HeyYO!! (已結業)

今日放工專程黎到觀塘APM分店heyyo! 乳酪專門店 , 買了Blueberry 3.6牛乳🍼軟芝士🧀蛋糕回家做飯後甜品~味道ok , 軟芝士🧀蛋糕🎂好滑, 雖然加左藍莓但甜度啱啱好👍, 唔漏 ~上次放假去左青衣城2期分店買了新口味既黑糖麻糬伯爵戚風盒子蛋糕後 , 今日放工又去左觀塘APM分店買其他味道,共有7款味道選擇芒果忌廉盒子貓山王榴槤忌廉盒子特濃朱古力忌廉盒子意大利咖啡芝士盒子另有3款新出既味道如下 :黑糖麻糬伯爵戚風盒子蛋糕oreo盒子蛋糕阿華田盒子蛋糕最後我揀左新款既阿華田盒子蛋糕 大約$45/盒味道ok , 華田味道好濃 , Cream 好滑, 甜度略甜左dd ~

Hey yo並非一般的雪糕蛋糕，而是乳酪雪糕，所以佢地既雪糕，並非只有甜味，而且有點點乳酸味，熟於開胃那種，所以當飯後甜點，是一個不錯的選擇。造型方面，選擇很多元化，有啱小朋友的卡通、同老人家祝壽的傳統慶生款、更有特別主題款，我企左係鋪頭，足足揀左半個鐘。至於口味方面，以鮮果為主，基本上所有大路水果（如：杧果、士多啤梨等）都有，特別D有金莎朱古力味。但第一次買，當然試鮮果味啦。個蛋糕非常硬身，把刀要浸完熱水先切得開。個雪糕饀有很多士多啤梨肉，不比H字頭的士的啤梨雪糕差，但呢個就抵食好多。因為一磅雪糕蛋糕都幾大個，而且好足磅，結果我地五個人要分兩日先食得曬。

今晚番娘家食飯，番到觀塘見時間尚早，於是去apm逛一陣，行經HeyYo! 諗住反正未咁早食飯，所以買個乳酪雪糕解下暑先。有原味同青蘋果味，我两隻要曬😆 乳酪雪糕口感非常之滑，味道幾清新，好夠冰凍配料都有好多款，我揀左果仁同d珠珠可惜倒多左朱古力醬😆有d過甜😅

炎炎夏日，除咗食雪糕降溫仲可以點?於是，同朋友就黎咗Heyo 到吃乳酪雪糕了！ 一開頭先係自己唧雪糕，唧自己想要嘅份量。唧緊雪糕既時候感覺好爽，但同時又驚唧得太多，會食唔曬同埋貴，所以都有小小就住就住。然後就自己揀想要既 toppings , 款式有很多，有少少花多眼亂，最後揀咗爆爆珠同埋曲奇碎。爆爆珠食落好正，喺口入面真係會卜一聲，爆啲汁出嚟! 不過有點太甜既感覺。而曲奇碎磨得非常碎，很易入口，不會一舊舊很乾既口感! 配埋乳酪雪糕黎食，就真係一流! 不過價錢對我來說有點貴，所以還是間中吃一次就夠了!

今日係觀塘心思思想食雪糕， 用OpenRice 搵左間最近既雪糕，甘就試左Hey!yo! 嘅雪糕。這間乳酪雪糕的甜度適中，乳酪味較重。雪糕質地幼滑，想有最佳口感，建議重先選好配料才取雪糕。店內提供嘅配料分為水果及甜食，而且種類很多 總有一款啱你心水！因為當天水果好像浸太久 水份比較多，怕影響雪糕質感 所以只選擇了一點甜食。個人較喜歡它的粒粒糯米池+ 乳酸爆珠。

4個男人去食froyo, 仲要拎住係商場到影相, 真係好基!!言歸正傳! 今次食hey yo, 係午後甜品!! 本來雖然飽, 但係我都加左好多topping!講下味道, 我食原味, 大致上唔錯, 最重要夠smooth, 夠滑!d topping 生果幾新鮮, 而且無加糖水, 唔會好甜, 食落夠清新!! 波羅夠清貼, 荔枝夠大粒!!爆珠酸酸的好開胃醒神! 仲有D 脆脆, nut 碎, 全部都無"淋" 溝埋froyo食最夾!!! 而d topping 款式都有成3x ~ 4x款, 因為磅重埋單, 可以樣樣都落d!! 爽!有麥提莎揀, 好夾froyo! 正過齋落朱古力醬! 有咬口丫嘛 XDDDDD 

「喜‧乳酪」（Hey YO!!）本身賣乳酪起家，其實，佢嘅產品唔喺第一次食，不過，無獨有偶，兩次都唔喺食佢嘅乳酪，第一次喺佢嘅曲奇，今次卻喺佢嘅蛋糕 。因為今日晏晝有小組活動，剛經過又一城嘅Taste，近門口正正有一家「喜‧乳酪」，就不如賣少少迷你切件蛋糕，等大家可以邊食邊講，喺醒唔起買多杯咖啡啫。啲迷你蛋糕賣$8.5一件，但優惠價$20 / 3件，一共有4款味道，我哋大人連細路有近10人，索性買夠一打，款款味道要3件，咁就啱啱一打 。不過，至搞笑喺佢哋無合適嘅盒去裝起啲迷你蛋糕，相中個盒喺個店員搵隔離麵包檔借用 。 特濃軟朱古力蛋糕 揀佢嚟試就喺貪佢層次夠，朱古力海綿蛋糕底、朱古力慕絲、軟朱古力漿，再加上粒松露朱古力，咁嘅組合，基本上都可以話無得輸，確實，朱古力味好香濃，慕絲又夠滑，好掂 。 士多啤梨芝士蛋糕 因為有多，自不然可以食多一件。士多啤梨成份唔多，反而主要喺上層嘅忌廉芝士蛋糕，下層嘅布朗尼底為主體，芝士跟布朗尼同樣濃郁，後者更做得唔馬虎，內裡有入咗啲杏仁碎，味道更多變。意大利咖啡芝士蛋糕及紐約芝士蛋糕，雖然無試，但聽試咗嘅朋友講，味道同質感都唔錯。文初都