Hot Dog (已結業)

30-9-2009Lunch 到半山電梯附近搵食, 想試的 mou 街 Droplet 無位, 又忽然落起大雨, 到隔嚟呢間熱狗店搞掂吧.叫了最簡單的 Classic Dog ($28)... 熱狗腸係 Frankfurter sausage, 熱辣脆皮又有肉汁, 幾好食; 包身夠熱, 但都唔鬆脆嘅, 係咪真係烘過0架!? Ketchup 及 mustard 係現成貨, 唔評了, 不過份量剛好, 都係 bonus 來的...近乎 mou 街的環境就認真麻麻, 除咗簷篷不斷漏水 , 勁驚熱狗中招之外, 我又咁黑仔遇上兩個不斷煲煙的女人, 食咁耐熱狗就食足咁耐二手煙, 都咪話唔辛苦.$28 一隻最基本的熱狗, 果然係 Soho 價, 後會無期了 -- 早知食昭隆街的本土貨色 (http://www.openrice.com/restaurant/commentdetail.htm?commentid=1948931), 起碼人哋個醬食得出係誠意之作!

sep 20, 08,來quick lunch,叫咗 : 1) frankfurt sauerkraut-最後放棄咗classic hot dog,要咗有特色嘅德國式熱狗-點知個酸菜絲好似剛剛從雪柜拎出嚟咁,1個凍字,雖未至於令人牙軟,但就徹底破壞咗個包嘅熱食feel-個包正常,條腸亦都正常,絶無過人之處

想食這家店的熱狗好久了，只是每次來SOHO，都總有更重要的目標。上週四晚，趁在筷子記吃得半飽不飽，一於來多隻熱狗，滿足心願更是滿足肚腹!　小店索價不算平，最基本的classic dog都要$25；想試特色一點的，我們揀了辣狗(chilli dog)$29。約兩分鐘功夫，一隻新鮮熱辣的辣狗就出爐了。此店用上靚貨熱狗腸，皮脆肉香，很美味!而且名副其實，辣狗加上了大量辣醬與香料，令滋味倍添；最後，這隻熱狗份量都不少，吃完兩個人都很飽足。　然而天氣炎熱，熱狗餐後大家都大汗淋漓，相信要等天氣轉冷後，我們才會的起心肝再試其他芝狗、雙狗...

響呢間做Part-time, 所有肉腸都食暈, 逐個講下啦.Polish, 第一次食係新的, 好好味, 有D似午餐肉, 第二次食左條隔夜的, 腐肉一樣, 即吐!Cheese, 美味! 有cheese 標出黎.Chilli, 難食! 但個chilli con carne (個肉醬) 就好好味, 不過真係辣左D! 亦都係唯一一樣新鮮買料返黎整的食物. (洋蔥唔計)Classic, 正常, 最穩陣. 隔夜都無問題.Chicken, 難食!Veggie, 未試過....Sauerkraut (類似炸菜物體, 唔知中文叫乜) 加落隻熱狗道, 好味, 分開食, 難食.有時問著D客話要唔要洋荵, 佢話要要乜都要, 就會覺得好似去到車仔麵話乜都要咁, 因為仲有Relish, jalepenos, tobasco, HP sauce, 沙律醬, 李派林呀, 諸如此類, 係咪真係乜都要先!講返食, D cheese 唔好食, 好粉.... Jalepenos 一粒就已經好鬼辣....D 多士勁貴, 兩塊麵包夾芝士火腿就三十蚊.....不過有樣平, 就係酒, 所有啤酒一支$20, 一個shot$15-20.

我唸住第一次食就穩陣d 叫了Classic Dog + Mustard + Ketchup + More Onion ($20). 我老公就叫了Polish + Mayonnaise + Ketchup + More Onion ($25).我既感覺係失望, 我o係美國街邊食既US$0.99 都好味d 呀.... 人地都係用水浸住d 腸, 但人地用既腸係有味好多!可能佢得一張好薄既油紙, 真係食得好狼狽呀... d 汁漏晒o係張紙度....講真我覺得何文田勝利道o個間"德國熱狗" 好味好多!

我是一個冇味覺o既人，乜都話好味。一直好想食熱狗，朋友老岑話我知中環有一間，味道一般，但可一試。尋晚要開工，未食飯，非常肚餓。由於肚餓關係，心想味道再一般o既食物都會變得美味非常。終於，拍好車，買了熱狗，"extra onion,please!"，還有解喝的百威啤酒。晚餐plus宵夜開始了，誰知...包，唔得。腸，唔熱。配料，見人見至。跟以前食過的爭好遠、好遠。整個晚餐最好味的...還是百威！總結:"失望！冇下次！！"

頭先做野做到11 點,特登落去買個classic hot dog $20仲照上一位仁兄講"more onion"簡簡單單, 新鮮洋?, 普通用水煮熱的腸, 紅黃辣醬,夜晚食覺得幾好味。但我份工真係好悶...好彩有隻熱狗陪住下。

叫了Classic Dog, Frankfurt仲腸+ Mustard+ Ketchup + Onion. 記住Requested要多d Onion..食到狼狽萬分先先夠正. 另外加錢要Relish. 酸酸脆脆. 廿來塊錢. ok 啦.

雖然經過n 次，都未食過，今晚食完飯仲有餓，行番落時就試下啦叫cheese hot dog，$25預先整定，味道一般但開24小時，對一夜鬼講都係一個選擇既始終覺得以前石板街既「三隻小豬」係最好

每次喺附近clubbing之後又懶得行落翠華時都會喺lee度買個hotdog. 個portion唔細﹐夠兩個女仔食﹐最好加埋洋蔥! 正正正正正正正!!!!!

叫o左classic hot dog ($20)ok啦... 冇咩特別好味又唔差lor ~

前晚要通頂，例牌到兩點幾就開始肚餓，頂到四點幾再頂唔住，再唔食野就會瞓低，所以就同個同事去食宵夜早餐。除左茶餐廳，方圓幾條街，除左威靈頓街的茶餐廳，就只得呢度似D樣，就來買熱狗吃。明顯係夜深，連個店員都好似瞓唔醒，動作幾慢。要了個芝士熱狗，包是熱熱的，不太大的芝士法蘭克福腸加碎芝士在面，再配以茄汁及芥辣，味道是可以預期的。而又因為好肚餓，所以都覺得幾好食。而雖然呢度係以賣外賣為主，但在店的側面有個小陽台，有兩三張檯及高櫈，可以給人在吃渴傾計，都唔錯。盛惠25蚊，深宵都食到熱狗，算係咁。可惜重要工作，不能叫熱狗的最佳拍檔~啤酒，都係飲汽水算數。幾時都覺得賣熱狗係低技術的工作，所有材料均外購，整熱夾埋一齊加醬汁就得，好易整。所以當工作遇上危機時，幾時都有個安慰自己的諗法，就係：「至多米去整熱狗」！

買左個classic hot dog ,雖然簡簡單單茄汁,香腸,楊蔥...但加上個暖暖地既麵包...好好食..一路行一路食

以前好鍾意食3 piggyz o既hot dog, 今日行過呢間見到佢有個veggie hotdog, 好似幾得意, 就買左黎試. 呢個hot dog$28, 俾classic貴$8.兩條短o既veggie sausage o係個hot dog bun 裡面, 味道麻麻, 可能係veggie關係啦...下次試下個classic hot dog再作評論.

多謝提醒,唔講都唔知執咗,我一向都對熱狗同漢堡唔多鍾情,但依度既就讓我覺得喺熱狗界嚟講,真係幾好食下