H.OURS Bar & Restaurant

營業中

休息中

聽聞太子有間酒吧個happy hour set好抵，今日收工就去試吓，落緊雨又唔太熱試吓坐出面又幾好feelG叫左個＄99set飲住杯白酒坐喺出面感覺好舒服，睇住人來人往車來車往繁忙嘅城市可以忙裏偷閑真係唔錯，講番個happy hour set真係唔錯，尤其個蝦醬雞翼，個種咸香味真係難忘，有個白飯送仲好，聽聞係老細秘方醃製值得推介，最後飲左2杯白酒＋個蝦醬雞翼坐左個零鐘幫自己充充電就埋單，下次必定會再來，好嘅小店值得支持，

太子酒吧街中價格相宜、氣氛輕鬆的酒吧，酒吧不僅價格親民，仲有舒適的戶外位置，可以同朋友chill chill 這家酒吧極高性價比，happy hour 時段99蚊有兩杯野飲一個小食，價格都非常合理，見到menu的蝦醬雞翼唔係週圍見到，口味獨特而且非常香口送酒一流！menu 上仲有其他小食同埋pizza 、意粉。今次9點幾黎到，仲有$298 啤酒tower,真係好抵飲！

今日熱到爆，咁啱經開太子做嘢搵間酒吧happy hour，就見到間酒吧門口大大隻字寫住$99happy hour set😱，2杯500ml啤酒+個小食先係$99蚊，小食仲有幾款選擇，炸薯條、炸燒賣、炸雲吞、炸咁洋蔥圈、炸蝦醬雞翼，聽店員講個蝦醬雞翼仲係老細秘製，出面食唔到，非常惹味，送酒一流，$99無花無假，以後同人傾野都黎呢度，好過係某啲茶餐廳坐得耐都俾人黑面，誠意推介俾各位agent同業👍🏻👍🏻

幾年前當我第一次經過門口，呢間Bar感覺好有温馨小屋，然後可以與一兩位良朋知己把酒談心嘅好地方，於是去過一次之後，親切感更濃，因為一間舒適嘅清吧喺旺角比較罕見，老闆與經理嘅熱情友善招待，更讓人難忘！加上店主精心製作嘅小食配送酒品，令人有賓至如歸嘅感覺。自此以後，我每逢周末都會同朋友去飲番兩杯Bartender Special 同一份酥炸雞軟骨，樂而忘返。最重要嘅係，收費合理，花生好食😋亦唔會似周邊嘅劈酒場咁嘈吵，收費超乎你想像。

夜麻麻凌晨去到太子想覓食發現到呢間餐廳menu幾吸引Order左好多野食 全部即叫即做 香噴噴！！！雖然都係小食 但每一樣都好好食👍👍👍👍用尼送酒一流！支持大家過尼一齊覓食！叫酒飲仲有小食送！！！

I booked a table on Thursday Night Happy Hour. First thing I liked about this bar / restaurant is they have Heineken on tap 🥳From the first beer I lost track of the cost of anything we ordered 😂 This is a great sign of enjoyment and trusting the staff from the establishment. The bar manager is very polite, friendly and conscientious towards her customers. We ordered a variety of bar snacks for sharing amongst the 5 of us. We made sure we ordered dishes that were easy to share and not messy

前日好開心同屋企人去咗太子酒吧街，一間餐廳，呢一間食咗一次真係會上癮啦，食物超級有水準，好好食，下次同屋企人嚟，一定要係食呢間啊，首先去到餐廳位置，非常之方便，跟住太子警署對面，位置好方便，係中心點，至於食物方面，我哋叫咗一個集扒配薯菜，集扒超級抵食呀，有豬扒雞扒，午餐肉，有雞翼，有腸仔，加埋一齊呢個配搭真係唔錯呀，而且仲有另外一個餐都係十分之推介，就係軟殼蟹漢堡包，呢個漢堡包夾住菜，有黃牛，超級大塊超級口，所以我覺得好抵食，然後加埋軟殼蟹係一流嘅絕配，然後呢度重點係走，可以嗌大大支酒，然後可以同朋友暢敘傾偈，又可以飲酒嘅地方，真係好放鬆好舒服啊，而且個氣氛係好寧靜，地方整潔，侍應嘅招呼都係熱情好有禮貌，會即刻解答客人嘅問題， 所以呢一間我非常之鍾意呀

今日閑來無事行過太子，經過呢間餐廳，本身係見佢岀面個牌寫160蚊包2杯啤酒加一款小食咁抵食就入黎坐低之後見佢有個招牌軟殼蟹和牛漢堡好似好正咁，見🈶客食緊好大個下，咁就點左，即叫即整，等左十零分鐘先上臺之後例牌相機食先🤣🤣🤣食過和牛好正，另外軟殼蟹都好脆，成個配搭唔錯既，我就剛剛夠飽，但如果你大食，佢唔知加多幾錢就再配埋薯條，整體感覺掂既啦，對得起個價錢，至於環境就幾好唔太嘈，適合一支公，情侶來吹水咁，員工有禮貌既，絕對可以下次再來

🌼喺花墟行咗成日 好想搵個地方坐下 飲杯嘢 咁岩行過H.ours 就入咗去🌼環境行外國風情 氣氛都好舒服 店員都好有禮貌 仲幾熱情 好有去外國嘅感覺🌼粉藍色嘅Sweet Mountain飲落去透心涼 啱晒行完花墟嘅我 味道甜甜地 酒味唔會好濃🌼朋友叫咗啤酒🍻都係比較特色 最緊要夠凍呀～爽呀~🌼另外我哋叫咗個炸午餐肉 佢係超級厚切 完全係有1cm咁厚 外脆內軟  🌼飲住啤酒食午餐肉 好奢侈  🌼小總結位置便利 離太子站2分鐘 亦好容易搵到 食物嘅質素都幾好 見到有意粉 下次可以去花墟之前黎咗食lunch先💕仲有自家製蝦醬雞翼 都幾吸引 一定要試吓💕💕

今日happy Friday，收工之後約埋幾個好姊妹，去咗太子H.ours💕其實都唔係第一次去，因為呢度嘅嘢食，真係好好味，環境又岩哂我地打卡，食物質素又5差，成為我哋幾個嘅老地方💕今次由於幾個姊妹都食飽咗 所以就冇嗌意粉 但係都有嗌到一啲小食 好似炸物拼盤同埋雞翼💕 生炸雞翼真係好正今次就介紹飲品俾大家聽啦💕我自己就嗌咗杯pink lady，襯返自己套衫💕叫得pink lady 就當然成杯都粉紅色，超級少女💕入口順滑，有淡淡的酒味，適合女士飲💕另外環境其實真係好靚，疫情咁耐，成班姊妹都冇得去旅行，所以喺香港有一間好似外國嘅酒吧真係好難得💕

作為雞翼公主嘅我，當然要食盡天下雞翼🥰同事話 呢度嘅蝦醬雞翼 ，非常出色😋叫我一定要去試吓 所以今日就捉咗老公 陪我去回一回佢🤨嚟到嘅時候 見到寫住自家製 即刻興奮 因為叫的自家製味道一定特別😍所以就叫咗啲雞翼 之前食過其他嘅蝦醬雞翼 味道都超級鹹 蝦醬味超勁 食完要瘋狂飲水 其實都有少少陰影🥶不過呢間嘅蝦醬雞翼未試過 唔可以咁快下定論 所以第一啖就係食蝦醬雞翼🤨第一啖食去 好濃郁嘅蝦醬 但係 蝦醬唔會好鹹 反而係濃郁 食完完全唔想飲水 因為佢只係蝦醬味濃 並唔係鹹😍搞到我一隻接一隻😋😋😋雞翼嘅肉質 亦都好鮮嫩 咬落去充滿肉汁😍

 阿妹因為疫情最近放假，作為家姐當然要帶佢出去食吓嘢，放鬆吓。今次就帶咗佢嚟呢度，佢第一次去酒吧🤨帶佢去見識下😂妹妹好鍾意食炸嘢，所以我哋嗌咗兩個小食：1.炸物拼盤2.香草焗德國雜腸（原條）先講吓炸物，好多時都會炸到啲嘢乾爭爭，不過呢度完全唔怕，有個炸蝦🍤蝦肉唔會莓，炸皮香脆，亦都唔會太厚🥰另外洋蔥圈，外脆內軟🥰大推👍👍👍👍德國雜腸，都有好多款唔同嘅腸，5會好似得2款腸咁。同埋分量都幾巨，我同妹妹都食得超級飽💕妹妹仲話下次要叫埋屋企人一齊嚟試吓，多啲人食得多啲喎😋😋因為我阿妹同我阿媽都超級鍾意食呢類型嘅菜式！

老公成日都想食和牛漢堡 但係全部都好貴 仲要未必超好食 所以今次我哋就決定嚟試吓呢間酒吧嘅和牛漢堡 見到價錢都幾親民 即刻叫咗個試吓 本身都冇乜期望 因為出邊嘅又貴又唔好食 但係點知嚟到 嘩咗一聲 大大件 和牛漢堡又厚 咬落去唔會乾 仲幾JUICY 裏面仲有新鮮蔬菜 生菜同埋蕃茄 口感超豐富 仲要加埋自家製醬汁 真係冇得彈 另外因為驚唔夠飽 所以order多個香草焗德國雜腸（原條） 每一條腸 都非常高質 唔會好似出面普通腸仔咁 個皮超脆 ❤️和牛漢堡$68❤️香草焗德國雜腸 $88我超級愛，下次會再嚟的🤭

成日都黎嘅條街搵嘢食 但次次都5入黎嘅間酒吧 今次終於決定黎試吓 一坐低就嗌咗兩杯啤酒 熱辣辣坐低飲杯啤酒即刻爽晒 然後就嗌埋2個小食分別係香草焗德國雜腸（原條）同意式薄餅 😎德國雜腸 條條都超大條 咬開個脆皮 啲汁會爆哂出黎 😎意式薄餅 唔同出邊Pizza舖 佢係薄底都幾香脆 超多芝士 但係一啲都唔膩 呢兩個小食 雖然係小食但份量超多 傾吓計 飲下啤酒 都非常足夠 另外值得一提 服務態度好好 店員好樂意介紹食物唔同啤酒比客人選擇 真係值得一讚👍

今日同老公收工嘅時候 突然間好想食德國豬手 然後飲番杯啤酒 老公同事介紹我哋嚟呢度食飯 因為佢哋食過呢度嘅鹹豬手好好味 既然有人介紹我哋就一於去試吓😎😎入到啦 比呢度嘅外國風裝修呃咗我哋去咗旅行咁 太耐冇去旅行 有時候都好想搵返啲地方 會有去旅行嘅感覺 呢度就有啦🤠 講返正題先 既然同事介紹得 所以我哋都有嗌到德國鹹豬手 鹹豬手拎到過嚟 熱辣辣 仲要切好晒 非常適合唔鍾意麻煩嘅你哋 可以好好享受鹹豬手 唔需要再去苦惱 邊度切入去好😵😂飲品方面 老公嗌咗杯麥啤🍻而我就嗌咗杯Something (Vodka, 菠蘿汁，橙汁)酸酸甜甜 非常容易入口 如果怕走味太濃 都可以order呢一杯🍸 味道方面 菠蘿汁同橙汁嘅味道都唔會太假 唔需要擔心係藥水味💕 食物❤️❤️❤️❤️飲品❤️❤️❤️❤️環境❤️❤️❤️❤️❤️服務❤️❤️❤️❤️❤️五個❤️為滿分