影片
餐廳位於深水埗，鄰近地鐵站地理上十分方便快捷，餐廳最主打的當然就是清真美食，而我這天也有好好品嘗一下，食物方面我點選了，有pizza ，Kaaba ，還有炸薯條。Kaaba 絕對是令人有意外驚喜，沒想到味道豐富，最重要性價比極高，價錢合理大眾化，新鮮即叫即做的味道就是不一樣。Pizza 外表看起來十分普通，但我最喜愛的也就是人手製作，即叫即製，他的pizza餅底做得很出色，入口帶點香麥味。最後當然就是炸薯條，一個價錢享用到兩種不同的感覺，完全超越了快餐店。
繼續閱讀
深水埗絕對係一個可以發掘平價人間美食嘅地方🤤，今次俾我搵到呢間真心又平又好吃😋。有兩間分店，一間位於汝州街，另一間位於北河大廈，我今次揀北河大廈嗰間，但強烈建議到汝州街嗰間！因為北河大廈間分店剩係得鋪位，基本上咩都冇🙄而北河大廈嗌既所有食物都係要由汝州街嗰間分店整好再送到，所以計埋製作時間加人手運輸時間係要等好耐🤦🏻♀️。如果星期日或公眾假期更加可怕，外傭既聚集地就係北河大廈，人多到會嚇死你，行都行唔郁😰。呢間餐廳要落order最好用電話或外賣app，注意係冇堂食！！！因為我係用外賣app落單，app落單個陣寫明有附贈飲品，但冇顯示有薯條，所以送到上嚟個陣見到原來仲會配有一大盒薯條真係有啲驚喜😂。講返食物上，唔講笑拎上手有返咁上下重量，份量真心又大又多😍。卷餅size比我前臂更長🙀，超過20cm長。味道上，一啲都唔差👏🏻。我嗌既係Chicken Shawarma($58)，因為冇中文翻譯，我上網查過係旋轉烤雞肉。老實講，味道上係咪旋轉我都食唔出😂食得出係微辣既印度咖哩。雞肉肉質ok 蔬菜新鮮爽口 再配上沙律醬，呢個組合味道冇得輸👍🏻一卷咁大條 係男係女絕對食完都飽上腦😵，仲要有一大盒薯條🍟，可惜薯條用發泡膠盒裝，焗住晒有水蒸氣搞到薯條淋晒☹️。而且店家冇俾番茄醬😑😑唔知係漏咗俾？薯條份量起碼係m記L size既兩三倍，多到誇張😨我食極都食唔晒。除咗薯條仲有送一罐飲品。呢個價錢嚟講 卷餅質素真係唔差 性價比高！👍🏻下次應該會再幫襯試吓其他款式。等食物個陣，睇鋪既店員好好傾😆，瘋狂同我介紹有咩好食，食物全部係新鮮整，叫我下次嗌Pizza。【二訪】同屋企人瘋狂講呢卷Chicken Shawarma有幾好食，所以又再幫襯買番卷俾屋企人試下，證明我冇講大話😂。呢次一樣係用外賣app落單，揀咗外賣自取，去咗汝州街分店一樓，其實就係唐樓嚟，仲要門牌顯示唔係呢間店既店名☹️，係另一個名？？？🙄🧐我估呢間店就類似私房經營模式，而且因為即叫即整關係，等待時間都要幾耐下，到咗要撳鐘門口等。其次，個人認為私房經營衛生方面就冇咩保障，但價錢真心平！要自行衡量啦！呢次就唔想再食薯條，一大盒真係要食到2046😂，所以落單個陣備注可唔可以轉Salad，竟然又真係幫我轉咗😂😂👍🏻，轉咗係水果沙律，有提子、香蕉、蘋果、提子乾，味道一般般，份量呢就冇薯條咁誇張，係正常一人份量。
繼續閱讀