影片
我同家姐兩個人尋晚去藝術中心睇戲, 之前就去o左呢間餐廳醫肚( 其實當時大家都唔餓, 不過唔食都無o野做啦).<br><br>我地去都係見間o野門口幾好, 幾靜咁, 正當我地猶豫緊入唔入去( 好似無人嘛), 有個waiter 已經開門請我地入去. 咁就入啦. 撞鬼真係一個人都無呀! 成間o野得我地兩個人, 當時係夜晚七點左右( 星期日), 都咁靜局, 唔知點做落去啦.<br><br>anyway, 講番食物先. 我叫o左個大蝦沙律, 我覺得唔好食, d 蝦好"梅", 又唔算大, 我仲諗: 俾少少生果都好呀? 點知得少少唔甜o既罐頭粟米疊住個碟, 另外加d 西生菜. d o野就砌得好靚啦, 可惜唔好食呢.<br><br>不過, 我家姐叫o左個set dinner 都幾好, 佢話湯好飲, 仲有四片蒜蓉包( 平時叫一個湯都係兩片啦, 四片夠我地兩個人食囉), 仲幾好食o忝. 而主菜我家姐食魚, 都唔錯啦d 味( 不過食多兩啖都有少少"漏", 白汁係咁啦). 連埋曬兩個人食o左一百三十幾都ok 啦. 而且由於無人o既關係, 成個場好似我地兩個人包o左咁( 係到後來有一對男女入o左o黎, 先多兩個人客). waiter 服務不錯, 走人仲幫我地開門( 不過如果人多到踢曬腳, 我估就無咁好啦).<br><br>都值得一去o既. 不過死都唔好食大蝦沙律啦! ^^
繼續閱讀
都幾抵丫...$108 的羊鞍, 真係唔羶, 汁料很香, 包soup..salad...bread..and drink... 我就很喜歡個湯...幾濃郁....反而羊扒就一般D!坐位就麻麻地舒服, 勝在o野食好味...份量不算太大, 但足夠食飽飽.....
繼續閱讀