Hakuna Matata (已結業)

我一直都有間唔中幫襯hukana，最近一次自己帶盒去買咗個肉眼扒走飯全菜，返到屋企大叫左，嘩！$68個餐，塊扒大到呢！加埋全菜底，最後食唔晒，留左1/3塊扒夜晚食。塊扒好腍好夠味，d菜係炒西蘭花椰菜花，好夠味。希望會再出哩個餐😁…查看更多

「Hakuna Matata」，識呢個字係因為丁滿與彭彭，喺斯瓦希里語解釋「沒有問題」、「不用擔心」，而鰂魚涌就有兩個男仔用咗呢個名開咗一間小店，雖然無靚裝修，坐得又唔算特別舒服，但只要食過佢哋嘅嘢食，就知道點解有咁多人幫襯。餐牌會定時轉換，成日都有新鮮感，每次都有三款精選午餐同一款商務精選餐，最平$48起，加$5仲可以有飲品，喺鰂魚涌嚟講真係好抵食。12個月風乾火腿•法國牛肝菌黑松露菌意大利麵 $58落單後店主即刻炮製，一煮就聞到香噴噴嘅黑松露香氣。每一條意粉都沾滿黑松露醬，面層有幾片帶鹹香嘅風乾火腿，仲有青椒、紅椒同鴨胸肉，好味又飽肚，值得一試嘅小店。紅豆薏米水加$5就有飲品，呢款係佢哋自家煲製，好足料，好味又健康。餐牌…查看更多

咪睇鰂魚涌好似淨係商業區咁，再加少少舊樓，但其實隱藏着唔少好嘢食。今次食嘅呢一間小店，係後生仔經營嘅，每日都會換上唔同嘅餐牌，非常之有新鮮感。今日咁啱就叫咗呢一個蔬菜燉牛肋肉，用上一個迷你嘅鑄鐵鍋，令到食物保持熱辣辣嘅溫度，而且每款蔬菜都燉煮得好淋，入口即化，湯頭鮮甜，一入口都係蔬菜嘅清甜。牛肋肉肥瘦分明，同樣吸收晒蔬菜嘅甜味之餘，亦都燉得好軟。整體來講質素唔錯，而且食得出好有心機煮，下次嚟都可以再試吓其他唔同款式嘅食物，希望同樣都咁有驚喜！…查看更多

呢間店其實已經食過好幾次，今日就同大家推介吓啦雖然喺大街，但店面唔太起眼，得大約十個位大部分係bar枱，所以比較岩一個人毒食／兩三個人小聚牆上面痴滿旅行相，望住食飯都特別relaxed～而重點係～lunch set 只係65蚊！！！！！呢個價錢係同區嚟講，真係抵到爛主菜：櫻花蝦乾龍蝦濃汁意粉配蒜蓉扒蝦＋蒜蓉牛油帆立貝講吓個主菜啦～意粉軟硬度煮得剛剛好汁嘅分量好夠，可以均勻沾滿每一條意粉最重要係龍蝦濃汁超級鮮味！睇餐牌先知係用鮮蝦蝦殼熬成6個鐘～可見佢地真係好有心做帆立貝爽口，冇腥味蝦就係開邊蒜蓉香煎～幾香，食起嚟都好方便亦配埋清烚白椰菜、甘筍、白蘿蔔(平時食西餐真係好有咁多菜食，除非叫沙律)真係好欣賞佢地連健康呢點都照顧埋飲品係紅豆薏米水，微甜，有成1/3杯係薏米嚟同友人一致認同呢度食物味道，好過唔少中高價位西餐廳證明只要有手藝，未必要用最靚最貴既食材，一樣可以煮得好好食！ …查看更多

同朋友周圍揾食，見呢間店評價唔錯，決定一試。入到舖頭，側邊有一排吧枱，地方小巧。坐低可以直接同店主落單。今次試左蕃茄燉牛肉飯（$65）舊牛大大舊，有3舊，燉得好淋，好好味，個汁就係一般蕃汁味，唔會太咸。配菜有椰菜，紅蘿蔔，份量都幾多。午餐連餐飲，叫左熱紅豆薏米水，有少少甜。呢排天氣熱，堂食，後面又煮緊野，門口又開又關，唔知有無開冷氣，越食越熱😅同埋有啲油煙味。…查看更多