Happy Lemon (已結業)

飲咗杯檸檬蘆薈優多 味道ok 有d益力多味 酸酸甜甜 幾開胃 幾清之前喺荃灣飲過南豐間Happy Lemon 勁難飲 估唔到依間會好咁多ok!

"快樂檸檬" 又係第一次幫襯的, 之前去過貢茶飲過珍珠奶茶, 味道都ok, 想試檸檬的出品o唔ok佢地的飲品 (凍飲) 都會分三個size, 今次我飲左一杯大杯的 (其實係中size) 黑珍珠奶茶, 同行的妹妹就飲荔枝珍珠奶茶, 都係大杯, 但貴一蚊, 茶的味比貢茶的苦澀, 珍珠細粒好多, 食落仲有種滑潺潺之感, 加上份量細好多, 高下立見了, 不過, 妹妹的荔枝珍珠奶茶就幾好, 荔枝汁的味道清香, 部份地蓋過了茶的苦, 或者下次再幫襯會飲這杯, 但如飲珍珠奶茶都係飲番貢茶了

行到攰攰地,我吔去買嘢飲,因為不想周圍行的源故~就選擇去HAPPY LEMON 到買飲品.人不算太多, 我叫咗杯蘆薈檸檬$12 ,好細杯呀, 我朋友要咗杯烤珍珠奶茶, 要咗大杯~ $13 (我朋友話大杯都好細杯喳) 比起現在新一代既飲品真係差天拱地呀~ 味道一般, 朋友話奶太多, 無咩茶味呀~我個杯要咗少甜, 味道好淡, 無乜檸檬多多既味呀~蘆薈細細粒好ok既~ 但係佢吔既價錢偏高, 又細杯, 真係要改善下呀~

一街都係珍珠奶茶店, 潮流o野唔知會興幾耐呢? happy lemon 的珍珠奶茶, 我係第一次飲, 店員介紹我飲烤珍珠奶茶, 我便要了一杯標準裝的, 即係細杯裝, 茶的味道很濃, 但珍珠比較細粒, 口感普通, 坦白講, 取名"烤", 但完全唔覺有烤的風味第一次的經歷, 只屬一般

果日同牙妹表妹食飯..咁岩又未夠鐘咪行一陣先去左新之城見到..有happy lemon咪試下囉叫左杯綠茶紅豆沙冰($17)...原名: 紅豆抹綠沙冰(好繞口)紅豆好淋好正..d冰打得好碎...不過厭略綠茶味唔係好夠...而且又等得都幾耐下佢仲送左一張..免費加大既卡俾我地...下次買標準裝可以免費升級

之前一直飲過呢間, 因為嫌貴.見呢度食評話蛋糕珍珠奶茶好飲, 於是試下.下午時候去買, 好快就整好, 等左一分鐘左右ja.蛋糕珍珠奶茶蛋糕味濃夠甜.蛋糕加埋奶茶, 好好味.不過, 蛋糕同奶茶唔係好攪得暈.珍珠比一般既細粒.我好鍾意呢個size 既珍珠, 易趙易吞.對於我來講, 平時個d 大粒過頭, 難趙.

今日返工之前..經過.....突然好想飲珍珠奶茶...即刻買左杯.......小甜....剛剛好...珍珠雖然細細.但好有口感.......$10價錢ok.......我會繼續帮襯....

天氣熱熱地,,去左happy lemon一次過買兩杯野飲比自己飲! Xd買左新出既系列 “寒天爽”有兩隻味道,,金桔菊花寒天爽同檸檬蘆薈寒天爽我要哂兩隻味泥飲~金桔菊花寒天爽:味道清甜,,有d菊花,但同寒天味道不夾,,,檸檬蘆薈寒天爽:呢個味道酸酸甜甜~蘆薈+寒天味道好夾!蘆薈同寒天都好好食,,,好有口感!解喝之選!檸檬蘆薈寒天爽好飲d!

Decided to try out this milk tea place after walking by so many times.I went with a so called "cake milk tea".I placed my order during a weekday afternoon off peak hours, only 2 customers ahead of me. They waited 10 minutes or so for their drinks, while I waited a total of 15 minutes for mine. It WAS not busy at all, so why the long wait?I finally got my "cake" milk tea. I took a sip and started to wonder what I was drinking. It was milk tea with what seems to be pieces of buttercream icing floa

天氣開始熱, 行街街都會行到口乾, 行到新之城見到有happy lemon的分店, 買左杯綠茶飲綠茶的味道很濃, 很有烏龍茶的風味, 精神都為之一振, 甜度適中, 加上杯的賣相幾特別, 買杯嚟飲都幾有樂趣呢之前飲過一次佢個朱古力烤奶茶, 朱古力味唔係咁好, 所以今次無叫, 烤奶茶有股像炭燒私味道, 個人認為不是太襯佢個濃味茶!建議大家, 可以買佢個普通烏龍茶飲, 但不要太多花臣

喜歡這裡的抹茶奶, 次次都係都仙草抹綠, 今次就試試新野啦~ 可惜......紅豆份量少, 煮得不夠淋, 稍硬, 布丁ok滑, 不過陣味古古怪怪, 好似落左香油咁, 唔鐘意!幸好抹茶味濃, 撇除配料單飲真係好好味, $14大大杯真係抵~~~下次都係叫返仙草抹綠~~~味道4分係俾抹茶奶~~~

尋日試左烤珍珠奶茶 $12d珍珠細細粒 , 好有口感 , 珍珠既份量算多奶茶 , 唔夠茶味 , 而且好似甜左少少 (可能係我比較中意飲濃茶)呢間野 , 比上不足 , 比下有餘仙跡岩比較貴 , 但好飲d輕鬆飲平d又大杯 , 但味道就冇Happy Lemon咁好飲

之前在台灣好喜歡統一布丁奶茶回港...真係冇乜好味的...連輕鬆飲都冇再入統一布丁了...有一次在荃灣的分店飲...心諗試下啦...點知布丁太實~~唔好味之餘~奶茶亦太甜~茶味淡之後都冇再幫襯了但今次突然好想食so 叫了一杯布丁奶茶走冰一入口~布丁ok軟而有味奶茶唔太甜味道剛好~究竟係呢幾年佢進步左~定係呢間比荃灣嗰間好呢？咁就唔知啦~~好飲就ok了~ps...店員的服務態度..............有待改善

上次飲過蛋糕珍珠奶茶不錯,所以今次就試朱古力蛋糕奶茶 假期關係都唔少人排隊..但約5鐘到就有喇..飲落,剩係有奶味咁...冇咩朱古力味,又唔覺係奶茶....失望呀....同上次飲個個爭咁遠咁..下次都係叫返蛋糕珍珠奶茶 比較穩陣..

開心檸檬鮮黃色好耀眼，之前飲的都不錯，越開越多，也是正常的。今次點了朱古力布甸，一不小心，就沒有叫熱飲。熱朱古力應該好好味，飲下去，凍朱古力就是差點點，沒有了那種香濃的味道。布甸味道是一般，份量就很多，朱古力飲完，還有很多剩下呢，要在冰中間找位置吸布甸，吸了很久。不特出，沒有"趙" 口，今次的只可以俾OK。下次試其他，應該可以俾笑面了。味道 : 5.5 分