Grand Library (已結業)

同事帶我黎呢度食lunch，覺得非常驚喜，60幾蚊原來可以食到咁大條鯖魚。呢間Grand Library 要自己排隊比錢買野食，之後拎住個通知器坐埋位，就會有人將食物送過黎。店內好大，但都爆晒場。食過之後，明白點解咁大間都會爆場。我地叫左4款野食，份量多之餘仲款款都好味。我叫左豬軟骨飯，肉質好香好軟滑，分享左比同事食，個個都話正。鯖魚係原條上，但無諗到咁大條，男同事話好味，但都食唔晒，另一個同事話下次再黎要食呢個餐。肉餅飯又係好好食，另外仲叫左鰻魚飯，但忘記左影相。總結黎講，值得再黎，下面比張單大家睇下。