Happy Lemon (已結業)

熱到不得了的下午, 剛食完午餐, 已經熱爆. 三點幾, 街上人頭湧湧, 唔怕曬? 見這裡都幾多人講, 又買杯試試.檸檬水晶薄荷蜜: 9分, 要了個檸檬健康子系列的檸檬水晶薄荷蜜, 即係茉香綠茶加上青梅汁. 大熱天時, 飲綠茶係相當解渴, 這杯綠茶幾清新, 飲落口係透心涼. 再加上點點青梅汁, 又給味雷來點刺激.一杯只係$11, 比起其他同類型飲品店便宜. 係幾抵飲, 同埋幾好飲.

睇過d食評都幾多人讚，自己成日行過旺角，都見到有成3間，咁我就試試啦。第一杯“烤珍珠奶茶”(Small)一飲，好有茶香既奶茶，非常好味，但係d珍珠就比較硬，同埋比較細粒比較難咬。細杯係唔夠飲架。一試就上隱。之後再試“布甸奶茶”及“柸芽奶茶”都係“珍珠奶茶”好味D。

事先聲明，從來去光顧茶餐廳又好，快餐店都好，我一定唔會飲奶茶。我討厭奶茶的味道。但，只有在這裡，我才會點奶茶，這裡的奶茶與一般茶餐廳及快餐店的有所不同，沒有了我所討厭的那種苦瀝的茶味，反而是那濃而帶少甜的茶味奶味，茶香奶滑，配合得剛剛好，就是這種味道令我一喝傾心。不可不提的還有那又滑又有蛋味的布丁，嫩滑布丁加在濃香奶茶之中彷彿起了微妙的化學作用，口感十足，味道一流。喝一啖奶茶"啜"一口布丁，兩者的融合在口中簡直就是完美的配合。來，來，快些再來一杯布丁奶茶。

上回講到公和的豆漿不太好，之後我們再找尋美味飲料。喜愛台式飲品的我，想試happy lemon很久了，當日，沿著路上捧著笑臉膠杯的行人路線，終於找到這間可愛小店。　惠顧的人不少，不難預期當中以女生為主。約等五分鐘，我的柯打到手：布丁奶茶原來是杯以布丁代替珍珠，味道不似傳統珍珠奶茶般濃稠，而是清甜型；因夠冰涼，在那炎夏的天時來說頗討好。還有那布丁也應一讚，混在在奶茶中時不覺得，但最後獨立吃時充滿雞蛋甜香，又滑溜無比。見小店有另一推介：烘珍珠，有點後悔沒有加它呢~　如此一杯飲料賣$13，平過仙跡岩/仙踪林等店，水準又不錯；雖然旺角區競爭激烈，我都看好它可以站立得住!

7.2 (MON)一直都好想黎飲佢o既奶茶，終於都黎到！要左個大杯烤珍珠奶茶，奶茶好香！同台灣o個ｄ味真係好似！但烤味重左少少。佢ｄ珍珠好細粒（所以冇咩口感），飲要好小心，好易入錯格（我個fd就中招）以後黎旺角，呢個地方會係必停之地（最衰冇得坐低慢慢嘆）！但唔會再加珍珠。好想帶一個人黎，好想佢都飲到咁好味o既奶茶…可以嗎？

食完d口乾o野當然要飲杯o野中和下la.叫o左紅豆布丁抺綠, 都ok好飲, 特別係布丁好滑, 同埋我好鍾意紅豆同綠茶依個組合, 但係紅豆好似少o左d, 我初時唔知少唔少甜好, 所以就問個sales應唔應該少甜, 我驚會"抺殺"o左杯飲品, 點知比佢笑, 但係佢都ok nice, 我覺得如果叫佢比多d紅豆佢都會肯^^.之後佢親自出馬, 我估佢有adjust一下, 所以都唔係好甜, 好好飲lei~~~~ 係旺角飲依d特別o野好過又食西瓜珍珠la.

今日飲左早茶, 上堂前又係飽飽地, 於是帶左個鳳梨酥上堂, 買杯野飲下, 呢度最順路, 所以又再試另一種味道- 凍茉香綠茶加珍珠, $12 + $2, 我拎杯飲品時, 發現有白色既野浮下浮下, 原來係茉莉花, 果然真材實料, 但飲落真係麻麻地, 如果花瓣可以隔開會好, 因為同杯飲品完全唔夾!

見到咁多人話好飲, 於是就去試下啦。紅豆甜味適中, 布丁咬落都有蛋味, 惟一唔夠好既就係綠茶味唔夠, 紅豆味搶晒綠茶味啦! 下次希望會多d綠茶味啦! ps: 俾笑既原因係因為$12既野飲都有布丁同紅豆, 口感豐富又足料, 都算幾抵飲。

未試熱飲，又買o左抹茶系列另一款—芋香抹茶。個名exactly我唔記得lu，不過印象中佢係有3個重點：抹茶、香芋同埋奶。因為買番公司慢慢飲，所以叫o左走冰，店員好老實咁講分量會少d，ok啦~出到黎又唔係少wor~同無走冰一樣多~顏色係綠色(點解唔係紫色??)，飲落去，初頭會覺得淡淡地無咩味，飲落就飲得出好香o既抹茶同牛奶味，不過就完全無芋頭味。ok，唔難飲，不過唔係好special，似一般o既抹茶牛奶多d~~

最新ｏ既綠茶系列有紅豆布丁綠茶（＄１２）、芋香綠茶（＄１４）同椰香綠茶（＄１４），冷熱同價，冷得一個ｓｉｚｅ（大）。試ｏ左第一樣ｏ既凍～好香ｏ既奶味！正！綠茶同奶真係ｍａｔｃｈ到爆，唔係太甜，ａｒｍ　ａｒｍ好。紅豆粒就好甜，不過分量都係適中，唔會令杯野太甜。反而布丁第一啖食個陣會覺得佢淡而無味，飲晒杯野食個陣先食得出好香好香ｏ既蛋味！凍飲好正，不過下次要，試下熱ｏ既～

食完飯想搵嘢飲，原本想嚟買杯布丁奶茶，嚟到見到有杯唔知乜鬼香芒鮮橙優多（即係益力多）之類嘅沙冰類飲品，於是改變主意。平時好多人排，今晚計埋我哋得兩個order，都要等幾分鐘。入面對後生男女好似喺度洒花槍咁，真係寓工作於娛樂。Jo話個男嘅收錢找錢就咁掉喺枱，連做人基本禮貌都冇。人唔掂，杯嘢就唔差。除咗賣得意之外，兩次幫襯都覺得咁嘅價錢飲咁嘅飲品，抵過去煙漬癌。

這間小店的logo好可愛，每次口渴，如果有一間在附近，都會買來喝喝。試過了好幾種口味，有香檳烏龍茶、檸檬茉莉綠茶、黑珍珠奶茶、熱情果……水準最穩定的莫過於黑珍珠奶茶了，每間分店出品都差不多，是信心之選。最不濟的是檸檬茉莉綠茶，只有檸檬味而毫無茉莉香味，又有小小澀，太差勁了。還有覺得此店的飲品都過甜，應該要小甜才好。

04/14/2007 1:00pm未食午餐, 先黎個fast drink 止口痕.新出既紅豆布丁綠茶賣相吸引, 又見openrice 既食評語唔錯, 話d布丁幾滑, 就叫左個.要了少甜, 都係偏甜, 無計, 佢d紅豆已用糖水浸過.紅豆份量不多, size屬細粒, 布丁都幾滑, 有d蛋味.而綠茶同紅豆既配合都好match, 飲完好滿足, 仲有d飽添!

食完個唔太滿意既米粉, 行下行下見到佢, 見咁多人讚, 我都鍾意食粒粒珍珠/哩! 我揀左個檸檬水晶薄荷茶(少甜), $11, 雖然細細杯但係都有幾多jelly, 最重要係同仙跡岩差唔多既產品(我覺得好味), 不過平好多又好飲, 我會繼續試! P.S. 大杯都係$13!

幾次路過都冇試過。今日俾佢抹茶系列廣告吸引入去。可惜抹茶系列三款中得一款有供應，睇左陣都係要返珍珠奶茶。少甜奶茶配小珍珠，唔需要特粗飲管，照用普通飲管。珍珠細粒關係，一路飲吸左好多，太快吸到ｄ珍珠"族"親。份量細杯ｄ岩岩好。