i CREMERiA Café (已結業)

最近去開朗豪坊買野，經過依間雪糕甜品店，俾佢雲石嘅裝飾吸引左，店面同每張枱都係我最愛嘅雲石！以主打甜品嘅店舖，Dinner set竟然有飯又有麵，而且睇menu賣相都唔錯咁喎一於試下明太子紫菜鮮蝦義大利麵（$108），加埋三十蚊set沙律同凍檸檬茶。店員一放低個盤，哇，啲白花仔好靚喎，冇諗過百零蚊嘅價錢都有細緻嘅小裝飾沙津都好豐富，有青瓜、番茄、石榴⋯最驚喜係有石榴做配料！醬汁酸酸地好開胃意大利麵都幾大盤，啲蝦我數過，足足有成八隻隻隻都幾大同嫩嫁！明太子醬淨食會咸，不過撈曬啲麵就岩岩好，唔會過咸。

同女朋友行朗豪坊，經過Icremeria見佢而家做緊期間限定，沖繩菠蘿🍍椰子🥥雪糕。對菠蘿味雪糕一直有種偏愛，趁攰攰地，坐低食返少少甜點，休息下先繼續行。睇menu發現除咗雪糕，仲有蛋糕同tea set，我地叫咗個沖繩菠蘿椰子雪糕tea set share😋😋俾完錢店員俾咗個號碼牌我地，拎號碼牌返位，坐低等食就得。賣相精美，襯埋呢到咁靚嘅環境，感覺華麗。個set有菠蘿椰子雪糕/蛋糕各一，我地跟餐飲品叫咗熱檸茶。雪糕香濃幼滑，比較軟身，菠蘿味清甜，椰子味幽香，兩者味道配撘得好，唔會搶味👍🏻蛋糕外型圓碌碌似雪球，幾可愛。外邊沾滿幼細椰絲，入面有菠蘿蓉，蛋糕底仲有層香口脆脆。蛋糕入口香軟綿綿，味道比雪糕更濃郁，甜度保持適中。伴碟一小片菠蘿，清甜冇渣，不過比較甜，建議最後先食。熱檸茶用上我鐘意嘅Twinings English Breakfast Tea，茶味香，但唔會太濃，加埋兩片新鮮檸檬，感覺清新，喚醒精神😌

今日出左朗豪坊做野, 之後做做下都已經6點幾7點, 反正都係, 直接朗豪坊食野Foodcourt好似都係果d野甘岩行過見到上次雪糕甜品鋪出左新野今次我唔係講緊甜品, 係講緊主食, 哈哈我一叫完主食就搵個位坐底先等左大約10-15分鐘就上菜啦我叫左個菠菜忌廉野菌蟹肉意大利麵,  是日湯係南瓜南瓜湯好正, 好甜, 好cream, 好滑個湯打得好好加上少少暖既面包一齊送黎飲就更加正菠菜忌廉野菌蟹肉意大利麵份量都唔少, 而且都幾足料啖啖蟹肉, 意粉亦煮到岩岩好, 唔會過哂火, 煙煙韌韌幾好味加上d汁調得唔錯最後加埋杯凍泡沫咖啡, 真係享受

以前食過依間啲雪糕好食好多配料，原以為淨係專賣甜品，點知最近晚餐時間行過見到有西式嘅dinner set，menu睇落好精緻咁就決定試下喇平日都鍾意椰汁類嘅野，所以叫左椰香忌廉雞肉長通粉（$98），成個set（+$30）一上檯好驚喜，竟然有幾朵黃色小花做裝飾放係中間襯托到好鬼精緻，成件事高級曬！（P.S.花花太靚，忍唔住張佢帶左返屋企）講返長通粉先，材料好足料嫁，包括有雞肉、椰子肉、玉米筍、青豆、椰奶。雞肉大大舊幾嫩，椰子肉有少少硬，最欣賞係香濃嘅椰奶汁，佈滿每條面條，滿滿嘅蔬菜感覺好健康喔！Set會配埋面包，沙律/湯同飲品，食完都幾飽下

食完炸雞落電梯黎到呢層見到I Cremeria，好多人排緊隊，睇到真係好想食於是自己又忍唔住走左埋去排隊!雖然已經食飽但見到甜品果然係按捺不住呀~係日本試過呢間店既軟雪糕，係香港就真係未試過!今次叫左宇治抹茶日式蕨餅芭菲，雖然好多人排但都好快有得拎~等候時間都唔太耐!Counter有得拎匙羹同紙巾，呢度既匙羹好得意，係銀色好似鐵匙羹咁，但其實係膠黎架~但個感覺好Grand好靚呀~~拎左芭菲之後就快速地港女模式幫芭菲拍下美照之後就即刻試下啦!呢杯宇治抹茶日式蕨餅芭菲分左幾層，首先試下抹茶雪糕面頭既蕨餅，一食落去係鋪滿黃豆粉既口感，蕨餅少少甜兼有咬口，然後食主角抹茶雪糕，一擺入口就係好濃既抹茶味，有回甘既味道!同日本食既味道一樣~最愛就係呢種抹茶味! 紅豆蓉係雪糕面，令到雪糕再增加左甜甜既味道~再一路筆落去食到好creamy好滑既忌廉仲有脆卜卜既脆米，然後係jelly、!一路食都好似食到d新野咁~口感好豐富!係炎夏食一杯咁正既芭菲真係令人覺得超級幸福~見到仲有好多好靚既cake!相信好快我又會再黎搵幸福既感覺啦!

其實好少會畀負評雪糕店，因為多數雪糕只要重牛奶味，加少少配料已經好好食了～不過喱一間雪糕店真係幾值得花時間寫負評。首先，管理上可能因為是CAFÉ半自助形式，位置好迫又有好多遊客，好辛苦搵到個同人搭台的位置之後，有好多人會係隔黎行來行去搵位～而且客人走左都好少有人行過黎清潔，舒適度真係MAMA～但記得喱間雪糕店一D都唔平，最平一杯牛奶雪糕都要四十蚊左右，有TOPPING或者其他野就五六十蚊起跳～服務態度同質素都認真MAMA，首先收銀服務生問一句答半句～跟住擠雪糕既手法可能仲差過我～雖則當日我叫的兩杯雪糕都是杯裝，但見到隔黎台既旅客買左筒裝，雪糕擠得歪歪斜斜，未行到返黎位已經就跌咁樣，聽到個旅客都好失望，用普通話抱怨擠得好爛～咁既價錢，不如去GODIVA或其他雪糕店食得更開心呢～

約咗男朋友收工去朗豪坊食飯，點知佢臨時要ot冇咁快走到，預計要八點幾九點先出到嚟，咁我搵個地方坐低等啦。本身有諗過去⭐️🐞，但嗰到長期多人好難搵位，見⭐️🐞對面雪糕店有位，即刻過去。呢到環境好靚，猶如置身花園，感覺休閒舒適。Menu上嘅tea set好吸引呀🥰但要留肚食晚飯，都係食杯雪糕算喇😂🙈⭐️柚子抺茶餡蜜芭菲抺茶味濃郁，突出，甜度適中，雪糕質感非常軟滑😋北海道牛乳奶味香濃，好清甜。丸子煙煙韌韌，好彈牙。中層/下層仲有柚子醬同啫喱，柚子醬果香十足，味道清新。

那天和朋友共聚，大久沒見有說不盡的話，我們決定來這裏來一次High Tea詳談。在這名牌cafe ，有極高樓底(朗豪坊內)，大大落地玻璃，坐很久也可以，你可以慢慢消磨時間，慢慢嘆甜點，好慢活可享受一個下午，偷閑，明白，大悟了，百多元值的。下午和煦陽光透射進來，心情格外舒暢，我吃著士多啤梨海綿卷，伴以士多啤梨雪㟱加上Latte，Latte有一股滑滑口感，隱若滲著奶味，但又有著濃香的咖啡味，咖啡的味又是如此醇厚帶甘澀，好喝好提神。海綿卷的綿軟，充滿著空氣， 有清甜的士多啤梨果香，中間的cream 幼滑清甜，蛋糕非常好吃。雪糕也是如此幼滑有奶味，有濃清甜少酸的士多啤梨味道，加些丸子和紅豆吃更有層次感。我也吃了友人的宇治抹茶海綿卷，也是很綿軟，綠茶味淡淡的，配合Cream，也好好吃，反而綠茶味雪糕有好濃郁綠茶味，也是好幼滑，很好吃。

之前係尖沙咀分店食過士多啤梨雪糕，一直都想試埋佢地個tea set,今日終於機會黎啦！未到前以為會大排長龍，點知去到又唔洗喎，而且係要自己搵位架，服務員只負責送餐好快就揾到一張可以邊曬太陽邊食的枱☀️出去櫃面落單俾錢，然後服務員就會送餐過黎我點了個抹茶tea set , 皇牌雪糕連平時唔好甜品的honey都大讚好味，蛋糕就中規中矩啦，而杯凍咖啡我就覺得唔係太夠甜啦Honey 叫左個lunch set - 明太子鮮蝦意大利麵.真材實料，明太子同蝦的份量都不少，好味的，不過就略嫌鹹咗少少

呢間黎過好多次😇今次都係嗌左白玉芭菲抺茶x牛奶扭紋雪糕, 唔錯嘅但略嫌抺茶味唔夠濃同埋呢度嘅軟雪糕有信缺點😔就係溶得太快，基本上影一張相已經開始溶緊但其他配料都做得唔錯👍🏻係旺角想食雪糕嘅都推介呢間😌😌

雖然唔願意承認自己港女，但事實上小妹又真係全港九新界嘅打咭餐廳都去過咁濟，總之見到網上有人討論就即刻第一時間去暸解下！不過呢間有啲唔同，呢間雪糕店係我係佢未開果陣已經好想食，開左之後幾乎每次行朗豪坊都會食嘅雪糕，不過果陣係三四年前，仲係大學生唔會食貴野，所以嗌親都係食最平果個淨雪糕！閒日夜晚都係坐滿曬人，因為發現原來佢開始有埋鹹野食，可惜今次食飽飽先黎，下次一定要試下～今次舊地重遊，係帶男朋友黎食，佢本身都以為呢啲地方得個樣，我諗佢一定會有驚喜。我幫佢嗌左個蜜瓜雪糕set，跟餐仲有杯latte，而我就想試下士多啤梨芭菲，都要98蚊，以前嘅我一定唔會揀！拎完雪糕，梗係坐低，相機食先～講下味道，我嘅芭菲都係用左佢地最yummy嘅牛奶雪糕，食落好滑好重奶味，好似飲緊冰涼順滑嘅牛奶咁，而且佢真係人如其名，好creamy ah! 仲要唔會好甜！下面啲黃桃都唔係省油的燈，好甜，但同雪糕好夾，有種互相中和嘅感覺！男朋友嘅set跟左抹茶雪糕，因為我私心想食，同樣都係厚實而濃郁嘅質地，味道除左奶味仲有清新綠茶味，無錯，有種飲緊抹茶牛奶嘅幸福感！當然，成個set最值錢嘅一定係蜜瓜，想當年見到佢果款蜜瓜雪糕

除左雪糕🍦，原來仲有得食lunch or dinner!!日日經過都唔知！啲friends今日帶我去食先知原來有得食pasta!🍝🥘一向都覺得呢間野好靚好港女🍬🍭但食親都拎走食，今日終於坐低食佢！平時食開佢地啲雪糕好好食，唔知佢啲pasta咩質素！我同2個fd叫左3個set share食，食左3xx左右，一個set有湯或者沙拉，仲有杯野飲都幾抵！仲要每個set都有杯花仔，絕對係港女餐！我哋三個都叫咗pasta🍝叫左一個豚肉醬意粉、一個珍珠帶子意粉，同一個鹿兒島溫泉蛋意粉！3個都好好食，啲意粉好好口感😇個肉醬好多，mix埋好好食，個溫泉蛋都好好味，好濃郁流心！帶子就soso啦！不過整體啲sauce同意粉都好出色！環境靚，嘢食好，港女飯聚一流!

前排想約朋友食tea，見到openrice 呢間cafe排名好前，而且係朗豪坊，食完可以行下街，又方便，點知大失所望兩個人去食揀左兩個tea set，$128一個餐，價錢唔算貴，但唔值，賣相係唔錯既，蛋糕味道一般，雪糕既綠茶味係重，但太苦了，食多幾淡就停手了，冇想繼續食落去既衝動！最差係杯咖啡，淡而無味，唔值$128。加上，個日好曬，室內好熱，唔曬既位置一早比人霸哂，所以呢排熱既又要食呢間，唔早d去霸位真係唔得，d人又會坐好耐，總之環境唔係舒適，要黎既真係要諗下！

喺旺角同朋友行街行到攰想搵個地方坐下傾下計 見到呢間cafe無試過 裝修又幾靚喎 即刻比佢吸引到行咗過去日本宇治抺茶芝士蛋糕輕食 128蚊一黎到我同朋友都哇咗聲因為好靚 對得住個價錢不得不提啲員工服務十分之好!! 首先試個重點雪糕先 我叫咗抺茶同牛奶各半雪糕味道口感好濃郁 唔會太份死實 同埋好滑個份量好大 仲有個抺茶唔會係得死甜 會有少少甘味 好正而個丸子好煙煙韌韌 可惜得兩粒 想食多都無蛋糕一樣出色  芝士同抺茶兩者配搭得好好唔會搶咗大家風頭 好食唔停口呀!檸檬好新鮮 成杯野唔會有苦味食完雪糕同蛋糕再飲返杯檸檬紅茶中和返咁啱坐咗係棵裝飾物度 影相一流成間野環境好舒服 同朋友一路嘆住食一路傾計唔經唔覺坐咗勁耐下次約朋友一定會再黎試埋佢其他野食!

見到有新戲上，仲有女神Anne Hathaway喎，梗係即刻去睇😍😍放工時間朗豪坊可以有幾多人，我相信未經歷過都應該絕對可以想像到，所以經過呢間餐廳，見到有位，個景仲好靚用嚟打卡一流，即刻就坐低啦。我叫咗個意大利雲吞紫薯伴忌廉蔬菜，成個套餐除咗主食之外，仲會包一舊麵包同埋湯，仲有一杯嘢飲，嘢飲我就揀咗檸檬紅茶。買完嘢食之後會有一個牌，咁就可以搵位坐低，侍應就會根據你個牌將啲嘢食送去張枱度唔使自己拎😗等左一陣就有嘢食啦，個位咁靚梗係打張卡先，港女最愛😏😏😏我覺得個南瓜忌廉湯夠晒creamy，用嚟點麵包食一流。不過就算食晒個麵包，淨係飲湯，個口感都好好，夠晒綿滑，暖粒粒咁，開胃啱啱好。至於個主菜真係要比10個讚！🥰其實我本身好鍾意食呢款ravioli原因係餡料多變，但係就算點配搭，出嚟都好好味。今次呢一個紫薯餡料就係其中一個創新嘅好例子，真係第一次食紫薯餡🤘🏻🤓原本擔心會食唔飽後，但食下食下唔知係咪因為有紫薯嘅關係，其實都OK呀，仲好貼心咁有埋菠菜。除咗食澱粉質之外，仲有纖維吸收，菠菜又煮到好稔，非常之容易入口，好啱我口味😋😋至於個檸檬紅茶，本來我以為係一般茶餐廳檸茶，但係竟然真係紅茶加檸