hoo韓國包車

營業中

休息中

「Hoo韓國包車」天氣真係好凍呀呢幾日🌬️🥶心心念念好想食啲暖暖既嘢！咁啱見到呢間好似好多好評咁就去試吓❤️入到舖頭坐滿晒人，裝修真係好似去咗韓國街頭咁，有feel又好熱鬧🤣一坐低店員已經即刻上左泡菜同辣豆芽俾我哋開開胃，味道唔錯，唔會太辣，爽脆！第一樣叫咗店員推薦嘅魚鍋串串鍋，湯底都好清甜，我最鍾意食入邊嗰兩舊好淋好入味嘅蘿蔔😆魚糕份量比得慷慨，加埋滾住食，即刻暖到入心！另外叫咗個薯仔煎餅非常驚艷！煎得好香口，脆邊100分，入面係薯絲同埋煙煙韌韌嘅口感，幾特別！炸雞我哋揀咗甜辣口味，2個人叫左半份，total有五件雞！炸雞粉漿開得幾好，入口都好鬆脆又炸得好嫩滑，juicy！呢度嘅紫菜包飯非常香麻油味，而且都好足料，唔會hea你😂重頭戲亦都係個人最鍾意嘅辣辣無骨雞腳，唔洗lur骨勁方便，而呢度菜嘅調味亦都係我覺得今晚嘅no.1，超級惹味，送飯食一流！雞腳唔係淋晒嗰隻，而係仲保留一啲脆度好好咬口既！整體嚟講呢度都幾有特色，嘢食唔錯，我同朋友兩個人食到捧住個肚走！

餐廳裝修很特別，每邊牆身用了各款懷舊舖頭壁畫作裝飾，好似韓國街景模樣，而中間位置放了很多鐵枱和鐵凳，佈置成大排檔的feel。👍食物方面供應韓國地道美食同飲品🍻🥛🥤，價錢唔貴，吸引了很多年青人來用餐，一坐低就先來餐前小食兩碟：芽菜和泡菜，兩樣小食都不是太辣，食落很開胃。👍😋💯紫菜飯卷$76材料有青瓜🥒、雞蛋🥚、紅蘿蔔🥕、醃蘿蔔和火腿等，最後灑上白芝麻，碟底佈滿了麻油食落口充滿麻油香味。😍🤤💯💯💯💯💯💯街頭魚糕串串（M)$146這個韓國街頭小食魚糕串串真係必點的，個湯帶有少少甜辣味，魚糕軟硬適中帶有口感，真係食到停唔到口，如果唔夠飽嘅話可以加一個麵落去。🤤🤩🫶💯一雞🐔兩味🍗（原味、甜辣）$228我們叫了原味和甜辣味，份量大大份。🍗👍原味雞肉🍗表皮炸得香脆漿汁不厚，雞肉🍗仍然保持嫩滑又juicy，唔食得辣嘅朋友呢個就啱曬。👍😋甜辣味炸雞🍗也不錯，吃落甜甜辣辣，刺激味蕾，越食越想食，兩款炸雞配啤酒🍻一流。🤤😍🫶Terra支裝啤酒🍻x2. $96食炸雞🍗配啤酒🍻一流。

都有一段日子無食過韓國野，上網見到呢間店鋪幾受歡迎，環境又幾特別，所以就book左枱試下，同一個好耐無見既朋友見面。 叫左一定要食既炸雞，一雞兩味。點左醬油同甜辣味，炸起後雞胸雞肉都好好肉，而且好入味。炸粉唔會太厚，炸過既雞唔會老，雞肉都仲係嫩滑。個人比較鍾意醬油味，因為唔會太咸而人有小小甜甜地好鬼香口。而甜辣口味唔會太辣，食落都幾野味。配有小小大蔥食落比較青新唔會太油膩。 魚糕串串，有不同形壯既魚糕，各有口感，有點就長方形，圓形，我就鍾意傳統比較薄的一款，覺得比較入味同彈牙。入面既萝白好入味，好甜好淋好滑—一咬D汁就爆發出黎。 招牌炒章魚，用香辣醬炒過後既椰菜好爽脆，唔會太辣章魚具有一定彈性，咬吸管係爽脆的，咬落有勁度。味道上都幾香同幾野味。 檸七同香港差不多但多左一種咸檸味，好解渴。

冬天去韓國🇰🇷真係會凍到傻🫠🫠但又好想食韓國飯卷、捲蛋、芝士部隊鍋🥹🥹所以揾左呢間餐廳一戰！一入餐廳真係比佢surprised到😨😨以為時空穿梭，去左街邊啲舖仔，裝修勁有心👍🏻👍🏻👍🏻用埋啲枱櫈、汽水箱，播歌，全場hyper🎶🎶好似去咗韓國街頭咁有feel好熱鬧🤣天氣凍冰冰，一定要食返串魚糕🍥先！湯底清甜，有兩舊好淋好入味嘅蘿蔔😆半鍋份量已經有成5串大魚糕，有個煲滾住食，個人暖返曬😋😋小食仲叫左個薯仔煎餅🫓煎得好香口，熱辣辣脆邊100分，點埋自家醬，一個人都食得晒一碟！去韓國點可以冇炸雞🍗啤酒🍻我哋揀咗甜辣口味半份，已經有五件大大件雞！肉質一啲都唔hi，幾嫩👍🏻👍🏻啲醬夠多，好味道👅紫菜包飯好大碟，有8件，件件都足料又大舊，午餐肉酸蘿蔔青瓜🥒清新又飽肚😄中間叫左好多飲品，試左菠蘿🍍soda荔枝soda同埋粒粒提子🍇汁👍🏻👍🏻解渴fresh又大杯，同朋友吹水口乾飲就fit了🤣🤣💪🏻

難得放假可以同朋友一齊食韓國菜，好多人都講依間餐廳D魚糕串好好味，今日食完真係覺得好值得去食😋😋😋街頭魚糕串串———魚糕串非常入味，而且食落去好香既鮮魚味，有D彈牙既感覺，白蘿蔔好清甜，完全吸收左湯底既濃味，亦都帶有少少辣味，超吸引，湯底都好好飲，超鍾意食依個魚糕串❤️❤️❤️薯仔煎餅———薯仔切絲，完全食到薯仔絲既口感，好正，煎炸得外皮酥脆，內裡鬆軟，而且食落去完全唔會油膩👍👍👍芝士炒年糕———年糕柔軟而且煙韌有咬勁，配合芝士既濃郁香氣，份量都好多，鍾意食芝士既必選☺️甜辣炸雞———甜辣醬超好味😋，炸雞超大件，完全係入味😍，而且好香脆，咬落去可以感受到雞肉既鮮嫩多汁，我同朋友都覺得個炸雞整得好好味😋仲有泡菜&大豆芽菜，都好好味😋😋😋😋

趁學校活動日早放，同小朋友搵間餐廳試下。今日係小朋友自己揀餐廳，佢話個個同學都鐘意韓星，佢要食韓國菜喎。一入到餐廳，強勁既韓國音樂，令人好醒神。裝修好特別，好似去到韓國街頭，好有feel, 唔怪得小朋友揀佢啦😂我地叫左原味炸雞（半份），薯仔煎餅，芝士蟹膏蟹肉蛋捲，卜卜脆炒豬脆骨拼拳頭飯。韓式炸雞真係無得輸，外脆，雞肉滑溜，仲好juicy , 最欣賞提供手套，乾淨衛生，始終食炸雞，用手攞最滋味😂薯仔煎餅都煎得好香脆。芝士蟹膏蟹肉蛋捲，真係估唔到有咁多蟹膏同蟹肉，蟹膏好鮮味，蟹肉夾係蛋中間都夾，不過芝士好似太多，有點‘漏’。卜卜脆炒豬脆骨拼拳頭飯，椰菜炒豬脆骨好惹味，不過辣左小小。拳頭飯好正，有紫菜同芝麻一齊，我小朋友最鐘意，4個球，佢食左3個😂我地叫左梨汁同粒粒蜜桃汁，兩柸都有好多果肉，最欣賞支飲管，可以做個心形，好有心思。😋Yummy Yummy: 8/10😋

同事話尖沙咀有間韓式大排檔嘅餐廳長期都好多人好彩網上預約到約早少少，食6點位置好方便厚福街藍馬商業大廈餐廳裝修別具心思佈置成韓國街頭特色，勁有氣氛真係好似置身於韓國嘅大排檔影左好多相店員好快送上韓式小菜有泡菜同芽菜，好入味仲可以refill，encore咗幾轉薯仔煎餅唔好以為平平無奇食落真係好好味煎得好香脆，唔會好油膩薯仔味好重，有少少胡椒味配埋個魚露醬汁調出薯仔嘅鮮味😊阿珠媽炒年糕真係幾似韓國街頭嘅炒年糕醬汁香濃嘅惹味年糕煙煙韌韌再配合埋魚糕好似置身於韓國大排檔😋紫菜飯卷配料有青瓜，蘿蔔，雞蛋，火腿，醃蘿蔔豐富又好味😘甜辣炸雞（半份）炸雞外皮香脆咬落去好脆口滿滿嘅甜辣醬，超惹味肉質鮮嫩，爆哂汁吞拿魚煎蛋卷雞蛋好嫩滑入面餡料好足料荔枝梳打

兩個人叫左兩樣野 買單387！唔緊要！我覺得最伏系傳說中嘅部隊鍋！上到黎真係嚇到我一跳...全部都係午餐肉同腸仔同埋2塊公仔面....我呆咗，點解2白幾蚊比我系全部午餐肉同腸仔？？我究竟食左d咩？勁唔抵食，不知所謂！同埋叫左個八爪魚，口感好韌，好難咬....真係唔會再食！間野唔知點解咁多人，坐得又無舒服，個位子又細又吵！唔係好聽到對面講d咩...真係好失望...200蚊食左一盒午餐肉...真係笑左。

最中意食韓式校烤五花腩，用生菜葉包住，落啲面豉醬，大蒜片，大蔥，再加啲麻油，用生菜葉包實，一啖咬落去又香又脆，真係超好食，超滿足。 今日喺尖沙咀厚福街藍馬商業大廈頂樓就食到咁好味嘅韓式烤五花腩。尼間餐廳真係好特別 ，好似大排檔咁嘅陣勢，坐嘅都係圓形膠凳，裝飾非常古老懷舊 ，墻邊擺左舊式嘅電視機同衣車，有好多高達模型公仔， 韓文漫畫，最得意就係有好多電錶掣，燈飾用紫藍光為主，暗暗地好有情調。主理人係幾個後生仔女，有熱情有衝勁，將間餐廳經營得有聲有色，餐廳一路播住韓文歌，我地一路聽歌一路食野，非常之有情調。今日叫左幾樣野， 都係最多人揀嘅菜式。第一個當然係韓式烤五花腩，烤得香香脆脆，五花腩肥瘦相間，咬落脆口，油香四溢。第二個特別嘅菜式係芝士蟹肉蟹膏蛋卷，雞蛋包住蟹肉，上面淋左芝士，再加啲蟹膏喺面，仲有少少茄汁調味，芝士可以拉絲，啲蛋香軟嫩滑，食得出啲蟹肉好鮮味。最後一樣係阿豬媽炒年糕，年糕依依韌韌，有腐皮雞蛋洋蔥 ，喺典型嘅民間韓國美食。仲有兩碟小食都好好味，就係芽菜同泡菜，我地食完又再添，添完又食曬。🤪🤪

✨拉絲芝士韓式炒雞 $128哩個韓式炒雞超邪惡，上面有好多芝士灑在上面，芝士溶化在炒雞之上，賣相好吸引，炒雞用醃好調味，食落鹹度適中唔辣，炒雞底下有炒洋蔥做底，芝士、炒雞同洋蔥一齊食，好惹味，令人一啖接一啖！韓式炒雞用鐵板上菜，放左一陣都可以keep到溫度（太耐當然會凍哂），唔錯！.✨芝士蟹膏蟹肉蛋卷 $128餡料超多，用蛋包住蟹膏、蟹肉、蟹柳同芝士，蟹肉唔係人造蟹肉，係真蟹肉，份量仲要好多，落足料！上面淋上蕃茄醬同沙律醬，同燒溶左芝士，整體食落去有蟹肉嘅鮮甜、蛋香同醬汁嘅酸甜味，好好食！.✨紫菜飯卷 $76紫菜飯卷大大個，包左青瓜、紅蘿蔔、醃黃蘿蔔、火腿、煎蛋同醃牛蒡，份量十足，切好擺盤之後再淋上麻油同芝麻，聞落好香，一啖就可以食到唔同食材嘅滋味！.✨尖沙咀呢間韓國餐廳裝修有特式，一坐低就已經有侍應將韓式小菜（泡菜、豆芽）同水奉上，食物價錢合理，食物質素都唔錯，推薦！

自從上個月去完韓國旅行之後，心心念念也是韓國的美食。於是Book 了裝潢好韓國風和地道的餐廳。一入座不讓人失望，膠摺枱、韓國招牌燈箱、捲閘，韓國大排檔神還原。配上好地道的鋁鍋煮到熱辣辣的魚糕，燒酒、炸雞、辣炒年糕，真的讓阿女感到人在韓國。食物有傳統魚煲湯，魚糕彈牙，配上清甜有鮮味的湯底，在冬天吃暖笠笠。也有香辣惹味的辣炒魷魚，口感豐富。另外有點笑得必點的芝士辣炒年糕，年糕面沾上甜辣醬，和超濃郁甘香的拉絲芝士。如果喜歡飲酒的，必定要點炸雞助酒，一個字爽。

突然又好掛住韓式嘢食，所以揀咗Hoo 韓國包車試下，呢到裝修真係好特別，一入去滿佈五光十色嘅霓虹燈非常吸引眼球，好似穿過時光隧道去咗80年代咁，仲播住韓團歌曲，氣氛好好，好適合一班朋友過嚟聚餐。♥(´∀` )拉絲芝士韓式炒雞 $128呢個芝士炒雞用鐵板上，所以一定要趁熱食，芝士熱辣辣有拉絲效果，雞肉表面微烤，上面有香粉但唔太辣之餘帶少少甜味，肉質都算滑溜，洋蔥亦都炒過所以偏甜，整體呢個配搭好食🤤。卜卜脆炒豬脆骨拼拳頭飯$142豬軟骨炒得好香，本身以為好大嚿，點知碎上方便食，入面真係有粒粒軟骨，所以比較有咬口，調味方面微辣，單食都可以，但同配紫菜飯卷好match！✊🏻拳頭飯入面有紫菜碎碎，仲有輕微麻油香，要讚嘅係紫菜飯卷嘅飯唔會煮到太硬，配搭豬軟骨同配菜食，中和咗豬軟骨嘅鹹味，食落去就係韓國香辣風格！薯仔煎餅 $82本身好薄，煎得好香口，表面有油光但唔算太油膩，簡單嘅胡椒鹽調味，配合咗個簡單似魚露嘅醬汁可以點，味道更加提升，呢個煎餅雖然簡單但係味道唔錯。推薦指數：⭐️⭐️⭐️⭐️⭐️ 三樣嘢我都食清光，所以食物質素真係OK，下次會想試吓醬油系列～醬油蝦蟹四重奏，因為今次實在太飽食唔到。(,,・ω・

鍾意食韓國菜又喜歡打卡嘅朋友好喜歡嘅愛店！樓上鋪霓虹燈加上大排檔設計 氣氛好悠閒廚房設計到好似街頭小販啲攤檔咁 別有一番風味～整體體驗好特別 適合冬天不吹風打下部隊鍋享受街頭feel！.✨招牌炒章魚 $146好惹味又唔會太辣！好多蔬菜平衡油膩感～.✨芝士泡菜煎蛋卷 $112拉絲芝士夠邪惡 味道好特別冇諗過泡菜夾蛋都OK🤣.✨紫菜飯卷 $76大大舊好多料 絕不馬虎🤟🏻.✨熱情果梳打 $38味道清新解渴 適合配重口味野食🤭

平時食香港的大排檔就食得多，身邊好多朋友去過食呢間的韓國包車都大推，今次到我去！平時walkin 嚟都會有啲full，要等一段時間，可以打去book定想食的時間！一去到都要等一等，店員都會好有禮貌咁講唔好意思前唔好意思後，呢度好有feel ga，好多人都會係呢度打卡影下相咁坐低之前比左張QR code我地可以自己落單，叫左幾樣野食，但價錢都係偏貴，比較細份。紫菜飯卷$76:比起平時食的食重好多芝麻油的味道，但味道同平時食的紫菜飯卷冇咩分別，鍾意食麻油的朋友不妨一試！拉絲芝士韓式炸雞$128:呢個拉絲真係好痴線，好好食，芝士的味道同炸雞的味道十分夾，如果鍾意食芝士的朋友可以試下，大推街頭魚糕串串M $146:魚糕就普普通通，但個湯就好正，特別適合冬天飲！！！推薦指數：8/10🔥

呢間店好懷舊,比我見到韓國既另一面。前菜係泡菜,味道唔錯。叫左海鮮薄餅,好薄、香脆又多海鮮。醬汁好好味。飯卷好大件,好多唔同既配料,蔬菜為主,加左D HAM,似係用左珍珠米,口感更加好,味道有自家特色。飲品叫左熱情果梳打,幾特別!另外朋友就叫左可樂。呢道自助點餐,好快就上左菜,價錢都好相宜。唔同既坐位都有好多唔同既背景,好岩影相。來呢度好似去左韓國大排檔咁。韓國野就食得多,咁有特色既店就第一次見。