Honor Knight Restaurant

話說今日睇第一次去呢間餐廳，見評語不錯去試下。餐廳環境係非常有萬聖節氣氛，而選歌方面我諗餐廳都係想有個種恐怖而得意既感覺，呢方面我覺得算，每間餐廳有自己既特色，只係我接受唔到。首先，食物質素，由落單到到菜，係需要30分鐘，當然可以話即叫即整，所以製作需時。但係黎到嘅每樣食物，都係暖，而個種暖，係feel到放左喺室溫一陣個種暖，到放入口，除咗可以形容為放得入口，都冇其他形容詞。而上菜既次序都好奇怪，頭一道係單獨上，之後幾道都係接住上，但係食物依然冇熱既感覺。而個威靈頓牛扒，係我食過有史以來最差。第二，服務質素，我哋係第一次去呢間餐廳，食物上講解，除咗第一道意粉之外，其他都係冇，而餐廳既待應更係同其他顧客高談闊論一啲家常話題，完全唔覺自己身處一間西餐廳。當然佢哋都冇理入過好似我哋呢啲顧客想唔想聽到。而最後埋單6道菜，4杯野飲係$1993，而好食既西餐黎講，呢個數當然係物超所值，但係呢間絕對唔係一間好食既餐廳呢份唔算係好詳細既食評，我都見到好多人話佢好，但係我真係唔覺得呢間係一間好既餐廳。…查看更多

高質隱世！一直喜歡這間寧靜的屯門西餐，招待熱情，食物具水準！尤其南瓜汁盲曹魚非常出色！牛也是很好！甜品也非常美味，是慶祝生日以及和朋友相聚的好去處！間中就要來一次！…查看更多

今次食呢間餐廳位於屯門，作為屯門人都一定要試試呢間餐廳。今次同太太帶埋BB 去食，餐廳好好可以比我地放bb 車，而且環境夠大，所以都幾合適帶埋bb 車去。今次同太太家人一齊食慶生飯。焗豬手好正，外皮夠鬆脆，肉夠淋夠味，仲要現場比我地先打卡再即場切埋。值得推介！！！威靈頓牛都好高水準，外層酥皮夠軟夠香，入面牛柳都好淋好夠味，生熟程度好岩我地，都係一個好值得推介的菜式！！ 叫左個香煎帶子蘑菇醬扁意大利粉，一樣好正，汁夠濃夠香，好值得一試自家製甜品都正 又吸引 整體來講呢間餐廳絕對值得一試…查看更多

水果茶清新美味😋卡邦尼意粉足料好食威靈頓牛柳 賣相吸引 酥脆鮮嫩10分麵包雞 賣相滿分💯味道好食😋海鮮燴飯 滿滿海鮮🦞 味道好食訂座時備註了生日 。服務員很快便電話聯絡幫忙留了甜品，還有生日快樂字句🎂🎂服務很好 招待很滿意 店內環境清靜非常乾燥…查看更多

見好多人比舐脷，諗呢間應該唔會太差，但原來係假像叫左個蕃茄醬意粉。間鋪冇人，但都等左成廿分鐘以上（記住唔係即整手工意）番到屋企一打開盒意粉，勁勁勁少⋯個意粉差唔多成$130，但係少到一個點，係咪外賣就係咁hea?🤮個意粉整體黎講，味道係接受既，但唔可以話好好食果種，即係普通嘅蕃茄醬意粉，唔會有驚喜，平時周街都食到，但比成百三蚊，份量又少，味道又唔係特別標青，性價比好低。都係嗰句，唔知係咪外賣先係咁。…查看更多