炸洋蔥圈 ($72)洋蔥圈炸得酥脆而內裡軟綿香甜，與預期一樣正常發揮，雖然驚喜不大但值得一提的是芥末醬比一般較為辛辣，而洋蔥圈上亦灑上紅椒粉令其更加惹味。BBQ汁焗肉丸 ($98)肉丸質感尚算鬆軟多汁，BBQ汁味道以番茄酸甜為主，再鋪上芝士片炙燒至半溶，不過凝固速度較快，個人認為若改為巴馬臣芝士碎或會更加出色。自家製蒜香四川醬大蝦炒意大利粉 ($138)意大利粉軟硬適中並炒得乾爽，中西合璧揉合四川風味，花椒的麻與辣椒的辣並駕齊驅，加上蒜香濃郁份外惹味，連大蝦亦煎得香口爽彈；另加香草牛油雞扒($50)肉質結實，皮脆肉嫩，迷迭香、歐芹等香草香氣馥郁入味。松露油忌廉野菌汁貓耳朵意粉 ($102)貓耳朵意粉口感煙韌而且掛汁力強，松露香味溫和而不過於濃烈，加上野菌香氣十足。肉桂蘋果金寶法式千層酥配以香草雪糕 ($78)千層酥輕薄鬆化，層次分明，表面及中間均加上厚厚一層吉士醬，軟滑細膩之餘蛋香與奶香俱全，加上肉桂蘋果、牛油酥粒及香草雪糕，口感豐富。咖啡拖肥榛子朱古力千層酥配香草雪糕 ($88)千層酥質感如出一轍地鬆脆分明，與咖啡拖肥忌廉及榛子朱古力忌廉梅花間竹而成，兩種忌廉口感同樣輕盈細滑，加上可可粉整體彷如將提拉米蘇與千層酥合二為一。…查看更多
午餐 - 凱撒沙律配煙三文魚，$106
同熊妹食飯，一定有沙律！沙律當中，凱撒沙律確實係表表者。午餐份量的凱撒沙律都幾大份喎，好多好新鮮的羅馬生菜🥬，沾滿鹹香嘅凱撒沙律汁，面頭灑上好多芝士碎粉🧀，仲有麵包糠粒🍞同埋煙燻豬腩肉粒🥓，比起平時用嘅煙肉粒更加多一份鹹香，仲要有四大片煙三文魚，肉質非常肥美無渣，貨源上乘，熊妹認為食沙律最主要就係要夠多醬汁，呢份凱撒沙律，熊妹表示非常滿意💯，對減肥人士嚟講絕對係食得過！午餐 - 香煎口水雞扒窩夫三文治配雜菜沙律， $88一上枱都幾震撼，好大一份窩夫三文治！上下一塊1/4的厚切窩夫，中間夾雜一大塊香煎雞扒🐥，仲有蕃茄片🍅同生菜片🥬，窩夫食落好重蛋香，相信粉漿沒有添加糖分來配合返三文治鹹食，做得幾好。口水雞味道好似土匪雞翼味，帶少少椒辣好惹味🌶️，另外仲配搭一款辣味嘅濃郁芝麻醬，醬汁非常濃厚，口水雞扒再點呢個辣醬，味道簡直係錦上添花🌸，成款窩夫菜式嘅食材配搭都非常特別有心思💞，大大份值得一試！配菜仲有一大堆點上黑醋汁嘅沙律，非常開胃又新鮮！Flat White，跟餐價，加$12典型嘅心形拉花💗，飲落奶泡層好豐滿，可以維持住心形型圖案飲到最後，就係一杯合格以上🔝的拉花咖啡。Homemade Tiramisu，跟餐價，加$45有驚喜！跟餐的Tiramisu雖然唔係好大份，但味道同質感絕對係超晒班！浸滿了rum酒嘅手指餅酒味🥃非常濃郁，但係濕潤嘅手指餅放涼一陣都沒有改變了面頭的奶油忌廉層，食落非常厚實，一啖筆落去成個口感好豐滿又充滿酒味，可說係熊妹暫時食過最好味嘅Tiramisu，咁出色嘅甜品一定要再嚟encore！自家製蒜香四川醬大蝦炒意大利粉，$138一上枱，芬香撲鼻👃🏻！乾炒起的意粉熱辣辣，熱氣散發出濃烈醬汁嘅味道。自家製嘅四川醬又唔算好辣，炒意粉好有硬度有咬口，醬汁嘅調味比例恰當，炒功功架了得💪🏻。另有五隻大蝦🦐做配料，夠晒彈牙，呢款自家創特別味道嘅意粉可以一試！茶漬橙朱古力慕絲千層酥，$88好美的一件法式甜品！六片晶瑩剔透的橙片鋪滿千層酥上在燈光下照射著，好像發光一樣的閃亮🌟。千層酥皮好厚實酥脆，用上朱古力慕絲已非忌廉，口感較豐厚，避免了忌廉帶來嘅濕潤整淋千層酥皮，香甜鮮橙大減朱古力的甜膩，成款甜品確實做得出色。Pina Colada Parfait，$96呢杯菠蘿芭菲賣相已經滿分，非常精緻的擺設，芭菲一層層的材料層次分明，面頭有一小件菠蘿千層酥，玻璃杯入邊有rum pineapple，green apple，handcraft tea jelly，cake，coconut cream and vanilla ice-cream，多款材料配撘撈埋一齊食真係好豐富，芭菲杯係無法抗拒嘅一款甜品，《HeySoNuts》做的甜品果然有一手👋🏻！📌土瓜灣的小小地鋪，隱藏着呢一間特色咖啡店，推手出多款特別口味嘅fusion菜式，而甜品款式更拍得上酒店級質數，係超班嘅咖啡店。如果去開土瓜灣，熊妹絕對會再來到訪！…查看更多
