Happy Lemon (已結業)

台式飲品一樣受年青人歡迎,難怪由上世紀末的"仙跡岩","快可立",到今日的"快樂檸檬",同樣在MK成行成市.我輩中坑也來趁熱鬧,一嘗其鮮桔晶凍檸檬.拿著個如Lego公仔笑面logo的杯,又感覺年輕了一點.細杯裝$12,這個鮮桔晶凍檸檬,檸檬味不是很酸,其桔晶凍如蒟篛.又或者似...罐裝楊協成的那些什麼爽.當其一般特飲待之也可,但隔離有7-11的話,小弟寧願入去買罐啤酒.

之前見到又係呢d一杯杯野,MK 邊街都有la, 好多都係$5-7 之ma, 呢度成$10 幾, 諗住都係坤水多, 不過行完旺中好想飲野, 又費事行咁遠就買左杯"香烤珍珠奶茶"試o下, 飲左一啖已經好有驚喜, 同其他d "珍珠糖溝奶水" 真係好十倍百倍。我而家每次勁過都一定會飲, 亦會介紹比所有friend~~

今日試咗個椰香胚芽可可加珍珠, 真係好好飲, 比"生積癌"好100倍, 可可夠濃, 胚芽又剛剛好, 10個讚呀!

去過幾間HAPPY LEMON, 都係覺得荃灣新之城個間茶味最好(明明係分店, 咩佢地D產品唔係一樣嘅咩, 點解會唔同?)...算了... 我最鐘意嘅係佢嘅奶茶同烤茶, 我唔多喜歡太甜的飲品, 叫佢地少甜...真係有少到...好啱怕肥嘅我.

又是口渴．．．同口痕試了幾受歡迎的檸檬彈珠，＄１４是超大杯裝不過只得斟得八成滿＝Ｏ＝味道就一般，ＯＫ解渴；彈珠果然好彈牙，口感有點似珍珠的但又有點脆脆的，都幾得意！*我是去荃灣南豐中心分店*

我是happy lemon 忠實fans每次出旺角都會幫口親, 但只會每星期出一次旺角, 因此星期六發現她於上水中心2樓對正火車站開了新店, 真是太高興, 現在可以每天都飲到! 我最鍾意布丁烤奶茶, 茶味夠濃配埋布丁夠滑及有布丁吃, 正!

次次落旺角都要買杯飲下，價錢平，品質高，味道好。烤珍珠奶茶珍珠好細粒，好得意。布丁奶茶都好得意！

這店的位置在日之船旁邊,令人們常常一面食章魚丸,一面叫番杯特飲...本人便是其中之一我較喜歡叫奶茶類,因為這裏的奶茶很香滑,又多款式,例如胚芽奶茶(見圖),布甸奶茶(統一雞蛋布甸x奶茶),等等也不錯.當然其他特飲,茶類也是唔錯的~

食燒餅好口干所以買左杯"檸檬蘆薈優多" ★★★★★★☆☆☆☆味道幾得意~有d似益力多味~

記得上次幫襯小丸子的時候仍未有這店，現在已經成行成市。原來這軟飲店開了一段時間，幾次過來都沒有留意得到，今次到柏裕取點東西，經過這裡就幫襯及試一試。頗多選擇，有點花多眼亂，見口淡淡，就來杯醒神的翡翠檸檬菠蘿凍，不清楚翡翠是哪，但起碼識得檸檬菠蘿，應該是酸酸甜甜。原來翡翠是切成長條狀的薄荷果凍，配上檸檬菠蘿，而且夠冰凍，杯軟飲都幾得妥，加上價錢實惠，下次都會試多點其他種類。

見到街上好多人都拎住柸happy lemon,忍唔住拖著男朋友去試下. 我要左柸布丁奶茶,佢飲青檸沙冰. 我果柸奶茶好滑,下面有層布丁,不過布丁都幾淡.青檸沙冰好好飲,好似青檸糖果味,好特別!飲左佢地的產品真係令人幾開心喎!!

在旺角街上，只要見到有冰凍飲品賣，都會有衝動想買來解熱!! 於是我點了焦糖奶堤( Caramel tea-latte )，要普通size，賣$14。第一口喝的是最好味哦，因為可嚐到香濃的咖啡味，跟著是清新茶味跟焦糖味。不過飲了不久卻感覺它似台式奶茶多些!! 我個fd 點了翡翠檸檬菠蘿凍(普通$12)，有jelly 及菠蘿味蒟蒻，整杯味道夠香甜，又帶適中的酸味，炎夏天氣飲就最解渴!! 值得一讚其"骨子"的裝修，很cute很潮; 再加上那個eye-catching 的東姑妹頭logo，別具一格，還有那個繼承台灣商店展現那種人情味的slogan : happy everday !! ......

今日去旺角拎DVD機, 拎完又食完飯仲口乾, 又走去呢間可愛小店買飲的.今次冇翡翠檸檬菠蘿凍, 唯有叫鮮桔晶凍檸檬, 點知都唔錯, 飲完透心涼, 真係好好飲呀......仲只係$14咋.

小弟係響荃灣新之城幫襯過幾次, 炭燒珍珠奶茶幾好飲架. 同埋隻可愛的膠杯, 實叫人吸引過來.間店屬於仙踪林旗下, 但同樣的飲品比仙踪林平很多.其實呢間店在大陸都有, 廣州同上海的小弟都幫襯過, 價錢比香港的分店更平, 另外芒果優多, 同埋芒果椰粒的都好正架, 不過小弟是在大陸的分店飲的, 故不多說了.

(3/8/07)輕鬆既音樂吸引左來。飲品內有布甸,幾得意,試左個"熱布甸可可",可可味道似阿華田,失望;更失望是布甸少得可憐,無蛋味,而且味道好假。