Here Thai Market

營業中

休息中

環境⭐️⭐️⭐️⭐️⭐️完全唔逼，木系裝修暖黃燈光，勁有泰國cafe feel～星期六夜晚6點半walk in都唔洗等位，夠闊落 兩個人叫咗$398套餐（+$20茶位、再加一 $460），包海南雞半隻、黑毛豬火鍋同炒通菜，前菜：生蝦同蝦多士！海南雞都還好，略嫌皮佔多數👍肉質唔鞋口，點埋個酸辣醬夠開胃～火鍋有黑毛豬、豬肉丸豬肉丸超彈牙，份量都有7/8粒炒通菜夠鑊氣，亦都唔會太鹹 生蝦新鮮彈牙蝦多士有驚喜！麵包炸到脆卜卜，飲品叫咗龍眼少甜少冰，真係冇伏～龍眼肉多到滿瀉，清甜解膩啱晒夏天❄️ 最正係飯後送嘅奶茶凍‼️茶味濃到似飲緊凍泰式奶茶，滑嘟嘟仲想encore多杯😍 喺沙田商場食泰菜算抵玩，份量夠兩個女仔食到捧住肚走

去一田嘅時候行過呢間餐廳都覺得裝修好靚，一直都想試吓，今日晏晝時間唔算好多人就可以嘆番個lunch先！一入門口就見到室內好多位，而且坐得好闊落。嘢食選擇都幾多，唔同嘅前菜、主菜、小食同飲品等等。星期六日仲有lunch Menu真係好抵食呀。首先就叫咗個紅咖喱牛肉飯，咖喱味好香濃，牛肉又好嫩滑，配埋白飯令人忍唔住一啖一啖好快食晒。另外主菜仲叫咗個羅氏蝦炒金邊粉。金邊粉炒得好乾爽，兩隻蝦開左邊炒好入味，調味仲有微辣，好食除咗兩隻蝦之外，佢仲有啲大嘅蝦乾，烘乾咗之後都好好食跟餐追加咗個免治雞肉雞軟骨串燒，雖然係跟餐但係做得一啲都唔馬虎，份量十足。另外亦都散叫咗個燒原隻魷魚，燒得啱啱好外脆內軟。配埋醬汁好夾嘢飲方面就叫咗一杯凍嘅泰式奶茶同埋一杯凍泰式牛奶咖啡，係預期中嘅味道偏甜，不過奶茶打得好細滑，我個人就比較鍾意泰式奶茶見到佢lunch餐牌，其實仲有好多嘢可以揀，下次可以再試吓

今日同朋友去沙田Here Thai Market食午餐，品嚐美味嘅泰國菜式，餐牌嘅食物款式都不少，我哋分別選咗午餐湯粉嘅牛肉船麵，米飯嘅泰式豬肘豬腳蛋飯，小食嘅燒原隻魷魚、燒巨型元貝，飲品嘅青檸梳打水、蜜蜂檸檬水，這間餐廳地方寬敞整潔，裝修得舒適溫馨，枱凳擺放整齊，令人坐得舒服，店員服務態度又好，來這裏食真不錯。牛肉船麵配金邊粉湯底是深色嘅牛骨湯，濃郁帶微甜，仲加脆口嘅炸豬皮，浸入湯底後食非常好味，牛肉片涮至半熟帶粉紅色，嫩滑吸附湯汁，牛丸彈牙多汁，帶有胡椒香味，燉牛腱肉纖維分明軟滑，膠質感明顯，滷香入味，燉牛筋透明果凍狀，入口即化，黏糯感強，金邊粉是細扁米線，細滑爽口，滑溜有韌性，吸附湯汁卻不霖，配搭埋豆芽嘅脆爽，香草葉嘅香氣，辣椒粉既辣味度適中，非常好食。泰式豬肘豬腳蛋飯豬肘豬腳皮層厚實呈現琥珀色，燉煮後外皮Q彈，皮肉分離，脂肪入口即化，瘦肉絲縷分明但不柴，醬油滷汁鹹甜交織，帶有五香粉和椰糖的甜鹹味，滷蛋蛋白滷至深褐色，蛋黃綿密微鹹，醬香濃郁，米飯是泰國香米粒粒分明，淋上肉汁後油潤光亮，吸飽肉汁，而酸菜解膩提鮮，入口爽滑，好配合米飯一齊來食。燒原隻魷魚整隻魷魚展開烤制，外層微焦脆，

香茅木瓜沙律 $68
香茅木瓜沙律味道好清新，木瓜絲爽脆可口，香茅同辣椒嘅香氣突出，微辣中帶點酸酸甜甜，配上少少花生碎同咸蛋黃碎，口感同味道都幾特別冬陰公湯 $68
冬陰公湯酸酸辣辣，湯底有蝦同香料嘅鮮味，配料有蝦、青口同香葉，湯頭夠火候，暖胃又過癮牛肉船麵 $98（牛肉，牛丸，燉牛腱肉，燉牛筋）
船麵湯底濃而不鹹，牛骨同香料燉得好入味，帶點微甜，牛肉片嫩滑，牛丸彈牙，燉牛腱同牛筋煮得軟腍又入味，咬落有啲黏口感，麵底揀左寛河粉，入口爽滑Q彈，吸咗湯汁後更惹味泰式海南雞飯 $98
泰式海南雞飯嘅雞肉好嫩滑，皮薄而juicy，食落唔會乾柴，飯用雞湯煮過，油香撲鼻，粒粒分明又有淡淡嘅香茅味，配埋嘅椰子雞湯幾香甜，另外醬汁微辣帶甜，雞肉蘸上醬汁味道更突出

話説星期一諗住同D同事食飯，見到入面無咩人都唔期望有什麼驚喜，誰不知喜就無只有驚，首先無人招呼入到去坐低都無人理之後叫野食樣樣都無，想講一句未準備好就唔好開門住，叫左個船麵鬼左差唔多20分鐘先有，個炒金邊粉仲過分40分鐘先到，之後問店員攞碗又要等5分鐘，攞到埋嚟仲要有粒米係到，都算啦問佢拎果隻又要等多5分鐘，真係嬲嬲地自己去拎算，埋單果陣仲衰，企左係門口等左幾分鐘都無人幫我，成餐飯一肚氣無下次！！

今次同朋友一齊去咗沙田嘅 Here Thai Market，呢間餐廳環境幾舒服，地方大又闊落，裝修有泰國風情，坐低之後感覺都幾chill。餐廳嘅menu選擇多，最後我哋揀咗幾款招牌菜試吓。🥢泰式牛肉火鍋牛肉火鍋湯底係船麵嗰種湯底，醇厚濃郁。牛肉片切得夠厚，而且份量都多，口感嫩滑；牛腩肉質軟腍，牛丸彈牙，重有啲好多入曬味嘅蘿蔔，呢個火鍋都幾飽肚足料。🥢牛柳炒闊河粉呢道菜係我哋嘅最愛！闊河粉煮得好香，帶住陣陣鑊氣，牛柳亦都煎到微微焦香，但內裡又保持嫩滑，完全冇韌。醬汁偏鹹香，炒粉唔會黏埋一舊，口感滑溜煙靭😋🥢椰子粟子燉雞湯椰子味好香好甜，但唔會搶過雞湯嘅味道，湯底清甜又帶少少粟子嘅香氣，飲完之後感覺好舒服。雞件燉得夠腍，入口即化，粟子亦都煮到軟腍，呢個湯飲完真係有一種療癒嘅感覺。

🤝原隻泰式生蝦原隻生蝦擺盤精美，蝦肉晶瑩剔透，口感爽脆鮮甜，完全冇雪藏味。最正係佢哋嘅泰式辣汁，用咗蒜蓉、辣椒、魚露、青檸調配，酸辣醒胃，仲加咗少少香茅同薄荷葉，層次感超豐富。食嘅時候要連埋生蝦一啖入口，辣汁嘅刺激同蝦肉嘅鮮甜完美融合，令人胃口大開！師傅仲細心咁將蝦頭炸到脆卜卜，可以成隻食埋，香口到停唔到口！ 🤝泰式原味冬陰功湯冬陰功湯係考驗泰國餐廳功力嘅關鍵！呢度嘅湯底用咗大量香茅、南薑、檸檬葉熬製，再加入新鮮草菇同大頭蝦，一上枱就聞到濃郁嘅香料香氣。湯頭酸辣度平衡得剛剛好（小辣版本非常適合香港人口味），椰奶嘅香滑中和咗辣椒嘅刺激，飲落順喉得嚟又夠晒惹味。大頭蝦肉質結實彈牙，吸盡湯汁精華，每一啖都係享受。 🤝泰式海南雞拼燒雞飯雙拼飯睇落簡單，但要做到雞肉嫩滑、飯底香濃絕非易事。海南雞選用咗新鮮三黃雞，雞皮爽滑，肉質嫩到幾乎唔使點咬，骨髓仲帶微微粉紅色，火候控制一流！燒雞就更加出色，外皮烤到金黃香脆，肉汁完全鎖住，蘸埋自家製嘅泰式甜辣醬，味道即刻昇華。最正係個油飯，用雞油、香茅同薑蓉煮成，每粒飯都飽滿分明，香氣撲鼻，單食都已經好滿足。旁邊嘅冬瓜湯清甜解膩，擺盤仲跟足泰國傳統用香蕉葉墊

今日好想食泰菜，lunch時候走黎沙田試下聽左好耐但未試過嘅泰國餐廳。出面望入去餐廳好大裝修都好靚又舒服。兩個人叫咗兩個午餐set，泰式豬蹄蛋飯配泰式牛奶咖啡，個豬蹄嚟到嘅時候就見到佢震吓震吓已經覺得一定好淋，結果真係冇令我哋失望又有淋又入味，而且一啲都唔會有肥膩嘅感覺，另外叫咗個酸辣金邊粉裏面有蝦球、魚丸、魚片、豬肉、豬肉碎同埋豬肉丸，各類豬魚都好好味，再配埋佢個酸辣金邊粉酸辣嘅程度剛剛好，配埋杯泰式椰奶咖啡呢隻椰汁味係真係正宗泰國嘅椰味，超級好飲，另外再叫咗個墨魚粒蝦餅同埋燒鰻魚串燒，我哋係第一次食墨魚粒蝦餅，鮮味得來又彈牙外面仲係好脆口，認真真係超好食，至於鰻魚真係燒得好香口又夠大快，好有淡淡魚肉嘅感覺，正。

新城市3期2樓呢邊間泰國菜餐廳好唔錯! 入到去環境好大，裝修又modern，好岩打卡。打拋豬肉飯原來可以簡辣/唔辣，我就簡左正常版本，想食地道既味。肉碎鹹、香、辣，開胃又送飯，再配埋隻太陽蛋，撈埋食飯一流!九層塔炒豬頸肉呢個係鐵板系列，果然好有風味。九層塔味道比較濃，豬頸肉一點都唔韌，整體夠香又好惹味。感覺配酒又或者送飯食都好夾。蝦多士外皮酥脆可口，中間包住大量既蝦肉，每啖咬落都有雙重口感。串燒烤面包除左經典既泰式甜品，有時都想試下新野。面包烤到好香脆，配上咸蛋黃醬同埋朱古力，咸甜咸甜既配搭好正。另外，一定要配埋佢個cream食，就會食到又脆中間又綿滑既口感! 泰奶同埋可可都好唔錯，而且佢比附上香茅竹當攪攪棒，幾有趣。

今晚我一家四口去沙田正街的 Here Thai Market 吃晚餐，地址是沙田正街2-8號新城市廣場三期2樓A216號舖。這間泰國餐廳真係好抵食！我們點了一個二人餐，開始的泰式生蝦真係新鮮，搭配特製的醬汁，味道清新。接著的蝦多士外脆內嫩，咬下去的瞬間，蟹籽的鮮味瞬間充滿口腔，實在讓人回味無窮。最喜歡的還有泰式炒通菜，青又爽口，每一口都好有滋味。再來是泰式海南雞，雞肉嫩滑，配上秘製醬汁，更加好味。泰式牛肉火鍋的牛肉鮮嫩，一煮便散發出誘人的香氣，搭配新鮮的菜，令人滿足。飲品方面，我們點了兩杯泰式凍奶茶，加上珍珠，滑滑的口感好開心，再來一份芒果沙冰，清涼解渴。食完主菜，我們當然要有甜品！奶茶凍滑嫩又香甜，芒果糯米飯的甜蜜與香米的黏度完美結合，實在是完美的結束！#HereThaiMarket #沙田正街2-8號新城市廣場三期2樓A216號舖

今晚去沙田一田買野，順便就試下呢間咁多人介紹嘅泰國餐廳。牛柳炒闊河粉嚟到泰國餐廳，平時我第一樣就會叫口感煙韌嘅炒闊河粉食，今次我雖然係揀走辣，但都唔使驚唔夠味，成碟粉上枱嗰陣都聞到鑊氣十足，每條粉都沾滿醬汁，食落非常惹味，而且牛肉份量唔少，肉質好淋同有肉味，唔係平時用粉乸過嘅肉口感。冬陰功湯呢碗冬陰功湯材料豐富，分別有大蝦，青口，帶子，我揀左小辣，對我呢個唔係好食得辣嘅人黎講個辣度剛剛好，而且飲完都唔覺得特別口渴。豬頸肉串燒呢度嘅串燒係一次過嗌兩串嘅，今次試左豬頸肉串燒，每串有3大舊，咬落去表面有好香嘅碳燒烤味，但同時亦保留左好juicy嘅肉汁，點埋佢個少酸辣嘅醬汁食就perfect match。泰式燒雞飯平時就食得多海南雞飯，今次試下呢度嘅燒雞配油飯。燒雞最緊要就係塊雞皮，今次嘅燒雞皮係keep到有脆口口感，雖然係俾雞胸位，但肉質方面都算柔嫩唔嚡口。油飯就係我鍾意嘅粒粒分明飯粒，唔會黏埋一大舊飯。泰式手打檸檬茶上枱發覺都幾大杯，同埋食完成餐飯飲呢杯酸酸甜甜嘅泰式檸檬茶正好用嚟消滯解膩，飲完好舒服。菊花冰同檸檬茶唔同，呢杯飲落係會覺得食完冇咁熱氣，同埋佢都唔算好甜，所以值得推介。

平時唔會寫食評，今次真係我第一次寫食評。叫咗冬陰功湯同埋豬肉船麵，兩樣嘢都係我食過最難食嘅。無論喺香港食過任何一間都冇呢間咁難食。先講個冬陰功湯，完全唔係冬陰功湯味，剩係得蕃茄味，以為飲緊蕃茄羅宋湯。個湯鹹到完全飲唔到，海鮮都係霉嘅，飲咗幾啖就冇再飲。然後這個豬肉船麵，個船面啲豬肉係肥豬肉，豬潤勁硬，同相有出入，明明食開啲船麵都係瘦肉片嚟嘅，湯底個味道又唔好。 唯一好少少嘅就係杯泰式奶茶幾濃幾好飲。間餐廳完全唔值呢個價錢，唔會再幫襯哩間餐廳。

好少去新城市廣場食嘢，冇乜idea，朋友喺附近返工，提議去咗呢間泰國菜，因為佢話食過幾好。一去到門口，覺得裝修好吸引，地方好大，唔似香港一般嘅泰國餐廳。後來先知原來佢係泰國過江龍。叫咗兩個set lunch，海南雞燒雞雙拼飯+牛柳炒闊河粉。本來想叫金邊粉，但原來金邊粉唔可以走辣，所以唔食得辣嘅朋友就唯有叫呢個闊河粉。飲品揀咗龍眼冰同蜂蜜檸檬。我覺得兩款雞都比較乾，味道一般。闊河粉似闊咗嘅水晶粉，唔係好啱我口味，但朋友就好鍾意。龍眼冰好多龍眼但味道偏淡，冇乜龍眼味。佢哋用嚟裝嘢食嘅碟都幾靚但好嘥位，同埋個碗仔係椰殼嚟嘅，幾特別，但唔知點解覺得污糟咗都好難睇得出，用得有啲不安🤣不過其實整體佢地方整潔，服務亦不錯。如果我諗唔到食乜，都會再回頭嘅，因為想試埋其他嘢，同埋地方真心幾好坐。美味指數😋😋😋回頭指數🤩🤩🤩🤩

是日情人節，新城市廣場每間餐廳都滿座，有的甚至停止取票，一行6人唔知點算好，經過一田附近這間泰菜就即管睇下要等幾耐，點知即刻有位可以入座，入到去仲安排左好舒適的座位，可能情人節，個個都係2人坐，6人大枱反而無人坐🥰🥰這間餐的餐具都幾有特色，除了用椰子殼做的碗之外，茶壺亦好有風格👍🏻第一碟是泰式生蝦，生蝦肉質新鮮，醬汁不錯，食完無拉肚子🤣🤣烤豬頸肉，味道幾好的，肉質亦夠鮮嫩，不過覺得可以再烤燶一點，更香口呢！這碟是聲稱情人節限定的木瓜沙律伴鱸魚柳，木瓜沙律好好味，木瓜不會過生，沙律汁亦做得非常出色，酸酸甜甜非常開胃，鱸魚起肉後，再炸脆，與沙律伴起來吃非常之夾，立即去除油膩感，唔知過咗情人節仲有冇得食呢？無骨海南雞，雞肉嫩滑，不過不失啦燒全隻魷魚，這串燒都有特色，不太多餐廳能夠吃到，燒得亦恰到好處，不會太乾，食落魷魚肉非常Juicy，不過一定要趁熱食，凍咗就立即變得失色了炒寛河粉亦不錯的，河粉煙靭，有鑊氣，係泰國嘅味道👍🏻

第一次惠顧食物質素正常，今日第二次惠顧超級難食，3個人叫左好多嘢食，有豬頸肉沙律，蟹肉炒飯，蝦多士，炒通菜，豬手，燒雞，生蝦，燒魷魚，燒鰻魚，芒果沙冰，龍眼冰，泰式奶茶。沙律得個「甜」字，蟹肉完全冇鮮味，炒飯冇鑊氣，蝦多士好油，通菜好老，豬手刀叉都切吾開仲要無味，燒雞又無味又霉，配鵪鶉蛋仲要臭既，仲要斬到似亂葬崗，跟本吾似係一隻雞，生蝦無鮮味吾新鮮，燒魷魚好細隻，燒鰻魚不過不失，芒果沙冰無甜無芒果味只有顏色吾知系乜，龍眼冰正常，泰式奶茶正常。店內地板痴立立好污糟，服務員態度冷淡，椰売碗感覺好污糟。以前見佢排長龍等位，而家水靜河飛一定有原因，各方面都好差！