Ha Noi 越南菜

營業中

休息中

我最近去了尖沙咀重慶大廈的 Hà Nội 越南菜餐廳，我點了幾道菜和一杯飲品。🍴首先是順化蕃茄蟹肉扎肉湯檬。這是一道經典的越南菜，湯底香濃，裡面有新鮮的蟹肉和蕃茄，加上檸檬的酸味，讓湯的味道更加豐富。整道菜的特點在於湯汁清甜，蟹肉鮮嫩，非常適合作為前菜或湯品。接下來是小食越式炸蝦餅。這道小食外酥內嫩，餡料裡面有新鮮的蝦肉和香料，非常適合當作點心或下酒菜。整道菜的特點在於口感酥脆，味道香濃，是一道非常受歡迎的小吃。最後是鮮芒果西米露。這是一杯非常清涼的飲品，裡面有鮮甜的芒果和Q彈的西米，加上糖水和冰塊，非常適合在炎炎夏日飲用。整杯飲品的特點在於清爽甜美，非常適合作為甜點或飲品。總體來說，食物和飲品都非常美味，整個餐廳的氛圍也非常舒適，讓人感覺很放鬆。如果你喜歡越南菜或者想嚐試新口味，我推薦 Hà Nội 越南菜餐廳。👍

軟殼蟹撈檬🦀是一道非常香脆口感的菜肴，軟殼蟹的鮮味和泰式醬汁的🌶酸甜相互融合，口感十分獨特。豬頸肉也很不錯，🐷豬肉的肉質多汁，烤得剛剛好，撈埋檬粉，非常美味。香茅雞翼🐤則是一道清爽的小吃，雞翼的肉質鮮嫩，香茅的味道清新。泰式紮肉則是非常有特色的菜肴，肉質鮮美，配上泰式的醬料，味道非常開胃。椰汁紅豆則是一道清爽的飲品，🥥椰汁的味道清香，紅豆也煮得剛剛好。#tsimshatsui #尖沙咀美食

📍Ha Noi越南菜(尖沙咀)尖沙咀彌敦道36-44號重慶大廈地庫health21號舖個朋友話帶我去重慶食越南菜，佢話間舖靚嫁，我心諗重慶邊度會靚，佢話係重慶旁邊落地庫，去到原來係商場，走到最篤篤就會見到間舖，門面好大好光猛，原來有好多分店，好好食😋😋👉酥香原隻軟殼蟹 💰$44😋😋😋😋.3/5成隻一開二咁上枱，佢個樣好招積，就一啖咬落去，辣親個咀，因為即叫即炸即上枱，辣到講左粗口，好脆卜卜，仲有蟹汁咇出嚟，好味到不得了👉越式炸蝦餅(細)💰 $32😋😋😋😋.5/5大大塊蝦餅，滿滿新鮮蝦肉，爽口彈牙，都係即叫即炸，今次受教訓之後，吹下先慢慢放入口👉越式豬頸肉撈檬 💰$66😋😋😋😋.5/5本身想叫豬頸肉小食，但叫豬頸肉檬粉就可以食多樣餸喇，豬頸肉煎到面層好脆，邊邊位最為好食，仲有肉汁同唔韌，檬粉就夠哂彈牙，淋埋越式魚露醋汁就非常開胃，大口大口咁食👉極品牛三寶湯河粉 💰$72😋😋😋😋.5/5牛魔王嘅我叫呢個就可以滿足哂我，生牛肉真係一啲都唔會過熟，仲有啲血紅色喺度，牛𦟌就滷得好入味，好重五香味，而且唔會好硬，牛丸就好彈牙，咬落去會咇汁嘅，而個河粉就非常滑，唔會好油膩，湯底好濃郁，一啲都唔馬虎，

重慶大廈地庫開咗好多餐廳😚 這間越南餐廳裝潢有格調，環境闊落，乾淨企理，食物很不錯，價格合理，份量多，好抵食！💖💖💖食評💖💖💖𝑭𝒐𝒐𝒅越式河內三寶飯（豬扒、雞翼、扎肉） ($73)✨ 份量多，好大碗飯，飽肚感十足👍🏻 配料水準高，豬扒大大件 肉質不錯，雞翼肉質好嫩滑 外皮香脆，扎肉好彈牙越式炸蝦餅 ($32)✨外皮炸得香脆，爽口彈牙，好好味 𝑫𝒓𝒊𝒏𝒌鮮芒果西米露 (+$12)✨椰香味濃郁，足料又好味😚👍🏻

對上一次嚟已經係年半之前，今日嚟到門口幾乎唔認得，個地庫商場大裝修完，多咗好幾間食肆，成個格局完全唔同晒。而呢間 Hà Nội 亦由之前個冷巷位搬咗入個大舖位，地方骨子咗，啲位又鬆動咗，當堂高咗兩班。問起原來已經搬咗成年，真係失覺晒。我叫咗下午茶特價生牛肉河（$50）、炸春卷（$19）、凍柚子蜜（$8）。闊別多時嘅味道仍然喺度，佢嘅 pho 唔敢講全港最好，但起碼係我喺香港食過嘅最好。睇相都見佢嘅湯底色澤厚實，上面漂浮住一層牛骨油脂，未食已經感受到佢嘅香濃。炸春卷亦係其他地方做唔到咁好。通常啲越南舖嘅春卷似茶樓春卷多過似越南春卷，死死實實，但呢度嘅春卷非常之鬆化，我估佢哋係用自己整嘅特薄米紙去包，先做到咁嘅效果。

原來有咁多間分店喎🤔都係鍾情於尖沙咀呢間😁感覺上坐得舒服啲🤭自從上次同屋企人食過返尋味👍之後今次帶街坊再嚟回味吓先🤭上次就三個人食（2人套餐喺食菠蘿炒飯）另加兩款小食都要打包🤭今次得兩個人食😀唯有食嘅套餐喺粉麵😁另外加個豬頸肉串燒👍套餐份量超大份，香港地真係好少願意畀咁咁大份嘢食。真係又平又抵又大份😁最主要係好好食😋😋😋😋😋不過餐牌好似唔覺有甜品食☹️隔兩日與朋友聚餐會再嚟🥰

今日同姊妹去尖沙咀行街👭，經過見到原來重慶大廈隔離有個地庫入口係新裝修嘅美食地下街叫Health，非常新淨，環境企理👍🏻。睇嚟仲有好多食店會進駐，好期待呀！😬諗住簡單食啲粉麵，搵到呢一間越南菜Ha Hoi。首先見到佢啲價錢喺尖沙咀區嚟講都幾抵食👌🏻，同埋好旺場，成個地下街係佢哋最多人食，基本上都坐滿七八成，梗係去試吓啦！我哋嗌咗呢啲👇🏻👇🏻🐮生熟牛肉湯河粉 $68同平時喺其他地方食嘅湯粉相比，佢啲湯麵真係好大份🤤！生熟牛肉份量都好多，生牛肉切得夠薄。個湯底又有啲青檸嘅酸酸哋，好開胃又唔會好漏，好味道！🦀順化蕃茄蟹肉扎肉湯檬 $68呢個價錢食到咁足料嘅蟹肉湯檬，真係好誇張😳！大大堆蟹肉鋪喺個麵上面，連個湯底都係好濃郁，個蟹味都好出👍🏻！同埋個湯底好掛麵，啖啖蟹肉味，好滋味呀！🦀酥香軟殼蟹 $44呢個真係有驚喜！隻蟹係有埋蟹膏，好濃郁蟹味，大大隻，又炸得啱啱好👍🏻 好貼心仲切開咗對半，兩個人share食very good 😌 🦐越式炸蝦餅 $32穩陣嘅蝦餅，味道都係預期中嘅味道。不過嗌咗好多嘢實在太飽😹🍹青檸梳打 跟餐加$12青檸份量非常多🫶🏻肉眼睇到係成個青檸切咗片擺入去，而梳打水係另外

重慶大廈旁邊嘅商場仔有唔少餐廳。呢間越南菜質素唔錯。湯河同小菜都非常好食，而且價格都幾實惠，絕對值得造訪。極品牛三寶湯河 $72以煮牛肉作湯底，牛三寶係生牛肉、牛展、牛丸。味道非常美味，而且肉質鮮嫩多汁，牛丸仲好彈牙！香茅雞翼 $22雞翼經過調味、炸製，口感非常酥脆，而且香茅的味道也非常濃郁。鹹檸七 $12青檸味非常清新，而且鹹度適中，清爽又解渴。📍Ha Noi 越南菜 (尖沙咀)尖沙咀彌敦道36-44號重慶大廈地庫heath 21號舖

今晚出到尖沙咀已經8:30pm ， 一落巴士就突然想食撈檬，即刻諗起係附近呢間「Ha Noi 越南菜」。餐廳位於尖沙咀彌敦道重慶大廈地庫heath 21號舖。落咗扶手電梯行到最入面就揾到到。店鋪地方十分廣大，環境整潔舒服，大概超過五十個座位，餐廳牆身有簡單富越南風情的裝飾。《豬頸肉撈檬》（$66）配菜永遠都很重要，有花生碎、炸蒜片、青瓜絲、甘筍絲、生菜絲、薄荷葉、熟蔥花，另外豬頸肉有六片，並配有秘製醬汁使用。再加入適量撈檬汁，再混和所有配料一起吃，十分美味又醒神開胃。《越式炸蝦餅》（$32/細）蝦餅彈牙表面香脆，沾上泰式甜酸醬，十分滋味。《椰汁珍多冰》（$12）跟主食可以優惠價追加。不會太甜有椰香。

今日去左尖沙咀行街，老公話重慶大廈地庫有d餐廳，不如睇吓有咩食。剛剛行過見有間餐廳食越南嘢，餐牌ok喎，所以就揀佢食晚飯。餐廳面門夠大，入門口見到有幅越南地道壁畫，內裡環境乾淨，職員安排坐卡座，地方闊落，坐得幾舒服。餐廳選擇都多架，我哋叫左兩個飯，兩款小食同兩杯飲品。越式豬頸肉蛋飯：老公話豬頸肉咬落去係脆，另外仲有椰菜同紅蘿蔔做配菜，仲有隻烚蛋，份量足，夠晒飽，佢就覺得幾好喇。越式河內三寶飯：原來越南三寶係豬扒、雞翼同扎肉，全部煎得好香口，夠味道，好好食。酥香軟殼蟹：剛炸起，熱辣辣。見到完整一隻已經夠驚喜，呢個整法好鬆脆，配甜辣醬都幾好食。越式炸蝦餅：同樣剛炸起，炸得唔錯，大大塊，點埋甜辣醬就最夾。椰汁紅豆冰：老公話好耐未飲過，佢話椰汁味剛好，紅豆夠淋，整體唔太甜，好好飲。椰果椰汁西米露：可以當飲品，又可當甜品，西米本身無味，但椰果就比較甜，夾埋一齊食夠甜喇。

好少食越南野，但知道重慶大慶開咗個新地庫商場Health，決定入黎搵食打下卡，於是遇到Ha Noi呢間大份又抵食嘅越南菜。呢晚同朋友叫咗軟殼蟹湯檬（$74）、順化蕃茄蟹肉扎肉湯檬（$69）、越式豬頸肉（$32）同越式炸春卷（$23），跟餐加咗杯鮮芒果西米露（$12）、杞子龍眼茶（$8）。軟殼蟹湯檬個軟殼蟹份量好大，口感好脆，蟹味突出，配合有豬肉熬製嘅湯底，非常惹味。👍🏻至於個順化蕃茄蟹肉扎肉湯檬，蟹肉鮮甜份量多，蕃茄味濃，檬粉吸收所有精華，食到停唔到口😋😋越式豬頸肉雖然叫細份，無諗過佢咁多，外皮香脆，又有咬口，真係好抵食。而越式炸春卷，用料充足，胡蘿蔔絲、木耳絲等都好入味，所以啲小食都好有驚喜😃Ha Noi 越南菜地址：尖沙咀彌敦道36-44號重慶大廈地庫Health21號舖

📍Ha Noi 越南菜 (尖沙咀)尖沙咀彌敦道36-44號重慶大廈地庫heath 21號舖尖沙咀太多嘢食又唔知想食啲咩，但又好想食啲fresh 少少野，仲有選擇咗呢間主打越南菜。點知又真係幾好味！🍲河內生牛肉湯河$60牛肉份量都多，配上佢哋特別製造嘅檸檬汁，超級開胃。 加上超級大碗，啱晒食量好勁嘅朋友！🍅順化蕃茄蟹肉扎肉湯檬$69蕃茄湯底味道好好味，酸酸甜甜咁樣！配上大量嘅蟹肉，更加開胃！ 豆卜吸晒所有嘅湯底，超級鮮甜！ 成碗嘢好足料！ 🧆追加兩款小食越式豬頸肉$32上湯灼田園菜$20🥃熱蜜糖柑桔$24🥃越式青檸冰$30🔔總結：價錢親民化，選擇多多。份量又大件，員工好親民！調味適中，下次會再食！ 地點⭐️⭐️⭐️⭐️味道⭐️⭐️⭐️⭐️環境⭐️⭐️⭐️⭐️服務態度⭐️⭐️⭐️⭐️（5星為最高分）

今天提早收工，可以和同伴慢慢嘆下午茶兼early dinner。今次試試這間位於重慶大廈地庫——Heath的越南餐廳。店內裝修乾淨整體，門口的位置有一幅漂亮的壁畫。炸軟殼蟹叫主食可以追加小食一客，我們選了炸軟殼蟹。軟殼蟹大大隻，炸得香脆，蟹身啖啖肉，很可以😁越式春卷撈檬撈檬是我吃越南菜必吃item。越式春卷很巨型，餡料是滿滿的肉碎，非常足料，好味👍🏼撈檬汁酸甜度適中，很清新順口。順化蕃茄蟹肉扎肉湯檬這個是朋友的最愛，我還是頭一次吃，一試才知自己一直走寶了😂 蕃茄湯底盛載著蟹肉、扎肉和蟹膏蛋。扎肉相當厚切，蟹膏蛋味道甚有驚喜。不用七十元有這麼大碗而且材料豐富的檬粉，CP值超高越南滴漏咖啡越南咖啡口味偏nutty，而且有種獨特的香味，加上煉奶，帶點甜又香滑。龍眼冰龍眼冰非常清甜，吃完炸物喝龍眼冰，很舒服

👉尖沙咀重慶大廈地庫，活化後🈶️很多食店進駐，各國美食，跟上面的印度咖喱🍛🈶️着另一片天🈳️⋯⋯📌順化蕃茄蟹肉扎肉湯檬 $56 ～ 新鮮蕃茄🍅湯頭非常濃稠，蟹肉🦀️為數不少，跟蕃茄很搭配，又鮮甜。蕃茄微酸很開胃，豆泡吸收了湯汁超好味😋，忍不住把蕃茄🍅都喝光了‼️📌越式河內三寶飯(豬扒、雞翼、扎肉）$64 ～ 一次🈶️齊3⃣️款名物，飯會另跟甜豉油自調口味，香脆雞翼肉汁豐富。豬扒香茅味出眾，蔥油放面，下飯超好吃。。。😋📌越式炸蝦餅（細）$30 ～ 即製熱焫焫，厚切炸蝦餅用料新鮮，爽口彈牙。😀📌越式豬頸肉（細）$30 ～ 濃邊豬頸肉夠焦香，少少肥入口甘香，點上泰式甜酸醬吃不停。☺️📌椰汁冰、📌椰果椰汁西米露 @$12 ～ 主食 +$12 配特飲。。。椰汁🥥香甜，想有咬口，可選粒粒椰果西米露！！🏬 Ha Noi 越南菜 (尖沙咀)🚦 尖沙咀彌敦道36-44號重慶大廈地庫heath 21號舖

越南的風情餐廳😆尖沙咀行返攰咗，同朋友食呢間越南菜好大間的設計座位舒適，唔會好逼可以話真係幾地道又好味火車頭河粉，可以轉檬粉牛丸牛筋生牛肉配送佢哋濃郁嘅牛湯底一齊食炸蝦餅撈檬粉，酸甜滋味想落幾多就落幾多，超級開胃哇蝦餅炸得好酥脆口感飲品椰汁珍多冰🧊同埋滴漏咖啡個味道都一流裏面好多配料叫兩個小食就真係好滿足啦香噴噴豬頸肉，唔會好油膩反而味道適中仲有炸軟殼蟹，真係一大隻所以$48好平，外皮都係熱辣辣呀