Grand Library (已結業)

Lunch time 約咗朋友食飯🥰去咗grand library 🤘🤘🤘呢到價錢都唔平所以好少同同事嚟食係約朋友先有咁嘅機會🙈🙈🙈有十令款lunch set 揀😊清清地唔使咁heavy 就揀咗鯖魚定食包埋味噌湯同飲品❤️一擺低真係嚇親😂😂😂條魚差啲就大過我塊面啦😂😂😂魚燒得好靚✨❤️點住日式醬油食都食咗大半個飯😆😆😆食呢個lunch 都幾滿足😊小結：就食物嚟講💕性價比都幾高Lunch time 嚟都真係爆爆地場😂🙈搵位都唔係靠早到係靠彩數😂😂😂

我再來吃它的招牌包，已有一段時間沒有來，中間可能是轉了老闆，食物質素差了些，也沒有出這款麵包餐，令我大感失望。不過最近經過見它再推出，就要吃我最愛的芝士蛋雞扒包，其實它像日式燒汁雞扒，但它的麵包超級鬆軟，跟其他地方的不同，但薯餅有點油，這方面要改善。

九龍灣商業區嗰邊，除左Megabox，其實I Square 果度都有唔少好野食。今日首次試呢間叫Grand Library嘅餐廳， 其實係畀佢好有格調嘅餐廳裝修吸引左入去。午餐嗌左一份滑蛋牛肉飯， 60幾蚊又有嘢飲又有湯，好抵食。

呢間餐廳係朋友公司附近，就黎食下。快餐店形式，先點單及付費，佢會比個感應牌你，自行搵位，然後放佢係檯上，之後會有服務員送上食物。豬扒焗飯配日式咖哩汁 $58，日式咖哩汁夠辣，惹味，焗飯是白飯沒炒底，豬扒不太新鮮，整體一般。韓式豆腐鍋 $65，內有豆腐、芝士腸和泡菜，味道不像平時的豆腐鍋，好濃厚既麻油味。滑蛋牛肉鍋 $58，三個主食裡最好食的一個，鍋上，個鍋夠熱，洋蔥很多，汁甜甜的，易伴飯。套餐分別點了凍咖啡+$2，和熱咖啡，不太好飲，咖啡太酸。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

每天繁忙的工作裏最期待的是吃午飯，前幾天因為工作的需要經過MegaBox剛好經過發現到原來這兒有餐廳。平日是帶飯派的我，今日專程過黎試新野。餐廳需要在門口先比錢點餐然後自己找位置，有分室內和室外，桌上有一個專屬位置放無線感器，讓餐廳職員知道你坐那一個位置，然後送上食物。點了一份壽喜燒牛肉鍋，牛肉份量比較少，蔬菜類和豆腐比較多，配一碗白飯和熱飲。食物味道普通，價錢上略為有點貴，但店員服務態度好同環境舒適，坐位闊落，十分上班一族一班同事閑談食飯放鬆。

呢間餐廳係正門經過係好靚 會吸引到你入去結果我就入左去了呢間野lunch time 有早鳥優惠 計買飛落單果下佢呢到好多選擇 今次叫左個和牛漢堡飯有湯送 d飯好爽口 個賣相唔錯 可以接受 價錢對得住重有一樣野 呢到好岩懶人 因為佢有送餐服務買完野坐底就得

感應器28號，單印住33號。等咗好耐，冇人識跟進，仲收咗我張單，轉頭問我食乜。第一次幫襯，花咗30分鐘，退錢了事，從來冇幫襯過，亦唔會有下一次。冇人知錯咗單點做，冇人識睇張單上面啲字，先做一個畀個客，淨係識送33號嘅order嚟。大佬，半個鐘頭內33號感應器賣咗幾次啦，仲會唔會係半個鐘之前果個order呀？腦袋是個好東西，請多多使用。

今日開會開到好晏，所以就去附近嘅餐廳食飯，之前聽老闆介紹咗呢間餐廳唔錯，所以今日就決定同同事一齊去試吓食。因為太肚餓，我哋一坐低，好快就叫咗一個雞扒飯，天婦羅烏冬麵。天婦羅比較耐，等咗十幾分鐘终於有喇，而且仲包埋嘢飲添。我嘅雞扒好鬆軟呀，一切落去就有好多雞汁，真係夠爽口呀。另外杯奶茶啱啱好，唔需要加太多嘅糖，味道啱啱好。之後再嚟個天婦羅烏冬，啲天婦羅即炸，好鬆脆呀，個量對女生黎講可能未必食得哂咁。餐廳個環境都唔錯，好舒服。而且啲店員都會等我哋走了之後至執枱，食完仲可以再慢慢坐吓，傾吓計

餐廳外面一張餐牌都無貼，見到張happy hour 告示同格局以為係西餐，原來係先點餐，搵位，店員再送上餐盤的快餐店形式。滑蛋吉列豬扒鍋，首先，鍋上就唔等於真係鍋嘅。滑蛋有，吉列豬扒有，但係淋哂，豬扒唔肥唔乾唔韌，但係豬味無哂。甜醬油的味道和洋蔥變得何其重要，是整個午餐味道的來源。麵豉湯無味，熱柚子蜜正常

同事帶我黎呢度食lunch，覺得非常驚喜，60幾蚊原來可以食到咁大條鯖魚。呢間Grand Library 要自己排隊比錢買野食，之後拎住個通知器坐埋位，就會有人將食物送過黎。店內好大，但都爆晒場。食過之後，明白點解咁大間都會爆場。我地叫左4款野食，份量多之餘仲款款都好味。我叫左豬軟骨飯，肉質好香好軟滑，分享左比同事食，個個都話正。鯖魚係原條上，但無諗到咁大條，男同事話好味，但都食唔晒，另一個同事話下次再黎要食呢個餐。肉餅飯又係好好食，另外仲叫左鰻魚飯，但忘記左影相。總結黎講，值得再黎，下面比張單大家睇下。

今日天陰陰,根本唔想出去食飯! 不過同事話近近地落樓下library食,唔使行咁遠啦!話說呢間Library都開左好一段時間,初先試我都覺得一般,因為全韓式lunch唔係好適合我! 不過近幾個月,轉左menu, 多左好多日式set lunch,就覺得多野食左,就去多左!今日食左豬軟骨玉子蛋飯,配熱柚子+麵豉湯! 個飯味道幾好好既,汁唔太濃,飯都幾多! 豬軟骨好淋幾好食,不過真係太少啦,得果3-4細塊! 如果多d就very good啦! 另一方面隻玉子蛋超正,蛋汁配埋個飯食無得彈! 而且個飯仲有好多菜可以食,都幾fresh, 唔錯!

上菜個樣已經唔開位，白飯煮的太淋，個汁食唔出係咩味，又淡口又唔好味。最大問題係，個好淋的白飯上面加左汁，d飯爛晒咁，好似放左好耐，先拎出都黎咁。隻蛋似係加上去砌出買相豐富d咁。雞扒有煎過，但雞皮淋，應該放左好耐。跟餐有個淡面無味的味噌湯。呢碟雞扒飯收人$55，但比另一款$49的上品雞扒差好多，雞又少d個汁又差，大家小心中伏。成間餐廳裝唔錯，但食物質素真係差到喊，可能大家都係叫返貴果幾樣啦唔推薦呢間

九龍灣而家已經係東九龍CBD，舊式工廠員工飯堂/茶記食一餐都唔平，最近發現megabox附近嘅exchange square地下呢間grand library好座得黎又有經濟早餐！餐廳有落地玻璃，樓底高，空間感十足，有高枱、大量四人枱同小量卡位。門外有幾張高枱，啱曬煙民。呢間應該係近年新開嘅，快餐店模式，採用電子餐牌，同無線取餐號碼牌，點完餐揀個靚位，舒舒服服等食。是日早餐揀左雙拼面餐，沙爹牛肉芝士腸辛辣麵加熱飲，盛惠32蚊，無錯，辛辣麵同出前一丁都吳駛加錢（即刻變得更加抵食！）送餐上枱，餐盤係木製，有D特色，碗係韓式不鏽鋼碗，好有韓feel講番碗麵，辛辣麵煮得剛剛好，無發脹變腍；沙爹牛肉，花生味重，好香，肉滑少筋，配埋辣湯原來味道好夾，加分！芝士腸有兩條，份量唔會將貨就價。熱咖啡係即磨咖啡，唔係港式咖啡，不過飲落口，香味不足同唔夠濃，滿足唔到我呢隻咖啡精，要扣返少少分～總評：以早餐黎計，地區、環境、價錢、食物各樣性價比都高！

今日係公司開完會遅了食午飯，諗住和同事近近地買外賣返公司食，第一次試這間，買了香蒜牛柳飯($69)+鳗魚飯($88),睇佢地show 出黎D相好似賣相不錯。點之同事一食件牛吐都吐唔切，牛肉「孩」+ 「靭」咬極都咬吾到，咬到後又發現牛柳入面係仍是血紅色，根本未熟！！同事一件都食吾到！！我個鳗魚汁味是不錯的，但係個鳗魚好腥，吃了一半已經冇曬胃口食啦！！俗語話辛苦搵黎志在食，唉！呢餐完全浪費曬D＄！以後不會再幫襯了，食物質素真的太差了！

返開九龍灣食lunch.平時返工食lunch都諗唔到食咩好,有同事叫我試下megabox附近一間餐廳話裝修好靚,咁我咪跟佢地去一去到個feel好似cafe,咁就入去坐低食我叫左個🐟日式魚生飯(HK$63) 試下. 拎到黎一食,發覺d🍚飯有一粒粒硬粒,一睇d珍珠米有d白色有d透明,明顯唔同,就叫待應換過個飯侍應話淨係幫我換過d飯,自己調d魚生過去新飯,已經有d嬲..但我照ok想快d食完走過左15分鐘都未有飯黎我就提提佢.過多5分鐘終於黎左碗飯,點知一食,係熱飯..重出緊煙..🍚再叫侍應黎睇佢話魚生飯應該係咁..最後我無食到叫佢退錢我就番左office今餐飯真係好唔開心..以後唔會再黎