Greyhound Café (MOKO新世紀廣場) (已結業)

得知此店頗有名氣，因此特選此店與同事共晉午餐。這裏午市套餐$98便有交易，有湯或沙津及主菜。當天我揀了蝦忌廉湯，主菜選了帶子露筍寛麵。蝦忌廉湯內有一隻蝦分成兩粒，是啤了水的那種蝦，爽口而沒有味道，湯則有點像龍蝦忌廉湯，有點海鮮味，但過鹹，這個鹹度似用來做汁多過湯，所以喝完這個湯是需要飲些清水冲一冲味蕾。主菜帶子露筍香草汁寛麵，灑了點芝士絲，同樣是鹹度十足，但香草味也很濃，每一條寛麵都能掛滿忌廉香草汁，這香草味不是西餐吃開的味道，是揉合了泰式的香草，味道相當吸引，至於主菜中的三片帶子，濃濃的鹹味帶有輕輕的帶子味，帶子尚算合格，整體來說，我頗為滿意這主菜。吃吧了主菜，我們三人還未夠飽，所以以套餐價加$30可多選一款甜品，我當然選了人人讚好的椰子千層蛋糕，忌廉輕而滑，帶有清香的椰子味，每層以薄薄的班㦸皮、椰子肉條及忌廉相間，椰子肉條與椰子味忌廉同吃，配搭得宜，這件蛋糕最令我回味的是輕滑的椰子味忌廉。整體來說，我對此餐感到頗滿足，只是湯和主菜若能減少鹽份，味道其實反而會更佳，所以今次我沒有給笑臉。

老公生日一早打黎訂枱係因為呢間野可預訂生日字句放在甜品上，一早預訂個happy birthday to my love 既生日牌staff仲叫我放心佢地識按排。當日去到，食飽叫左甜品千層芒果蛋糕後，我都估到佢地可能冇記性我扮去洗手間去提個staff 我訂左生日牌，因我想比個驚喜老公，佢地又係話佢地知道識按排!! 結果碟蛋糕來到沒有放牌，真係火都黎，咩驚喜都無哂，叫個staff埋黎當住老公面前問點解冇牌先就話唔好意思唔記得左!!!! 呢餐生日飯個驚喜完全冇哂，選這餐廳的意思也沒有了，沒有heart, 沒有記性的staff.no more next time !!!!!

Greyhounds cafe 係泰國時裝品牌的副線，時裝界嘛... 品牌概念通常都離唔開生活品味什麼什麼啦😁 裝修簡潔得來有細節，用色無敵，係相當令人C服的設計。食品方面以泰國菜同西洋菜再配精美甜點為主，選擇實在太太多同雜左d, 對於有選擇困難的朋友可能有點難攪了😅。今次點左海鮮夾薄餅，說實在味道一般，薄餅皮煎得太脆，我個人會比較喜歡有點點軟的有點厚度的啦。另外點了一杯泰式咖啡，還好吧。食物真心不過不失的程度囉。

是晚星期六，在旺角與友人諗唔到食乜好，上openrice search 到呢間，於是傍晚打去book,仍可以book 到八點。到達時，門外仲有人排緊隊，好彩book 左唔洗等。裝修不錯，工業風得泥，又加左d 北歐傢俬sofa,幾有品味。開始點餐，睇完大家介紹，於是叫左d 招牌菜。三文魚、炸粟米餅同豬肉丸米粉。果然冇介紹錯，三文魚用左泰國生蝦汁去配，感覺好新鮮，平時食生蝦先有既味，配三文魚出奇地夾，fusion 得好正。粟米餅炸到好脆，冇多餘既炸漿，粟米粒粒又大又分明，最緊要唔硬，同埋唔油，配泰式辣醬幾開胃。豬肉丸米粉，係用泰國米粉，好幼身，唔係hk 果d, 個湯飲得出同喺泰國食果d 差唔多，抵讚！總括都好滿意，係服務差少少，冇人俾水你，食米粉冇俾碗，加水叫左幾次，有侍應打爛杯，如果唔mind, 只著重食物，係值得一試的

與同事慶祝生日要吃泰國菜 又要近鐵路沿線便到此慶祝平日的晚上6:15pm不用等位但很多位已預留訂枱今次點了泰式菌菇金邊粉泰式羊肉串黑磨菇忌廉湯泰式鱸魚芒果沙律鮮椰子千層蛋糕先到的是鱸魚芒果沙律鱸魚炸得夠脆不會腥 但需小心幼骨芒果沙律配酸辣泰式醬雖然不能吃辣 但的確很清新開胃再來泰式燒羊肉串三串羊肉伴三串燒青瓜羊肉不會羶但 我卻要讚賞那三串薄片燒青瓜黑磨菇忌廉湯夠香濃喜歡 伴碟的多士泰式菌菇炒金邊粉最初 看它的色澤還擔心不夠酸吃下去 酸度剛剛好若果 芽菜可與金邊粉一起炒會更好最後鮮椰子千層蛋糕多年前已吃個一次但已忘記味道今次 再嚐不會太甜 千層蛋糕夾著鮮椰肉口感非常但 同事嫌太多cream了整體而言餐廳環境不錯座位不算太迫服務員態度亦友善若果想在旺角找新派泰菜這裡 推介

排隊等左30分鐘終於入得,裝修靚梳化位坐得好舒服單骨雞翼-炸得夠脆單骨方便食,味道椒鹽咸咸香香普普通通香蒜牛柳粒-最後先上菜,牛柳粒冇牛味有筋肉質梅梅地,成碟冇味得橄欖油,非常失望16粒要成$120但可以用難食易容沙嗲雞肉串-串燒冇特別同急凍貨一樣,食唔到香料味,沙嗲好稀同淡,青瓜同洋蔥串有處理過酸酸甜甜好清爽,不過賣相真係好靚大蝦金邊粉-粉粉到碎晒冇彈性要用匙羹食,大蝦爽但冇鮮味反而蝦乾好香蝦味,份量奇小但整體味道酸甜唔油好味意大利海鮮餡餅-餡料勁足海鮮夠新鮮,餅睇落好脆但食落有小小薄餅感覺,蕃茄醬味道濃郁,好食椰子肉千層蛋糕-椰子肉好豐富啖啖果肉,千層夠薄唔會好膩,忌廉比較多左,味道偏甜但整體唔錯2大1小價錢食物只食賣相希望變成失望,而且坐低到食完都見餐廳hold住3張枱唔入客,要客人排隊等做勢本人不喜歡此公司做法,另員工好似好忙不停行來行去,但不會主動收碟,加水另埋單叫左3次2次應完都冇反應,成間舖得做結帳果位小姐有反應同不停做,只會食一次冇下次

浪子今天到了旺角MOKO，與朋友在百樂潮洲酒家品茗，然後再睇海底奇兵2。因為中間還有約莫個半小時的關係，友人就提議到3/F的Greyhound Cafe食蛋糕。坐低的時候大約是下午二時許，聽到鄰座的食客說2:30下午茶，於是我們便問服務員拿下午茶餐牌及坐多一會兒才落Order。內裡的裝璜算幾特別，牆身的壁畫簡單得來很有風格。Tea set同散叫的價錢其實分別不大，主要是多$10多一杯嘢飲。我們叫了：這個mixed berries真係很酸，甜味不夠。但如果習慣了那個酸度，其實也很好食的。忌廉和餅底都在水準以上。幾種不同的莓加上忌廉和蛋糕底，這的確是一個很有層次的甜品。這個Fresh coconut真的令人感到驚喜。內裡的coconut係十分有口感和甜味，蛋糕的忌廉比起mixed berries更滑，味道較統一反而令人覺得容易接收。這杯泰式凍咖啡，味道較甜，咖啡味算重。但咖啡味真的只有一種味，而不是咖啡香。沒有太大驚喜。寫到這兒，浪子都覺得感該俾好評的。但是，席間發生了一件事，讓我覺得應該俾負評。事緣我和鄰座正在結帳的食客聽到以下對話：拿著結帳給鄰座的服務員向對講機說："你地睇下個Burg

今日約左朋友仔交收，黎到新世紀諗住是但搵間坐底飲杯野...最後係叫野食...冇叫野飲 !! 哈哈 ~~ 大家都想食咸野 ~~ 叫左碗豬肉丸河粉，佢河粉一塊塊 !! 好得意 !! 個湯好正 ~~ 豬肉丸都幾好食 !! 彈牙豬肉味夠 !! 個河粉好滑 ~~ 仲可以加魚露同其他配料 ~~ 各自既口味 !!招牌單骨雞翼，今次食有d乾...冇乜肉汁 !! 但味道一樣咁好 !! 食完2個咸既 ~~ 梗係叫個甜啦 !! 哈哈 !!好多野都好想試 ~~ 最後叫左個有選擇既 waffle ~~ 哈哈 !! 呢個係自選組合，我地叫左2個味道既 waffle 有朱古力同埋 velvet 啦 !! 仲有配料可以選3樣，咁我地叫左花生醬/芝士/rasberry sauce，3樣野都好夾，個人喜歡朱古力味既 waffle，配料就 rasberry sauce 同埋芝士都好夾呀 !! 個 cream 同埋牛油都可以唔駛加 !! 呢個自選組合太正喇 !! 下次可以再叫 !! 仲有好多配料要試架 !! 哈哈 ~~

終於約到準MAMI閨蜜見面，老娘當然遷就女皇MAMI想吃些什麼啦~~隨意在方便我們回家的旺角找了好幾家讓她選~最後決定寵幸一下這裡~話說老娘都真的好很久沒有踏足此地~~(MK,TST,CWB人多車多…如非必要都唔會到大型『人氣』shopping mall)好~廢話太多，說起都餓~分享一下當晚寵幸了哪些佳人啦~~友人不能喝~~讓姐幫她好好喝過夠吧﹗可是…(1粒)不能夠喝多一杯…是Lemon味洗潔精嗎？<迷你burgers~>4粒雖然要求waitress幫我們把她們一開二，她說辦不到~~然而，老娘親自下刀卻可以輕易完成，還沒有散~但3款Burger都很口我們口味就放過她啦~~~Bacon with Cheddar 及另一款有點微辣都是我的菜~只是本人不太好Jam，都給閨蜜吃~~嘰嘰~~~再來就是墨魚汁麵～《3粒》沒有腥味，可是不夠熱～減左分友人最期待的就是她~~新鮮上枱~~還熱的﹗<4粒半半)味道…有點像Thousand Island Sauce,帶點點辣，很惹味。最後來一個甜點作happy ending~友人點的菜(本身不是太好生果製的sauce)但cake本身是

泰式雞肉串燒:雞肉頗為嫩，唔算太乾，配上新鮮青瓜粒，紅洋蔥紅椒一齊食，感覺無咁油膩，點埋醬汁辣辣地，幾惹味。鮮蝦帶子墨魚麵：有鮮蝦，帶子，魷魚，蟹籽，小蕃茄，羅勒，辣椒等材料...賣相好吸引，帶子好鮮嫩，鮮蝦爽彈，魷魚圈一Ｄ都唔韌，醬汁有少少辣配埋帶有墨魚汁既麵，好食要俾個 安格斯牛-泰式青木瓜沙律-燸米飯：安格斯牛肉煎到岩岩好，濃郁既牛味仲帶Ｄ油香，配上泰式青木瓜沙律清清地，可以中和返牛肉既油膩，仲有煙煙韌韌既燸米飯，夠晒飽肚。海鹽焦糖-香蕉-oero餅：香濃既焦糖醬，配上忌廉，香蕉，oero餅碎同蜜糖，一匙羹由頂一羹到底，每種配料都有，先品嚐到唔同既口感，真係不得了，完全岩最晒我呢Ｄ好甜之人。

平時在新世紀行街經過這店都看見門前排晒人等位，我今日終於明白原因了。餐廳很大，有很多座位的，下午茶時間卻要排隊等位不是因為滿座，而是不開放餐廳入面部份的座位，而且職員清理好桌子後，冇人會立即叫等緊位嘅人入座，要人客主動問有位未，才會安排入座。雖然要等了一陣，但見到食物上枱，就覺得是值得等的。越南春卷炸得很脆，但又不會覺得油膩，生菜很新鮮可口。海鮮米紙卷配上很多款香草，很有特色，味道不錯。日式海鮮沙律比較辣，有中華沙律加上肉碎及海鮮粒，好醒胃。下午茶餐包一杯飲品，我們叫了泰式凍奶茶，凍檸茶及泡沫咖啡。凍檸茶很特別，D冰是由檸茶雪凍而成的，所以味道不會越飲越淡。

與友人於moko相約睇戲,睇之前先醫肚正值tea time,不過係greyhound係冇tea set既...先叫左個雞肉串,素菜拍照超美麗,但幾多人會食生辣椒(仲有埋芓係入面)生洋蔥同生青瓜呢,,,?真肉串有3串. curry汁味美炒金邊粉都好惹味,唯份量仍偏少(我唔會認係我大食架...)幸好我地當食tea,但如果dinner黎食,真係一人要食3-400先胞..

新世紀廣場裝修完之後有更加多嘅餐廳，今次我哋一行6人，就試左呢間Greyhound Cafe。我哋主要叫左四樣小食及主菜，再加兩件甜品。沙嗲雞柳串燒雞柳肉非常嫩滑，唔會燒得過火，配上沙嗲汁食，非常惹味。意大利肉腸芝士餡餅呢個芝士餡餅一試愛上，外型別緻，餡餅內有係濃濃嘅芝士，與當中嘅肉醬非常配撘。可惜只有4塊，要切開先夠分。單骨雞翼呢款單骨雞翼同平時嘅雞翼差唔多，沒有太大嘅驚喜。蟹肉飯配鹹菜湯蟹肉飯尚算足料，每淡都有一絲絲嘅蟹肉，鹹鹹地送飯一流。最後我哋叫左兩個甜品一個係Coconut crepe cake，另一個係Mixed Berries crepe cake。見到好多食家推介Coconut crepe cake，就叫左嚟試，當中嘅夾層有薄薄嘅crepe，加上椰子條，整體口感非常清新。但另一個mixed berries crepe cake就略嫌太酸，食落只有酸味，有點可惜。

朋友生日叫了一件椰子蛋糕慶祝。因為之前食過，真係不錯椰子蛋糕：依個椰子蛋糕真係好好味，雖然佢外表唔係特別靚，但佢有內在美，蛋糕入面夾雜住椰子肉，好有椰香味，Cream好滑，唔太甜。食落有少少咸咸地。一d都唔會覺得肥膩。正不過唔可以放太耐先食，會好易出水同溶。

如女朋友行過新世紀,路過GREYHOUND入去飲杯野叫左杯藍莓特飲,估唔到幾靚紫色加粉紅色,好靚飲起黎都唔錯,酸酸甜甜好好味莓味都幾勁,所以好好飲同埋好凍,凍冰冰好解喝不過差唔多成$50一杯,都幾貴