Hidden Table (已結業)

主打燒賣嘅創意外賣小店完全吸引咗我嘅目光🤩呢間燒賣小店仲有唔同特色嘅小食，今次就試咗幾款🤤所有嘢都係即整即做，所以時間會等耐少少😆日式大阪魚肉燒賣識落個口味真係好似食緊章魚小丸子咁，不過個口感就更加爽，炸咗嘅燒賣特別香脆。加埋紫菜絲同木魚片點綴，口感超豐富。😎奶油麻辣燒賣呢個燒賣真係好有驚喜。雖然係蒸，不過依然係好有口感，唔會太淋。加咗奶油醬汁，仲有少少麻辣粉，竟然係好開胃。🤭泰式墨魚餅雖然有泰式辣醬嘅點綴，但係一D都冇遮蓋到墨魚嘅味道！好足料又超級彈牙😚麻辣避風塘魷魚圈魷魚教得超級香脆，加埋避風塘加少少麻辣味，竟然有少少小菜嘅風味。加埋杯啤酒一定係一流。🤙📍Hidden Table (紅磡)紅磡必嘉街97號黃埔唐樓地舖

其實我好鐘意食燒賣，中學果時午餐次次都食魚肉燒賣多甜醬，果種滿足感到而家仲歷歷在目。今日紅磡開會，竟然俾我搵到有新式燒賣食法嘅小店，有蒸有炸，二話不說就入去啦！我同朋友叫左兩個全日套餐☀️套餐B奶油麻辣燒買+捲捲薯條+飲品$48奶油麻辣燒賣的確係非常特別，而且仲好好食，滿滿嘅奶油香加上番紅花絲令到整個燒賣creamy得嚟有少少辣。捲捲薯條炸得非常之香脆，而且有少少辣喺入面，配埋一罐氈酒檸蜜，天作之合。☀️套餐C炸黑松露豬肉燒賣+泰式墨魚餅+飲品第一次食炸嘅黑松露豬肉燒賣，炸得非常脆，而且仲配埋超多嘅黑松露醬，啱曬我呢個黑松露謎。泰式墨魚餅夠曬彈牙，配埋泰式辣醬一流。韓國特有菠蘿梳打非常清新，梳打令到油膩感覺即刻冇曬。

燒賣 我最鍾意食紅磡呢間新開燒賣店主打各款創新口味的燒賣亮麗的燈加白裝修好有活力感蒸燒賣有5款有傳統魚肉燒賣最後揀左奶油麻辣魚肉燒賣 $24微微的辣味 奶油的質感估唔到味道又幾夾岩哂淺辣的朋友食完蒸魚肉燒賣 梗係試埋炸燒賣揀左黑松露豬肉燒賣 $26炸過的燒賣外脆內軟充滿黑松露香氣點埋個黑松露醬真係正Cajun 巨型蟹柳 $18蟹柳迷一定鍾意食炸蟹柳天婦羅炸法 再配埋沙律醬及Cajun粉辛香又脆口麻辣避風塘魷魚圈 $28小食又點可以錯過炸魷魚圈魷魚圈配麻辣味係最夾剛炸起熱辣辣 非常惹味初嚐 $30氈酒檸蜜致青春的第一口新鮮檸檬和蜂蜜味甜酸辛甘的味道韓國菠蘿梳打 $12第一次飲仲有好多款生果口味配炸物岩哂

燒賣關注組要注意啊，紅磡有一間好好食嘅燒賣店，店面雖然細，但裝修絕對冇馬夫，成間橙色好sharp，其實都有兩三個位，不過我今次買咗外賣。呢間有蒸同炸燒賣，我每樣叫左一樣，因為見到佢啲小食都好似好正咁！日式大阪魚肉炸燒賣基本上就係章魚小丸子個味道，不過炸過特別q彈，好好味。另外蒸燒賣就叫咗店員推介，佢就建議我試吓個奶油麻辣魚肉蒸燒賣，整體嚟講唔會太辣，可能因為加咗奶油所以味道balance好多。小食叫埋cajun巨型蟹柳同麻辣避風塘魷魚圈，兩個都好好食，超快清貨。然後見到有罐初嚐氈酒檸蜜就買來試試，後來店員解釋原來呢個係限量發售，因為係香港女子樂隊 WHIZZ 的歌曲MV為藍本，好認真同好特別啊！

最近紅磡開咗間主打創意燒賣嘅外賣店店舖嘅顏色好sharp醒 係好鮮艷嘅橙色 應該唔會搵唔到吧店舖除咗特色燒賣之外 仲有其他小食例如經典炸饅頭 俾仔腸粉同埋秘製珍珠雞等配料自家製辣椒油 葱同芫荽重可以任加添😝佢哋辣椒油好正 大家真係要試吓😆😆😆燒賣即叫即炸 拎返屋企食都仲係脆既燒賣有得自己揀蒸同炸嘅方式同時亦可以選擇魚肉或者豬肉我叫左日式照燒燒賣同黑松露炸燒賣燒賣炸得好香脆 黑松露又好濃另外又叫左個炸饅頭好香脆 加埋煉奶簡直絕配

近排天氣都唔知做咩咁熱，特別係要著住西裝開會嘅人，一出到條街就一定搞到身水身汗又黐立立。話說今日同女同事去紅磡區開會，由於見客所以食無定時，由中午開會開到已經四點幾時間都幾尷尬，又未去到食晚飯，諗坐行去火車站個頭食少少野，行行下個女同事話之前見社交平台上面有個燒賣群組有介紹到呢間小店，雖然我唔係成日食燒賣，但都知道燒賣多數都係喺個蒸爐嗰度攞出嚟，但呢一間舖頭門面非常新潮但居然係賣燒賣，我都真係大吃一驚。呢的時間搵小食都好過食咁飽又唔係太多人。見到佢舖頭入面嘅餐牌有七成都係賣燒賣，   但係佢呢度嘅款式相當之多，而且有唔同嘅配搭，睇睇下反而令我好想食，另外都見到有啲小食都幾吸引，入面個職員見到我哋有選擇困難，佢都有提議我哋可以試下一蒸一炸，咁就可以試多樣味道。最後我地要左個招牌奶油麻辣魚肉燒賣，同埋日式大阪魚肉燒賣，另外我都比較鍾意食蟹柳，咁我就嗌咗一份Cajun巨型蟹柳同埋一份泰式墨魚餅，話晒好耐都無食熱氣野。等咗大約十分鐘，所有食物終於都上枱啦~ 上枱啦~ 首先最快就係呢一個奶油麻辣魚肉燒賣，由於係蒸嘅所以都見到佢熱辣辣，職員話趁熱食係最好，由賣相見到佢上面鋪咗少少干紅椒絲而奶油都好

今晚唔係好肚餓唔想食飯，想改食小食，朋友介紹了在紅磡的這間地道小食店，主打燒賣，全部燒賣即叫即蒸和炸，桌上提供了配料可以任加，仲有自家製辣椒油，岩哂喜歡食辣的客人我地叫了兩款燒賣和兩款小食 *泰式魚肉燒賣加了泰式香辣醬的燒賣，爽口很開胃 *黑松露豬肉炸燒賣黑松露醬很香濃，燒賣炸到外脆，配埋黑松露醬很夾，唔會乾，我喜歡炸燒賣*秘製腸粉（秘製醬汁和甜醬）經典港式小食當然係腸粉啦，腸粉醬汁真係好重要，係佢既靈魂，腸粉再加上自家秘製醬汁，香滑充滿米香，好味*珍珠雞 （BB辣)熱辣辣珍珠雞帶點麻辣味， 配上紅胡椒絲，有創意，外層香脆，糯米軟軟綿綿，煙煙靭靭，一定要試下

紅磡開咗呢間外賣小店，主打燒賣同小食，放工放學經過忍唔住買返幾盒試吓！日式大阪魚肉燒賣燒賣即叫即炸，放咗一陣咬落依然十分香脆，表面加入蛋黃醬同日式燒汁，再加上紫菜絲同木魚片點綴，真係有啲似食緊小丸子！超開胃！奶油麻辣燒賣以奶油醬汁為主題，再加入麻辣粉，中西合璧，味道出奇地夾！奶油亦中和左香辣感，唔太食得辣嘅都可以試！經典魚肉燒賣魚肉燒賣一啲都唔普通！呢款最能食到魚嘅鮮味，唔會成口粉，係高州嘅燒賣！超滑秘製腸粉腸粉超級滑身！每一條都沾上醬油同甜醬，再加上白芝麻，令味道更加香！呢個組合冇得輸？Shake爆卷卷薯條薯條炸到金黃香脆，小編揀咗紫菜味，令味道更加豐富！Hidden Table (紅磡)紅磡必嘉街97號黃埔唐樓地舖

泰式魚肉燒賣 佢地既野食都係即叫即整❤先講燒賣係有得自選蒸 / 炸，夠哂新鮮! 燒賣可選魚肉 / 豬肉，而且佢地既魚肉燒賣係黎自金龍!! 蒸燒賣蒸得岩岩好，又唔會爛。醬汁方面佢地有八款口味 泰式 大阪燒 黑松露等等，全部都係佢地自家調製。我今次叫左泰式醬，用上新鮮香茅、檸檬葉、青檸等調製，食起上黎鮮味十分 如果想再重口味，台面有自助配料架 葱花 芫荽 同自家炒辣油，大推佢地自家炒辣油，真係夠哂香辣!😋Cajun 巨型蟹柳🥰 一條巨型嘅蟹柳，一D都唔厚炸粉直情都唔太覺有炸粉!! 夠哂香脆，啖啖肉肉，再加上蛋黃沙律醬同黎自美國南方既Cajan醬汁，夠哂惹味!!🤤秘製超滑腸粉 😎（秘製醬汁加甜醬）每條腸粉都有甜豉油、甜醬、白芝麻等醬汁包住，食起上黎充滿米香夠哂香滑，仲要份量都好多，好味!❤泰式墨魚餅🤤墨魚餅肥厚 啖啖肉，夾埋酸酸甜甜既泰式醬汁，又一邪惡之選!👅如果係理大學生仲有9折優惠，叫一堆小食黎開party就岩岩好🤣

作為香港地道小食嘅其中一個代表 「燒賣」，是我們從小到大日常生活中時常出現嘅食物，街頭小食店的「燒賣」除咗蒸完之後點甜豉油同辣椒油，究竟仲可以加啲咩材料，可以幾有創意？就由位於紅磡，剛剛新開嘅「Hidden Table 」話俾你知，這裏主打創意燒賣，有蒸和炸的版本，再添加令你驚喜無限嘅配料和醬汁，完全能震撼你嘅味覺👍🏻除咗燒賣，當然仲有其他特色創意小食，例如：秘製腸粉、秘製珍珠雞、經典炸饅頭、Cajan 巨型蟹柳等等 ！店舖裝修以橙色設計，遠遠已經望到好醒神，完全吸引你唔幫襯都睇吓係乜東東，另外就係門口餐牌，白底橙字，設計就好似髮型屋既Menu咁，好鬼正🤣，這裏歡迎堂食和外賣，堂食嘅話有一張小小嘅吧枱和兩張靠牆嘅矮凳，街頭小食隨時隨地都可以食得到😋✨所有燒賣全部即叫即蒸/即炸，保持新鮮，另外桌上放有自助配料架，載有葱花、芫荽及自家炒辣油，任加唔嬲，自己鍾意點樣食自己話事，燒賣控定必會愛上此店▪️秘製豬肉炸燒賣不得不提這裏的炸燒賣，完全沒有油膩感，外層香脆，內𥚃仍然Juicy ，這一款醬汁結合了日本醬油的甜醇口感與芝麻的油潤，味道甜香，配上黃金炸蒜和黑芝麻，好滋味▪️黑松露豬肉炸燒賣 燒賣炸

地道嘅街頭小食一向都係我嘅至愛之一🤩🎉上個星期見到紅磡必嘉街有一閒新開嘅小食店叫「Hidden Table」。舖頭雖然細細，但橙門嘅門面非常搶眼。就諗住入去試下，試左係佢哋兩款嘅招牌菜⭐️秘製豬肉燒賣店員介紹話秘製豬肉燒賣嘅秘製醬汁 (secret recipe) 係佢哋秘制嘅日式醬汁。入面有日本醬油嘅甜醇口感同芝麻香氣。我試左，又真係幾正wo。⭐奶油麻辣魚肉燒賣奶油麻辣魚肉燒賣又係佢哋另外一款招牌口味，以法式奶油醬汁做基調加入四川：麻辣香料。我聽落都覺得有啲Crazy，中西合璧配得吾得架？！不過試左，又好似幾夾wo，都幾得意😋🍽️ 如果你覺得吾夠，仲想試試其他地道美食？呢間小店仲有好多選擇，有輕食都有飽肚嘅套餐，絕對可以滿足你嘅胃口！🤗大家鐘意食燒賣嘅朋友，都可以去試下！

<隱世魚肉燒賣> 無意中發現到呢間小店 (在紅磡站近)。睇吓menu, 欣賞佢地有蒸同炸燒賣 ：）試左佢地嘅泰式燒賣。首先賣相好吸引，有放在幾種配料在燒賣旁邊令成件事好開胃。－咬落去口感比我想像中煙韌。食到魚肉味同埋秘製豉油夾埋一齊嘅味道 ，唔小心一下食咗10粒！！彈牙: 8.5/10驚喜: 9/10口感: 9.5/10 味道: 9/10皮厚: 8/10推介: 9/10冷氣: 9/10⭐️⭐️⭐️備註：－入店感覺乾淨，店員有主動打招呼。