hoo韓國包車

營業中

休息中

⌇h o o韓 國 包 車“ 🥘“ 街頭魚糕串串 ( $ 1 6 1 )餐廳signature既魚糕串煲 份量半份有都5大串 非常厚身有個爐一直煮熱keep住暖胃 魚湯清甜暖入心 食完仲可以飲埋啲湯 湯底亦有超多魚糕 而大大舊既蘿蔔 煮到好淋好入味“ 🐙 “ 招牌炒章魚 ( $ 1 4 6 )章魚 椰菜同紅蘿蔔炒埋一齊配埋韓式辣醬炒得好惹味 甜甜辣辣 非常地道既下酒菜 彈牙有口感 份量非常足夠“ 🍳“ 芝士泡菜煎蛋卷( $ 1 1 2 )芝士蛋卷實在係冇得輸 裏裏外外都充滿住海量既芝士 襯熱食芝士仲會拉絲 蛋味仲好濃郁 非常滑 內餡滿滿既泡菜 非常解膩 口感豐富“ 🐓 “ 辣辣無骨雞腳 ( $ 1 1 0 )無骨雞腳 非常方便 味道少少辣 作為下酒菜岩曬“ 🥛 “ 柚子牛奶樂( $ 6 8 )酒類飲品都有好多款 米酒混入柚子粒 甜甜地幾fresh容易入口 酒味吾會太濃太啃 餐廳以韓國街頭攤檔既食物為賣點 入到去就好似置身韓國街頭攤檔 大量打卡位啊 裝修花左吾少心思 加上韓風音樂 好有氣氛Hoo韓國包車🍜尖沙咀厚福街12-12A號藍馬商業大廈22樓🍞#foodraah_tst

韓國包車以地攤為主，餐桌方面都是以摺檯膠椅子為主。牆身更擺放了以前的洗衣機、雜誌、漫畫、玩具、髮廊等。先來一碟泡菜和芽菜。卜卜脆炒豬脆骨拼拳頭飯＄142拳頭飯加了紫菜和芝麻磋成圓狀，小編都要分兩至三次吃，飯配泡菜和豬脆骨一起吃，口感特別豐富。豬脆骨看似好辣，味道甜而不辣。豬脆骨非常有咬口，配有梛菜。招牌炒章魚＄146醬汁類似豬脆骨，都係以梛菜作伴碟，章魚口感彈牙。紫菜包飯(＄72)大大舊紫菜包飯，餡料豐富，有酸瓜、青瓜、泡菜等，入口清新。餐牌如下。

係Lamma building 22樓有間韓國餐廳，聽講裝修好有特色，好在有book位，如果唔係去到要等，仲要陸續都有人嚟～一打開門就好似去咗另一個時空，瞬間去咗韓國嘅大排檔，啲裝修見到好花心思，好多霓虹燈同埋古舊嘅裝修，睇見已經心情大好，真係好靚好有feel😍味道方面，一坐低就有兩碟小菜，可以俾您慢慢等，一路食一路聽住韓國歌，真係好似置身韓國一樣👏🏼招牌炒章魚Mix拳頭飯拳頭飯比較特別，用飯素同埋紫菜mix一齊，圓圓咁🙈兩啖就食一個😂特登叫嚟配搭椰菜炒章魚，章魚🐙就比較辣，加埋泡菜/椰菜同埋飯一齊食，就啱啱好。不過唔係好食得辣嘅人始終都覺得有啲太辣🙈醬油炸雞叫咗半隻，細細個碟入邊裝咗五六嚿炸雞，店員好好咁比埋手套🧤一啖咬落去，爆汁，真係非常juicy！啲肉非常鮮嫩，要小心熱同流汁！當然要配合韓國蘿蔔，酸酸甜甜食晒一碟都未夠😂呢個炸雞好有驚喜，一啲都唔乾身。地方唔會好大，更加有喺韓國食攤檔嘅feel，再一次讚讚裝修方面真係一百分💯

尖沙咀有好多韓國餐廳，最近朋友搵左間裝修超復古既韓食試下，由於店舖唔算好大，好彩book左位去到就有得食。去到現場氣氛好好，好似真係去左韓國大排檔咁樣，每個位都有唔同既打卡位，超打卡able~我地見好多枱都會叫一鍋鍋，所以我地打開個menu 就直奔去鍋物區．街頭魚糕串串(半份)$146 + 拉麵$15超有風味地用上gas爐熱住啲魚糕，而且半份既份量一啲都唔少，已經足夠兩個人食；湯頭都唔會好重味精味，食完唔會好口渴，加拉麵吸左啲湯有少少似食部隊鍋，成個感覺真係好似冬天去左韓國街頭掃街一樣。．炸流心芝士豬扒 $72CP值超高，豬扒大大塊，炸粉唔會好厚而且炸到卜卜脆；芝士份量都好十足，就算放耐左都仲有拉絲效果同埋唔會好油膩，如果配埋白飯應該一流呀．招牌炒章魚 $146又係有個推介手指公，章魚仔炒到好爽口，微微既辣度適合，連唔多食辣既朋友都handle到~．粒粒提子汁 $20以為會係平時韓國餐廳既罐裝飲品細細罐，但原來係大大杯既即沖飲品都算係誠意之作

餐廳用QR code 下單 下單後會奉上前菜泡菜及芽菜一小碟😋🍽️薯仔煎餅 $82薯仔切絲煎成薄餅 帶少少煎香脆感之餘 又有少少軟糯口感 跟配之醬汁帶酸 非常開胃解膩作為薯控的我 蠻喜歡這煎餅😋🍽️醬油炸雞（半份）$158炸雞均勻地沾上醬油 醬油味道調得剛好 炸雞外脆內嫩滑 肉汁很juicy 跟配的醃蘿蔔酸甜適中 解膩一流🍽️泡菜豬肉鍋 $146 +拉麵 $15不能吃辣的要做定解辣準備 厚切油脂滿滿的豬腩肉及拉麵 配上份量十足的泡菜湯底 辣味洋溢四起

打卡必去餐廳😍一打開門已經哇一聲，因為入面嘅裝修好有心思，每一個各落都有唔同嘅場景，例如係理髮店、洗衫舖，仲有漫畫區！成個氛圍都係營造復古feel😍餐枱用以前舊時嘅枱枱凳凳，加埋背景好澎湃嘅韓國K-Pop，收工過嚟食嘢真係唔錯！除咗裝修之外，當然嘢食都好食啦😋甜辣炸雞(半份)HK$158炸雞皮脆肉嫩，醬汁酸甜辣香，食落非常開胃！無論係同朋友傾計，定係飲酒小食，呢道甜辣炸雞一流招牌炒章魚 (HK$146)呢道炒章魚係鐵板上，開頭望落覺得個份量好似唔算大，但食下食下就發現其實岩岩好，多左反而會有啲漏。佢個火候岩岩好，口感爽彈，加上鐵板嘅獨特風味，正！泡菜煎餅 (HK$85)正常嘅泡菜煎餅，食落帶有微微嘅酸辣風味，佢煎到少少濃濃地，勁香口😋快速食晒如果下次再黎食，我諗我會想試埋佢地嘅魚糕湯，我見個個都點！好似好正咁😝

今次係去慶祝朋友生日，一入到去就俾咗個蛋糕佢哋，佢哋問我哋$100切餅費o唔ok，我哋都話ok。但最終我哋行出去叫staff上蛋糕嗰陣，隔咗一陣佢竟然連埋我哋放蛋糕個袋成個拎返出嚟，同我哋講你哋用餐時間準備過，你哋介唔介意出去其他地方食。一講完個staff即刻轉身走。大佬尖沙咀喎，唔係屋企樓下啲餐廳喎，無啦啦揾邊到食蛋糕呀？我一早同你哋講咗會食蛋糕，差唔多夠時間嘅話係咪應該嚟提一提我哋仲有個蛋糕未上，而唔係直接趕我哋走？非常掃興，極差用餐體驗，而且嘢食都好一般，一定唔會再幫襯。街頭魚糕串串冇乜特別，但食到尾非常咸紫菜飯卷一夾起成嚿散晒，冇卷實，而且成嚿嘢係冇味嘅

今日黎到hoo韓國包車新既分店，新店裝修以韓式機舖為主題，例如籃球機、跳舞機，真係不少打卡位。野食方面，我同朋友叫左黑松露芝士炸醬拉麵配煎蛋，一上菜店員仲好窩心提醒我地要撈隱先食，估唔到黑松露配炸醬係咁夾，忍唔住一啖接一啖食，非常創作嘅食法！另外當然唔少得韓國炸雞，我地叫左岩鹽香蒜牛油醬，炸雞仲跟埋炸薯格，炸雞同薯格都炸得好香脆。最後叫左釜山-國民炸五花肉，當然要將五花肉夾埋生蒜同埋生菜一齊食，正，十分推介～

上菜速度非常慢 食物一般 整體感覺一般 餐廳裝修 還好 但是上菜速度要有所提升 咁大間舖頭 得一個廚房仔 點樣做生意呀 好心請多幾個廚師返嚟煮嘢啦 菜色選擇都算多嘅 不過餐廳音樂有啲大聲

上星期六去咗「hoo韓國包車」食飯，真係好正呀！😋 「hoo韓國包車」係一間位於尖沙咀嘅韓國餐廳，環境裝修充滿韓國街頭氣氛。入到去，就好似坐喺韓國街頭小店嘅氛圍，而餐廳嘅服務員都好友善。🏮「甜辣炸雞」，呢個炸雞外脆內嫩，淋上甜辣醬汁，咁正呀！雞肉嘅口感好juicy，每一口都帶點微辣同甜味，真係令人回味無窮！🍗🌶️「泡菜炒飯」，真係好香好入味！炒飯加上大量紫菜，好正👍🏻 炒飯嘅米粒粒分明，每一口都飽滿咁，加上泡菜嘅酸辣味道，令味蕾嘅感受更豐富。炒飯入面仲有啲蔬菜同埋肉碎，增添咗口感同層次感，食完一碗真係飽足又滿足！🍚🍛「紫菜飯卷」，好適合當作開胃菜或者輕食。飯卷入面包咗新鮮蔬菜同埋韓國米飯，再卷上紫菜海苔，每一口都帶點脆脆嘅口感，同時又有淡淡嘅鮮味，真係好開胃，令人食得一口接一口！🍙🌿總括而言，「hoo韓國包車」係一間值得去嘅韓國餐廳。佢哋嘅菜式豐富多樣，味道正宗，份量夠足夠飽肚！環境特別，適合同朋友一齊嚟享受美食嘅好去處。下次再去，我一定會再試下其他嘅菜式！🍽️👍

厚福街貴為尖沙咀眾多好味食店既地方，好多都好難Walk-In，呢間野都要預早Book定較好，因為我坐低果時望到好多人上到黎都冇位要去第二間，好在有Book咋！ 佢唔係地舖，要係Lamma Building 搭Lift上22樓，開門入到去，嘩，個Decoration盡量呈現返韓國地踎檔攤既感覺，霓虹燈加上古舊既裝飾，每一幅牆都可以做背景去打咭，場內所見，得一成係男仔，九成都係潮既女仔客，個人覺得帶女仔黎食，尤其鍾意K Pop, 韓星韓劇果啲就岩哂數。至於野食方面，佢味道偏向大牌檔既濃味，唔怕，飲多兩杯水沖返淡又可以繼續喪食，餐前小食已經有開胃既芽菜同泡菜，辣度適中唔食辣既人都唔怕薯仔煎餅$82將薯仔切成條狀，同塊餅一齊煎，配上獨特既醬料，作為前菜起到開胃既作用，Size兩個人食岩岩好卜卜脆炒豬脆骨拼拳頭飯$142拳頭飯係用味素加紫菜磋成圓狀，男仔一口還好，女仔就要分兩至三次食了，將飯撈埋泡菜或者豬脆骨，食物會變得更好味，而豬脆骨的確塊塊都有咬口，配上梛菜中和，感覺很好招牌炒章魚$146醬汁類似豬脆骨，都係以梛菜作伴碟，但係章魚口感非常好，彈牙得黎滑嫩，好有咬口，我鍾意

倒數去韓國日子太辛苦，食返餐Pre-trip 韓菜先。黎到尖嘴勁有feel嘅韓國餐廳，感覺身處鐘路嘅布帳馬車 Pojangmacha。菜式好適合下酒同埋share食，首先必食拉絲芝士韓式炒雞。連鐵板上，熱騰騰，趁熱食有芝士拉絲。雞扒好滑，唔會煎到乾晒。真係好邪惡。另外點咗卜卜脆炒豬脆骨拼拳頭飯，豬脆骨口感脆卜卜，連炒蔬菜同飯團食好感豐富。注意：呢個係微辣。小食點咗芝士泡菜煎蛋卷。煎蛋卷有蛋汁，配芝士一流。泡菜口味每間唔同，呢度偏酸。酒方面，原本想飲米酒cocktail，可惜買曬，結果轉試自家調製嘅朱古力啤酒。味道好特別，入口先係麥味，之後有朱古力味作後調。而熱情果啤酒就相對甜啲，更易入口。食完更期待韓國之旅。

店舖不大，枱與枱之間距離很窄，或者直接幾張枱拼在一起，有搭枱食飯的感覺😶 可能是模擬夜攤搬進室內的樣子吧~🐟街頭魚糕串串熱門餐點之一，可以看著魚糕慢慢在湯底滾熟👀 魚糕微辣，熱吃不錯，但沒有特別驚艷啦~🐷炸流心芝士豬扒表面炸至金黃色，淋上醬油，入口有外酥內軟的效果，芝士拉絲力不俗哦✨🐔原味/甜辣炸雞甜辣味較討喜，可惜兩款炸雞炸粉較多，雞腿之外好像沒什麼肉肉可以下肚🥺 🍺熱情果啤酒/柚子啤酒兩款啤酒不太喝得出分別在哪裡，果味略為不足😛 冰涼感解膩不錯~

今日放假和朋友去尖沙咀行街，朋友提議去附近的 Hoo 韓國包車吃韓國料理！仲話 Hoo 最近很火🔥咁就一定要去啦😉食肆位於尖沙咀厚福道12-12A號藍馬商業大廈22樓！ 尖沙咀港鐵站B2 出口行3分鐘就到，十分方便👍餐廳以韓國街頭大牌檔為主題！啱哂一衆韓迷，無論係韓劇迷或K-pop 迷，這裏一定讓你們滿意♥️ 一入內已响起至heat K-pop 加上的懷舊復古裝修，令人置身韓國的街頭😆 有舊理髮工具, 古舊衣車, 舊洗衣機等！ 我最欣賞是懷舊的漫畫，真的很有心思💜 喜歡打咭的 粉絲們，快來啦！先來個街頭魚糕串串🍡 這是韓國的著名街頭美食！有睇韓劇就知😉 這個跟爐上，夠熱又入味！半份都有5大串，魚糕鮮軟有咬口，蘿蔔入味又林，很好吃💯 湯底都好好味，我們加了一個拉麵，爽口彈牙👍特色美食懷舊烤五花肉是必吃的🐷 配上爽口生菜，生蒜片和特製醬汁 ，每一啖都係超滿足😀 我們還來了一瓶韓國的枝裝啤酒 Terra🍺第一次飲，好清新，不錯😊這間韓式懷舊大牌檔食肆，真係好有特色，恍惚置身韓國的街頭，甚至韓劇中😆 推介你們😚 一定要來試試😘

近排掛住韓國街頭夜攤小食，所以去咗呢間位於尖沙咀嘅hoo韓國包車，順便打下卡！😍呢間餐廳裝修幾特別，要懷舊韓國街邊檔為主題，有洗衣店、雜貨店、飛髮鋪等，配合紫色燈光，幾有特色，打卡一流！我哋兩個人叫咗紫菜飯卷、半份甜辣炸雞同埋街頭魚糕串串(M)。紫菜飯卷呢款韓式紫菜飯卷總共有10舊，裏面有午餐肉、醃黃瓜、蛋絲、蔬菜等，份量都幾多，味道ok，絕對夠飽！半份甜辣炸雞甜辣炸雞，肉質都幾嫩，配上甜甜辣辣嘅醬汁，鍾意食辣嘅你可以一試，兩個人叫半份啱啱好！街頭魚糕串串(M)呢個街頭魚糕串串比較特別，上菜時會有個細gas爐一路滾住，好有街頭風味，湯底有少少辣，總共有5串魚糕、幾件散裝魚糕同埋一嚿白蘿蔔，味道幾好。近排掛住韓國街頭夜攤小食，所以去咗呢間位於尖沙咀嘅hoo韓國包車，順便打下卡！😍呢間餐廳裝修幾特別，用懷舊韓國街邊檔為主題，有洗衣店、雜貨店、飛髮鋪等，配合紫色