GRIND SIZE

營業中

休息中

《窮·撚賣咖啡》☕️以白色為主的文青café。有兩層，樓上有梳化及榻榻米坐位，可以打卡拍美照～📸價錢合理，份量足，味道也不錯～絕對是會回頭的口袋Cafe之一。環境企理闊落舒適～可以跟閨密好友坐低慢慢食慢慢傾。🍝日式黃金蟹膏三文魚籽帶子明太子手捲粉捲粉材料好足～味道剛剛好😋 好喜歡！🍵抹茶鮮奶的擺盤蠻特別的，很適合用來打卡～這次來是以正餐主食為主～未有機會試到他們的甜點，下次再來試試他們的甜點～

終於有空閒日子約到好友去CAFE打下卡放空CHILL下，呢間一早已經喺我嘅BOOKMARK LIST裡面😉今次我地叫左GRIND SIZE BREAKFAST($148)、車厘茄.焦糖無花果.牛油果.瑞可塔芝士多士($98)、抹茶鮮奶(凍)($52)呢到有樓上樓下兩層，特別係樓上空間感更大更舒服，有位置可以打下卡開心下😆GRIND SIZE BREAKFAST：黎得放鬆傾下計當然唔少得嘆返份ALL DAY BREAKFAST，包括有香腸、煙肉、煙三文魚、蕃茄、茄汁豆、大啡菇、薯餅、炒滑蛋、巴馬火腿、多士、沙律菜，擺盤非常精緻，份量十足，可以滿足你一日嘅能量需求😍香腸同煙肉燒得好香脆，而且唔會太油膩😉煙三文魚肥美帶點鹹香😋蕃茄同茄汁豆都幾清新可口，可以中和下其他食物嘅油分😁大啡菇同薯餅都幾香口而且口感好😎炒滑蛋做得好滑溜而且唔會太乾身😍巴馬火腿切得幾薄片，而且肉質彈牙😄多士烘得好香脆，而且唔會太硬😆沙律菜都幾新鮮同埋清爽😎車厘茄.焦糖無花果.牛油果.瑞可塔芝士多士：呢個係一個好特別嘅多士配搭，將新鮮嘅車厘茄、焦糖無花果、牛油果同埋瑞可塔芝士放喺多士上面，賣相精美吸引，味道非常清新惹味😍每

📍 Grindsize(旺角） 好鍾意依一間Cafe嘅環境氣氛，好寧靜，可以自己一個睇書或者Hea下，又可以同朋友Chill 下吹下水，享受一下放鬆嘅時間🤩店內除咗有咖啡飲仲有小食，主食，前菜，應有盡有～🔸 蟹肉明太籽流心西班牙蛋餅（$98）蛋餅外皮膨鬆酥脆，口感豐富，切開蛋黄汁不停流岀黎，金黃色嘅外觀相當吸引～內𥚃有滿滿既蟹肉同明太籽，非常豐富，見到每枱都會叫一個，真心推薦👍🔸 虎蝦 •風乾蝦•蒜辣鮮茄意粉（$178）啖啖肉，大大隻，充滿豐富蝦膏既虎蝦，食落彈牙有口感🦐意粉外嫩內煙靭，蕃茄汁🥫完美做到掛湯既質感，帶有少少🤏辣味，好滋味，值得一試👍🔸 黑芝麻鮮奶（$52）純正黑芝麻溝牛奶🥛飲起嚟好濃醇，加上純正黑芝麻更濃郁，一入口就感受到濃濃嘅芝麻香味，很順口耶～

Grindsize旺角通菜街10號地舖門口寫住「窮撚賣咖啡」 等窮撚去食下先餐廳係白色為主 但下層坐滿左人職員叫我上去上面 原來2樓係以波希米亞風好大隻字見字飲水 職員好細心一坐低就俾左2杯水我地仲好細心見我地叫左甜品收起哂碟 換左新碟同叉俾我地🥰蟹肉明太籽流心西班牙蛋餅上面有明太子+千島醬 出面有滑蛋包住 一切開以為流心 點知固體既見到入面薯仔粒粒分明 蟹肉好多 口感豐富 流晒芝士和牛漢堡配薯條成大半碟都係芝士淋係和牛漢堡上面 用眼睇已經好吸引啦和牛漢堡肉汁好多 加上有大啡菇吸收哂和牛漢堡既汁漢堡包皮煎到好脆 再配煮炸起薯條 好酥脆海鹽焦糖玉桂蘋果牛角包窩夫呢個係必點之一 牛角包窩夫好脆玉桂蘋果味好重 再加上焦糖醬味道岩岩好士多啤梨奶昔粒粒果籽 奶昔係比較稀 奶味比較重上面仲有玫瑰花做陪襯

📍#旺角 @Grindsize#羊羊在旺角#羊羊在九龍之前係cafe關注群見到呢間cafe，被佢哋啲裝飾吸引咗🥰下層小清新，上層波西米亞風裝修、配有榻榻米位，好打卡📸另外嘢食都好似好正，好多流心食物🤤順帶一提，店主應該係一班年輕人，見到佢哋好有幹勁做嘢，服務態度又好，真係幾值得去支持下✌🏻🐮慢煮牛面頰配港式煎腸粉 $158估唔到呢到有煎腸粉咁特別，點都要試下啦🤭上到枱見到啲牛肉多到遮住咗啲腸粉，人大概有5-6條腸粉😙牛肉好似沙嗲牛咁，但牛味重啲，仲要好軟嫩，好好味😋🦀蟹肉明太子蛋餅 $98小小一個，但係好厚同墜手下🤪蛋餅外層幾結實，但係切入啲就會流心😳仲見到有好多芝土同薯仔粒，勁邪惡，所以細細個已經好飽🥔🍋不是飲品•凍檸茶 $78一早就知佢係心太軟，不過食落比想像中有驚喜😄仲以為個心太軟係檸檬茶味，之前去其實地方食過好香精味🥹呢到竟然係茶味心太軟，溝咗伯爵茶同其他嘢，反正就好香，食落都天然😌凍檸檬係指檸檬雪芭，好fresh😆一啖心太軟，一啖雪芭，好夾🫶🏻人均價錢－～$170評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀服務：🍀🍀🍀🍀#hkfoodie #吃喝玩樂 #原

上層嘅環境係咁 同下層嘅色調好唔同，會安靜啲✓依舊好食😋😊我好支持呢個心太軟✨（詳情可以睇我之前寫嘅食評）Menu：等好好好耐😅😅即叫即整： 蟹肉明太子蛋餅（$98）真係好軟熟 震下震下~~~~~個碟仔都好靚好精緻唔知大家會唔會食得好少女 注意儀容咁慢慢了慢慢食（？）我就覺得一嚿大膽咬好食✨😁😁😁蛋汁會流勻成個碟呢個天氣冷氣唔夠大🏳️我喺外面冇出汗，入咗嚟食嘢卻出汗😅可憐

今次去咗旺角食fusion菜，呢間之前已經食咗三次，好少餐廳我會去咁多次，但係呢一間係真係每樣嘢都好有特色，而且好好食🤤 今次就叫咗一個dinner set + 小食 + 主菜🙈dinner Set $226🐚法式寶雲酥扇貝個名已經好吸引人啦！扇貝鮮甜爽口，酥皮酥脆，入口即化，外層薄薄一層，唔會太油膩😌 不過，份量較細，唔夠飽肚👀🐠 比目魚火炙味噌同日本豆腐 個味道好好食！比目魚新鮮鮮甜，火炙後更加香口，味噌同豆腐配合得恰到好處，豆腐滑嫩，入口即化👀 🥗 牛里脊水牛芝士沙律 $108牛肉煮得剛好，咬落去有啲嚼勁，芝士香濃，配上新鮮蔬菜，爽口解膩🧏🏻‍♀️ 沙律醬汁有啲酸酸甜甜，Nice!!🍣刺身帶子三文魚子明太子手卷粉 $158帶子新鮮鮮甜，三文魚子爆香，明太子微辣微鹹，配上手卷粉爽口，好好味！份量都好啱，啱晒兩個人share👭🥒青瓜咖啡☕️ $35係一個好特別嘅飲品，濃郁嘅咖啡味同清新嘅青瓜味道混合起黎，好解渴🥵 個味道唔太甜，啱晒唔鍾意太甜既人飲。不過，要小心唔好飲太多，因為咖啡因含量高，易有心悸。整體上，青瓜咖啡係一個好特別嘅飲品，值得一試！總括而言 (5個💙係最高)好味指數 : 💙

行過旺角見到俾佢門吸引咗，入到去原來有2層，仲有tatami坐，岩哂打卡！食物都好食，好滿足！😋1️⃣ 蟹肉明太子流心西班牙蛋餅 蟹肉明太子份量足，一切落去蛋汁就流晒出嚟啦，唔會太乾，口感濕潤，好好食！😍👉🏻 𝑹𝒂𝒕𝒊𝒏𝒈 : 𝟴/𝟏𝟎2️⃣ 日式蟹膏・三文魚籽・帶子・明太子手捲粉手捲粉好長，口感偏硬，每一條手捲粉都佈滿明太子醬汁同蟹膏，味道濃郁😍而且帶子同三文魚子都好新鮮👍🏻👍🏻 👉🏻 𝑹𝒂𝒕𝒊𝒏𝒈 : 𝟴/𝟏𝟎3️⃣ 巴馬火腿•辣肉腸•水牛芝士•青醬手抓餅 $108我嗰日青醬冇晒所以轉咗蕃茄醬，不過味道都夾，無諗過手抓餅係成個Pizza咁🤣 呢幾款材料加埋係好濃味嘅組合，對我嚟講略嫌太鹹👀💧👉🏻 𝑹𝒂𝒕𝒊𝒏𝒈 : 𝟲.𝟱/𝟏𝟎𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 味道: 𝟴/𝟏𝟎抵食指數: 𝟳/𝟏𝟎環境: 𝟴/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀!😋

聲明：本次消費全部自行埋單並未收任何試食優惠請店家不要胡亂舉報🙂🙂🙂真誠地面對負評OK？環境不太好，我地坐地面果層好熱，完全冇冷氣咁….但其實做為一間cafe咁樣真係不太好….味道只係一般般門口既然有大大個窮x買咖啡咁我expect咖啡質素有咁上下…但americano好一般抹茶latte啲好似好打卡茶味最濃最鍾意個牛肉沙律

喺繁囂嘅女人街，隱藏住一間悠閒cafe🍽️之前其實經過過一次，比門口搶眼嘅<窮>霓虹燈吸引到，近啲睇原來寫住窮撚賣咖啡😂所以我都要以窮撚嘅身份去幫襯下。店舖有兩層，裝修設計都幾有心思，而且食物選擇都好多啊👍🏻點咗兩份主食+兩杯飲品🥤<煙三文魚•松葉蟹肉•明太籽•貓耳粉>好match嘅配搭 可以分明食到蟹肉同明太籽嘅味道👅而且加咗蟹籽仲更加提鮮呢🦀貓耳粉細細粒 有咬口 幾鐘意呢個口感<慢煮牛面頰•港式沙嗲汁煎腸粉>估唔到喺cafe都食到港式風味🤩牛面頰好軟稔 煎腸粉都處理得好好 唔會煮到軟爛 而沙嗲汁好有驚喜 加咗花生特別香🥜辣味亦突出飲品方面，我點咗<士多啤梨奶昔>，好香濃嘅士多啤梨味🍓係新鮮嗰種，唔係假味😂質地仲好滑。朋友話佢嗰杯<濃爆72%Real朱古力鮮奶>都好對味，濃得來唔會太甜🍫

打卡熱點就佢門口『窮撚賣咖啡』港人一定會好深刻❤️ Cafe以純白色為主調，今日可以扮一個偽文青😝LUNCH set 1-SaLan❤️煙牛肉沙律Smoked Beef Salad燒牛肉沙律愈嚼愈香，也不覺膩。❤️水牛芝士沙律配意大利黑醋 +$28Mozzarella Cheese Salad With Black Vinegar黑醋的酸甜，洋蔥蒜末的甜辣，黑胡椒的煙薰香，羅勒葉特有的清香，再搭配上回味無窮的水牛芝士。2-maIn❤️牛油帶子龍蝦汁意大利飯Lobster Sauce Risotto with Butter Scallop意大利飯啖啖鹹香，配搭中蝦及帶子，更顯鮮味❤️希臘青醬半熟三文魚寬意粉Pesto Spaghetti with Salmon三文魚半熟好嫩滑，皮還是脆卜卜超香魚油香，食完個三文魚都唔夠喉🤣Snacks +32❤️香辣雞翼4隻 OR 芝士年糕 4件Dessert +35❤️比利時窩夫配雪糕

一去到門口就大大個窮字，好有共鳴呢🥲餐廳一共有兩層高，雖然裝修以簡約為主，但係都可以見到加咗唔少點綴，例如「見字飲啡」同埋有d波西米亞style，有少許特色之餘又唔會太過單調😆 係時候入正題介紹嘢食🍽每款嘢食上枱都勁吸引，可以見到擺盤擺得好靚，而且份量都幾足料，可以見到大大粒嘅帶子、好大條八爪魚腳同埋大舊肉嘅龍蝦，睇見都勁有食慾！🤤🤤我今次食龍蝦多士，分量勁勁勁大份！順便想講吓佢哋個多士係酸種麵包🍞，仲要烘到外脆內軟，入面仲加咗啲杏脯粒，有口感之餘又多咗啲風味~另一位朋友叫嘅瘋狂芝士大啡菇toast都係同一款麵包，佢個芝士sauce好香好creamy，雖然成件事好邪惡😈，但真好味到單食個醬汁！🤣食到飽晒但係食甜品係另一個胃😛甜品分別叫咗髒髒牛角包窩夫同埋鹹蛋黃比利時窩夫🧇覺得佢個牛角包窩夫做得好出色，外面好脆，入面軟糯帶啲煙靭，個醬係nutella加oreo碎，呢個組合真係冇得輸🤤！另一款比利時窩夫就失色少少啦，但係就好欣賞佢個鹹蛋黃吉士醬，其實加埋就會變咗奶黃味，朋友略嫌甜咗少少感覺有啲膩，但係我就覺得都幾正，值得一試~😋總結：依間café係可以encore嘅😆🤣真心好想試吓佢哋嘅咖

今日晚餐要自己搞掂，想有儀式感啲但又想試下啲特別野，於是醒起之前有經過呢間西餐廳覺得幾有feel🍝於是就揾下menu發覺有fusion菜式🐮仲要係exactly我心水，於是就決定試試🤤。🐒慢煮牛面頰•港式沙嗲汁煎腸粉💰$158🐒松葉蟹肉 •蟹籽沙律•柑桔油醋💰$108今次揀左沙律同主食🥗價錢就同平時set dinner差唔多，以環境同食物質素黎講覺得值得一試🤤。首先講左港西fusion既呢款主菜先，因為真係好impressing😍佢個慢煮牛面頰勁冧，而且牛味好重🐄配埋個港式沙嗲汁真係好正，而濃郁既醬汁同煎腸粉一齊食都唔會令腸粉好齋🥜對於我中意食腸粉既人黎講好岩食👍🏼 。而個沙律既蟹肉好多🦀配埋柑桔油醋好開胃，無論係主食前後食都可以好好發揮😌前者開胃，後者解膩✅。另外值得一提既係餐廳係2層設計，上面既空間環境原來仲舒服，仲有唔少打卡位俾我地影相添📸

上次同同事早放工嚟過呢間cafe打躉，覺得環境好舒適，感覺好文青嘢食行fusion，都整得好唔錯，今次再訪試吓食晚餐卡邦尼大胃都經常食，溫泉蛋係佢老友烚到流汁，撈吓闊條麵，醬汁嘅味感up配豬面肉代替煙肉，比較彈牙，更有肉香薯條係普通食材，但炸到咁脆卜卜，真係唔係間間都得，面頭有大量木魚同紫菜，仲有大阪燒醬，真係好有風味胃民竟然係第一次食croffle，表示對呢樣嘢好有驚喜，就連成日食croffle嘅大胃，都覺得醬汁、口感都一流，相信海鹽焦糖係關鍵呢間有好多種類嘅咖啡，焦糖燉蛋味都有，唔會死甜，topping creamy青瓜咖啡一啲都唔奇怪，出奇地夾，另類提出到咖啡嘅香

旺角真係好多唔同既cafe，今日去E間裝修有少少希臘風，令人感覺好舒服，可以係到hea一個下晝🔸香辣雞翼（跟餐+$32）烤焗得岩岩好，咬開雞翼仲有d肉汁🔸煙牛肉沙律（跟餐）清新沙律菜加黑醋汁， 煙牛肉有成3大塊，超有誠意🔸椰香冬陰功野菌長通粉（$78）素食人仕之選，入面菇既種類都唔少，海鮮菇雞髀菇冬菇鴻喜菇。冬陰功酸爽開胃，香辣濃味,，配上中空嘅長通粉🔸牛油帶子龍蝦汁意大利飯（$98）帶子軟淋嫩滑火侯岩岩好，簡單用海鹽跟黑椒調味，龍蝦汁意大利飯，初初我以為真係得汁，原來仲有好多龍蝦仔肉係飯，性價比高🔸比利時窩夫配雪糕（跟餐+$35）窩夫上枱時仍有暖哄哄溫度，雖然跟餐細細舊，但餅上有一整球雲呢拿雪糕，加上配料，十足木糠布甸，配上焦糖一齊食，幸福感爆燈🔸冰搖荔枝檸檬紅茶（跟餐+$35）茶底滲有淡淡檸檬香，荔枝味比較突出🔸凍抹茶鮮奶鮮奶（跟餐+$35）鮮奶抹茶糖水 放木盤一併上，賣相吸睛。可以自己動手很樂趣，而且甜度都可以自己調節餐廳雖然係小巷入面，但都keep住有人入坐，可想而知餐廳都小有名氣☺️