過返尋味。

荔枝角億利中心有好多好嘢食，有平民化嘅餐廳，都有啲環境靚有格調嘅西餐廳，2樓呢間INN I’m Not nothing好有驚喜，餐廳面積唔係好大，但係整體環境好舒服，而且食物質素好高，喺工業區都搵到好嘢食肉眼牛扒食物上碟好靚，見到胃口都大開，牛扒煎得好香，唔會乾，而且餐廳好貼心咁幫你切埋一嚿嚿，唔使自己郁手，淨係享受食物就可以😍配菜都好好味煙三文魚扁意粉扁意粉處理得好好，用咗好多橄欖油，好香，煙三文魚份量都多，同意粉好夾

Bookmark 左茘枝角工廈入面一間打卡餐廳好耐《INN I’m Not Nothing 》餐廳嘅裝潢以白色為主，餐廳有大量花、雕塑，藤椅，帶出滿滿古典宮廷風格，靚景配美食😍💁🏻‍♀️ 燒美國豬肉眼扒伴牛肝菌忌廉汁豬肉眼扒非常厚切，口感豐富，肉質嫩滑💁🏻‍♀️香煎北海道帶子龍蝦汁扁意粉扁意粉軟硬度好好，龍蝦🦞汁鮮味又唔會太咸，帶子鮮甜美味💁🏻‍♀️餐湯南瓜忌廉湯南瓜嘅甜味同忌廉嘅濃郁，絕配👍🏻口感好綿，仲要拉埋花嘅湯，視覺效果一流💁🏻‍♀️餐飲ICE CHOCOLATE & CAPPUCCINO 朱古力甜度適中，加上cream及朱古力醬，大愛😍CAPPUCCINO咖啡同奶比例岩岩好，飲得出好滑職員服務態度好好，食物水準高，環境靚😍諗唔到咩理由下次唔再嚟食😎真係值得推介

🍝打卡cafe系列‼️間餐廳既view 好舒服😬😬—▫️餐廳：INN - I’m Not Nothing▫️地點：全香港有1️⃣間分店📍荔枝角長沙灣道883號億利工業中心2樓203號舖(港鐵荔枝角站 D1 出口, 步行約1分鐘)▫️營業時間⏰: 星期一至日12:00 - 17:00 & 18:00 - 22:00▫️價錢：～$100+—美味：🥩🥩🥩+0.9🥩環境：🌌🌌🌌+0.9🌌價錢：💰💰💰+0.95💰服務：🧑🏻‍🍳🧑🏻‍🍳🧑🏻‍🍳+0.7🧑🏻‍🍳—淨係環境都夠晒chill☺️，食物份量都幾多☺️兩個人去又得一班人去都得😃🤩🤩cafe黎講都算唔錯—👧🏻食咗啲咩🤫💕📍龍蝦意大利飯價錢：$198分數：🦞🦞🦞+0.9🦞仲幾大份有半大隻開邊龍蝦🦞都夠多肉😁加埋意大利飯軟硬適中，都夠汁~📍煎盲鰽魚柳價錢：$188分數：🐟🐟🐟+0.9🐟比想像中大舊，有兩舊🐟🐟外層煎香咗，入面啲肉都好香滑—📍提拉米蘇價錢：$58分數：🍮🍮🍮+0.5🍮啲cream較多，咖啡味都有，但冇咩酒味同驚喜—#好西 #打卡 #bellevue #café #summervibes #cafe #正餐 #夏天美食 #HongKong #HK #

上次食完荔枝角工廈台式料理🍜 今日黎食…隱世西餐啦🌿 餐廳設有投影屏幕, 環境好Chill ✨ 非常適合gathering👯‍♀️但最吸引我既.. 都係隻長頸鹿🦒😂✨法式龍蝦湯🦞🫕湯質地超～濃～稠❕裡面仲有好多一絲絲既龍蝦肉🤫 飲到底會有龍蝦殼.. 真材實料🩷✨卡邦尼意粉🍝卷極都唔會斷既意粉😌 係我鐘意既口感. 結實而不硬..係煙韌既感覺. 意粉表面被油香包住, 好夠滑🫠✨煎盲鰽魚柳🐟今日想比個胃休息一下，Main揀左容易消化既魚柳. 魚肉質感好鬆軟👀淋埋個醬汁食..好濃郁😌 口味清淡既..記住唔好食魚皮. 💁🏻‍♀️✨黑松露薯條🍟現炸既薯條，外皮好鬆脆. 點埋黑松露醬..好快就食晒🥲

餐廳位於工廠大廈，上到去門面唔錯，睇得出有心設計過。入面裝修用上黑白色作主調🖤🤍。亦有投影機投影緊黑白短片🖤🤍。有舊式英國嘅感覺。舖面座位唔多，小編於平日晚餐光顧，環境偏靜，感覺好chill、好舒服☺️法式芝士焗生蠔（香脆煙肉） $28/隻，兩隻起🤩驚喜嘅係佢圖文100%相乎🤩，唔係淨係得兩隻生蠔，而係有火箭菜同蕃茄仔做伴碟，一啲都唔馬虎。焗蠔冇鯹味，表面有燒好嘅煙肉粒😋、洋蔥、芝士。煙肉味好出，脆度同鹹味適中。好抵食😋👍🏻香煎虎蝦牛肝菌意大利飯 $148虎蝦好大隻😍、彈牙同新鮮👍🏻。意大利飯則略嫌有點硬，冇飯粒煙韌嘅口感。整道菜味道唔算濃，清清地👌🏻。慢煮西班牙黑毛豬鞍架配香桃醬 $238❤️小編同朋友都俾佢驚艷到‼️‼️‼️豬一般都好難煮得好食，好多時會太乾太硬。但呢間豬鞍厚得黎🥰，火喉仍處理得好好，表面少少脆口🔥，裏面好淋😍，有肉汁同脂肪香‼️配埋好好食、有桃蓉嘅桃醬，酸酸甜甜，增添濕潤感💦同開胃😋，好fresh！👍🏻👍🏻👍🏻👍🏻👍🏻大推！！！！！肉桂蘋果杏仁片焦糖忌廉法式班戟 原價$78 （如經OpenRice訂位可以免費獲贈）班戟presentation係皮喺底，配料喺面，並非皮包餡。班

放工時間想食西餐，又唔想山長水遠走到油尖旺區，好在喺公司附近都有唔少好嘅選擇，今日就嚟到荔枝角億利工業INN食西餐。今次兩個人叫咗兩個前菜加一個主菜。前菜我哋揀咗牛油香煎帶子忌廉菠菜配香脆酸種麵包多士，香煎帶子都有返咁上下大粒，忌廉菠菜配埋麵包多士一齊食味道平衡得唔錯，唔會太重草青或者一未得忌廉味。另一個我哋就叫咗巴馬芝士黑松露薯條，可以見到黑松露醬一啲都唔慳皮，而且薯條唔係得死鹹味，而係芝士帶出嚟嘅咸香味。主菜方面，我哋今次就冇鋸扒啦，叫咗慢煮八爪魚墨汁意大利飯，見到八爪魚份量唔錯，食落唔會好韌，慢慢咀嚼仲會食到醃製嘅香料味，墨魚汁意大利飯飯粒吸飽醬汁又唔會太膩。最後我哋仲嗌咗個甜品做結尾，今次我哋揀咗芒果熱情果忌廉pancake，班戟質地非常有趣，唔似一般喺甜品舖度食到嘅質感，而且配合芒果同熱情果酸酸甜甜，唔會因為搽咗忌廉就會有飽同濟嘅感覺。整體用餐體驗唔錯，而且餐廳環境舒適，枱同枱之間嘅空檔亦都好充足，牆身更會播放有主題嘅畫面同音樂，配合成個環境喺放工時間嚟講都係一個唔錯嘅享受。

荔枝角貌似全部工商業大廈實則臥虎藏龍有好多性價比高嘅餐廳我去嘅時候係兩點後已經過咗午飯時間冇限時而且少啲人靜靜地好休閑隔離有兩枱年輕貌美嘅女仔一齊下午茶有少少覺得自己都後生埋一份😆Lunch menu 有十款選擇連餐湯嘢飲有all day breakfast 亦可以另加薯條選擇困難症咗一輪之後揀咗✨燒菠蘿芝士牛肉漢堡✨✨香煎北海道帶子龍蝦汁扁意粉✨嘢飲嗌咗凍齋啡同薄荷梳打自己比較鍾意個扁意粉🍝軟硬度剛好而且掛汁得嚟唔會太鹹店員細心咁拎咗碟俾我哋share食係度食嘢有種可以慢落嚟嘅感覺唔會趕頭趕命之餘有日光照住寧舍舒服食物質素唔錯價錢亦算合理👍🏻

今日朋友話帶我去食高級西餐，但黎左荔枝角既工廠大廈，有啲意外又新奇。 朋友話呢度真係好正，上到黎真係好唔同。 成個裝修，同feel都好唔同，好靚又歐陸風，果然好舒服。 一黎到店員已好有禮咁帶位同介紹野食。 佢既set dinner 都好唔錯，我地就叫左煎盲鰽魚柳，同卡邦尼意粉。 佢雖然係即叫即煮，但都好快上菜。 盲鰽煎得好靚，肉質夠嫩，但塊皮好脆，而且好夠熱。 擺盤超靚，一大個蕃茄同薯溶，勁似2球雪糕。卡邦尼意粉超creamy,最鍾意佢既香濃芝士，又香又有口感。甜品我地都簡左班戟，分別係肉桂蘋果同芒果熱情果。 兩款都好香，好多果肉。 而且佢既cream面真係好似雪糕，又大份，真係食佢同飲野做tea 都好正。最後試埋佢既Expresso Tonic, 透心涼勁正。佢地而家仲做緊週年活動送前菜，所以真係好抵。

置身法國宮廷！精緻浪漫之夜，令人回憶快樂滿滿高級法式宮廷風餐廳餐廳主題很特別，有別於一般的工廈餐廳，裝潢以浪漫感作主題，滿滿氣氛巴馬芝士黑松露薯條粗身帶薯皮薯條，不油膩，新鮮炸出，香脆可口意大利煙豬面頰肉卡邦尼意粉賣相精緻，份量比想像中多，咸香味道濃，炒得彈牙好吃。煙三文魚香草醬扁意粉煙三文魚新鮮鮮味，香草醬汁亦很濃香，三色椒令口感豐富，彈牙扁意粉加鮮味三文魚，棒滿滿的氣氛，環境令人快樂，朋友情侶都好岩黎

INN - I’m Not Nothing今次要介紹荔枝角億利工業中心2樓一間西餐廳叫「INN - I’m Not Nothing」，呢間餐廳我上次喺觀塘分店食過，今次經過荔枝角知道佢哋有分店再次上去食返次，今次分店環境無觀塘裝修咁靚，亦有一樣嘢差過觀塘分店，就係寧靜程度，呢間分店一入到去好似去咗酒樓，嘈到拆天，呢間都算少少高級嘅西餐廳，但係食客放飯放到好似小學雞去旅行，唔知講咩好，好想大叫一聲「靜少少好唔好，呢度唔係酒樓」，有時食好西除咗食味道，另外一樣野就係舒適度，好彩好高eq嘅我，無出聲，因為我一出聲，我就會進入辯論狀態，影響自己形象就唔好啦，哈哈！1.蟹肉蟹子忌廉汁意大利粉 配甘筍湯$138+Green tea Latte $21（凍）（原價$42）（9.5/10）呢碟蟹肉蟹子忌廉汁意大利粉個蟹肉蟹子都算多，意大利粉唔會偏硬，忌廉汁都算多，令到意大利粉掛到汁，唔錯唔錯！甘筍湯：好濃稠嘅甘筍湯，飲落好有甘筍味，一粒粒甘筍粒仲食到，飲完仲有一種好清新嘅感覺！Green tea Latte ：呢杯Green tea Latte係無latte嘅咖啡味，不過有好香濃嘅綠茶味，甜到適中，跟

大家好 今日中午到了荔枝角億利工業中心既INN - I’m Not Nothing餐廳食午餐其實就係D2 place對面都知道荔枝角這工廠區隱藏好多都幾高質既餐廳今次呢間餐廳係食西餐入到去餐廳 裝修其實都幾高級仲有電視播返黑白電影食物方面 我就點了兩個午餐包左餐湯同飲品是日餐湯係忌廉湯 都幾多紅蘿蔔碎甜甜地幾好味主菜方面係一個係紐奧良風味焗鯛魚柳魚柳有三塊微微煎過同調味過魚肉都幾腍不過最好食係個薯容好Creamy好滑伴D蔬菜食真係好唔錯另一個餐係蟹肉蟹籽忌廉汁意大利粉呢一個碟意料布置得幾靚落左幾多蟹肉蟹籽重點係個意粉煮得幾好有少少彈牙汁料都係好creamy最後餐飲點了凍檸茶總括呢間店都係走高檔路線 氣氛同食物其實都唔錯

收藏喺工業大廈裏面既歐式風格西餐廳，小小既吊燈增添典雅元素，每張枱都有花花擺設，氣氛唔錯🌻✨紐奧良風味焗鯛魚柳 $138比較少見嘅口味，帶點微辣。魚柳肉質軟滑，但又唔會散修修。底層薯蓉吸收左魚油精華，特別香口。✨法式油浸鴨髀菠菜忌廉意大利飯 $128賣相幾靚！意大利飯有嚼勁，夠硬身，調味同口感不錯。鴨髀會拆肉撈埋一齊食，令到整體食落冇咁單調😛 午市會有埋餐湯，忌廉湯香濃，鹹鹹甜甜咁幾好飲😋😋😋

今次黎到荔枝角，再訪依間裝修極華麗嘅法式餐廳🤩🌟 與其他分店一樣，餐廳採用法式宮廷風設計，晶瑩剔透嘅水晶燈飾、藝術感滿滿嘅畫飾，加上雅緻美觀嘅餐桌設計，感覺優雅又悅目😍❤️ 今次㨂咗一份香煎虎蝦牛肝菌意大利飯👍 客飯擺盤十分有心思，好有觀賞性❤️ 意大利飯煮得濃稠馥香🤤 每一口都富有香濃嘅牛肝菌香😋 軟中帶硬嘅口感十分地道👍 虎蝦煎得焦香誘人，食落爽彈充滿鮮美😋🐧 㨂咗幾款甜品試盡佢🥴❤️ 首先當然要叫佢地嘅招牌法式班戟😘 㨂咗香蕉榛子朱古力忌廉口味🤤 班戟造型同樣精美👍 啱曬打卡❣️ 班戟皮好軟腍好綿密😋 每一啖都充滿朱古力嘅醇香😚 食落唔會過甜👍 配搭香甜嘅香蕉同埋滑溜嘅忌廉一齊食，滋味極佳❣️ 之後仲點咗心太軟同埋朱古力布朗尼😍❤️ 兩款蛋糕都富有超級濃郁嘅朱古力味🥰 甜度不會過高👍 配冰涼香滑嘅雪糕一齊食，冰與火嘅刺激口感好正🤤 食完甜品當然要配返杯果茶😋 㨂咗酸酸甜甜嘅Orange Blossom 🍊 好清新超解膩👍 啱曬送甜品😘

呢間工廈入面既餐廳環境真係好有心機㗎！佢哋整咗個黑白主題，好有風格嘅樣我今次揀咗佢哋嘅Carbonara用咗意大利煙豬面頰肉，特別香！個意粉仲加入左蛋黃、奶油醬同Parmesan芝士，creamy得黎味道更加濃郁，有種濃濃嘅奶油味同煙豬肉嘅香味寶雲酥羊扒配薄荷醬有三件羊扒，肥膏唔算多，啖啖肉，烤得啱啱好，啲肉質好嫩滑，入口即化。加埋佢哋嘅薄荷醬，真係令味道更加豐富，帶嚟一陣清新嘅薄荷香氣。同埋配搭嘅薯蓉都好好味好香加上口感滑順