hahahappy.p

營業中

休息中

放lunch 同同事去覓食，看到這間白色cafe 環境舒適而且menu 健康款式多選擇價錢亦相當合理。因為係小店關係，坐位不算多所以快快入去試一試，味道唔錯岩曬而家正在減肥中的我。 牛油果沙律清新配埋綠茶latte 重綠茶味不甜令我非常滿足。 同事叫嘅汁燒牛肉丼性價比亦高牛肉滿滿價錢唔過一百有玄米茶跟前菜相當抵食👍這店可以加入我們其中一飯堂之一

本身喺呢頭做嘢，平時都係食開海光街啲食肆，點知今日公眾假期全世界都唔開，搵嘢食搵到去巷仔，見到呢間小店竟然有開，咪入去試一試。一入到去嬲咗，坐咗幾分鐘都唔見有人出嚟，諗住走嘅時候，有位員工(可能係老闆)拎住個餐走出嚟俾隔籬嗰枱客，係咁同我講唔好意思同埋問我想食咩，佢話呢啲Cafe仔小店真係一腳踢，咁我明白嘅。我問佢隔籬枱食緊嗰兜咩嚟？佢話咩咩牛肩胛丼，我話是但啦就要呢個，快手食完返去做嘢。比完錢佢又入去煮咗10分鐘左右，出到嚟個樣OK精緻，有隻溫泉蛋同埋有兜汁佢話係壽喜燒汁，我一野倒晒落去篤爛隻蛋就食。唔知係咪將所有嘢撈埋一齊嘅關係，我竟然覺得呢兜嘢好好食，啲牛OK滑，個汁加埋個蛋好襯個牛，又可能係因為壽喜燒嘅嘢通常都好食。另外值得一讚嘅係，我諗住嚟食個快嘅，估唔到佢手飯竟然OK！食完我叫佢上埋杯latte，喺零期望之下竟然唔差，算係水準以上。飲完臨走嗰陣本來想同個妹妹傾兩句，佢又繼續喺廚房忙緊，咁我唯有走先，今日我真係冇時間等佢忙完，唯有留待下次。

三年前開始幫襯hahahappy.p東大街外賣店，由高質咖啡、自家製蛋糕發展到而家鰂魚涌店有All day breakfast、意粉同埋日式丼飯，成班街坊都見證咗依間小店嘅暴風式成長🤣🤣其實今次係想寫返一直以來嘅用餐經驗..基本星期一至六佢嘅午市肯定坐爆曬勁多回頭熟客因為依間小店同所有小店一樣無論經營幾實在困難店主都盡力做好每個餐同杯啡響商業區，大家真係好需要有間好食、飽肚性價比高嘅「飯堂」🥹🥹有時等耐少少大家都覺得ok而且店主亦都好好人有時啲客有唔同要求店主都盡力照顧到睇到店主一直嘅努力同客戶對佢嘅肯定希望小店可以繼續成長堅持落去啦咁我地就可以繼續有個窩心敍腳happy point喇🤫

無意中發現咗呢間小店，lunch唔算好貴，不過嘢食要等30分鐘先出到餐，勁耐，如果趕時間就不建議…….手腳勁慢，嘢食正常，家庭味道！🍴壽喜燒牛肩胛丼溫泉蛋•迷你田園沙律•自家製巴斯克芝士蛋糕| 拿鐵•熱 $158要加温泉蛋，否則好齋，冇咩味，個沙律以為係菜，點知勁hea係海草，不要叫！啲牛肉勁乾鞋口完冇乜味，全靠個勁少嘅壽喜燒汁吊味😂飯好多，感覺係自己煮嘅屋企味，健康但唔係好食！蛋糕勁細件，有芝士味都軟滑，咖啡好普通比較淡冇咩咖啡香。推薦指數: 5/10手腳太慢，味道普通，支持小店可一試但唔太推薦。

今日约朋友去聚舊，之前试過筲箕湾店咖啡吾錯，知道鰂魚涌店有晚市，所以今晚試下。食物種類都幾多，我揀左芝士漢堡牛丼飯，超大份😁，我食完D餸已經八成飽，最開心一切開漢堡D芝士不断流，😚照燒汁糸另上，啱哂我邊食邊加汁既人。朋友叫既鰻魚烏冬都吾錯，因為冇見到佢地食到骨。飲品同甜品加錢另配，我地叫左芝士蛋糕咖啡/桂花烏龍茶/巴斯克蛋糕🫢，最正糸老闆見我地有小朋友，專登打開心果cream配蛋糕平行一下甜味，可惜餐廳环境太舒服，小朋友食飽烏冬瞓左。甜品落了大人的胃。😂老闆之後問了我同朋友對食物意見，介紹一下食物之間甜度関糸，希望了解一下食物是否合適我們。🫡老闆知我喜歡飲茶，亦推介几款茶比我地，感覺很貼心。最后賣関子话星期六帮襯會有驚喜，期待丫!🤔

嬲到要開個account 寫劣評12:46分落order, 聲稱等10至15分鐘就有，結果足足等咗45分鐘，13:33先攞到個餐。之前食過幾次感覺都唔錯，但係出餐慢，估唔到今日慢到想像唔到。12:50見情勢唔對，轉做外賣。對上一單明明只係早我1分鐘落單，食同樣既嘢，13:20攞餐，但係我仲要等多10幾分鐘先有。廚房做嘢既人，唔知點解成日行出嚟攞紙巾，刀叉匙羹etc，之後又行返入廚房。乜呢啲嘢唔可以放定喺廚房備用既咩？唔怪之得出餐咁慢啦。仲有一幕，就係廚房員工用手移動喺地下既門擋，用腳踢一踢門擋，再用同一隻手攞起serve 俾客人既碗。😂大佬呀，你係做都唔好俾客人見到啦😅公道講句，味道同價錢同區嚟講算係咁，但係打工仔一個寶貴既lunch time 嘥左就好嬲。

香港東嘅商業區，高樓大廈商廈林立，餐廳以茶餐廳及商場餐廳居多，每間餐廳都有長長嘅人龍，每到午市時間都非常熱鬧。係呢個咁特別嘅社區，無意中發現一間新開嘅隱世嘅咖啡店，位於商業區樓下嘅小巷，私隱度極高，裝修新淨企理，喺鬧市中俾人一種閑適嘅感覺。當日餐廳人數唔多，所以非常寧靜。餐廳提供幾個午市套餐選擇，套餐可配搭手沖咖啡，大約$100左右，喺商業區之中價錢算平合理。當日點了all day brunch，份量比起其他餐廳少，而且食物種類唔多，但味道算係正正常常。但食物係即叫即整，所以都保持到熱度。喺呢啲餐廳主要係享受環境，同埋咖啡，所以食物都屬於其次吧！

🍽️食物方面：☀️Haha brunch💲98第一眼覺得hea 但只係切細咗啲嘢炒蛋/腸仔/菇/沙律菜/牛油果醬/包♨️明太子溫泉蛋意粉💲98正常發揮 唔會太重味🥑牛油果醬炒蛋酸種麵包💲60食物選擇少 無睇清楚 係0.5個brunchℹ️食物偏細份 健康無負擔嘅味道想試🍰🍪scone 但同行嘅人係小鳥胃📷打卡方面：光猛簡約 鍾意門口個燈牌🔈環境方面：小巷入面 平凡的骰溫柔嘅Staff一腳踢可以任坐傾計 有蚊🦟💬其他資訊：hahahappy.p📍鰂魚涌海光街11號漢威大廈地下4號舖💰Cash/Payme, Lunch 人均💲90⏰11am-5pm🪑可社交平台訂位

由東大街擴展到鰂魚涌的小店hahahappy.p以往假期都會到東大街店嘆dirty同abc cake,估唔到最近開分店到我公司附近，實在太方便啦🤩點了明太子溫泉蛋意粉🍝+ hot latte賣相不俗的意粉由店長親自送上，味道唔錯👍🏻意粉食落有質感，不會過淋。明太子份量適中，因為過多會太咸及口渴咖啡保持水準，為餘下半日工作💼補充精神下次應該會點蛋糕🍰作結

要推一推呢間小店，雖然位置有少少難搵。Vienna Coffee:係咖啡同奶蓋既完美華麗結合。好似愈黎愈少地方有係想飲咖啡又想要奶蓋既時候飲落係細滑既焦糖奶蓋，下面係凍既黑咖啡，清爽得黎帶甜甜既感覺。