HeBo BBQ 私人派對場地 (已結業)

差不多每個月頭公司都會搞一次團隊飯，因為上頭口味關係成日都會食中菜，今次終於順應民意搞返次BBQ，成班同事都係一定要嘆冷氣食飯，所以場地必須有冷氣。另外呢D飯聚其實醉翁之意不在食，賭鬼們搏殺先係重點。有張大檯，有麻雀機再加埋有得唱K。最後就搵左呢間HEBO BBQ私人派對場地我地一行都20幾人，間野package 15人起計包場，分別有A，B，C餐食物都係跟價錢執我地食B餐為返人頭＄500蚊再加＠＄20包有人燒埋（超懶純等食plan）B餐海鮮會多D，龍蝦，扇貝，大海蝦，倉魚，蟹，安格斯牛粒，羊架等等 冇入鏡重有腸仔魚蛋丸基本BBQ必有食物。位置就好方便元朗尚悅對出，由元朗西鐵站行過去都係十幾分鐘左右， 如果有去過隱世山莊BBQ就會知道，因為佢其實係同一個門口入唔好地方係因為佢方便所以就不設免費泊車，如果要泊就旁邊有爛地停車場。呢個門口入左手邊就係。（其實係咪隱世山莊同一個老闆架?）後記：因為我地係懶人Plan有人幫我地燒埋，其實都燒得幾慢，要隔好耐好耐先食到下一樣野。同埋佢會將一種食物分兩次燒。個感覺就好似去飲宴咁，等到你超餓先開席然後出完一個菜又要影個相等好耐再下一個菜個個都餓到

生平第一次參加私人燒烤party,通常都是租爐，但今次這個party是我屋企人帶我去，聽聞足夠15人已經可以包場；這𥚃有很大的廳空間相當大，有點興奮，心想如果自己屋企有咁大就好，這裏有兩部電視機一部用來唱K，我當然唔放過啦，哈哈！仲有一部電動麻雀枱auntie 們可以在枱上聯誼一下喇！小朋友都唔悶有一部滑梯須然簡單咗一D但小朋友有得玩就唔計較！食物方面真係包羅萬有：龍蝦、大蝦、蟹、帶子、羊架、魚、义燒、花螺、和牛串燒，燒春雞脾，各種丸類和蔬菜等等，好多好多食物！飲品每人有6罐都足夠耶！所有食材都好新鮮，香港地地方細能夠幾家人聚在一起聊天，食吓，唱吓，打下麻雀好好享受一日真開心又方便！這個塲所相當唔錯，我好鐘意我會推介畀我朋友！

今年個friend生日想搞個聚餐，上綱搵到元朗這間，于是一大班朋友開開心心的去玩。門口唔算起眼行入去環境唔錯幾干淨，我的是包場所以唔使自己燒，有專人服務哈哈。見到已經准備左好多野食，海鮮、羊架、串燒......蒜茸燒帶子帶子唔算太大，都好新鮮，燒到剛剛好，好juice，加上蒜茸的香味，唔錯。燒海蝦海蝦好大只，加上上少少海鹽帶出海蝦的鮮甜味。佢的份量都預備的好充足，差唔多每個人都有2，3只蝦食。食完蝦重頭戲龍蝦到了。龍蝦都好肥，專人燒真是唔同，時間剛剛好，龍蝦肉爽口彈牙。燒羊架羊架冇騷味，但淹得唔夠入味，自己加的香草就十分好味啦。燒茄子燒的十分腍身唔干，加少少鹽，好食。燒蟹現在是蟹當季，所以的蟹十分肥美，蟹肉鮮甜多汁，用少少海鹽就帶出蟹的鮮味。燒菠蘿最后再來個燒菠蘿，酸酸甜甜的菠蘿燒過之後更多汁，又解左口中肥膩的感覺。食完野又可以在旁邊娛樂下，唱下k，打下麻雀，就這樣一個開心的聚會結束了。

今日黎HEBO攪私人狗狗Party!哩度攪私人派對BBQ一流呀！15人可包場！好多野食 又多海鮮！材料超多! 預人數預份量!佢地既SEAFOOD多種類又新鮮! 蝦、蟹、蜆、魚、扇貝、鮑魚、螺等等等...肉類一樣多! 雞肶呀, 羊架呀,,,串燒呀! 加$20仲可以叫員工幫手燒 唔洗自己郁手！食物新鮮 員工幫手燒果時又會落埋調味料！燒得好靚~ 自己燒一定唔可以有咁既效果,,,哈哈!影相影唔哂! 食物美味而且新鮮! LIKE呀! 每位HKD$350 人數定份量（五小時）室內有麻雀打 有K唱😁我覺得值得一試!