Happy Lemon (已結業)

喺隔離買完撈撈小食就過左黎呢間happy lemon 買野飲，Happy lemon 可謂膠杯外帶飲品專門店嘅元祖之一，以飲品杯size同價錢黎講happy lemon 算係同行偏貴嘅，幸旺角新之城分店地點佔左唔少優勢因而屹立至今今日我地試嘅係檸檬益力多沙冰，標準杯$16, 細細杯兩份飲檸檬味唔突出，只係飲到酸味，益力多都係，似乳酸多啲成個味道就好似檸檬乳酸味UHA 味覺糖咁，唔係唔好飲，只係同預期中有所出入，冰嘅質感好滑，打得好碎唔會有一粒粒冰##記憶中喺呢度飲過幾幾款奶茶都麻麻地，無茶味的所以自此之後我黎呢度都係飲其他水果茶或者沙冰，都ok ge

約咗朋友唱K,但要3點幾先齊人.仲有成個鐘.行吓新之城.咁啱我其中一個朋友企咗晌呢間睇緊.我叫左個茉香綠茶$121分:從來都未試過杯綠茶完全無茶味.仲要飲晒都唔覺得有.唔知我嗌錯定佢用水沖?怕怕呢個喊面.......I m sorry!!!~!

元月翌日, 同太太出到黎旺角行街睇戲食飯. 行到咁上下. 口乾了, 仍有童真的她又要來一杯台茶. 貢茶...她已經飲厭了. 而家她喜歡的, 就是Happy Lemon的岩鹽可可.其實我並沒有喝出這東西有什麼岩鹽成份, 因為沒有咸味的. 但忌廉味十足. 奶油落得比起貢茶的奶蓋奶茶更勁更濃. 而茶底......咦!! 這不是茶啊, 是可可, 即是朱古力. 不過味道不是太濃烈, 有少少像阿華田的味道. 沖得香口, cream味重. 閒閒下午茶, 因為佢夠濃郁, 奶油重, 加上朱古力. 胃口不大的人, 都會覺得少少地飽肚.這快樂的檸檬, 沖調出來的台式飲品, 質素比起現在一窩蜂開的什麼台茶店要好. 的確, 令人飲得開心. 飲得快樂.

完全有被坤同埋中招既感覺焦糖味道係點我唔洗多講勒掛，雖說焦糖同糖都係甜，但係焦糖就係多左一種獨特既甜味，係讓我地感到格外既香甜可惜呢間咁既野..........完全係就咁用糖加糖就當係焦糖..........焦糖奶茶就成為左一杯..............超糖奶茶口渴買來飲......但越飲越渴............. 最後仲要過去佢隔離2間舖果間 7仔買支水飲...........都唔知為乜................

我跟朋友們在荃灣聚餐後,出發到旺角逛逛~到旺中樓下買杯野飲先~等候時間唔算耐~ 紅豆布丁抹綠 $12我很喜歡飲綠茶~而且這款飲品真的好喝呀,真的有軟腍腍的紅豆粒,非常好味的~也同時飲得到滑滑的布丁!布丁有香濃的布丁味道~ $12 非常之滿足,呵呵!! 紅豆+布丁+綠茶呢3個配搭,我非常喜歡 我俾95分喔!!!!

"紅荳抺綠沙冰,大,小甜丫,唔該~"熟悉左自己嘅聲音,曾經每次經過"happy lemon"都一定係咁樣落單~因為怕肥....2個多月嘅時間都無再"抺綠"一番喇~~今日,為左等待友人...終於,忍唔住o係炎熱嘅旺角之中,幫自己"降火"....再次重溫一下~知道加 $2 可以將"抺綠"轉為珍寶...好似好抵呵.....haha ~ 轉啦~ 女仔大概就係咁ga la~因為今日人唔算多,等左一陣就已經有喇~"吉"入粗管,輕輕一啜......嗯 ~ ~ ~ 依舊無變 ~~軟綿綿嘅沙冰,將牛奶同綠茶嘅香甜慢慢冰凍地滲透我嘅舌尖....搞下個杯底,再啜多下......起沙嘅甜味紅荳粒粒立即令我咬起上黎 爽耶 ~~埋單:$19 / 杯<小小心德>吉飲管,用手指按住飲管頂部,再用力1次過吉~膠紙就唔會爆開ga喇~<是次格言>炎夏飲冰....忘記了流汗的焦躁~冬天手冰....想起了情人的手套.....

Dont want to choose drinks in 7-1Xso have a try in happy lemon..no exception...i would give a crying face for it.blood orange with aloe vera..............ngng.....bitter red tea with a bit a bit aloe.......ng...not good to drinkfor thirsty its enough for $11

朋友推介下一試蛋糕珍珠奶茶真是多得佢, 一杯標準杯裝洽到好處選擇走甜小冰, 好香濃茶味, 但我完全食唔到有蛋糕只有好重的cream包住個口, 好滑, 可一試

真是好愛哩間店珍珠奶茶行完街就是最好解渴, 又好味今日發覺分咗3種size..標準杯、大杯、珍寶杯要咗一杯珍珠奶茶標準杯$10正常的分量下次要試下珍寶杯

話說R睇完戲,再同朋友周圍行..行行下就去左呢間HAPPY LEMON買杯野飲。因為呢日咁岩橫風橫雨,R個胃又一向有D事。所以就叫左杯熱飲飲下啦!咁就叫左呢杯熱仙草奶茶。HAPPY LEMON既熱飲一向幾有水準,呢間既出品都叫幾岩我口味。我諗熱飲應該剩係有一種甜度?因為就算叫唔叫少甜,佢都係差唔多既甜度。不過都叫做適當,唔會甜到剩係覺得甜~~而且個杯既設計其實都幾好,拎起上手唔會好熱。唔似其他台式飲品店,有部分店既熱飲杯係好薄,真係熱到完全拎唔到。但係d仙草既份量真係少到好奇怪。我飲左成杯奶茶,我發現係10啖之內,我就吸哂d仙草啦~基本上我未飲到一半,就已經得返d奶茶係杯。咁既份量同價錢,真係令人無奈。不過果位職員妹妹又好似唔太留意客人叫咩啦~~我叫杯仙草奶茶,呢個妹妹比枝紅色既幼管我!咁我又點飲D仙草呢~~不過佢比我果陣又好有禮貌,又講小心熱,又講多謝。咁就加返分啦!而且呢間分店都幾多客,我諗係忙中有錯JE..

看到架架麵介紹的happy lemon 最新oreo系列，所以今日又來了一杯試試味道。今次點的是oreo 奶茶，細杯13元，大杯15元，珍寶杯是16元。其實珍寶杯是700cc 左右，對現在的台式飲料店出品來說，是正常不過的分量，我倆點了珍寶杯。蛋糕cream 其實是蛋味忌廉，既香且滑，配合oreo 黑色餅乾碎不太甜的近朱古力味，和少訐奶和茶的味道，多款結合的確擦出新火花。想像Oreo加在奶茶裡，還以為餅乾碎也會完全溶化在奶茶中，原來還留下不少濕了的餅乾粒狀在杯的頂部。想不到那不太甜而又濕了的oreo餅味出奇地夾這杯奶茶加蛋糕cream，把不太甜的oreo黑色餅乾和香濃的cream結合物在吞尖上慢慢地溶，為奶茶帶來了不錯的磨沙口感。原來oreo 浸一浸是如此美味，難怪廣告經常要人不要只把餅乾放入口中，而要大家又擰又舔又浸。

試新品Oreo奶茶...係網上得知happy lemon出新品...未到果日已經一早叫定男友買俾我飲!!要左杯$9既...好大杯!!!而且好抵飲...仲平過街邊既xx奶茶!!好淡既奶茶味....配濃郁既oreo香...不過oreo係碎粉...飲果陣喉嚨會好癢如果係原價既話...我就未必會飲喇!!!太唔抵

四月十五日 (星期四)同老公仔番到觀塘,途中遇見朋友,談了幾句後,就快點趕到happy lemon試新品-Oreo奶茶今日和明日有特價,小的$7,中的$8,jumbo的$9,我們要了jumbo加大珍珠整個製作過程見得清楚,將Orea碎放進杯中,加些蛋糕奶茶那層cream,再加入珍珠和奶茶其實不用加珍珠,反而會好味,因為有orea的餅碎咀嚼著了!兩者都match,相信我會每個星期都過來飲的!

I have been to Happy Lemon a few times for drinks and feel that they are quite tasy, although sometimes a bit too sweet. The price for the drinks are fairly reasonable and the size is also quite reasonable. However, the amount you get is not the best value as what you get at other bubble tea places in MK.I like Happy Lemon for the different flavors that they have but besides this, it is just average. The wait is sometimes very long despite few customers. The student discount is quite good though

喜歡黑糖的我..其實見到台式飲品店有黑糖奶茶就會叫..記得都至少2年前試過happy lemon..覺得唔得之後都一直冇再幫襯過咁岩係新之城等朋友又口渴見佢唔算太貴又開正我果味就試下啦佢出品既黑糖朱古力脆脆奶茶~我驚唔好飲,叫左個細size$10算了嗯..等左一陣即飲.第一啖..嗯..果然佢個名有黑糖係因為佢加左d黑糖寒天條..而朱古力脆脆就係用左d類似胚芽既朱古力味餅碎放係面..而奶茶就係普通一杯奶茶..結論係..唔係唔好像..只係你飲完會好清楚咁分開3樣野去飲到/食到..而my cup of tea應該係將黑糖+奶茶mix好左既...算啦...本來就不抱什麼期望=.=