Hero's Friday (已結業)

豬柳蛋班堡 Sausage & Egg Panger $48隊長漢堡 Captain Burger $72有日行過路德圍俾佢嘅香味吸引咗 見到Panger好想試 終於試咗 可惜panger的確可以一試係幾特別嘅普通burger就失色咗少少 先講captain burger 入面有蛋有煙肉有手打牛肉 牛肉比較乾唔夠juicy 蛋周煙肉芝士痴埋咗一齊口感冇咩層次 不過最意外嘅係個包好硬 可能係外賣嘅關係短短5分鐘路程已經凍咗唔夠熱 豬柳蛋panger其實兩塊包皮係pancake都整得幾厚身軟熟 蛋同豬柳正常發揮 加埋個味有小小pancake甜甜地加配料嘅咸 係有啲驚喜 呢個價錢有套餐黎講值得試試 薯條就麻麻地比較硬同乾身 個人認為可以黎試下Panger burger就可以食其他

餐廳主打全港首創的Panger班堡🍔，顧名思義就係鬆厚的Pancake+豐富的Burger餡料，一齊同大家試下夾埋有咩火花啦💁🏻‍♀️👉 豬柳蛋Panger班堡鬆厚的Pancake🥞軟綿得來又有少少🤏彈性，夾埋芝士🧀豬柳蛋漢堡，甜鹹甜鹹咁，味道都幾新奇有趣😂跟餐的薯條🍟非常推薦，係有粗度有咬口的薯條，咬落外脆內軟仲有少少花生🥜的香味，真係一條接一條停唔到口🤤👉 Hero’s Burger另一個Signature Hero’s Burger🍔 主打有成11cm高，材料有煙肉🥓、兩層5安士牛肉🐮、蛋、芝士🧀等超級豐富😍 一啖咬落去牛肉多汁夾埋流心芝士簡直係一絕👍不過睇落去就冇11cm咁高，性價比就唔算高🙊

相信大家去日本🇯🇵都有食過m記獨有既pancake burger🤤🤤疫情下無得飛, 唯有試下全港首創既Panger頂住癮先💥😛留意返荃灣新店開1點架, 果日星期六12點45分去到都要係門口排一排隊, 一路食都一路有人龍🙂店舖堂食坐位不多, 主要都係做外賣生意💁🏻‍♀️🍔ʙᴜʀɢᴇʀ·豬柳蛋班堡 $48🍔ʙᴜʀɢᴇʀ·煙肉蛋班堡 $48﹟賣相都幾睇得, 同menu圖片差不多🤭個pancake唔會話放耐左好似soufflé pancake咁會縮水果啲, 同埋都有一定既厚度👍食落個包熱辣辣, 都軟熟, 唔會話乾身🤔但感覺欠奉左啲牛油同蛋香, 同埋可以再濕潤多啲啲🙈而料方面就夠足呀, 炒蛋都好厚身, 再夾埋塊豬柳/煙肉, 芝士一齊食, 鹹鹹甜甜咁😋🧀﹟個餐仲有包普通薯條🍟同埋汽水或者枝裝水🥤薯條外層脆得黎感覺有點兒偏硬左少少🤏但入面都係充滿軟淋既薯仔肉🥔同埋份量係滿瀉架🤣

味道：⭐️⭐️⭐️⭐️.5大家應該對呢間💛店都唔陌生餐廳主要做外賣 用餐既位置比較少🪑店舖都未開 門口已經好多人排隊 🤦🏻‍♀️就算落左單都要預等一段時間先有野食呀😭❶煙肉蛋班堡🍳 $45（配🥤+🍟)勁掛住以前係🇯🇵McDonald's 食既pancake包諗住搵返一樣既味道😋所以就一試呢個包啦🥰同日本比呢個就差小小😛呢個pancake比較似厚身既熱香餅🥞而炒蛋都份量十足 配埋煙肉又甜又鹹但好match😈❷芝士漢堡🍔 $63（配🥤+🍟)食物賣相非常吸引麵包皮微脆🍞中間夾住半溶嘅芝士🧀、新鮮嘅生菜🥬同蕃茄🍅 仲有小店主打嘅手工漢堡扒🐂牛肉漢堡扒 牛味十足肥瘦均勻 肉質鬆軟好Juicy 一啲都唔乾爭爭配料同醬汁嘅味道好夾👍🏻食完一個芝士漢堡已經好滿足啦🥰下次一定要試下signature 款先得🤣❸薯條🍟（跟餐）薯條份量好多 👀熱辣辣 外皮脆身😋薯味濃厚 又唔會太油🥔Ps:荃灣、荔枝角、中環都有分店🏬

Panger, 🍔🥞連薯條🍟滿足！豬柳蛋Panger🥞🍔😋pancake代替包，感覺好新鮮，又幾靚😆本身喜歡食Pancake, 所以就去試下！Pancake好厚身同好鬆軟，每一啖都好滿足😆成個包一啖咬唔哂，仲滿足🤣 連埋芝士碎蛋係入面，好味。食完都唔會好膩，但就好full😆薯條係粗薯條，好好味😋外邊有少少的濃邊，加左鹽好yummy☺️😆

路德圍開左好多新食店，新開呢間漢堡見到好多人等緊外賣 ，加上banner又好吸引，於是就買左，但其實整體感覺乾爭爭，牛肉乾，個包都好乾，一啲都唔好食，真係唔值得等半個鐘，而且試過就算，唔會有第二次。

豬柳蛋班堡餐 $48特色班戟漢堡☺️一口咬個pancake好軟綿綿，都幾厚身，同豬柳，滑蛋，溶芝一齊食出奇地夾。唔好睇好小，好有飽肚感！經典漢堡餐 $60面包軟熟，食落較香口同多汁，重牛味！比平常食開既漢堡較濕潤易入口。套餐都配飲品同粗薯，炸得外脆內軟。整體來講不過不失，都係班堡較為滋味。

近日睇YouTube 得知Hero’s Friday 英雄漢堡登陸荃灣🤩立即出動去試食。餐廳裝修以超級英雄🦸🏼‍♂️做主題，店舖空間比較細，只有四個座位。即叫即整，等候時間比較長，當天人多等左50分鐘左右。豬柳蛋班堡🥞🍔$48(包汽水薯條🍟)全港首創，用班戟取代麵包非常特別。pancake口感鬆軟🥞味道甜甜地充滿牛油香🧈估唔到同豬柳蛋可以咁夾🤤如果想試嘅朋友記得早啲嚟，當天下晝3點已經賣晒。隊長漢堡🍔$72 (包汽水薯條🍟)成隻手掌咁大嘅漢堡🍔一口食唔晒100%純牛肉漢堡扒，好厚好juicy一邊食一邊滴汁，肉味濃郁食落好有口感。其他餡料一樣正，平時食漢堡包🍔雞蛋都係全熟，但佢嘅煎蛋🍳仍然有蛋汁流岀黎🤤🤤好正

首次試食呢間漢堡，買左一個芝士漢堡，一個煙肉芝士漢堡，每份餐60幾蚊。拎到返屋企，大約10分鐘開餐，但薯條硬身深啡色，似係翻炸後既口感，而漢堡包塊牛肉表面硬身，真係唔知煎濃定其他原因。確實失望，no next time

那來如此多好評？！是我吃完後的感想。今天下午，突然想起路德圍附近多了一間新的漢堡店，就特意前去買外賣回來當作午餐。原來他的漢堡沒有點，只能配餐，必配的是薯條以及汽水各樣飲品，所以定價也不是十分便宜。既然要試，就試最貴的，所以點了英雄漢堡。首先有設計又包裝，在香港食肆已贏了一半。等了一會，然後步行10分鐘回到公司用餐。包裝靚仔，滿心歡喜， 一開大鑊！竟然是凍的？而我的心也涼了一半。但我標明他的漢堡高度有11 cm，的確也符合商品說明條例。開袋後發現醬汁周圍都係。所謂的英雄醬汁，應該是蜜糖芥茉加一點點辣椒粉。蕃茄是薄薄一片，比紙厚一點。蛋煎得滿是扒爐的焦。有兩層牛肉，我特意單吃一塊。乾硬鞋是我唯一評價。份量足，但是垃圾。肉又粗又鞋，煎得過火，而且放了很久，必定是一早煎定，而且凍。包子又凍又乾又硬，配的煙肉是最垃圾的凍肉類煙肉，說是火腿更好。組合起來就是一堆乾凍包，加薄蕃茄，垃圾煙肉，乾硬凍牛肉的味道。薯條是粗條，正確來講是無限翻炸薯殼。三分之二是如此炸到內心乾掉一點薯茸都無，叉都難以叉入的硬薯殼。空心薯條，當然也是凍的。整體而言，用糖衣包裝垃圾，賣93元，會不會太過份。

終於有機會嘗試到Hero’s Friday的漢堡，店鋪主打外賣生意，準時中午一點來到等他們開門，但店外已經有不少人再排隊！點餐後大概要等二十分鐘才會拿到食物，所以趕時間的朋友就自行留意了。｜芝士漢堡 $63｜這次先小試「牛」刀，點了經典的單層芝士漢堡。每個套餐都包含炸薯條和罐裝汽水，吃完一定會很飽腹。🍔牛肉漢堡扒頗厚身，但油脂不多，重口味的人可能會覺得牛味不夠濃郁；芥末醬汁份量剛好，配上新鮮生菜和蕃茄感覺清新，所以吃完整個漢堡也不會覺得很油膩。只是略嫌牛肉較小塊！薯條新鮮炸起，不會過鹹，脆卜卜很滋味。

荃灣登陸超人漢堡餐廳✨/////Hero’s Friday主打Panger & Burger 小店首創班堡 比漢堡更出色 牆壁有好大幅美式英雄插畫 打卡幾特别🤩店舖空間偏細 稍大油煙味 外賣會比較合適🤓.👉🏻煙肉蛋班堡 ($48連小食飲品)Pancake口感鬆軟 味道甜甜地配埋煙肉雞蛋 流心芝士一齊食好滿足！估唔到Pancake夾住鹹嘅配料都可以咁夾小食簡左洋蔥圈 但番到屋企發覺變左薯條下次拎個陣睇清楚 想再試下個洋蔥圈🥶.👉🏻芝士漢堡($63 連小食飲品)兩塊包口感都幾新鮮軟熟😛中間夾住手打牛肉 流心芝士 生菜手打牛肉裏面多汁 但外面就有啲亁醬汁唔算突出 可能比個芝士蓋過左小食簡左薯條 即炸熱辣辣 口感香脆———————Hero's Friday @heros_friday 荃灣昌泰街2-8號昌泰大樓地下4A號舖

位於路德圍入邊一條內街，俾佢嘅漢堡包味吸引咗過嚟，細細的門面出邊排滿人等候，裏面有大概六至八個位，但係疫情關係入唔到去食。不過都唔影響成個餐嘅外表同埋味道等候時間比普通快餐店長，落單後等製作等咗25分鐘，不過一啲都唔悶，因為附近有好多其他美食同飲品店價錢唔算貴大概$60至$80一個餐一打開入邊個粗薯條都已經吸引，同普通餐廳粗薯條或者高級餐廳粗薯條都有得比再打開就係期待已久嘅漢堡包，無論係賣相定係味道都真係超出我嘅期待係幾唔錯嘅黃店選擇

真係太好啦😊以後想食呢間burger唔洗再專登去荔枝角我最鍾意食佢用pancake 做既burger😋😋😋有啲特別之餘....感覺上好似可以一次滿足晒兩個願望🎈佢個pancake皮做得好鬆軟。堂食座位得四個，所以好多人都會選擇叫外賣。今晚我已經係成10點先入嚟，期間都人流不斷。原來咁夜都仲食burger嘅人並唔止我一個🤣🤣🤣。佢啲薯條係粗薯條嚟嘅，炸得香脆👍👍👍今時今日唔去金拱門其實仲有好多好嘅選擇

係屋企附近終於有新開既鋪而又唔係手搖店太感動啦😭😭😭但開將頭個幾星期日日都幾多人排隊買我放工湊著小朋友好難等到甘耐又要返屋企趕著煮野比佢食所以好幾次都放棄左難得今次我仔已經食飽又係bb車訓左甘岩又見唔係好多人就決定去試下一早就已經決定要試芝士漢堡幸好買完都係等左10分鐘左右就有因為係即落即整所以點都係要少少時間我就係買返屋企食果到係得一張bar 枱比人坐大約坐到5個人左右一睇就知菜好新鮮而漢堡都厚又多汁上網見有人話佢地既漢堡煮到over哂但我就無呢個問題咬落都好多汁幸好有張紙墊住薯條都好多不過個人喜好鐘意幼薯條多啲所以得閒食下都ok既因為真係好飽😆